ꤛꤥ꤭ꤟꤢ꤬ 10:10 - ลีเทส่อพ๊าอาเซ เร๊อ เห่ขุทวาลู๊

¹⁰ เพรเอ่โห่เนอ อา แฮเมเต เฮ๊เนอหม่า, แซ่ฮู๊ อา เก่ แฮ เอ่โห่เอ่ฮี๊ หนิ, อา เก่ แฮ เมเซอหนิ อู, อา เก่ แฮ เมปย๊าเมหลู่แก อู อาเงแพ๊. แว เน๊อ แซ่ฮู๊ อู เก่ หนิ เตเซอเพร โท๊โต่ แซ่ฮู๊ อู เตโอ่เซอเพร เก่ เล๊อบา ตาปอตาเป อาเง เนอเรอ แว แฮ แพ๊.

Eastern Kayah Shadaw Dialect

¹⁰ ꤖꤚꤢꤩ꤬ꤢꤩ꤬ꤟꤥ꤬ꤔꤣꤧ꤬ ꤢ꤬ ꤟꤢꤧ꤭ꤗꤢꤩ꤬ꤒꤢꤩ꤭ ꤟꤢꤩꤔꤣꤧ꤬ꤗꤢ꤬, ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤟꤢꤧ꤭ ꤢꤩ꤬ꤟꤥ꤬ꤢꤩ꤬ꤟꤤ ꤔ꤫ꤤ꤬, ꤢ꤬ ꤊ꤫ꤢꤦ꤬ ꤟꤢꤧ꤭ ꤗꤢꤩ꤬ꤞꤣꤧ꤭ꤔ꤫ꤤ꤬ ꤢꤨ꤭, ꤢ꤬ ꤊ꤫ꤢꤦ꤬ ꤟꤢꤧ꤭ ꤗꤢꤩ꤬ꤕꤛꤢꤗꤢꤩ꤬ꤜ꤫ꤢꤨ꤬ ꤢꤨ꤭ ꤢ꤬ꤑꤢꤩ꤭ꤖꤢꤧ꤯ ꤠꤢꤧ꤭ ꤚꤣꤧ꤬ ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤔ꤫ꤤ꤬ ꤒꤢꤩ꤬ꤞꤣꤧ꤭ꤖꤚꤢꤩ꤬ ꤓꤥ꤭ꤒꤥ꤬ ꤞꤢꤧꤟꤢꤨ ꤢꤨ꤭ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤊ꤫ꤢꤦ꤬ ꤜꤣꤙꤢ꤭ ꤒꤢ꤭ꤕꤢꤪ꤬ꤒꤢ꤭ꤕꤢꤩ꤭ ꤢ꤬ꤑꤢꤩ꤭ ꤔꤣꤧ꤬ꤚꤣꤧ꤬ ꤠꤢꤧ꤭ ꤟꤢꤧ꤭ ꤖꤢꤧ꤯

ꤛꤥ꤭ꤟꤢ꤬ 10:10 ပူးပေါင်းရင်းမြစ်များ

ꤜꤢꤨꤊꤢ꤬ 19:10

เมเตเฮ๊เรอ แกแย อาพู๊ หม่าเฮ๊อ แวเออ, แว แฮ แม๊ปู เตเมแลเปล๊กา แกแย เด๊อ อา โอ่เหม่ เต๊เห่.”

ꤛꤥ꤭ꤟꤢ꤬ 6:51

แว หม่า เหล่เอ่ เด๊อ อา เด๊อะอู ซิปล่อเซอเพร เร๊อ อา โอ่ เด๊อ ม๊อขุ ตาแล. อูเปเป๋ เบ่เบ่, อา เก่ เอ่ เหล่เอ่ เออเนอ, อา เก่ เซอเพร ตูจูเพร ปา. เหล่เอ่ เออเนอหมา หม่าเฮ๊อ แวหย่า เออเนอ เฮ๊อ. แซ่ฮู๊ แกแย เห่ขุพู๊ เก่ เซอเพร อาเงเนอ แว เด๊อะแลแก แว เหน่กล่อ เออ เด๊อ เหย่ซีเง เฮ๊อ.”

ꤛꤥ꤭ꤟꤢ꤬ 12:47

“แกแย เตเพรเพร เก่ หนิโฮ แวลาแวโหง่ เร๊อ อา เก่ หยื่อเอ่โต่ เฮ๊เนอ, แว เมจากาคยา ลู โต่. เมเตเฮ๊เนอ, แว แฮแล เด๊อ เห่ขุ เออเนอหมา, แว เก่ แฮ เมจากาคยา อู อาเงเนอ หม่าโต่, แว เก่ แฮ เมแลเปล๊กา อู อาเงแพ๊.

ꤛꤥ꤭ꤟꤢ꤬ 6:33

เมเตเฮ๊เรอ จอแปแหร่ อาเหล่เอ่ หม่าแหน่ หม่า อา โอ่ เด๊อ ม๊อขุ ตาแล เร๊อ อา เด๊อะเป่ แกแย เห่ขุพู๊ ซิปล่อเซอเพร เนอเตเพร เฮ๊อ,” อา เฮ๊ เหย่ซี ฮู๊เนอ.

ꤛꤥ꤭ꤟꤢ꤬ 3:17

เมเตเฮ๊เรอ, จอแปแหร่ นอแฮแล อาพู๊คู เด๊อ อา เก่ เมจากาคยา แกแย เห่ขุพู๊ อาเงเนอ หม่าโต่. เร๊อ อา นอแฮ ลู เด๊อ อา เก่ แฮ เมแลเปล๊กา แกแย เห่ขุพู๊ อาเง เนอแพ๊.

ทิโมธี อาเหร่อเล๊อ ต๊าบ่า 1:15

แซ่ฮู๊ เหย่ซู่ครี๊ เก่ แฮ เมแลเปล๊กา แกแย เตซื๊อเตปล๊าพู๊ เต๊เห่ เรอ, อา แฮแล เด๊อ เห่ขุ เออ เฮ๊อ. เตเฮ๊เบ่ เออเนอหมา อาจ๊ออาเต เร๊อ แกแย ล๋อ ปลี โตเบ่ พย๊าฉื่อ ลอ อา ซีปล่อชีเม. เพรเมซื๊อเตพู๊ ล๋อ ปลี อาเกลเนอหม่า แว หม่า แกแย เด๊อ อา เมซื๊อ ดุเล๊ออู เตเพร เฮ๊อ.

ꤛꤥ꤭ꤟꤢ꤬ 10:1

แบ่เจ่ เหย่ซู่ เฮ๊โข่โหง่ เน๊อ, “แว เฮ๊จ๊อจ๊อ ซี, แกแย เด๊อ อา แฮโนโต เด๊อ ซิหมิโป อา กู่ดากู โต่ เตเพรเพร, เร๊อ อา เก่ แฮแถ่ โนเบ๊ เด๊อ อาโร โต๊โผ่โผ่ เฮ๊เนอหม่า, เพรเอ่โห่เอ่ฮี๊, เพร ปื่อเผ่ แหย่เปล๊เอ่ อู แพ๊.

มัทธิว 20:28

แกแย พู๊คู, แฮ เด๊อ เห่ขุเออ อาพย๊า ฉื่อ เป เมเป่ อา เนอ หม่าโต่. หม่าแน๊เรอ อาเก่ เมเป่ อู เงแพ๊. แซ่ฮู๊ แกแย เก่ แลเปล๊ กา อาเง เนอ, อา เด๊อ แล แก อา ซิปล่อ เซอเพร เด๊อ เหยซี อาเง เฮ๊อ.”

ꤟꤤꤙꤚꤢꤨ 7:25

ฮู๊เนอเรอ แกแย เด๊อ อา แฮ เด๊อ จอแปแหร่ อา โอ่ เร๊อ อา แฮโน แฮเง เด๊อ เหย่ซู่ อา โอ่ เต๊เห่เนอ, เหย่ซู่ เก่ เมแลเปล๊กาเบ๊ เหย่ซี กู๊แหน่เออ ตาแฮเง ตูจูเพร เจ๊อ ปา, เมเตเฮ๊เรอ แซ่ฮู๊ อา เก่ โน กุยซิยอเบ๊ เป่ แกแย ฮู๊เนอ เต๊เห่ อาเง เด๊อ จอแปแหร่ อา โอ่ เนอ, อา เบ่ เซอเพร ตูจูเพร.

เปโตร เนอบ่า ต๊าบ่า 1:11

ฮู๊เนอเรอ จอแปแหร่ เก่ ซิครือซิลอ เอ๊โมฉื่อ ซี เด๊อ เป แบ่เจ่ เหย่ซู่ครี๊ เด๊อ อา หม่าเฮ๊อ เพรเมแลเปล๊กา เป เออเตเพร อาเทออาเก่ เด๊อ อา โอ่ ตูจูเพร แตแลเคร๊ อากู เออเนอ ปา.

ꤟꤤꤙꤚꤢꤨ 6:17

แกแย เด๊อ อา พย๊าหนิเฮ๊อ จอแปแหร่ อา เตอ๊อแล เต๊เห่เนอ, จอแปแหร่ ซิหยื่อ นอซิเง ตาเต เหย่ซี เน๊อ ฮู๊ จอแปแหร่ อ๊อแล โทเฮ๊อ เหย่ซีเนอ, อา เก่ เม เล๊อบา ฮู๊เนอ ปา, อา ถู่แหล่ เต๊เปล่โค๊ ปาโต่ อาขว่าอาคยา, เด๊อ อา เตอ๊อแล อากูเนอ, อา แบ โนป่าหนิ อาโหง่ เบ๊อะเนอ.

มัทธิว 23:13

“แกแยยิวพู๊ อา เพรอิซว๊า เตซว๊าเตแส่ อาซ๊าร๊า ซีเต๊เห่ เร๊อ ฟาริสีพู๊ ซี๋, เตหร่าเตดวา เก่ เบ่ ดื่อ ซี ปา. ซีหม่า แกแย เด๊อ เกล แอ๊จ๊อ แอ๊เต อาเหน่ เต๊เห่. ซี เมบี๊ เผ่ แก ลอ ล๋อ แกแย เด๊อ อา แม๊ปูโน เด๊อ ม๊อขุ เทอเลเก่กู เนอเต๊ เห่ กู่ดา ซีแหน่ เบ่เจ่ เกอเร๊อดื่อ เจ๊อ เร๋อ ซีโน หนิโต่ ตื๊อดื่อ เรอ ซี เม ตาตือบี๊ แกลอ แกแย เด๊อ อา แม๊ปูโน เนอ เต๊เห่ อากู่ดา.

ꤚꤥꤗꤢꤩ꤬ 2:21

เน อิซว๊า เป่ อู ว๊า! หม่าเมเตเรอ เน อิซว๊าแล เกอ เร๊อ เนเหน่ โต่? เน แด๊โฉ่โด่แน เป่ อู เร๊อ เอ่โห่เอ่ฮี๊ แต่ อู เต แต่เหม่ นี๋, เน เฮ๊ ฮู๊เนอ หม่าแน๊เรอ หม่า เน จว๊า เอ่โห่ เจ๊อ อูเต เจ๊อ แอ?

มัทธิว 18:10

“รอหนิ แลแค ซีเหน่ นี๋. จว๊า เตเน ปีตี๊ แต่ เป๊เจ่ ปีตี๊เล๊อ เด๊อ ซีเกล เนอเต๊เห่ แต่เหม่ นี๋, เมเตเฮ๊เรอ แว เฮ๊ เฮ๊อ ซี, เป๊เจ่เออเต๊เห่ อาเตเน่ว ม๊อขุพู๊ เด๊อ อา โอ่ป่อ แม๊ หนิ เหย่ซี เต๊เห่เนอ, อา โอ่ผื่อ เน๊อ เพ จอแปแหร่ เด๊อ ม๊อขุ ปว๋า โตโพ๊เจ๊อ.

ꤗꤢ꤬ꤊꤢꤨ 11:17

โทเรอ อา อิซว๊าอี๊แส่ เหย่ซี เน๊อ, “เด๊อ ลีเทส่อพ๊ากูเนอ, จอแปแหร่ เฮ๊ เนอ, ‘แวหี่ หม่า อู เก่ เฮ๊ เร๊อ เมวเจอะโหร่ ปว๋า เต๊อเจ่อ เหล่จ๊อบู่จ๊อเบ อาหี่.’ หม่าแน๊เรอ ซี จว๊านอ ทวาแถ่ ลอเฮ๊อ อา เร๊อ ‘เพรเอ่โห่เอ่ฮี๊ เหล่โอ่ว๊าโอ่ อาเหล่โอ่ เฮ๊อ.’”

ꤛꤥ꤭ꤟꤢ꤬ 12:6

อา ซิยอเร๊อ หม่าแหน่ แกแย โซพ๊าโซแรพู๊ เร๊อ อา เฮ๊ ฮู๊เออเนอ หม่าโต่, เมเตเฮ๊เรอ อา หม่า อาทวา เพรเอ่โห่. อา เบ่ กู๊กลอ เป่ อู รือ, ชาเป่ อู รือปยา เร๊อ อา บ๊อพย๊าโห่ โตโมโม รือ เร๊อ อา นอเอ่ เกอเร๊อดื่อ เร๊อ อาเงแพ๊.

มัทธิว 21:13

โทเรอ อา เฮ๊ เหย่ซี เน๊อ, “ลีเทส่อพ๊ากู ราม๊าแก อาเฮ๊, ‘แวหี่ หม่า อู เก่ เฮ๊ เร๊อ เตจ๊อเบ อาหี่,’ หม่าแน๊เรอ ซี จว๊า นอทวา ลอเฮ๊อ เตหลู่เตโฮกู เน๊อ, ‘เพรเอ่โห่เอ่ฮี๊ เหล่โอ่ว๊าโอ่ อาเหล่โอ่ เฮ๊อ.’”

ꤛꤥ꤭ꤟꤢ꤬ 5:40

หม่าแน๊เรอ แซ่ฮู๊ ซี เก่ พย๊าหนิ เกออู ซิปล่อเซอเพร ตูจูเพร อาเงเนอ, ซี ซิหยื่อ แฮ เกอ แลแค เด๊อ แว โอ่ โต่.

ꤛꤥ꤭ꤟꤢ꤬ 10:11

“แว หม่า เพรเกซิหมิ เด๊อ อาแร๊ เตเพร. เพรเกซิหมิ เด๊อ อาแร๊ เตเพรเนอ อา เด๊อะแลแก อาซิปล่อ เซอเพร เด๊อ ซิหมิ เต๊เห่ อาเง.

มัทธิว 18:11

เมเตเฮ๊เรอ, แกแยเห่ขุ อาพู๊คู หม่าเฮ๊อ แวเออ, แว แฮแล เอ๊ กา แกแย เด๊อ อา โอ่เหม่ เนอเต๊เห่ แพ๊.