ꤛꤥ꤭ꤟꤢ꤬ 10:15 - ลีเทส่อพ๊าอาเซ เร๊อ เห่ขุทวาลู๊

¹⁵ อาแซ่เน๊อ เนอเฮ๊อ, แวเพ ซิเง แว เร๊อ แว ซิเง แวเพ, เร๊อ แว เด๊อะแลแก แว ซิปล่อ เด๊อ แว ซิหมิ เต๊เห่ อาเง.

Eastern Kayah Shadaw Dialect

¹⁵ ꤢ꤬ꤞꤢꤧꤔꤢꤧ ꤔꤣꤧ꤬ꤟꤣꤧ, ꤠꤢꤧ꤭ꤖꤢꤩ꤭ ꤞꤤꤑꤢꤩ꤭ ꤠꤢꤧ꤭ ꤚꤣꤧ꤬ ꤠꤢꤧ꤭ ꤞꤤꤑꤢꤩ꤭ ꤠꤢꤧ꤭ꤖꤢꤩ꤭, ꤚꤣꤧ꤬ ꤠꤢꤧ꤭ ꤘꤣꤧꤜꤢꤧ꤬ꤊꤢꤧ꤭ ꤠꤢꤧ꤭ ꤞꤤꤕꤜꤢꤪ꤬ ꤘꤣ ꤠꤢꤧ꤭ ꤞꤤꤗꤤ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭꤯

ꤛꤥ꤭ꤟꤢ꤬ 10:15 ပူးပေါင်းရင်းမြစ်များ

ꤛꤥ꤭ꤟꤢ꤬ 10:11

“แว หม่า เพรเกซิหมิ เด๊อ อาแร๊ เตเพร. เพรเกซิหมิ เด๊อ อาแร๊ เตเพรเนอ อา เด๊อะแลแก อาซิปล่อ เซอเพร เด๊อ ซิหมิ เต๊เห่ อาเง.

ꤊꤢ꤬ꤜꤢ꤬ꤒꤤ 1:4

แซ่ฮู๊ ครี๊ เก่ เมแลเปล๊กา เป่ เร๊อ เออตือทือ อา เตมู๊แหม่รีแจ่ เต๊เห่ อาเงเนอ, อา เด๊อะแลแก เฮ๊อ อา ซิปล่อเซอเพร เด๊อ เป่ เตซื๊อเตปล๊า เก่ ปลวาแก อาเง เฮ๊อ. ฮู๊ อา เพ จอแปแหร่ ซิหยื่อ นอเม ลู เต๊เห่เนอ, อา เมกาโทเฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:2

แซ่ฮู๊ จอแปแหร่ เก่ ปลวาแก เป เตซื๊อเตปล๊า เออเนอเร๊อ ครี๊ ข่าเซอโทเฮ๊อ อาซิปล่อ เฮ๊อ. หม่าแน๊เรอ ตื๊อแพ๊ เป เตซื๊อเตปล๊า ตื๊อดื่อ อาเงเนอ หม่าโต่, อา ปลวาแก โต่เป่เกอดื่อ ล๋อ เห่ขุพู๊ เต๊เห่ อา เตซื๊อเตปล๊า.

มัทธิว 11:27

เร๊อ จอแปแหร่ เหย่ซู่ เฮ๊ เหย่ซี เน๊อ, “แวเพ เด๊อะตาลอ เฮ๊อ แว เตปว๋า เต๊อะเจ่อ เฮ๊อ. แกแย ซิเง แว เตเพร๊โต่, ซิเงตื๊อแพ๊ แวเพ จอแปแหร่ เตเพรเพร แพ๊” เร๊อ แกแย เด๊อ อา ซิ เง เพ จอแปแหร่ เนอหม่า ตื๊อแพ๊ อา พู๊ เพรคู เน๊อ แกแย เด๊อพู๊ คู นว๊า แถ่ลู เด๊อ อา เก่ เด๊อะโล เป่ ลู เนอ เต๊เห่ แพ๊.

เปโตร อาเหร่อเล๊อ ต๊าบ่า 3:18

เมเตเฮ๊เรอ ครี๊ ข่าเซอ เป่ แพ๊ อาเหน่ เด๊อ อู เตซื๊อ อาเง โตโพ๊แพ๊ เร๊อ อาโทอาปลื๊อ ลา เฮ๊อ, อา โหล่ ข่าเซอ ปาแหน่โต่ เฮ๊อ. แซ่ฮู๊ อา เก่ ซูจว๊า ซี เด๊อ จอแปแหร่ อา โอ่ เร๊อ แกแย จ๊อเต เออเตเพรเนอ, อา แฮ ข่าเซอ เป่โทเฮ๊อ แกแย เตซื๊อพู๊ เต๊เห่ อาเง เฮ๊อ. อู เมเซอ อาเหน่กล่อ หม่าแน๊เรอ จอแปแหร่ เมเซอเพร กาคยา อา เด๊อ แหย่โยบูโพ๊ แบ่เจ่ อากู.

เปโตร อาเหร่อเล๊อ ต๊าบ่า 2:24

แซ่ฮู๊ เป เก่ จิจือปา แต่ เร๊อ เตซื๊อเตปล๊า เต๊เห่ แต่เหม่, โท๊โต่ แซ่ฮู๊ เป เก่ โอ่เซอเพรเบ๊ เกอ เด๊อ เตจ๊อเตเต ปา อาเงเนอเรอ, เบ๊อะอู มือเซอแถ่ ครี๊ เด๊อ อี๊ถื่อดีเต่ลู เบ๊อะเนอ, อา พย๊าแถ่แกเฮ๊อ เป เตซื๊อเตปล๊า เออเต๊เห่ เด๊อ อาเหน่ลู เฮ๊อ. เด๊อ อา ข่าเบ่ เตจาเตจือ เออเต๊เห่ อาขว่าอาคยา, อา แหย่โอ่เหม่แก ลอเฮ๊อ ซี เฮ๊อ.

เอเฟซัส 5:2

ซี โต โอ่เซอเพร แลแค ฮู๊เต เฮ๊เนอหม่า, โมหนิเร๊อ แลแค อูโร ปว๋า เตอเนอ แซ่เน๊อ ครี๊ โม หนิเกอเร๊อ เป เร๊อ อา ข่าเซอ อาซิปล่อ เด๊อ เปเง เนอ นี๋. โท๊โต่ ครี๊ หลู่แถ่ อา ซิปล่อเซอเพร เด๊อ จอแปแหร่ อา เป๊เส่เง แซ่เน๊อ เตโนมื๊อโนชือ เด๊อ อาโต จอแปแหร่ อาซิปล่อ เออเนอ เฮ๊อ.

ꤛꤥ꤭ꤟꤢ꤬ 15:13

เตโม เด๊อ อาดุเล๊อ เน๊อ แกแย เตเพรเพร เด๊อ อา ข่าเซอแก เจ๊อ ซิปล่อ เด๊อ อา โคแบ๊ซว๊า เต๊เห่ อาเงเนอ อา โอ่ ปา โต่ เฮ๊อ.

มัทธิว 20:28

แกแย พู๊คู, แฮ เด๊อ เห่ขุเออ อาพย๊า ฉื่อ เป เมเป่ อา เนอ หม่าโต่. หม่าแน๊เรอ อาเก่ เมเป่ อู เงแพ๊. แซ่ฮู๊ แกแย เก่ แลเปล๊ กา อาเง เนอ, อา เด๊อ แล แก อา ซิปล่อ เซอเพร เด๊อ เหยซี อาเง เฮ๊อ.”

ꤛꤥ꤭ꤟꤢ꤬ 17:25

“เพ เด๊อ อาจ๊ออาเต๋, แกแย เห่ขุพู๊ เต๊เห่ ซิเง เน โต่ ตื๊อดื่อเรอ แว ซิเง เน, โท๊โต่ แกแย เด๊อ อา หยื่อเอ่ แว เออเต๊เห่ ซิเง เร๊อ เน นอแฮ แว.

ꤛꤥ꤭ꤟꤢ꤬ 6:46

แกแย แม๊เถอะน๊อ เพ จอแปแหร่ เตเพรเพร, แว ซิหยื่อ เฮ๊ ฮู๊เนอ หม่าโต่. อู แม๊เถอะน๊อ เพ เตเพร่ว โต่, อู แม๊เถอะน๊อ เพ หม่า ตือแพ๊ อา โอ่ เด๊อ จอแปแหร่ อา โอ่ เร๊อ อา ตาแล เนอเตเพร แพ๊.

ꤛꤥ꤭ꤟꤢ꤬ 1:18

อู แม๊เถอะน๊อ จอแปแหร่ เตเพร่ว โต่ ตื๊อดื่อเร๊อ, อาพู๊คู โอ่ตื๋อ เตเพรเออ, อา หม่า จอแปแหร่ เฮ๊อเฮ๊อ เร๊อ อา โอ่เต่อเกอ เร๊อ อาเพ เออ เด๊อะโลแถ่เฮ๊อ เป่ เร๊อ จอแปแหร่ เฮ๊อ.

ꤜꤢꤨꤊꤢ꤬ 10:21

เบ๊อะเนอเค, เด๊อ แหย่โยบูโพ๊แบ่เจ่ อาขว่าอาคยา, เร๊อ เหย่ซู่ เล๊อบา เร๊อ เตซิครือซิลอ เร๊อ อา เฮ๊ เน๊อ, “เก๋อ ม๊อขุ แบ่เจ่, เห่ขุ แบ่เจ่, แวเพ จอแปแหร่, แว เฮ๊บุ๊ยเฮ๊เตอเรอ เน, เต เด๊อ เน แด่ ด๊อโอ๊ด๊อบี๊ เป่ เพรลีแมลีเพ๊ เต๊เห่ เร๊อ เพรแม๊ปูซิเง เต๊เห่เนอ, เน เด๊อะโลแถ่ เป่เฮ๊อ เร๊อ แกแย เด๊อ อา เตเนปีตี๊ เกอเร๊อ อาเหน่ แซ่เน๊อ เป๊เจ่พู๊ เนอเต๊เห่เฮ๊อ อาขว่าอาคยา, แว เฮ๊บุ๊ยเฮ๊เตอเรอแถ่ เน. เก๋อ เพ๋, เน ซิปล่อโอ่ ซิปล่อโต หม่าแหน่เฮ๊อ เร๊อ อาเก่เบ่ ทวาแถ่แหน่ ฮู๊เออเฮ๊อ อาขว่าอาคยา, แว เฮ๊บุ๊ยเฮ๊เตอเรอ แหน่เจ๊อ เน.

ꤒꤤꤒꤢꤨ 2:14

แซ่ฮู๊ อา เก่ เมแลเปล๊กา เป เด๊อ เตมู๊แหม่รีแจ่ ล๋อ ปลี เต๊เห่ อากู, โท๊โต่ แซ่ฮู๊ อา เก่ เม อาโพ๊อาแปละ กา เป เร๊อ เป เก่ ทวาแถ่ อาแกแย, โท๊โต่ เป เก่ ซิปล่อฉว่า เมเต เด๊อ อาแร๊ เต๊เห่ อาเงเนอ, อา ข่าเซอ เป่ เฮ๊อ อาซิปล่อ เด๊อ เปเง เฮ๊อ.

ꤊꤢ꤬ꤜꤢ꤬ꤒꤤ 3:13

ล๋อ เตซว๊าเตแส่ เต๊เห่เนอ, อู ลือครวา เมเบ๊ เตเพร่ว โต่ อาขว่าอาคยา, จอแปแหร่ เก่ เมจากาคยา ลอ อูปว๋า เตเพร ปา, หม่าแน๊เรอ ครี๊ อี๊ถ่า เฮ๊อ เป เฮ๊อ. เด๊อ อา ข่าเป่ เป เตจา เด๊อ อี๊ถื่อดีเต่ลู เออ อาขว่าอาคยาเร๊อ, อา แฮโน ข่าเป่เฮ๊อ เป เตเมจากาคยา เด๊อ อา เก่ กาเบ่ เป ปา เออเนอ อาเง เฮ๊อ. เมเตเฮ๊เรอ ลีเทส่อพ๊ากู เฮ๊ เน๊อ, “แกแย เตเพรเพร เด๊อ อู มือเซอแถ่ อา เด๊อ อี๊ถื่อดีเต่ อาโอ่ เนอ, เตเมจากาคยา เบ่เฮ๊อ อา เฮ๊อ,” อา เฮ๊ ฮู๊เนอ.

ꤛꤥ꤭ꤟꤢ꤬ 8:55

ซี ซิเง ลู โต่ ตื๊อดื่อเรอ แว ซิเง ลู. เก่ แว เฮ๊ เร๊อ แว ซิเงน๊อ ลู โต่ เฮ๊เรอ, แว ทวา แกแย แลโฮแลแห่ แซ่เน๊อ ซีเนอ เฮ๊อ. แว ซิเง ตาเต เจ๊อ อา เร๊อ แว หนิดา ลูโหง่.

ꤜꤢꤨꤊꤢ꤬ 10:22

“แวเพ เด๊อะตาลอ เฮ๊อ แว เตปว๋า เต๊อเจ่อ เฮ๊อ. พู๊คู หม่า อูเปเนอ อู ซิเง เตเพร่ว โต่. ซิเง ตื๊อแพ๊ เพ เตเพร แพ๊. เร๊อ เพ หม่า อูเปเนอ อู ซิเง เตเพร่ว โต่, ซิเง ตื๊อแพ๊ พู๊คู เร๊อ แกแย เด๊อ พู๊คู นว๊าแถ่ ลู เด๊อ อา เก่ เด๊อะโล เป่ ลู ปา เนอเต๊เห่ แพ๊.”