ꤛꤥ꤭ꤟꤢ꤬ 10:25 - ลีเทส่อพ๊าอาเซ เร๊อ เห่ขุทวาลู๊

²⁵ “แว เฮ๊โท เป่ เฮ๊อ ซี เร๊อ ซี หยื่อเอ่โต่. เตโค๊ตีกลี๊คยา เด๊อ แว เม เร๊อ แวเพ อามุย เต๊เห่เนอ, อา เฮ๊เบ่ เป่เฮ๊อ เด๊อ แวเง เฮ๊อ.

Eastern Kayah Shadaw Dialect

²⁵ “ꤠꤢꤧ꤭ ꤟꤢꤩꤓꤥ꤭ ꤕ꤫ꤢꤩ꤬ ꤟꤣꤧ ꤞꤤ꤭ ꤚꤣꤧ꤬ ꤞꤤ꤭ ꤛ꤫ꤢꤦ꤬ꤢꤩ꤬ꤒꤥ꤬꤯ ꤒꤢꤩ꤬ꤋꤥꤒꤣꤧ꤬ꤊꤜꤤ ꤘꤣ ꤠꤢꤧ꤭ ꤗꤢꤩ꤬ ꤔꤢꤧ ꤠꤢꤧ꤭ꤖꤢꤩ꤭ ꤢ꤬ꤗꤝꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤟꤢꤩꤙꤢꤩ꤬ ꤕ꤫ꤢꤩ꤬ꤟꤣꤧ ꤘꤣ ꤠꤢꤧ꤭ꤑꤢꤩ꤭ ꤟꤣꤧ꤯

ꤛꤥ꤭ꤟꤢ꤬ 10:25 ပူးပေါင်းရင်းမြစ်များ

ꤛꤥ꤭ꤟꤢ꤬ 10:38

หม่าแน๊เรอ เก่ แว เมเฮ๊อ ฮู๊ แวเพ เมเนอ เฮ๊เรอ ซี เก่ หยื่อเอ่ แลแค เจ๊อ ตีกี๋ โต่ เฮ๊เนอ, ปีตี๊ตื๊อดื่อ เร๊อ ซี โตเบ่ หยื่อเอ่ ช๊าเหล่ แลแค เต เด๊อ แว เม อาโค๊ตีกลี๊ เนอเต๊เห่. ซี เก่ หยื่อเอ่ แว เตเม เต๊เห่ เฮ๊เรอ ซี เก่ ซิเงแฮ เร๊อ เพโอ่ เด๊อ แวกู เร๊อ แว โอ่เด๊อ อากู ปา, อา เฮ๊ เหย่ซี ฮู๊เนอ.”

ꤛꤥ꤭ꤟꤢ꤬ 8:58

เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “แว เฮ๊จ๊อจ๊อ ซี, เพอับราฮัม โอ่ล๋ายโต่ เนอ, แวโอ่ หนื่ออื่อ เหร่อ โทดื่อ เฮ๊อ,” อา เฮ๊ฉื่อ เหย่ซี ฮู๊เนอ.

ꤛꤥ꤭ꤟꤢ꤬ 14:11

เบ๊อะแว เฮ๊ เป่ ซี เน๊อ แว โอ่เกอ เด๊อ เพกู เร๊อ เพ โอ่เกอ เด๊อ แวกู เออเนอหมา, ตูรู๊ หยื่อเอ่ แลแค. ซี เก่ หยื่อเอ่ลา แว โต่ เฮ๊เรอ, ปีตี๊ตื๊อดื่อ เร๊อ ซี โต แม๊ แว เม เมเตโคตีกลี๊คยา เด๊อ แว เด๊อะโล โทเฮ๊อ เนอเต๊เห่ เร๊อ หยื่อเอ่เต เด๊อ แว เฮ๊ เป่ ซี เออเต๊เห่ เนอ.

ꤟꤤꤙꤚꤢꤨ 2:3

ฮู๊เนอเรอ, กู๊แหน่เออ เป เก่ แด่หยื่อ เกออู เตเมแลเปล๊กา อาดุอาแย เออ โต่ เฮ๊เรอ จอแปแหร่ เก่ เมจากาคยา หม่าแหน่ เจ๊อ เป ปา. จอแปแหร่ อา เตเมแลเปล๊กา อาแกล๊อาโกล เออเนอ, แบ่เจ่ อาเหน่กล่อ เร๊อดื่อ แด๊โฉ่โด่แน โล เหร่อเล๊อ เป่ อู เฮ๊อ. เร๊อ แกแย เด๊อ อา หนิโฮ ลู เฮ๊เออ เต๊เห่เนอ อา เฮ๊โฉ่โปล เป่ แฮเง เป่ เน๊อ เตเมแลเปล๊กา เตหรี่เตแก เออเต๊เห่ เนอหม่า อา หม่าแหน่ เจ๊อ ฮู๊เนอ.

เพรโด่แนพู๊ เต๊เห่ 10:38

โทเรอ จอแปแหร่ นว๊าแถ่ วีนาซาเร็ธพู๊ เหย่ซู่ เร๊อ อา เด๊อะ ลู แหย่โยบูโพ๊แบ่เจ่ เร๊อ อา เตโพรเตเตอเรออาฉว่าชอ ฮู๊เต เนอ, ซี ซิเง โทดื่อเฮ๊อ. เหย่ซู่ เลจว๊า เด๊อ เหล่โอ่ ปว๋า โต๊โผ่ เร๊อ จว๊า เมบุ๊ยเมเตอเรอ เป่ อู, แหย่โอ่เหม่ลอ แกแย โอ่ เด๊อ โลเน๊โลหน่า กู่กล๊อ เมนือเมจ๊า ลู เต๊เห่, เมเตเฮ๊เรอ จอแปแหร่ โอ่เกอ เน๊อ อา อาขว่าอาคยา, อา เมเฮ๊อ เต ฮู๊เนอ เฮ๊อ.

ꤛꤥ꤭ꤟꤢ꤬ 20:30

แบ่เจ่ เหย่ซู่ เด๊อะโล เป่ เตเม อาโค๊ตีกลี๊ เด๊อ อา โคเจ่ เต๊เห่ อาเป๊เส่เง เด๊อ อู ราม๊าโน เต่อ เบ๊อะลี เออต๊าบ่า อากู โต่ เต๊เห่เนอ, อา โอ่เอ๊ลา ปา เจ๊อ.

ꤛꤥ꤭ꤟꤢ꤬ 12:37

แบ่เจ่ เหย่ซู่ เด๊อะโล เป่ เจ๊อ เหย่ซี ล๊อ เตเม อาโค๊ตีกลี๊ เออเต๊เห่ เด๊อ เหย่ซี เป๊เส่เง เจ๊อ ตื๊อดื่อเรอ อา หยื่อเอ่ ปาแหน่แล ลู โต่โต่.

ꤛꤥ꤭ꤟꤢ꤬ 11:47

ฮู๊เนอเรอ เพรหลู่แต ทวาดุทวาเต เต๊เห่ เร๊อ ฟาริสี เต๊เห่ เอ๊ปล๊อ แกแยยิวพู๊ ทวาดุทวาเต เด๊อ อาโร เต๊เห่ เร๊อ โอ่กู๊โอ่แก๊ เกอเร๊อลู. เร๊อ เหย่ซี เฮ๊ เน๊อ, “เป เก่ เมฮู๊เต เออ? แกแย เออเตเพร เมโล เป่ อู เตโค๊ตีกลี๊คยา โร๊ลู เฮ๊อ.

ꤛꤥ꤭ꤟꤢ꤬ 10:32

หม่าแน๊เรอ แบ่เจ่ เหย่ซู่ เฮ๊ เหย่ซี เน๊อ, “เตเมแร๊ เด๊อ แวเพ นอเม แว เต๊เห่เนอ, แว เด๊อะโล เอ๊ เป่ลาเฮ๊อ ซี เฮ๊อ. หม่าแน๊เรอ ซี เตเร ต่าโต่ แว เร๊อ แว เม เตแร๊ เออเต๊เห่ เบ๊อะเต๊อเจ่อเต?” อา เฮ๊ เหย่ซี ฮู๊เนอ.

ꤛꤥ꤭ꤟꤢ꤬ 8:24

ฮู๊เนอเนอ, แว เฮ๊ ซี เน๊อ ซี เก่ เซอ ปา ตื๊อดื่อเรอ จอแปแหร่ ปลวาแก ซี เตซื๊อ เออเต๊เห่ โต่. แว เฮ๊ ซี เนอหม่า เออเฮ๊อ. แว หม่า อูเปเนอ แว แด๊โฉ่ เป่โทเฮ๊อ ซี เร๊อ ซี เก่ หยื่อเอ่โต่ เฮ๊เนอ, ซี เก่ เซอ ปา ตื๊อดื่อเรอ จอแปแหร่ ปลวาแก ซี เตซื๊อ เออเต๊เห่ โต่.”

ꤛꤥ꤭ꤟꤢ꤬ 8:12

แบ่เจ่ เหย่ซู่ เฮ๊ คยาแซ๊ แกแย เนอเต๊เห่ เน๊อ, “แว หม่า เห่ขุ อาเตลี. แกแย เด๊อ อา ครวา แวคยา เตเพรเพร เนอ, อา จว๊า ปา เด๊อ เตคี๊ อาเกล แตแค๋ โต่. อา เก่ พย๊าหนิ เตลี เด๊อ อา เด๊อ ลู ซิปล่อเซอเพร อาเซ เออเนอ ปา.”

ꤛꤥ꤭ꤟꤢ꤬ 7:31

หม่าแน๊เรอ อู หยื่อเอ่โหร่ หยื่อเอ่เอ๊ ปาแหน่ ลู แพ๊. เหย่ซี เฮ๊ แลแค เน๊อ, “ช๋า ครี๊ อู เฮ๊ เนอเตเพร แฮปา เบ๊อะเนอ, อา เก่ เม อาโค๊ตีกลี๊ เอ๊เล๊อปา เจ๊อ เร๊อ เออเตเพร ปา แอ?” อา เฮ๊ แลแค ฮู๊เนอ.

ꤛꤥ꤭ꤟꤢ꤬ 3:2

เตเซเคเนอ คูนิโคเดมัส แฮ เด๊อ เหย่ซู่ โอ่ เร๊อ อา เฮ๊ ลู เน๊อ, “ซ๊าร๊า, เป ซิเง เร๊อ เน หม่า หม่า ซ๊าร๊า เด๊อ อา โอ่ เด๊อ จอแปแหร่ อา โอ่แฮแล เตเพร. เป ซิเง เร๊อ จอแปแหร่ เก่ โอ่เกอ เร๊อ แกแย เตเพรเพร โต่ เฮ๊เนอหม่า อา เมแจ่ เตโค๊ตีกลี๊ ฮู๊ เน เม เออเนอ เตเพร่ว โต่.”

เพรโด่แนพู๊ เต๊เห่ 2:22

เร๊อ คูเปโตร เฮ๊ โป่ เน๊อ, “แวโค อิสราเอล ซี๋, หนิดา แลแค แว เตเฮ๊เบ่เออ! เบ๊อะวีนาซาเร็ธ เหย่ซู่ โอ่เตอเกอ เร๊อ ซี เบ๊อะเนอ, อา เด๊อะโล เอ๊ เป่โทเฮ๊อ ซี เตเม อาโค๊ตีกลี๊ เต๊เห่ เนอ เตเม อาตาปา อาคย๊าอายื๊อ เต๊เห่ เน๊อ เตเม อาโค๊ตีกลี๊ อา เมม๊าเมแด เด๊อ จอแปแหร่ เด๊อะโพรเด๊อะเตอเรอ ลู เออเนอเต๊เห่ เฮ๊อ. เออเนอหมา อา เด๊อะโลเฮ๊อ เน๊อ เหย่ซู่ หม่า อา โอ่ เด๊อ จอแปแหร่ อา โอ่แฮ ฮู๊เนอ เฮ๊อ. อา เม เป่ โทลอเฮ๊อ เตเม เออเต๊เห่ เนอหม่า ซี ซิเง โทดื่อเฮ๊อ.

ꤛꤥ꤭ꤟꤢ꤬ 8:56

ซีเพ เพอับราฮัม ซิครือแม๊เถอะ เด๊อ แว เก่ แฮ เด๊อ เห่ขุเออ. อา แม๊เถอะเฮ๊อ เร๊อ อา ซิครือซิลอ เฮ๊อ,” อา เฮ๊ฉื่อ เหย่ซี ฮู๊เนอ.

ꤛꤥ꤭ꤟꤢ꤬ 10:37

แว เก่ เมโต ฮู๊ แวเพ เมเนอ โต่ เฮ๊เรอ หยื่อเอ่ แต่ แว แต่เหม่.