ꤛꤥ꤭ꤟꤢ꤬ 1:17 - ลีเทส่อพ๊าอาเซ เร๊อ เห่ขุทวาลู๊

¹⁷ จอแปแหร่ เด๊อะตา เตซว๊าเตแส่ เร๊อ คูโมเสส เร๊อ คูโมเสส เด๊อะตา แฮเง เน๊อ เป, ตื๊อดื่อเร๊อ เหย่ซู่ครี๊ หม่า หม่าเฮ๊อ แกแย เด๊อ อา เด๊อะตา เป่ เป เตบุ๊ยเตเตอเรอ เร๊อ เตหมะเตจ๊อ.

Eastern Kayah Shadaw Dialect

¹⁷ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤒꤢ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤔꤢꤧ ꤋꤢꤨ꤭ꤗꤢꤪꤎꤢꤧ ꤚꤣꤧ꤬ ꤋꤢꤨ꤭ꤗꤢꤪꤎꤢꤧ ꤘꤣꤧꤒꤢ꤭ ꤘꤤ꤭ꤒ꤫ꤢꤦ꤬ ꤔꤢꤧ ꤕꤢꤩ꤬, ꤒꤣꤧ꤬ꤘꤢꤦꤚꤣꤧ꤬ ꤛꤢꤩ꤬ꤏꤛꤢꤨꤋꤚꤤ ꤗꤢ꤬ꤗ꤫ꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤣꤧꤒꤢ꤭ ꤕ꤫ꤢꤩ꤬ ꤕꤢꤩ꤬ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤔꤢꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ꤯

ꤛꤥ꤭ꤟꤢ꤬ 1:17 ပူးပေါင်းရင်းမြစ်များ

เห่ขุทวาลู่ 22:18

เน หนิดา แวโหง่ อาขว่าอาคยา, ล๋อ เมวเจ่อ เด๊อ เห่ขุ เออเต๊เห่ อา เก่ พย๊าหนิ แฮเง เตเด๊อะบุ๊ยเด๊อะเตอเรอ เด๊อ เนกลุยเนลุ๊ย อาขว่าอาคยา ปา.’”

เห่ขุทวาลู่ 3:15

แว นอ ทวาแถ่ เนเออ เน๊อ เพรเหมาะ เออเตเพร เก่ ซิเถ่ซิฮา ลู ปา, เนกลุยเนลุ๊ย เน๊อ เพรเหมาะ อากลุยอาลุ๊ย เก่ ช๊า ลู ปา, เร๊อ เพรเหมาะ อากลุยอาลุ๊ย เก่ หยิหมื่อ เนกู่กล๊อ ปา, เร๊อ เน เก่ อ่าติ เพรเหมาะ อากลุยอาลุ๊ย เพรคู เนอเตเพร อากู๊โหน่แก ปา.”

ꤛꤥ꤭ꤟꤢ꤬ 1:14

แกแย เด๊อ อู เอ๊ อา เร๊อ เตลาเตโหง่ เออเตเพรเนอ, อา แฮทวา ฮู๊ แกแย เนอ เร๊อ อา แฮ โอ่เซอเพร เฮ๊อ เด๊อ เปเกล. เป แม๊เถอะเฮ๊อ อา เตเตอเรอดุ เตอเรอทู. จอแปแหร่ อาพู๊คู ย๊อโอ่ตื้อ เตเพรแพ๊ อาขว่าอาคยา, อา พย๊าหนิ ลอปลี เจ๊อ เตเตอเรอดุ เตอเรอทู เออ เด๊อ อาเพโอ่ เจ๊อ. อา หม่า แกแย เด๊อ อา เล๊อบา เร๊อ เตบุ๊ยเตเตอเรอ เร๊อ เตหมะเตจ๊อ เตเพร.

ꤛꤥ꤭ꤟꤢ꤬ 14:6

เร๊อ แบ่เจ่ เหย่ซู่ เฮ๊ฉื่อ ลู เน๊อ, “แว หม่า แกล๊ เน๊อ เตหม่า เตจ๊อ เร๊อ เตเซอเพร เฮ๊อ. แว ทวา เป่เฮ๊อ อู แกล๊จว๊า เด๊อ เพ อา โอ่ อาขว่าอาคยา, อูเปเป๋ เบ่เบ่, อา เก่ จว๊า เต่อ เร๊อ แว โต่ เฮ๊เนอ, อา จว๊าโต่ แจ่ เด๊อ เพ อา โอ่ เตเพร่ว โต่.

ꤛꤥ꤭ꤟꤢ꤬ 18:37

คุ๊ยปีลาต เฮ๊ ลู เน๊อ, “เก่ เฮ๊ฮู๊เนอ เฮ๊เรอ เน ทวา คุ๊ย เตเพร เฮ๊อ เนอ?” อา แด๊เฮอ ลู ฮู๊เนอ. แบ่เจ่ เหย่ซู่ เฮ๊ฉื่อ ลู เน๊อ, “แว หม่า คุ๊ย เตเพร หม่าแหน่ ฮู๊ เน เฮ๊ เนอเฮ๊อ. แซ่ฮู๊ แว เก่ เฮ๊โฉ่เป่ อู เร๊อ เตหมะเตจ๊อ เนอเรอ, แว แฮ อากาโอ่พู๊เจแล เด๊อ เห่ขุเออ เฮ๊อ. ล๊อ แกแย โอ่เกอ เด๊อ เตหมะเตจ๊อ ตากยา เต๊เห่เนอ อา เก่ หนิดา แวโหง่ ปา” อา เฮ๊ ฮู๊เนอ.

ꤛꤥ꤭ꤟꤢ꤬ 5:45

“เตเน แต่ แว เร๊อ แกแย เตเพร เด๊อ อา เก่ แด่ ซี เตซื๊อ เด๊อ เพ อา เป๊เส่เง เนอปา แต่เหม่. คูโมเสส เด๊อ ซี แม๊ชือ ซิเล เกอเร๊อ ลู เนอเตเพร, เก่ แด่ ซี เตซื๊อ ปา.

ꤛꤥ꤭ꤟꤢ꤬ 7:19

คูโมเสส เด๊อะเฮ๊อ ซี เตซว๊าเตแส่ แวเฮ๊โต่? หม่าแน๊เรอ ซี ลือครวาเม เกอ เตซว๊าเตแส่เตเพร๋ โต่. ซี แม๊ปู เมเซอ แว เมเต?”

ꤛꤥ꤭ꤟꤢ꤬ 8:32

เร๊อ ซี เก่ ซิเง เตหม่า เตจ๊อปา. เร๊อ เตหม่า เตจ๊อ เก่ ปลวาเถ่ ซี ปา,” อา เฮ๊ เหย่ซี ฮู๊เนอ.

ꤛꤥ꤭ꤟꤢ꤬ 9:29

“จอแปแหร่ เฮ๊เบ่ เน๊อ คูโมเสส มู๋ หนู่เค เนอหม่า เป ซิเง. หม่าแน๊เรอ แกแย เออเตเพร, อา โอ่โต เบ๊อะเตแฮ เนอ เป ซิเงน๊อ เจ๊อ ตีกี๋ โต่.”

เพรโด่แนพู๊ เต๊เห่ 28:23

ฮู๊เนอเรอ เหย่ซี เฮ๊โอ่ ลู ม๊อเนอม๊อเซ เด๊อ อา เก่ แม๊เถอะ ตาฉื่อ คยาแซ๊ เร๊อ คูเปาโล เร๊อ เบ๊อะเหย่ซี เฮ๊โอ่ ลู เนอเตอเนอเนอ, แกแยยิวพู๊ เต๊เห่ แฮ แลแค เบ๊อะคูเปาโล โอ่ เกอเร๊อ หี่ เนอเตเม อากู, เร๊อ เหย่ซี แฮโหร่ เอ๊เล๊อ เจ๊อ เน๊อ เด๊อ อาเหร่อเค เนอตื๊อหื่อ เจ๊อ. เร๊อ คูเปาโล เป๊อแถ่ เฮ๊โฉ่โด่แนโล เป่ เหย่ซี เร๊อ จอแปแหร่ อาเทออาเก่ อาหรี่อาแก เร๊อ อาข่าเฮ๊โล หนิ อาหรี่อาแก เด๊อ เหมาะลี โต่ เจ๊อ เด๊อ เหมาะคี๊ เจ๊อ. แซ่ฮู๊ เหย่ซี เก่ หยื่อเอ่ เหย่ซู่ อาหรี่อาแก เอออาเงเนอเร๊อ, อา แอ๊จื๊อ เฮ๊โฉ่ซิเงโปล เป่ เหย่ซี เร๊อ คูโมเสส อา เตซว๊าเตแส่ เนอเต๊เห่ เน๊อ เพรโพรเฮ๊หนื่ออื่อ เนอเต๊เห่.

เพรโด่แนพู๊ เต๊เห่ 7:38

คูโมเสส หม่า แกแย เตเพร เด๊อ อา โอ่เต่อโอ่ปล๊อ เต่อโร๊ ลอ เร๊อ เปเพอเปโพ เด๊อ เก่เชเทอแก หล่อตาม๊าขุ เนอเตเพร เฮ๊อ. อา โอ่เตอเกอ เร๊อ เป โหมะเพเพอโพ เด๋อ งย๊าเค เต๊เห่ เร๊อ เตเน่วม๊อขุพู๊ เด๊อ อา เฮ๊เบ่ เกอเร๊อ ลู เด๊อ ซีนายโฉ่ขุ เนอเตเพร เฮ๊อ. โทเรอ อา หม่า แกแย เตเพร เด๊อ อา พย๊าหนิ จอแปแหร่ อาลาอาโหง่ เด๊อ อา เซอเพร เออเต๊เห่ เร๊อ อา เก่ เด๊อะแล แฮเง เป่ เร๊อ เป เออเต๊เห่ เนอ เฮ๊อ.

ꤚꤥꤗꤢꤩ꤬ 6:14

ซี โอ่เซอเพร เด๊อ เตซว๊าเตแส่ อาเล หม่า ปาโต่เฮ๊อ, ซี โอ่เซอเพร เฮ๊อ เด๊อ จอแปแหร่ อาบุ๊ยอาเตอเรอ อาเล เฮ๊อ. ฮู๊เนอเรอ เตซื๊อ เออเนอ อา ทวา ปา ซีแบ่เจ่ หม่าปาโต่เฮ๊อ.

โครินธ์ เนอบ่า ต๊าบ่า 1:20

แบ่เจ่ เหย่ซู่ เมเล๊อเมบา เป่ ลอ เฮ๊อ ล๋อ จอแปแหร่ อา เตอ๊อแล เนอเต๊เห่ เฮ๊อ. อา เมเล๊อเมบา เป่ จอแปแหร่ อา เตอ๊อแล เออเนอหมา, เป ซิปล่อโต เกอ แพ๊ เร๊อ เป เก่ เฮ๊ เน๊อ, “อาเมน” อาโหง่แลช๊า หม่า “อา หม่าแหน่ เจ๊อ” เร๊อ เป เก่ ถู่เซ๊แถ่ จอแปแหร่ ฮู๊เนอ.

ꤊꤢ꤬ꤜꤢ꤬ꤒꤤ 3:17

เตเด๊อ แว ซิหยื่อ เฮ๊เนอหม่า ฮู๊เต เฮ๊เนอเรอ, จอแปแหร่ อ๊อแล โทเฮ๊อ เร๊อ เพ อับราฮัม เร๊อ เด๊อคยา อาหน่า ลุยเย เร๊อ โซเชอ เนอ, อา เด๊อะตาเนอ แพ๊ เตซว๊าเตแส่ เด๊อ คูโมเสส อา โอ่ แพ๊. เตซว๊าเตแส่ เออเนอหมา, อา เม ตูพูแกแจ่ เร๊อ จอแปแหร่ อา เตอ๊อแล โต่.

ꤟꤤꤙꤚꤢꤨ 9:22

เก่ เฮ๊ ตาต๋า หม่า, เตซว๊าเตแส่ เฮ๊ เน๊อ, ตาเต เด๊อ อู นอเอ่ อา เร๊อ เตจ๊อบู่จ๊อเบ อาเง เต๊เห่เนอ, อู เบ่ เมโพ๊เมปลี ลู เร๊อ สุ่ย เนอ อา ผื่อ เตเร ลอ เจ๊อ ปว๊าเต๊อเจ่อ. สุ่ย เก่ ทุ๊ยตา โต่ เนอ, จอแปแหร่ ปลวาแกเบ๊ เตซื๊อ เตอเจ๋อ โต่.