ꤛꤥ꤭ꤟꤢ꤬ 1:47 - ลีเทส่อพ๊าอาเซ เร๊อ เห่ขุทวาลู๊

⁴⁷ เบ๊อะเหย่ซู่ แม๊เถอะ คูนาธานาเอล แฮ เด๊อ ลูโอ่ เบ๊อะเนอ, อา เฮ๊ คูนาธานาเอล อาหรี่อาแก เน๊อ, “อา หม่า อิสราเอลพู๊ หม่าแหน่ เตเพร. อา แลโฮแลแห่ เกออู แตแค๋โต่.”

Eastern Kayah Shadaw Dialect

⁴⁷ ꤙꤣꤧ ꤛꤢꤩ꤬ꤏꤛꤢꤨ ꤗꤢꤧꤓ꤫ꤣꤧ꤬ ꤋꤢꤨ꤭ꤔꤢ꤬ꤞꤢ꤬ꤔꤢꤩꤜꤢ ꤟꤢꤧ꤭ ꤘꤣ ꤜꤢꤨ꤭ꤥ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤟꤢꤩ ꤋꤢꤨ꤭ꤔꤢ꤬ꤞꤢ꤬ꤔꤢꤩꤜꤢ ꤢ꤬ꤚꤤ꤬ꤢ꤬ꤊꤢꤧ꤭ ꤔꤢꤧ, “ꤢ꤬ ꤗꤢ꤬ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤗ꤫ꤢ꤬ꤔꤤꤔꤢꤧ꤬ ꤒꤣ꤬ꤖꤚꤢꤩ꤬꤯ ꤢ꤬ ꤜꤣꤧ꤬ꤟꤥ꤭ꤜꤣꤧ꤬ꤟꤢꤧ꤬ ꤊꤣꤧ꤭ꤢꤨ꤭ ꤒꤣꤧ꤬ꤋꤢꤧ꤮ ꤒꤥ꤬꤯”

ꤛꤥ꤭ꤟꤢ꤬ 1:47 ပူးပေါင်းရင်းမြစ်များ

ꤛꤥ꤭ꤟꤢ꤬ 2:25

อู โหล่ แด๊โฉ่โล เป่ เร๊อ เหย่ซู่ เร๊อ แกแย ปว๋า เตเพร อาหรี่อาแก โต่, เมเตเฮ๊เรอ เหย่ซู่ ซิเง โทดื่อเฮ๊อ อู ปว๋า เตเพร อาซิปล่อ เฮ๊อ.

ꤛꤥ꤭ꤟꤢ꤬ 4:16

เหย่ซู่ เฮ๊ฉื่อ ลู เน๊อ, “กา เอ๊แฮ เนเว เบ๊อะเออ.”

ꤛꤥ꤭ꤟꤢ꤬ 8:31

แบ่เจ่ เหย่ซู่ เฮ๊ แกแยยิวพู๊ เด๊อ อา หยื่อเอ่แหน่ ลู เนอเต๊เห่ เน๊อ, “เก่ ซี จูเอ่ ปื่อหม่าหนิ แว เตอิซว๊าอี๊แส่ เออเต๊เห่ เฮ๊เนอหม่า, ซี ทวาเฮ๊อ แว โคเจ่ เด๊อ อา ตาเต เต๊เห่ เฮ๊อ.

ꤛꤥ꤭ꤟꤢ꤬ 8:39

เหย่ซี เฮ๊ฉื่อ ลู เน๊อ, “เปเพ หม่า เพอับราฮัม.” เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “ซี เก่ หม่าแหน่ เพอับราฮัม อาพู๊ เต๊เห่ เฮ๊เนอ, ซี เก่ เม แซ่ฮู๊ อา เมเนอ กอกอ.

ꤚꤥꤗꤢꤩ꤬ 9:4

เหย่ซี หม่า อิสราเอลพู๊ เต๊เห่. จอแปแหร่ อี๊พู๊อี๊เลอหนิ เฮ๊อ เหย่ซี ฮู๊ อาพู๊อาเลอ เหน่กล่อ เนอเฮ๊อ. เร๊อ อา เด๊อะโล เป่ เฮ๊อ เหย่ซี เร๊อ อา เตเตอเรอดุทู จอแปแหร่ เอ่หม่า โทเฮ๊อ เฉ่ เร๊อ เหย่ซี เร๊อ อา เด๊อะตา โทเฮ๊อ เหย่ซี เร๊อ อา เตซว๊าเตแส่ เฮ๊อ. เหย่ซี พย๊าหนิ เตจ๊อเบ อาแกล๊อาโกล เด๊อ เตหลู่แต โฮกู เร๊อ อา พย๊าหนิ แลแค จอแปแหร่ อา เตอ๊อแลนอแล เต๊เห่ เฮ๊อ.

ꤚꤥꤗꤢꤩ꤬ 9:6

เก่เฮ๊ฮู๊เนอเรอ, จอแปแหร่ เมปย๊าแกเฮ๊อ อา เตอ๊อแลนอแล เออเนอ เร๊อ แกแยยิวพู๊ เออเต๊เห่ เฮ๊อ แอ? อา เมปย๊าแก เน๊อ โต่. เมเตเฮ๊เรอ ล๋อ อิสราเอลพู๊ เด๊อ อากลุยแล กาแล เด๊อ เพ ยาโคบ อา โอ่ เต๊เห่เนอ, อา ทวาลอ จอแปแหร่ แกแย หม่าแหน่ ปว๋า เตเพร หม่าโต่.

ฟีลิปปี 3:3

เป หม่า จอแปแหร่ อาแกแย หม่าแหน่ เต๊เห่ เฮ๊อ, เหย่ซี เนอเต๊เห่ หม่า อา หม่าแหน่ หม่าโต่, เมเตเฮ๊เร๊อ เด๊อ จอแปแหร่ อา แหย่โยบูโพ๊ อาขว่าอาคยา, เป จ๊อบู่จ๊อเบแถ่ เฮ๊อ จอแปแหร่ เร๊อ เป เฮ๊เบ่ถู่เซ๊ เกอเร๊อ เตเด๊อ เหย่ซู่ครี๊ เม เป่ โทเฮ๊อ เป เออเต๊เห่ เฮ๊อ. แซ่ฮู๊ เป เก่ พย๊าหนิ เตเมแลเปล๊กา อาเงเนอ, เป โต ซิเล แถ่หนิ เกอเร๊อ เตเด๊อ เป เม เฮ๊อ อา เออเนอเต๊เห่ โอ่โต่.

เปโตร อาเหร่อเล๊อ ต๊าบ่า 2:1

ฮู๊เนอเรอ, ซิค๊าซิเถ่ ปา แต่ อู แต่เหม่. ล๋อ เตแลโฮแลแห่, เตจ่าจ๊อจ่าเต, เตซิเคว๊, เตแด๊เหม่อเถ่อโย ซี เต๊เห่เนอ โตเบ่ โอ่ ปาโต่.

เปโตร อาเหร่อเล๊อ ต๊าบ่า 2:22

“อา เม เตซื๊อ เตอเจ๋อ โต่. อู หนิโฮน๊อ เร๊อ อา เฮ๊เบ่ แลโฮ เตเพร่ว โต่.”

เตเด๊อะโลแถ่ 14:5

เหย่ซี เฮ๊เบ่ แลโฮ เกออู โต่. เหย่ซี เตซื๊อเตปล๊า โอ่เกออู โต่ เนอหม่า อู ซิเง.