ꤛꤥ꤭ꤟꤢ꤬ 1:44 - ลีเทส่อพ๊าอาเซ เร๊อ เห่ขุทวาลู๊

⁴⁴ คูฟีลิป หม่า วีเบธไซดา, อา โอ่เต่อ แซ่เกอ เฮ๊อ วี เร๊อ คูอันดรูว์ เร๊อ คูเปโตร โอ่ เกอเร๊อ วีเนอ ตีวี เฮ๊อ.

Eastern Kayah Shadaw Dialect

⁴⁴ ꤋꤢꤨ꤭ꤖꤤꤜꤤ꤬ꤕꤢꤨ꤬ ꤗꤢ꤬ ꤠꤤ꤭ꤙꤢꤩ꤬ꤞꤢ꤬ꤎꤢꤧꤘꤢ꤬ꤖꤢꤨ, ꤢ꤬ ꤥ꤬ꤒ꤫ꤣ꤬ ꤞꤢꤧꤊꤣꤧ꤭ ꤟꤣꤧ ꤠꤤ꤭ ꤔꤢꤧ ꤋꤢꤨ꤭ꤢꤧ꤬ꤘꤚꤢꤨ ꤔꤢꤧ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤥ꤬ ꤚꤣꤧꤘꤢꤦ꤬ ꤠꤤ꤭ꤔꤣꤧ꤬ ꤒꤣ꤬ꤠꤤ꤭ ꤟꤣꤧ꤯

ꤛꤥ꤭ꤟꤢ꤬ 1:44 ပူးပေါင်းရင်းမြစ်များ

มัทธิว 10:3

โทเรอ คูฟีลิป เร๊อ คูบารโธโลมิว, คูโธมัส เร๊อ เพร กุยอาหมู่อาร๊า คูมัทธิว, โทเรอ เพอัลเฟอัส อาพู๊คู คูยากอบ โทเรอ คูธัดเดอัส,

มัทธิว 11:21

“เก๋อ วีโคราซิน เร๊อ วีเบธไซดา, เตหร่าเตดวา เก่ ตา เบ่ดื่อ ซีปา นี๋. แว เก่ เด๊อะโล อาเมวโค๊ตีกลี๊ เออเนอ เด๊อ วีไทระ เร๊อ วีไซดอน เฮ๊หม่า, เหย่ซี ถู่แหล่แต๊แกละ แลแค อาซิปล่อ งย๋ากู๊ ลาเฮ๊อ เร๊อ เหย่ซี เก่ กือแซ๊แถ่ เห่อจา เร๊อโฮเคอคือ เร๊อ อา เก่ โอ่แนตา ตอรอ แลแค เด๊อ กู๊เผ่ขุ เฮ๊อ.

ꤗꤢ꤬ꤊꤢꤨ 3:18

คูอันดรูว์, เร๊อ คูฟีลิป, คูบารโธโลมิว, คูมัทธิว, คูโธมัส, เพอัลเฟอัส อาพู๊ คูยา กอบ, คูธัดเดอัส, คูซีโมน เด๊อ อา โม เกอเร๊อ อาเทออาเก่ เออเนอ เตเพร,

ꤗꤢ꤬ꤊꤢꤨ 6:45

เหย่ซู่โคเจ่ โถ่ปล๊อ โทโท เน๊อ เหย่ซู่ นอจว๊าโน แถ่แด๊ ลอ อา โคเจ่ เต๊เห่ เด๊อ ส่อเกลอ. เร๊อ อา นอเถ่จว๊า เหร่อแก เหย่ซี เด๊อ วีเบธไซดา เด๊อ อา โอ่ เด๊อ เทออ่อเบ๊เร เนอตีวี. เร๊อ เบ๊อะอา โคเจ่ แถ่แด๊ ส่อเกลอ เบ๊อะเนอ, อา เร๊อ อา ปลวากาแก ลอปลี แกแย ตู๊หมู่ดุ.

ꤗꤢ꤬ꤊꤢꤨ 8:22

เหย่ซู่ เร๊อ อา โคเจ่ เต๊เห่ จว๊าโต่ เด๊อ ดอ เบธไซดา เร๊อ แกแย เต๊เห่ เอ๊แฮหนิ แกแยเพ เป๊เส่คี๊ เตเพร เร๊อ อา แฮกุยซิยอ เหย่ซู่ เร๊อ อา เก่ โต่เบ่ เป่ เกอ แกแยเพ เออเตเพร.

ꤜꤢꤨꤊꤢ꤬ 10:13

“วีโคราซิน พู๊ซี๋, เตเมจากาคยา อา ตาเบ่ แหน่ เจ๊อ ซี ปา. ซี วีเบธไซดาพู๊ เต๊เห่ เบ่เบ่, เตเมจากาคยา อา แฮเบ่ เกอ เจ๊อ ซี ปาปา. เตโค๊ตีกลี๊ เด๊อ แว เด๊อะโลโท เป่ เฮ๊อ ซี เต๊เห่เนอ, แว เก่ เด๊อะโล โตบย่า เด๊อ วีไทระ เร๊อ วีไซดอน เฮ๊เนอหม่า, เทอพู๊เก่พู๊ เบ๊อะเนอ เต๊เห่ เกล๊ โอ่แนโอ่ เด๊อ กู๊เผ่เฮ่หมื่อขุ เร๊อ เหย่ซี เกล๊ กือแซ๊แถ่ เห่อจาเร๊อโฮเคอคือ เด๊อ อา เด๊อะโล เร๊อ เหย่ซี ถู่แหล่แต๊แกละ กาคยาแซ๊ อาซิ ปล่อเฮ๊อ, เหย่ซี เก่ เม แลแค ฮู๊เออเนอ อางยาลาเฮ๊อ.

ꤜꤢꤨꤊꤢ꤬ 6:14

คูซีโมน (เด๊อ เหย่ซู่ อาเอ๊ เป่ โป่ อามุย เร๊อ คูเปโตร) เร๊อ อาโป่ คูอันดรูว์, คูยากอบ เร๊อ คูยอห์น, คูฟีลิป เร๊อ คูบารโธโลมิว,

ꤜꤢꤨꤊꤢ꤬ 9:10

เพรโด่แนพู๊ เต๊เห่ กาคยา เร๊อ กาแด๊โฉ่ ลอ เหย่ซู่ เร๊อ ล๋อ เหย่ซี เมโทเฮ๊อ เตเนอเต๊เห่ อาหรี่อาแก. เหย่ซู่ เอ๊หนิ เหย่ซี เร๊อ อา เถ่จว๊า ตื๊อดื่อ แลแค เด๊อ วีตีวี เด๊อ อู เอ๊ เร๊อ เบธไซดา เนอตีวี.

ꤛꤥ꤭ꤟꤢ꤬ 1:43

อาเนอ เตอเนอ เหมาะลี เบ๊อะเนอ, เหย่ซู่ แด่แล เฮ๊อ อาซิปล่อ เด๊อ อา เก่ จว๊า เด๊อ กาลิลีเก่. อา แม๊เถอะ คูฟีลิป เร๊อ อา เฮ๊ ลู เน๊อ, “จว๊า! ครวาเกอ แวคยา เร๊อ ทวาแถ่เกอ แว โคเจ่ แห.”

ꤛꤥ꤭ꤟꤢ꤬ 1:45

คูฟีลิป แม๊เถอะ คูนาธานาเอล เร๊อ อา เฮ๊ ลู เน๊อ, “เป แม๊เถอะเฮ๊อ แกแย เด๊อ คูโมเสส รา ลูหรี่ลูแก เด๊อ ลี เตซว๊าเตแส่ อากูเนอ เร๊อ เพรโพร เต๊เห่ ราเกอ ลูหรี่ลูแก เนอ เตเพร เฮ๊อ. อา หม่า เพโยเซฟ อาพู๊คู เหย่ซู่ เร๊อ อา หม่า แกแย วีนาซาเร็ธพู๊.”

ꤛꤥ꤭ꤟꤢ꤬ 1:46

เร๊อ คูนาธานาเอล แด๊เฮอ คูฟีลิป เน๊อ, “เตตว่าเตแร๊ เต๊อเจ่อเจ่อ โอ่แถ่ แจ่ ช๊าเหล่แหน่ เด๊อ วีนาซาเร็ธ อากู แอ?” เร๊อ คูฟีลิป เฮ๊ฉื่อ ลู เน๊อ, “จว๋า, แว จว๊ายู เน.”

ꤛꤥ꤭ꤟꤢ꤬ 1:48

เร๊อ คูนาธานาเอล แด๊เฮอ ลู เน๊อ, “เน จว๊า ซิเง แจ่ แว ฮู๊เต?” อา เฮ๊ เร๊อ เหย่ซู่ เฮ๊ฉื่อ ลู เน๊อ, “เบ๊อะคูฟีลิป เอ๊ แต่ล๋าย เน โต่ เบ๊อะเนอ, แว แม๊เถอะ เน โอ่ เบ๊อะก่อดุ๊ยหม่อเล เนอ.”

ꤛꤥ꤭ꤟꤢ꤬ 12:21

กรีกพู๊ เออเต๊เห่เนอ, อา จว๊าโต เด๊อ คูฟีลิป อา โอ่, เร๊อ อา เฮ๊ ลู เน๊อ, “ซ๊าร๊า, เป ซิ แม๊เถอะ เกอลา แบ่เจ่ เหย่ซู่” คูฟีลิป หม่า วีเบธไซดา, กาลิลี เก่พู๊ เตเพร.

ꤛꤥ꤭ꤟꤢ꤬ 12:22

คูฟีลิป จว๊า แด๊โฉ่ เป่ คูอันดรูว์ เร๊อ อา เร๊อ คูอันดรูว์ จว๊า แด๊โฉ่โล เป่ เหย่ซู่.

ꤛꤥ꤭ꤟꤢ꤬ 6:5

เบ๊อะแบ่เจ่ เหย่ซู่ แม๊ เร๊อ อา แม๊เถอะ แกแย ตู๊หมู่ดุ แฮ โต เด๊อ ลูโอ่ เนอ, อา เฮ๊ คูฟีลิป เน๊อ, “เป เก่ จว๊า พรีเอ่ โต เป่แกแย เออเต๊เห่ เหล่เอ่ เบ๊อะเออ?”

ꤛꤥ꤭ꤟꤢ꤬ 6:7

คูฟีลิป เฮ๊ฉื่อ เน๊อ, “เป พรีเอ่ ลอ เป่ เจ๊อ เหย่ซี เร๊อ รือหย่า เดนาริอัน โต๊โก่ เบ๊อะเนอ เจ๊อ หม่า, เหย่ซี เอ่ แพ๊ เตเพร ตือมือ เน๋อ อาโป่เอ่โต่.”

เพรโด่แนพู๊ เต๊เห่ 1:13

เหย่ซี กาโต่ เด๊อ วีเยรูซาเล็ม อากู เร๊อ อา จว๊าแถ่โน เด๊อ หี่ เด๊อ เหย่ซี เหล่จว๊าโอ่โก๊ เกอเร๊อ แตแปล๊เตอเปลอ เออเนอเตเม เด๊อ อาขุเนอ โต๊โต่. เร๊อ เหย่ซี เออเต๊เห่หม่า แคร๋ อูเป เฮ๊เร๊อ คูเปโตร, คูยอห์น, คูยากอบ, คูอันดรูว์, เร๊อ คูฟีลิป, คูโธมัส, คูบารโธโลมิว, คูมัทธิว, คูอัลเฟอัส อาพู๊เพรคู คูยากอบ, คูซีโมน เด๊อ อา โม เกอเร๊อ อาเทออาเก่ เออเตเพร เน๊อ เพยากอบ อาพู๊เพรคู คูยูดาส ซีเต๊เห่ แพ๊.