ꤛꤥ꤭ꤟꤢ꤬ 1:51 - ลีเทส่อพ๊าอาเซ เร๊อ เห่ขุทวาลู๊

⁵¹ โทเรอ เหย่ซู่ เฮ๊ เหย่ซี เน๊อ, “แว แด๊โฉ่จ๊อจ๊อ ซี, ซี เก่ แม๊เถอะ ม๊อขุ บ๊อโม เร๊อ จอแปแหร่ เตเน่ว เต๊เห่ เก่ เก๊แถ่ แกแล เด๊อ แกแยพู๊คู หม่าเฮ๊อ แวเออ อาลูเนอ ปา.”

Eastern Kayah Shadaw Dialect

⁵¹ ꤓꤥ꤭ꤚꤣꤧ꤬ ꤛꤢꤩ꤬ꤏꤛꤢꤨ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤠꤢꤧ꤭ ꤟꤢꤩꤏꤥ꤬ꤡꤢꤪꤡꤢꤪ ꤞꤤ꤭, ꤞꤤ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤗꤢꤪꤋꤢꤨ꤬ ꤙꤢꤗꤥ꤭ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤊꤣꤧ꤬ꤓꤢꤧ꤬ ꤊꤣꤧ꤬ꤜꤢꤧ꤬ ꤘꤣ ꤖꤚꤢꤩ꤬ꤜꤢꤨ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤗ꤫ꤢ꤬ꤟꤣꤧ ꤠꤢꤧ꤭ꤣꤧ꤭ ꤢ꤬ꤜꤥ꤬ꤔꤣꤧ꤬ ꤕꤢ꤭꤯”

ꤛꤥ꤭ꤟꤢ꤬ 1:51 ပူးပေါင်းရင်းမြစ်များ

เห่ขุทวาลู่ 28:12

เร๊อ อา โอ่เมอแหม่ เน๊อ อา แม๊เถอะ กู่โบ ตู๊ขู่ โอ่ เด๊อ เห่ขุ เร๊อ อา แป แถ่โต่ เจ๊อ เด๊อ ม๊อขุ, เร๊อ จอแปแหร่ดุ อาเตเน่วพู๊ ซีเต๊เห่ แก๊แถ่แกแล แลแค เบ๊อะเนอ.

มัทธิว 25:31

“ช๊า แกแย อาพู๊คูเออ แฮ เร๊อ อาเตอเรอดุเตอเรอทู ปา, เร๊อ อาม๊อขุ เตเน่วพู๊ เต๊เห่ เก่ แฮ เต่อเกอ เน๊อ ลู เบ๊อะเนอ, อา เก่ โอ่แนโอ่ เด๊อ อา กู่แกล๊ แถ่โล เตเค อาขุ ปา.

มัทธิว 26:24

ฮู๊ ลีเทส่อพ๊า ราม๊าหนื่ออื่อ เร๊อ แกแย อาพู๊ หม่าเฮ๊อ แวเออ อา เบ่ เซอ แหน่ปา ตื๊อดื่อเรอ เตปย๊า เตหลู่ โอ่ เกอ ดื่อ แกแย เด๊อ อา เก่ อิเชตาแก แกแยพู๊คู เออเตเพรเนอ, จอแปแหร่ เก่เมจากาคยาลู ปา. อา เก่ โอ่เป๊เจ่แล โต่ เฮ๊เนอหม่า อาแร๊เล๊อ ปา เจ๊อ เด๊อ ลูเง เจ๊อ.”

มัทธิว 3:16

เบ๊อะเหย่ซู่ เจโท อาเหน่ เร๊อ เทอ เร๊อ อา งอก๊อถ่อ เด๊อ เทอขุขุ เน๊อ ม๊อขุ ลูโมแอ. เร๊อ อา แม๊เถอะ จอแปแหร่ อา แหย่โยบูโพ๊ แฮตา โอ่เด๊อ ลูเหน่ลู แซ่เน๊อ ถู่หลุ่ย เนอ.

มัทธิว 4:11

โลเน๊มู๊แหม่ กู่กล๊อ เถ่จว๊าแก โท ลูเหล่ เน๊อ, ม๊อขุ เตเน่วพู๊ เต๊เห่ แฮแม๊ตู่ เมจว่า เกอเร๊อ ลู.

มัทธิว 8:20

แบ่เจ่ เหย่ซู่ เฮ๊ ลู เน๊อ, “ถุ่ยมี เต๊เห่ โอ่ เร๊อ อากู, ถูเต๊เห่ โอ่ เร๊อ อาปุย, ตื๊อดื่อเรอ แกแยเห่ขุพู๊ อาพู๊คู เออ, เบ๊อะอากู่กล๊อ เหล่แด่ตา แพ๊เน๋อ อา โอ่โต่.”

มัทธิว 9:6

หม่าแน๊เรอ แซ่ฮู๊ ซีเก่ ซิเง แลแค เน๊อ เด๊อ เห่ขุ เออเนอ, แว อาโอ่ เร๊อ เตอเรอฉว่าชอ เด๊อ แว ปลวาแกเบ๊ อู เตซื๊อเตปล๊า เต๊เห่ อาเง เนอเรอ แว เก่ เด๊อะโล เป่ ซี,” อา เฮ๊ แกแยเพ เซอชิกยา เออเตเพร เน๊อ, “ก๊อถ่อ ถู่ลูหนิ เน เหล่เมอเด๊เนอ เร๊อ กามอ เด๊อ เน หี่เนอ.”

ꤗꤢ꤬ꤊꤢꤨ 1:10

เบ๊อะอา โอ่ เด๊อ เทอเล เร๊อ อา งอก๊อถ่อถ่อ เร๊อ อา แม๊เถอะ ม๊อขุ ลูโมแอ เร๊อ แหย่โยบูโพ๊ แบ่เจ่ เด๊อ อาแซ่เน๊อ ถู่หลุ่ย เนอ อา โยตา เด๊อ ลูโอ่.

ꤗꤢ꤬ꤊꤢꤨ 14:62

เร๊อ เหย่ซู่ เฮ๊ฉื่อ ลู เน๊อ, “อ่อ, แว เฮ๊อ. เร๊อ ซี เก่ แม๊เถอะ แกแยพู๊คู หม่าเฮ๊อ แวเออ เก่ โอ่แนโอ่ เด๊อ จอแปแหร่ เด๊อ อาฉว่าอาชอ เออเตเพร อากู๊ขุ จ๊อทว๊า เนอตากยา ปา, เร๊อ ซี เก่ แม๊เถอะ แว แด๊แลแฮหนิ ม๊อขุ อา อ๊อโหล่ขุ ปา.”

ꤜꤢꤨꤊꤢ꤬ 2:13

เบ๊อะเนออาเค เตเน่วม๊อขุ ตอกล๊อ ตู๊หมู่ แฮโอ่โลแถ่ คย๊า เต่อเกอ เร๊อ เตเน่วม๊อขุ เออเตเพร เร๊อ เหย่ซี อิโร ถู่เซ๊แถ่ จอแปแหร่ เร๊อ อา อิโร แลแค เนอ,

ꤜꤢꤨꤊꤢ꤬ 2:9

เบ๊อะเนออาเค แบ่เจ่ อา เตเน่วม๊อขุ เตเพร แฮ เด๊อะโลแม๊เถอะ เป่ เหย่ซี, เร๊อ แบ่เจ่ จอแปแหร่ อา เตลีเตตาเค เต๊เห่ ลี ตาวา ลอปลี เหย่ซี เร๊อ เหย่ซี ซิอิเช ต๊อหร่อเซ๊ ลอปลี เจ๊อ.

ꤜꤢꤨꤊꤢ꤬ 22:43

เตเน่ว ม๊อขุพู๊ เตเพร แฮ โอ่โลแม๊เถอะ เนอ, อา แฮ เด๊อะอ๊าเด๊อะเหร่ ลู.

ꤜꤢꤨꤊꤢ꤬ 22:69

หม่าแน๊เรอ เป๊อแถ่ กู๊แหน่เออ ตาเป่แฮ ปาเนอ, แกแย อาพู๊ หม่าเฮ๊อ แวเออ อู เก่ เด๊อะโอ่แนโอ่ อา เด๊อ เตเตอเรอดุ เตอเรอทู อา จอแปแหร่ กู๊ขุ จ๊อทว๊า เนอตากยา ปา.”

ꤜꤢꤨꤊꤢ꤬ 24:4

เบ๊อะเหย่ซี ก๊อถ่อ เตเน อาทวาแถ่ ฮู๊เออ เบ๊อะเนอ, แกแย เด๊อ อา กือแซ๊ เห่อจ่า เต๊อเค่อเตเค ซิเนอ โอ่โลแถ่คย๊า เป่ เหย่ซี เร๊อ อา แฮก๊อถ่อโอ่ เด๊อ เหย่ซี ช๊า.

ꤜꤢꤨꤊꤢ꤬ 3:21

เบ๊อะแกแย เบ๊หมู่ เจ โทลอเฮ๊อ ดื่ออาเหน่ เร๊อ เทอ เบ๊อะเนอ, แบ่เจ่ เหย่ซู่ เจ เกอ โหน่ เทอ เด๊อ คยา. เบ๊อะอา กุยจ๊อเบ เบ๊อะเนอ, ม๊อขุ ลูโม แอแถ่.

ꤛꤥ꤭ꤟꤢ꤬ 1:50

เหย่ซู่ เฮ๊ ลู เน๊อ, “แว เฮ๊ เน เร๊อ แว แม๊เถอะ เน เด๊อ ก่อดุ๊ยเหมาะเล เนอหม่า เน หยื่อเอ่ หม่าแหน่ แว เร๊อ แว หม่า จอแปแหร่ อาพู๊คู, อิสราเอล อาคุ๊ยจ๊อแผ่ เตเพรเนอ แอ? เน เก่ แม๊เถอะโป่ เตโค๊ตีกลี๊ ดุเล๊อ เจ๊อ เร๊อ เออเต๊เห่เนอ ปา.”

ꤛꤥ꤭ꤟꤢ꤬ 10:1

แบ่เจ่ เหย่ซู่ เฮ๊โข่โหง่ เน๊อ, “แว เฮ๊จ๊อจ๊อ ซี, แกแย เด๊อ อา แฮโนโต เด๊อ ซิหมิโป อา กู่ดากู โต่ เตเพรเพร, เร๊อ อา เก่ แฮแถ่ โนเบ๊ เด๊อ อาโร โต๊โผ่โผ่ เฮ๊เนอหม่า, เพรเอ่โห่เอ่ฮี๊, เพร ปื่อเผ่ แหย่เปล๊เอ่ อู แพ๊.

ꤛꤥ꤭ꤟꤢ꤬ 10:7

ฮู๊เนอ อาขว่าอาคยา, เหย่ซู่ เฮ๊ คยาแซ๊ เน๊อ, “แว เฮ๊จ๊อจ๊อ ซี, แว หม่า ซิหมิโป อา กู่ดากู เฮ๊อ.

ꤛꤥ꤭ꤟꤢ꤬ 13:16

แว เฮ๊จ๊อจ๊อ ซี, หลู่ เนอ อาดุเล๊อ เร๊อ อาแหน่แบ่เจ่ เตเพร่ว โต่. แกแย เด๊อ อู นอ ลู เออเตเพรเนอ อาดุเล๊อ เร๊อ อา นอ ลู เนอเตเพรเนอ อา โอ่ เตเพร่ว โต่.

ꤛꤥ꤭ꤟꤢ꤬ 13:38

เออโตโพ๊เรอ แบ่เจ่ เหย่ซู่ เฮ๊ฉื่อ ลู เน๊อ, “เน โอ่ ตี๊หรี่แตแร หนื่ออื่อ เฮ๊อ เนเหน่ เน๊อ เน เก่ เซอ เด๊อ แวเง หม่าแหน่ เฮ๊อ แอ? แว เฮ๊จ๊อจ๊อ เน, เบ๊อะชาเพ อี๊อู่แถ่ แต่ล๋ายโต่ เนอ, เน เก่ โชโม๊บิแกฉื่อ อู เร๊อ แว ซิเงน๊อ อา โต่ โซโพ๊ เจ๊อ ปา,” อา เฮ๊ ลู ฮู๊เนอ.

ꤛꤥ꤭ꤟꤢ꤬ 14:12

แว เฮ๊จ๊อจ๊อ ซี, แกแย เด๊อ อา หยื่อเอ่ แว เต๊เห่เนอ, อา เก่ เมเต เด๊อ แว เมโทเฮ๊อ เออเนอเต๊เห่ ปา. แว เตเร จว๊าเฮ๊อ เด๊อ เพ อา โอ่ อาขว่าอาคยา, อา เก่ เมดุ เมแหล่ เมเอ๊เล๊อ เล๊อปา เจ๊อ เร๊อ เออเต๊เห่ ปา.

ꤛꤥ꤭ꤟꤢ꤬ 16:20

แว เฮ๊จ๊อจ๊อ ซี, เบ๊อะแกแย เห่ขุพู๊ เต๊เห่ เก่ ซิครือซิลอ ตือปือลือชือ เจ๊อ ปา เบ๊อะเนอ, ซี เก๊โหง่เก๊เห่ แลแค ปา. เด๊อ แว ข่าเบ่ เตจาเตจือ อาขว่าอาคยา, ซี เก่ ซิเปลซิหย่อ แหน่เจ๊อ ปา, หม่าแน๊เรอ ซี เต ซิเปล ซิหย่อ เออเนอ อา เก่ ทวาแถ่ เต๊เปล่โค๊ เป่ลาติ ซี เร๊อ ซี เต ซิกอ ล๊อ แกแน ปา.

ꤛꤥ꤭ꤟꤢ꤬ 16:23

เบ๊อะเนอเตอเนอ ปาเนอ, ซี แด๊เฮอ ปา เจ๊อ แว เตอเจ๋อ โต่ เฮ๊อ. แว เฮ๊จ๊อจ๊อ ซี, ซี เก่ กุย แวเพ อิเตเต๋ เบ่เบ่, ซี เก่ กุย เร๊อ แวมุย เฮ๊เนอ, แวเพ เก่ เด๊อ ซี ปา.

ꤛꤥ꤭ꤟꤢ꤬ 21:18

แว เฮ๊จ๊อจ๊อ เน, เบ๊อะเน หน่าเจ่ปา เนอ, เน แรแถ่ หนิเกอเร๊อดื่อ เนฮ๊อท๊อ, เน ซิหยื่อจว๊า เบ๊อะเต๋ เนอ เน จว๊าเบ๊. หม่าแน๊เรอ ช๋า เน โหมะเผร่เฮ๊อ ปาเนอ, เน เก่ บ๊อเถ่ เน กู๊ขุ เนอโค๊ ปา. อู เก่ จอกลอหม่า เน กู๊ขุ เร๊อ อู เก่ พย๊าจว๊า เน เด๊อ เหล่โอ่ เด๊อ เน ซิหยื่อ จว๊า โต่ เนอ ปา.”

ꤛꤥ꤭ꤟꤢ꤬ 3:3

เหย่ซู่ เฮ๊ฉื่อ ลู เน๊อ, “แว แด๊โฉ่จ๊อจ๊อ เน, แกแย เด๊อ อา โอ่เป๊เจ่แลเซเต๊เปล่ คยาแซ๊ ตื๊อหื่อ โต่ เต๊เห่เนอ, อา แม๊เถอะเบ๊ จอแปแหร่ อาเทออาเก่ เตเพร่ว โต่.”

ꤛꤥ꤭ꤟꤢ꤬ 3:5

เหย่ซู่ เฮ๊ฉื่อ ลู เน๊อ, “แว แด๊โฉ่จ๊อจ๊อ เน, แกแย เด๊อ อา โอ่เป๊เจ่แลเซเต๊เปล่ คยาแซ๊ เน๊อ เทอ เร๊อ จอแปแหร่ อาแหย่โยบูโพ๊ โต่ เต๊เห่เน๊อ, อา โนหนิ แจ่ เด๊อ จอแปแหร่ อาเทออาเก่กู โต่.

ꤛꤥ꤭ꤟꤢ꤬ 5:19

ฮู๊เนอเรอ, เหย่ซู่ เฮ๊ฉื่อ เหย่ซี เน๊อ, “แว เฮ๊จ๊อจ๊อ ซี, พู๊คูเออ อา เม จู๋ ดื่อ ฮู๊ อา ซิหยื่อเม เนอหม่า อาหนิ โต่. อา เมแพ๊ ฮู๊ อา แม๊เถอะ อาเพ จอแปแหร่ เมเนอ เต๊เห่ แพ๊. เพ เมเต อิเต๊ เบ่เบ่, อา พู๊คู เม เกอดื่อ ฮู๊เนอ.

ꤛꤥ꤭ꤟꤢ꤬ 5:27

เร๊อ อา หม่า แกแยเห่ขุ พู๊คู อาขว่าอาคยา, จอแปแหร่ เด๊อะตาเกอ เฮ๊อ อา เตอเรอฉว่าชอ เด๊อ อา เก่ เมจากาคยา เกออู เฮ๊อ.

ꤛꤥ꤭ꤟꤢ꤬ 6:26

แบ่เจ่ เหย่ซู่ เฮ๊ฉื่อ เหย่ซี เน๊อ, “แว เฮ๊จ๊อจ๊อ ซี, ซี แม๊เถอะ แว เม เตโค๊ตีกลี๊คยา เร๊อ ซี แม๊ปู แว หม่าโต่. ซี เอ่ก๊อ ค๊อมู เร๊อ ซี แม๊ปู แว แพ๊.

ꤛꤥ꤭ꤟꤢ꤬ 6:32

แบ่เจ่ เหย่ซู่ เฮ๊ฉื่อ เหย่ซี เน๊อ, “แว เฮ๊จ๊อจ๊อ ซี, เหล่เอ่ โอ่เด๊อ ม๊อขุ ตาแล เนอหม่า, คูโมเสส เด๊อะเอ่ เหย่ซี หม่าโต่. แวเพ เด๊อะเอ่ เหย่ซี แพ๊. กู๊แหน่เรอ อา เก่ เด๊อะเอ่ เฮ๊อ ซีเหล่เอ่ หม่าแหน่ เด๊อ อา โอ่ เด๊อ ม๊อขุ ตาแล เออเนอ ปา.

ꤛꤥ꤭ꤟꤢ꤬ 6:47

แว เฮ๊จ๊อจ๊อ ซี, แกแย เด๊อ อา หยื่อเอ่ แว เตเพรเพร เนอ, อา เก่ พย๊าหนิเฮ๊อ ซิปล่อเซอเพร ตูจูเพร เฮ๊อ.

ꤛꤥ꤭ꤟꤢ꤬ 6:53

เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “แว เฮ๊จ๊อจ๊อ ซี, ซี เก่ เอ่ แกแยพู๊คู เออ อาหย่า โต่, ซี เก่ โอ ลูสุ่ย โต่ เฮ๊เนอหม่า, ซิปล่อเซอเพร โอ่ เด๊อ ซีเหน่ลู โต่.

ꤛꤥ꤭ꤟꤢ꤬ 8:34

เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “แว เฮ๊จ๊อจ๊อ ซี, ล๋อ แกแย เด๊อ อา เม เตซื๊อ เนอเต๊เห่ หม่า อา ทวาเฮ๊อ เตซื๊อ หลู่เล๊เฮ๊อ.

ꤛꤥ꤭ꤟꤢ꤬ 8:51

แว เฮ๊จ๊อจ๊อ ซี, แกแย เตเพรเพร เก่ อา จูเอ่ หนิดา แวโหง่ เฮ๊เนอ, อา เซอปา แตแค๋ โต่,” อา เฮ๊ เหย่ซี ฮู๊เนอ.

ꤛꤥ꤭ꤟꤢ꤬ 8:58

เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “แว เฮ๊จ๊อจ๊อ ซี, เพอับราฮัม โอ่ล๋ายโต่ เนอ, แวโอ่ หนื่ออื่อ เหร่อ โทดื่อ เฮ๊อ,” อา เฮ๊ฉื่อ เหย่ซี ฮู๊เนอ.

เพรโด่แนพู๊ เต๊เห่ 10:11

อา แม๊เถอะ ม๊อขุ อาโบ๊โม เร๊อ เตเต๊อเจ่อ เด๊อ อาแซ่เน๊อ อิเก แหล่ดุ เด๊อ อาเหนาะ โอ่ ลุยเหนาะ ต๊าบ่า เร๊อ อู แจตา เหย่เนอ.

เพรโด่แนพู๊ เต๊เห่ 7:56

เร๊อ คูสเทเฟน เฮ๊ เหย่ซี เน๊อ, “แม๊มอเล๋! แว แม๊เถอะ ม๊อขุ โอ่โมแถ่ เร๊อ แกแย อาพู๊ ก๊อถ่อโอ่ เด๊อ จอแปแหร่ อากู๊ขุ จ๊อทว๊า เนอตากยา.”

เธสะโลนิกา เนอบ่า ต๊าบ่า 1:7

หม่าแน๊เรอ ซี เร๊อ เป ข่าเบ่ เตจาเตจือ เออเต๊เห่เนอ, จอแปแหร่ เก่ เมโม กาคยาแซ๊ดื่อ เป ปา. ช๋า แบ่เจ่ เหย่ซู่ โอ่โลแถ่ เบ๊อะเนอปาเนอ, อา เก่ เมโมแถ่ คยาแซ๊ เป ปา. อา เก่ แฮ เด๊อ หมิแกโลโซ อากู ปา. อา เก่ แฮเต่อ เร๊อ อา เตเน่วพู๊ เด๊อ อา โอ่เร๊อ อา เตโพรเตเตอเรอ เออเนอ เต๊เห่ ปา.

เธสะโลนิกา เนอบ่า ต๊าบ่า 1:9

เหย่ซี เก่ ข่าเบ่ เตปย๊าเตหลู่ ตูจูเพร อา เต เมจากาคยา เออเนอ ปา. โทเรอ แบ่เจ่ เก่ แด่ตาพาแก เหย่ซี เด๊อ อา เป๊เส่เง เร๊อ อา เตเตอเรอดุทู เด๊อ อาโพรอาเตอเรอ เออเต๊เห่ อาเป๊เส่เง ปา.

ทิโมธี อาเหร่อเล๊อ ต๊าบ่า 3:16

เป เตจ๊อบู่จ๊อเบ อาจ่ออาแย อาดุอาแย เจ๊อ บ๋า เต บ๋า เตเนอ อู โชโม๊บิแก หนิแจ่ อา เตเพร่ว โต่. ครี๊ โอ่โลแถ่ เฮ๊อ ฮู๊ แกแย เห่ขุพู๊ เตเพร, เร๊อ แหย่โยบูโพ๊ แบ่เจ่ ข่าเฮ๊อ ซิปล่อ เน๊อ ครี๊ เออเนอ อา เมโต จอแปแหร่ อาซิปล่อ, เร๊อ ม๊อขุ เตเน่วพู๊ เต๊เห่ แม๊เถอะเบ่ เฮ๊อ อา. โทเรอ อา อาหรี่อาแก เออเนอ, อู แด๊โฉ่โด่แน เฮ๊อ อา เด๊อ เมวจ่อโรพู๊ เต๊เห่ อาเกลเฮ๊อ. แกแย โอ่ เด๊อ เห่ขุเออ เต๊เห่เห่ เนอ อา หยื่อเอ่แหน่ เกอ เฮ๊อ อา เฮ๊อ. จอแปแหร่ จอแถ่เฮ๊อ อา เด๊อ ม๊อขุ เด๊อ เตลีเตเค อากูเฮ๊อ.

ꤟꤤꤙꤚꤢꤨ 1:14

เก่เฮ๊ฮู๊เนอเรอ, ม๊อขุ เตเน่วพู๊ เต๊เห่ หม่า อูเป? เหย่ซี หม่า ซิปล่อเซอเพร เด๊อ อา เม เป่ จอแปแหร่ อาเตเม เต๊เห่. จอแปแหร่ นอเมจว่า เป่ เหย่ซี เร๊อ แกแย เด๊อ อา เก่ พย๊าหนิ เตเมแลเปล๊กา ปา เต๊เห่ อาเง แพ๊.

ꤛꤢꤨꤘꤢ꤬ 1:14

คูเอโนค เด๊อ อากลุยอาแล ตา เด๊อ เพอาดัม อาทือ โซซว๊าตือทือ เนอเตเพร แด๊โฉ่ หนื่ออื่อ งยา แหน่เจ๊อ เฮ๊อ เร๊อ เหย่ซี เออเต๊เห่ อาหรี่อาแก เร๊อ อา เฮ๊ เน๊อ, “แบ่เจ่ เก่ แฮเต่อ เร๊อ อาม๊อขุ เตเน่วพู๊ บูโพ๊ เต๊เห่ เด๊อ อารี๊ เร๊อ อารี๊กู เจ๊อ ปา.

เตเด๊อะโลแถ่ 19:11

เบ๊อะเนออาเค แว แม๊เถอะ ม๊อขุ ลูโมโอ่ โทเฮ๊อ เร๊อ ตีซิเพบู ก๊อถ่อโอ่ เบ๊อะเนอ โตโด. แกแย แถ่แด๊ ตีซิ เออเตเพรเนอ อู เอ๊ ลูมูย เน๊อ, “จ๊อ เร๊อ โหง่” เร๊อ “เมเต โต.” แกแย เออเตเพรเนอ, เบ๊อะอา เมจากาคยา อู เบ๊อะเนอ, อา เมจากาคยา โต แพ๊ เร๊อ อา ช๊าฉื่อ เร๊อ เพร เด๊อ อา ซิเถ่ ลู เต๊เห่.

เตเด๊อะโลแถ่ 4:1

เตเออเต๊เห่ โท เร๊อ แว แม๊เถอะลว๊า หนื่ออื่อโป่ เตอาโร เต๊อเจ่อ. เด๊อ ม๊อขุเนอ, กู่ดา เต๊เบ่ ลูโมโอ่ เร๊อ แว หนิโฮ เตพราแถ่ เต๊อเจ่อ เร๊อ อา พรา แซ๊เร๊อ กวาพรา ฮู๊ แว หนิโฮ โทเฮ๊อ เด๊อ กูลู่เค เนอ, เร๊อ อา เฮ๊เบ่ แว เร๊อ อา เฮ๊ เน๊อ, “แถ่เด๊อเออ, เออเต๊เห่ ทวาแถ่ โทปา เร๊อ แคร๋ หม่าเต เบ่ ทวาแถ่ ลาติ ปาเนอ, แว เก่ เด๊อะโล เป่ เน.”