ꤛꤥ꤭ꤟꤢ꤬ 1:33 - ลีเทส่อพ๊าอาเซ เร๊อ เห่ขุทวาลู๊

³³ เด๊อ อาเหร่อเค เนอหม่า แว ซิเงแต่ล๋าย เร๊อ อา หม่า แกแย ทวา ฮู๊เออเนอ เตเพร ล๋ายโต่, ตื๊อดื่อเรอ จอแปแหร่ เด๊อ อา นอ แว เด๊อ แว เก่ เจ เป่ อู เร๊อ เทอ เออเตเพรเนอ อา เฮ๊ แว เน๊อ, ‘ช๋า เนอปา เนอ, เก่ เน แม๊เถอะ แหย่โยบูโพ๊แบ่เจ่ แฮแล โอ่ เด๊อ แกแย เตเพร อาลู ปา เฮ๊เนอ อา หม่า หม่าเฮ๊อ แกแย เด๊อ อา เก่ เจ เป่ อู เร๊อ แหย่โยบูโพ๊แบ่เจ่ ปา เนอเตเพร เฮ๊อ.’

Eastern Kayah Shadaw Dialect

³³ ꤘꤣ ꤢ꤬ꤚ꤫ꤣꤧ꤬ꤋꤢꤩ꤭ ꤔꤣꤧ꤬ꤗꤢ꤬ ꤠꤢꤧ꤭ ꤞꤤꤑꤢꤩ꤭ꤜꤢ꤭ꤟꤤ ꤔꤢꤧ ꤢ꤬ ꤗꤢ꤬ ꤊꤣꤧ꤬ꤛꤢꤧ꤭ ꤓꤝꤢ꤭ ꤟꤢꤨꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤜꤢ꤭ꤟꤤꤒꤥ꤬ ꤒꤣꤧ꤬ꤘꤢꤦꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤔꤢꤪ꤭ ꤠꤢꤧ꤭ ꤘꤣ ꤠꤢꤧ꤭ ꤊ꤫ꤢꤦ꤬ ꤡꤢꤩ꤬ ꤕ꤫ꤢꤩ꤬ ꤢꤨ꤭ ꤔꤢꤧ ꤓꤣꤧ꤭ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤟꤢꤩ ꤠꤢꤧ꤭ ꤔꤢꤧ, ‘ꤏꤢ꤮ ꤔꤥ꤬ꤕꤢ꤭ ꤔꤣꤧ꤬, ꤊꤢꤩ꤬ ꤔꤢꤧ꤬ ꤗꤢꤧꤓ꤫ꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤟꤢꤧ꤭ꤜꤢꤧ꤬ ꤥ꤬ ꤘꤣ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤢ꤬ꤜꤥ꤬ ꤕꤢ꤭ ꤟꤢꤩꤔꤣꤧ꤬ ꤢ꤬ ꤗꤢ꤬ ꤗ꤫ꤢ꤬ꤟꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊ꤫ꤢꤦ꤬ ꤡꤢꤩ꤬ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤕꤢ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤟꤣꤧ꤯’

ꤛꤥ꤭ꤟꤢ꤬ 1:33 ပူးပေါင်းရင်းမြစ်များ

เพรโด่แนพู๊ เต๊เห่ 1:5

โท๊โต่ อา เฮ๊โป่ เหย่ซี เน๊อ, “คูยอห์น เจ เป่ อู เร๊อ เทอ, หม่าแน๊ เรอ งยาแต่โต่ ปาเนอ อู เก่ ปลวา เป่ ซี เร๊อ แหย่โยบูโพ๊แบ่เจ่ ปา.”

ꤜꤢꤨꤊꤢ꤬ 3:16

ฮู๊เนอ อาขว่าอาคยา, คูยอห์น เฮ๊ เหย่ซี ปว๋า เตเพร เน๊อ, “แว เจ ซี เร๊อ เทอ แพ๊, หม่าแน๊เรอ เพร เด๊อ อา เตอเรออาโพร ฉว่าชอ เล๊อเล๊อ เจ๊อ เร๊อ แว เตเพรเนอ อา เก่ แฮ ปา. แว ฉิโล๊ เป่แพ๊ อา แข่แด๊พ๊า เปลอ แพ๊ เน๋อ แว ต่า เร๊อ อา โต่. อา เก่ แฮ เจ ซี เร๊อ แหย่โยบูโพ๊แบ่เจ่ เร๊อ หมิ ปา

มัทธิว 3:11

“เด๊อ ซี ถู่แหล่แต๊แกละ ซีซิปล่อ อาขว่าอาคยา, แว เจ ซี เร๊อ เทอ. หม่าแน๊เรอ แกแย โอ่เตเพร เด๊อ อา เตอเรอฉว่าชอ เล๊อ เจ๊อ เน๊อ แว เตเพรเนอ อา เก่ แฮ เด๊อ แวคยา ปา. อา เก่ เจ ซี เร๊อ แหย่โยบูโพ๊ แบ่เจ่ เร๊อ หมิ ปา. แว กู๊กลอแพ๊ อาแข่แด๊พ๊า เน๋อ อา ต่าเร๊อ แว โต่.

ꤛꤥ꤭ꤟꤢ꤬ 3:34

แกแย เด๊อ จอแปแหร่ นอตา อา เตเพรเนอ, จอแปแหร่ เด๊อะ เล๊อบา เฮ๊อ ลู แหย่โยบูโพ๊แบ่เจ่ อาขว่าอาคยา, อา เฮ๊เบ่แพ๊ จอแปแหร่ อาลาอาโหง่ เต๊เห่ แพ๊.

โครินธ์ อาเหร่อเล๊อ ต๊าบ่า 12:13

ฮู๊เนอเฮ๊อ, เด๊อ เปเกล เนอ, เต๊เห่เห่ หม่า แกแยยิวพู๊, เต๊เห่เห่ หม่า แกแยยิวพู๊ หม่าโต่, เต๊เห่เห่ หม่า หลู่, เต๊เห่เห่ หม่า เพร ป่าลาพู๊. หม่าแน๊เรอ เด๊อ แหย่โยบูโพ๊ แบ่เจ่ เออเตเพรเพร๋ จือแพ๊ ลู อาขว่าอาคยา, เป เจ โหร่ ลอปลี ลู เทอ เด๊อ ครี๊ อาเหน่กล่อ เตเพร่ว อากู แพ๊. เป พย๊าหนิ แซ่ ลอลู แหย่โยบูโพ๊ แบ่เจ่ เตเพรเพร่ว แพ๊.

ꤛꤥ꤭ꤟꤢ꤬ 3:5

เหย่ซู่ เฮ๊ฉื่อ ลู เน๊อ, “แว แด๊โฉ่จ๊อจ๊อ เน, แกแย เด๊อ อา โอ่เป๊เจ่แลเซเต๊เปล่ คยาแซ๊ เน๊อ เทอ เร๊อ จอแปแหร่ อาแหย่โยบูโพ๊ โต่ เต๊เห่เน๊อ, อา โนหนิ แจ่ เด๊อ จอแปแหร่ อาเทออาเก่กู โต่.

เพรโด่แนพู๊ เต๊เห่ 2:4

เหย่ซี เล๊อบา ล๊อปลี เร๊อ แหย่โยบูโพ๊แบ่เจ่ ปว๋า เตเพร เร๊อ เหย่ซี เฮ๊เบ่เถ่ ลอ เน๊อ โหง่โค๊ตีกลี๊ ฮู๊ แหย่โยบูโพ๊แบ่เจ่ นอเฮ๊เบ่ เหย่ซี เนอเต๊เห่.

ꤛꤥ꤭ꤟꤢ꤬ 1:31

แกแย เด๊อ แว แด๊โฉ่ เป่ ซี เด๊อ อาเหร่อเค เตเพร เนอหม่า อูเปเนอ แว ซิเงโต่, ตื๊อดื่อเรอ แซ่ฮู๊ อิสราเอลพู๊ เก่ ซิเง ตาเต อา อาเงเนอ, แว แฮ เจ เป่ อู เร๊อ เทอ แพ๊.”

ꤛꤥ꤭ꤟꤢ꤬ 7:39

เทอ เด๊อ อาเด๊อะ อู ซิปล่อเซอเพร เด๊อ แบ่เจ่ เหย่ซู่ เฮ๊ เออเนอหมา หม่า แหย่โยบูโพ๊แบ่เจ่ แพ๊. อูเปเป๋ เบ่เบ่ เด๊อ อา หยื่อเอ่ ลู เต๊เห่เนอ, อา เก่ พย๊าหนิ ปา. แบ่เจ่ เหย่ซู่ พย๊าหนิ แล๋ เตเตอเรอดุ เตอเรอทู โต่, เมเตเฮ๊เรอ อา เซอ ก๊อถ่อกาคยา เร๊อ อา กา กี๊แถ่ เด๊อ ม๊อขุ ล๋ายโต่. ฮู๊เนอเร๊อ จอแปแหร่ อา แหย่โยบูโพ๊ แฮโนโอ่ เด๊อ เหย่ซี ซิปล่อกู เตเพร่ว ล๋ายโต่.

ꤛꤥ꤭ꤟꤢ꤬ 14:26

หม่าแน๊เรอ, เพ เก่ นอแฮ เป่ ซี เพรเมจว่า ซี แหย่โยบูโพ๊แบ่เจ่ เร๊อ แวมุย ปา. อา เก่ อิซว๊าอี๊แส่ เป่ ซี เตล๋อ ปลี ปา, โท๊โต่ ล๋อ เต เด๊อ แว เฮ๊โทเฮ๊อ ซี เต๊เห่เนอ, อา เก่ เด๊อซิเง กาคยา คยาแซ๊ ซี ปา.