ꤛꤥ꤭ꤟꤢ꤬ 10:16 - ลีเทส่อพ๊าอาเซ เร๊อ เห่ขุทวาลู๊

¹⁶ แว ซิหมิ เด๊อ อาโร เด๊อ อา โอ่ เบ๊อะอาโปกู เออโต่เนอ อา โอ่ปา เต๊เห่. แว เบ่ เอ๊กา เกอ เหย่ซี ปา. เหย่ซี เก่ หนิดา เกอ แวโหง่ ปา, เร๊อ เหย่ซี เก่ กา ทวา เต่อ ลอ ลู ซิหมิ ตู๊หมู่จือแพ๊, เพรเกซิหมิ อา แบ่เจ่ เตเพรเพร่ว แพ๊ปา.

Eastern Kayah Shadaw Dialect

¹⁶ ꤠꤢꤧ꤭ ꤞꤤꤗꤤ꤬ ꤘꤣ ꤢ꤬ꤚꤥ꤬ ꤘꤣ ꤢ꤬ ꤥ꤬ ꤙꤣꤧ ꤢ꤬ꤕꤥ꤬ꤊꤢꤨ꤭ ꤣꤧ꤭ꤒꤥ꤬ꤔꤣꤧ꤬ ꤢ꤬ ꤥ꤬ꤕꤢ꤬ ꤒꤣꤧ꤬ꤟꤢꤩ꤬꤯ ꤠꤢꤧ꤭ ꤙꤢꤩ꤬ ꤢꤩꤊꤢ꤬ ꤊꤣꤧ꤭ ꤛꤢꤩ꤬ꤞꤤ꤭ ꤕꤢ꤭꤯ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤘꤢ꤭ꤊꤣꤧ꤭ ꤠꤢꤧ꤭ꤍ꤫ꤥ꤬ ꤕꤢ꤭, ꤚꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤊꤢ꤬ ꤓꤝꤢ꤭ ꤒ꤫ꤣ꤬ ꤜꤢꤪ꤭ ꤜꤢꤨ꤭ ꤞꤤꤗꤤ꤬ ꤒꤣ꤬ꤗꤢꤨ꤬ꤡꤢꤦ꤭, ꤖꤚꤢꤩ꤬ꤊꤢꤩ꤭ꤞꤤꤗꤤ꤬ ꤢ꤬ ꤙꤢꤧ꤬ꤡꤢꤩ꤬ ꤒꤣ꤬ꤖꤚꤢꤩ꤬ꤡꤢꤦ꤭ ꤕꤢ꤭꤯

ꤛꤥ꤭ꤟꤢ꤬ 10:16 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 2:25

ซี เออเนอ, อาแซ่เน๊อ ซิหมิ เด๊อ อา จว๊าซื๊อแกล๊ เต๊เห่. หม่าแน๊เรอ กู๊แหน่เออ ซี กาคยาโต คยาแซ๊ เฮ๊อ เด๊อ เพรเก ซิหมิ เด๊อ อา แม๊ตู่เร๊อ ซี ซิปล่อเซอเพร เออเตเพร อา โอ่ เฮ๊อ.

ꤛꤥ꤭ꤟꤢ꤬ 11:52

โทเรอ อา เตเฮ๊โพร เออเนอ, อา โตแพ๊ตื่อ เหย่ซู่ เก่ เซอ เป่ เด๊อ แกแยยิวพู๊ เต๊เห่ อาเง เนอหม่าโต่, อา เก่ เซอโต่ เป่เกอ จอแปแหร่ อาพู๊อาเลอ โอ่ แลแค เด๊อ เทอเก่ อาโร เต๊เห่ อาเงเง. แซ่ฮู๊ อา เก่ เมทวาแถ่ แกแย เออเต๊เห่ ตู๊หมู่หมู๋ แพ๊ ปา อาเงเนอ, อู เบ่ เมเซอ ลู ปา.

ꤛꤥ꤭ꤟꤢ꤬ 6:37

ล๋อ แกแย เด๊อ แวเพ เด๊อะ แว เต๊เห่เนอ, อา เก่ แฮ เด๊อ แวโอ่ ปา. อูเปเป๋ เบ่เบ่, อา เก่ แฮ เด๊อ แวโอ่ เนอ, แว เหว่เถ่แก เร๊อ อา ตีกี๋ โต่.

ꤛꤥ꤭ꤟꤢ꤬ 10:27

แว ซิหมิ เต๊เห่ เนอหม่า อา หนิดา แวโหง่. แว ซิเง เหย่ซี, เร๊อ เหย่ซี ครวา แวคยา.

ꤛꤥ꤭ꤟꤢ꤬ 10:11

“แว หม่า เพรเกซิหมิ เด๊อ อาแร๊ เตเพร. เพรเกซิหมิ เด๊อ อาแร๊ เตเพรเนอ อา เด๊อะแลแก อาซิปล่อ เซอเพร เด๊อ ซิหมิ เต๊เห่ อาเง.

เตเด๊อะโลแถ่ 3:20

หนิดา แลแค๋ แว ก๊อถ่อ โอ่เบ๊อะกู่ดา เบ๊เง เร๊อ แว ด่อ กู่ดา เออ. แกแย เตเพรเพร เก่ หนิโฮ แว ด่อ กู่ดา เก่เฮ๊ เร๊อ บ๊าโมฉื่อ เนอ, แว เก่ แฮโน เอ่เต่อโอเต่อ เกอเร๊อ อา, เร๊อ อา เก่ เอ่เต่อโอเต่อ เกอเร๊อ แว ปา.

เปโตร อาเหร่อเล๊อ ต๊าบ่า 2:10

โตโพ๊เคเนอ, ซี หม่า จอแปแหร่ อาแกแย หม่าโต่ หม่าแน๊เรอ กู๊แหน่เออ ซี ทวาเฮ๊อ จอแปแหร่ อาแกแย เฮ๊อ. โตโพ๊เคเนอ, ซี ซิเง จอแปแหร่ อา เตซิยอกล่าเบ่ โต่ หม่าแน๊เรอ กู๊แหน่เออ ซี พย๊าหนิเฮ๊อ อา เตซิยอกล่าเบ่ เฮ๊อ.

เธสะโลนิกา เนอบ่า ต๊าบ่า 2:13

โป่แหว่ ซี๋, ซี หม่า แกแย เด๊อ แบ่เจ่ โมหนิเร๊อ ซีเต๊เห่ เร๊อ เป เบ่ เฮ๊บุ๊ยเฮ๊เตอเรอ จอแปแหร่ เด๊อ ซีเง ปว๋า โตโพ๊ เจ๊อ, เมเตเฮ๊เรอ แซ่ฮู๊ ซี เก่ พย๊าหนิ เกอ เตเมแลเปล๊กา อาเงเนอ, จอแปแหร่ นว๊าแถ่ หนื่ออื่อ โทเฮ๊อ ซี เด๊อ กูลู่เค ปาเนอ เจ๊อ เฮ๊อ. เด๊อ แหย่โยบูโพ๊ แบ่เจ่ เมบูโพ๊ เฮ๊อ ซี เร๊อ ซี หยื่อเอ่ เตหมะเตจ๊อ อาขว่าอาคยา, จอแปแหร่ เมแลเปล๊กา ซี เฮ๊อ.

มัทธิว 17:5

เบ๊อะอา เฮ๊เบ่ ปาแพ๊ เบ๊อะเนอ, อ๊อโหล่ อู ตาบา อู ตาบี๊แก เหย่ซี เร๊อ โหง่พราเถ่ ตือมือ เด๊อ อ๊อโหล่ อากู เน๊อ, “เออ หม่า แวพู๊ เด๊อ แว โมหนิเกอเร๊อ อา เร๊อ แว ซิปล่อโอ่ เกอเร๊อ อา เตเพร, หนิดา แลแค อาโหง่ นี๋.”

เพรโด่แนพู๊ เต๊เห่ 22:14

“เร๊อ คูอานาเนีย เฮ๊ แว เน๊อ, ‘จอแปแหร่ เด๊อ เปเพ เด๋อ งย๊าเค เต๊เห่ จ๊อเบแถ่ อา เตเพรเนอ, อา นว๊าแถ่เฮ๊อ เน เด๊อ เน เก่ ซิเง เตเด๊อ อาโต ลูซิปล่อ เต๊เห่, โทเร๊อ เน เก่ แม๊เถอะ อา เพรเมเตพู๊ จ๊อเต เตเพร, เร๊อ เน เก่ หนิโฮเบ่ ดื่อ โหง่ เด๊อ อา เฮ๊เบ่ เร๊อดื่อ เน เร๊อ อาเหน่ เออเนอ ปา.

เพรโด่แนพู๊ เต๊เห่ 18:10

เมเตเฮ๊เรอ เด๊อแว โอ่เกอดื่อ เร๊อ เน, เร๊อ อู เมแป่เมเช แจ่ เน เตเพร่ว โต่, เมเตเฮ๊เรอ แกแย โอ่เบ๊อะวี ตีวี อากู เนอเต๊เห่หม่า เพร เด๊อ อา หยื่อเอ่แหน่ แว เนอหม่า อา โอ่โหร่โอ่เอ๊ ลาเฮ๊อ.”

เพรโด่แนพู๊ เต๊เห่ 15:14

คูซีโมน เปโตร เฮ๊โฉ่โปลโล โทเซ เป่ แพ๊ เป เร๊อ จอแปแหร่ เป๊อแถ่ เด๊อะโล เป่ เฮ๊อ อา เตแม๊เตตู่หนิ เออเนอ เด๊อ แกแยยิวพู๊ หม่าโต่ เต๊เห่ อา โอ่ เฮ๊อ. เมเตเฮ๊เร๊อ เด๊อ แกแยยิวพู๊ หม่าโต่ อาเกล เต๊เห่เห่เนอ, แซ่ฮู๊ อา เก่ ทวาแถ่ หนิเกอดื่อ จอแปแหร่ อาเต อาเงเนอเร๊อ, อา นอ หยื่อเอ่แลแค เฮ๊อ เหย่ซี เฮ๊อ.

เห่ขุทวาลู่ 49:10

อู เก่ พย๊าตาพาแก แจ่ปา คูยูดาห์ อาเตอเรอฉว่าชอแจ่ เตเพร่ว โต่. โท๊โต่ คุ๊ยอิแท๊โบ เนอ อา เก่ โอ่หม่าโอ่กลอ เด๊อ อากลุยอาลุ๊ย เต๊เห่ อากู๊ขู่กู ปา. เน เก่ เป๊อ โต่เด๊อ เมวเจ่อ เต๊เห่ พย๊าแฮ เป่ ลู เชหยู่ ปา. เร๊อ เมวเจ่อ เต๊เห่ เก่ แด่ดุหยื่อแหน่ ลอ เน ปา.

ꤟꤤꤙꤚꤢꤨ 13:20

แซ่ฮู๊ ซี เก่ เมโตเมเบ่ เป่ดื่อ เตเป เตดวา อา จอแปแหร่ เออเตเพร อาซิปล่อ เนอเรอ, ล๋อ เตแร๊ เด๊อ ซี โหล่เบ่ เต๊เห่เนอ, อา เก่ เด๊อ ลอหล่าตี๊กลิ ดื่อ ซี นี๋. เด๊อ เหย่ซู่ครี๊ อาขว่าอาคยา, จอแปแหร่ เก่ เมดื่อเต เด๊อ เปกู ฮู๊ อา โตดื่อ เน๊อ ลูซิปล่อ เนอเต๊เห่ นี๋. จอแปแหร่ เมเซอเพร กาคยา โทเฮ๊อ เป แบ่เจ่ เหย่ซู่ เด๊อ เตเซอ เฮ๊อ. เร๊อ เด๊อ แบ่เจ่ เหย่ซู่ ข่าเซอ อาซิปล่อ เร๊อ อาสุ่ย เบ่ ทุ๊ยแล อาขว่าอาคยา, อา เมหม่าเมกลอแก โทเฮ๊อ จอแปแหร่ อา เตอ๊อแล อาเซ เด๊อ อา โอ่ ตูจูเพร เออเนอตือมือ เฮ๊อ. เด๊อ อา เมเฮ๊อ ฮู๊เนอ อาขว่าอาคยา, เหย่ซู่ ทวา เฮ๊อ เป เพรเกซิหมิ เด๊อ อาดุเล๊ออู เตเพร เฮ๊อ. เป หม่า เหย่ซีซิหมิ เต๊เห่ เฮ๊อ. อู เก่ แด่ดุแด่ทู ดื่อ เหย่ซู่ครี๊ อา ตูจูเพรเง นี๋.

ꤛꤥ꤭ꤟꤢ꤬ 10:2

หม่าแน๊เรอ แกแย เด๊อ อา แฮ โนโต เด๊อ กู่ดากูเออ เตเพรเพร เนอหม่า เพรเกซิหมิ หม่า เฮ๊อ.

เปโตร อาเหร่อเล๊อ ต๊าบ่า 5:4

เร๊อ เบ๊อะเพรเกซิหมิ อากู่กล๊อ ดุเล๊อ ครี๊ เออ เก่ แฮ เบ๊อะเนอปาเนอ, อา เก่ เด๊อะ ซี เตเตอเรอดุ เตอเรอทู อากู๊โก่ เด๊อ อาเตอเรอ โอ่เหม่แก เป่ปา โตโพ๋ โต่ เออเนอ ปา.

ꤛꤥ꤭ꤟꤢ꤬ 10:3

เพรโอ่ป่อ กู่ดากู เออเตเพรเนอ, อา เก่ บ๊าโมฉื่อ เป่ เพรเกซิหมิ เออเตเพร กู่ดากู ปา. ซิหมิ เต๊เห่ หนิดา ซิเง ลูโหง่. เร๊อ อา เอ๊เถ่ เกอเร๊อ อาซิหมิ เต๊เห่ โตโด เร๊อ อามุย เต๊อเจ่อ, โตโด เร๊อ อามุย เต๊อเจ่อ เด๊อ อาโปกลอ เร๊อ อาซิหมิ เต๊เห่ ครวาเกอ ลอ ลูคยา.

ꤛꤥ꤭ꤟꤢ꤬ 10:4

อาซิหมิ เต๊เห่ ย๋อ โตเตเนหม่า เด๊อ ลูโหง่ อาขว่าอาคยา, เบ๊อะอา เอ๊เถ่ โทลอ เฮ๊อ อาซิหมิ เต๊เห่ เด๊อ อาโปกลอ เบ๊อะเนอ, อา เร๊อ อา จว๊า เหร่อ เด๊อ เง, อาซิหมิ เต๊เห่ เร๊อ อา ครวาเกอ ลอ ลูคยา.

ꤛꤥ꤭ꤟꤢ꤬ 10:5

ซิหมิ เออเต๊เห่เนอ, อา ครวาเกอ แกแย เด๊อ อาโรเต๊เห่ อาคยาโต่, เมเตเฮ๊เรอ เหย่ซี หนิโฮน๊อ ลูโหง่ โต่, อา ซิเงน๊อ ลู โต่ อาขว่าอาคยา, อา แกล่ ตาพาแก ล๋อ แกแย เด๊อ อาโร เต๊เห่ อาเหล่ แพ๊.”

ꤛꤥ꤭ꤟꤢ꤬ 17:20

“แว กุยจ๊อเบ เป่ ตื๊อ แว โคเจ่ เออเต๊เห่ อาเงเนอ หม่าโต่. เหย่ซี เออเต๊เห่ จว๊า ข่าเฮ๊โล ปา เร๊อ แกแย เด๊อ อา หนิโฮ เร๊อ อา หยื่อเอ่แหน่ กา เกอ แว ปา เต๊เห่ อาเงเบ่เบ่, แว กุยจ๊อเบ เป่ เต่อเกอ ลอ เด๊อ เหย่ซีเงเง.

ꤚꤥꤗꤢꤩ꤬ 11:25

โป่แหว่ ซี๋, แซ่ฮู๊ ซี เก่ พย๊า แถ่โลแถ่ม๊อ แต่ ซีเหน่ แต่เหม่ เนอ, กู๊แหน่เออ แว ซิหยื่อ นอซิเง ตาเต ซี เร๊อ เตหมะเตจ๊อ อาจ่ออาแย เด๊อ อู ซิเงโปลน๊อ ลู โต่ เออเนอเต๊อเจ่อ. เมเตเฮ๊เรอ, จอแปแหร่ นอ กู่กล๊อเพรอ แกแยยิวพู๊ เต๊เห่. หม่าแน๊เรอ อา กู่กล๊อเพรอ งยาตื๊อดื่อแฮเง โต่แพ๊ เบ๊อะจอแปแหร่ นว๊าแถ่ หนื่ออื่อเฮ๊อ แกแยยิวพู๊ หม่าโต่ เด๊อ อา หยื่อเอ่ ครี๊ เต๊เห่ อาแกแย บาเพร เฮ๊อ ปา เบ๊อะเนอ แพ๊.

ꤜꤢꤨꤊꤢ꤬ 15:8

“โต่หม่าแน๊, เฮ๊โก๊เหร่อ เพรเหมาะ เตเพร เด๊อ อารือหย่าโอ่ อาเบ่เช๊อ เร๊อ เก่ อา โอ่เหม่ เป่แก ลู เต๊เบ่ เฮ๊เนอหม่า อา เก่ เมฮู๊เต? อา เก่ ชีลี หมิ, โทเร๊อ อา เก่ ดูปลีดูหล่า อาหี่, เร๊อ อา แม๊ปู ตาเต ทู๋ อา แม๊เถอะ เจ๊อ แวเฮ๊แต.