ꤛꤥ꤭ꤟꤢ꤬ 1:16 - ลีเทส่อพ๊าอาเซ เร๊อ เห่ขุทวาลู๊

¹⁶ อาบุ๊ยเตอเรอ โอ่เล๊อโอ่บา เจ๊อ อาขว่าอาคยา, เป ล๋อ ปลี พย๊าหนิ เกอดื่อเฮ๊อ เตบุ๊ยเตเตอเรอ เต๊อเจ่อ โท เต๊อเจ่อ เด๊อ ลูโอ่ เฮ๊อ.

Eastern Kayah Shadaw Dialect

¹⁶ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤥ꤬ꤜꤣꤥ꤬ꤙꤢ꤭ ꤡꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤜꤢꤪ꤭꤮ ꤕꤜꤤ꤭ ꤔ꤫ꤤ꤬ꤙꤢꤩ꤬ ꤊꤣꤧ꤭ꤘꤢꤦ꤬ꤟꤣꤧ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤒꤣ꤬ꤡꤣ꤬ ꤓꤥ꤭ ꤒꤣ꤬ꤡꤣ꤬ ꤘꤣ ꤜꤢꤨ꤭ꤥ꤬ ꤟꤣꤧ꤯

ꤛꤥ꤭ꤟꤢ꤬ 1:16 ပူးပေါင်းရင်းမြစ်များ

มัทธิว 13:12

เมเตเฮ๊เรอ แกแย เด๊อ อา โอ่ เร๊อ เตซิคว๊าซิเง หม่าดื่อ ม๊อขุ เทอเลเก่กู อาหรี่อาแก เต๊เห่เนอ จอแปแหร่ เก่ เด๊อะ ซิเง เอ๊แถ่ เล๊อโป่ ลู ปา. แกแย เด๊อ อา โอ่ เกอ เน๊อ เตซิคว๊าซิเง หม่าดื่อ ม๊อขุ เทอเลเก่กู อาหรี่อาแก โต่ เต๊เห่เนอ, อา เก่ โอ่ แพ๊ ตี๊กิแพ๊ เบ่เบ่, จอแปแหร่ เก่ พย๊าแกลอเผ่ ลู ปา.

มัทธิว 3:11

“เด๊อ ซี ถู่แหล่แต๊แกละ ซีซิปล่อ อาขว่าอาคยา, แว เจ ซี เร๊อ เทอ. หม่าแน๊เรอ แกแย โอ่เตเพร เด๊อ อา เตอเรอฉว่าชอ เล๊อ เจ๊อ เน๊อ แว เตเพรเนอ อา เก่ แฮ เด๊อ แวคยา ปา. อา เก่ เจ ซี เร๊อ แหย่โยบูโพ๊ แบ่เจ่ เร๊อ หมิ ปา. แว กู๊กลอแพ๊ อาแข่แด๊พ๊า เน๋อ อา ต่าเร๊อ แว โต่.

มัทธิว 3:14

หม่าแน๊เรอ คูยอห์น ซิหยื่อ เจ เป่ ลู โต่. เร๊อ อา เฮ๊ ลู เน๊อ, “แว โต เจ เตเปล๋ กู แวเหน่ เด๊อ เน โอ่ กอกอ เร๊อ เน จว๊าแฮ เจ เป่ เนเหน่ เด๊อ แวโอ่ ฮู๊เต?”

ꤜꤢꤨꤊꤢ꤬ 21:15

เมเตเฮ๊เรอ, เตเฮ๊เบ่แจ่ เฮ๊เบ่โปล เร๊อ เตลีแมลีเพ๊ เด๊อ แกแย ซิเถ่ ซีเต๊เห่ เก่ เฮ๊ กาคยาฉื่อ แจ่ ปา เจ๊อ ซี เตเพร่ว โต่ เต๊เห่เนอ, แว เก่ เด๊อะดื่อ ซี ปา.

ꤛꤥ꤭ꤟꤢ꤬ 3:34

แกแย เด๊อ จอแปแหร่ นอตา อา เตเพรเนอ, จอแปแหร่ เด๊อะ เล๊อบา เฮ๊อ ลู แหย่โยบูโพ๊แบ่เจ่ อาขว่าอาคยา, อา เฮ๊เบ่แพ๊ จอแปแหร่ อาลาอาโหง่ เต๊เห่ แพ๊.

ꤚꤥꤗꤢꤩ꤬ 5:17

เด๊อ เพรคู เพอาดัม เม เตซื๊อเตปล๊า อาขว่าอาคยา, แกแย ล๋อ ปลี เบ่เซอ เนอหม่า อาโต แพ๊. หม่าแน๊เรอ แกแย เด๊อ อา ซิปล่อโอ่ พย๊าฉื่อ จอแปแหร่ เด๊อะ ลู เร๊อ อาบุ๊ยดุ เตอเรอทู เออเนอ, เร๊อ อา เด๊อะครา ลู เตจ๊อเตเต อาเชหยู่ เออเต๊เห่เนอ, อา เก่ โอ่เซอเพร ตูจูเพร เกอ เร๊อ เหย่ซู่ครี๊ ปา. โท๊โต่ อา เก่ เป๊อ เต่อเกอ เต เร๊อ เหย่ซู่ครี๊ ปา. เมเตเฮ๊เรอ แกแย เตเพร เด๊อ อา หม่า ครี๊ เออเนอ, อา เม เป่ โทเฮ๊อ เต เด๊อ เปเง เฮ๊อ.

ꤚꤥꤗꤢꤩ꤬ 5:2

เด๊อ เป หยื่อเอ่ แบ่เจ่ เหย่ซู่ครี๊ อาขว่าอาคยาเร๊อ, อา นอ โอ่เซอเพร เฮ๊อ เป เด๊อ จอแปแหร่ อาบุ๊ยอาเตอเรอ อากู เฮ๊อ. กู๊แหน่เออ เป โอ่เซอเพร เกอเฮ๊อ เด๊อ อาบุ๊ยอาเตอเรอ อากู เฮ๊อ. เร๊อ เป ซิครือ แม๊ชือแม๊ตู่ เกอ เฮ๊อ จอแปแหร่ อา เตอเรอดุเตอเรอทู เออเนอ เฮ๊อ.

ꤚꤥꤗꤢꤩ꤬ 5:20

แซ่ฮู๊ แกแย ล๋อ ปลี เก่ ซิเง เร๊อ เหย่ซี เมซื๊อ เอ๊แหน่เจ๊อ อาเงเนอ, จอแปแหร่ เด๊อะตาเป่ เฮ๊อ เหย่ซี เตซว๊าเตแส่ เออเนอ เฮ๊อ. หม่าแน๊เรอ เบ๊อะเหย่ซี เมเตซื๊อ เอ๊แถ่ เร๊อ เอ๊แถ่ เบ๊อะเนอ, จอแปแหร่ อา เตบุ๊ยเตเตอเรอ เออ อา ลื๋อ โอ่เอ๊แถ่ เร๊อ โอ่เอ๊แถ่แถ่ เจ๊อ.

ꤚꤥꤗꤢꤩ꤬ 8:9

หม่าแน๊เรอ, ซีเนอ, พ๊าหย่า อา เตซิหยื่อซิลอ มู๊แหม่ เป๊อหนิเกอ ซี โต่. จอแปแหร่ อา แหย่โยบูโพ๊ เก่ โอ่เซอเพร เด๊อ ซีเหน่ลู เฮ๊เรอ, อา แหย่โยบูโพ๊ แบ่เจ่ เออเนอ เก่ เป๊อหนิ ซี ปา. อูเปเป๋ เบ่เบ่, เด๊อ อา พย๊าหนิ เกออู ครี๊ อา แหย่โยบูโพ๊ โต่ เต๊เห่เนอ อา ทวา ครี๊ อาเต หม่าโต่.

เอเฟซัส 1:23

เพรหยื่อเอ่ตู๊หมู่ตอกล๊อ หม่า ครี๊ อาเหน่กล่อ. เพรหยื่อเอ่ตู๊หมู่ตอกล๊อ เออเนอหมา อาเล๊ออาบาแถ่ แจ่ แพ๊ เร๊อ ครี๊ อา เตโอ่เซอเพร แพ๊. เพร เด๊อ อา เมเล๊อบาแจ่ เตปว๊า เต๊อเจ่อ เร๊อ เหล่โอ่ ปว๊า โต๊โผ่ เนอหม่า ตือแพ๊ ครี๊ แพ๊.

เอเฟซัส 3:19

อู ซิเงทว๊า ครี๊ อาเตโม เตเพร่ว โต่ หม่าแน๊เรอ แซ่ฮู๊ ซี เก่ ซิเง เกออู เนอเรอ, แว กุยจ๊อเบ เด๊อ ซีเง. เบ๊อะซี ซิเงแฮเฮ๊อ อาเตโม เบ๊อะเนอ, ซี เก่ พย๊าหนิ เล๊อบา ลอ ล๋อ จอแปแหร่ อาเหล่โกล เนอเต๊เห่ ปา.

โคโลสี 1:19

เมเตเฮ๊เรอ, ล๋อ จอแปแหร่ โอ่ เร๊อ อา เตเล๊อเตบา เต๊เห่เนอ, อา ซิหยื่อ นอโอ่เกอ เด๊อ ครี๊ อากู.

โคโลสี 2:3

เตลีแม เน๊อ เตซิคว๊าซิเง ล๋อ ปลี หม่าดื่อเฮ๊อ เตเด๊อะบุ๊ยเด๊อะเตอเรอ งูดุงูชอ เออเนอ, อา โอ่โอ๊โอ่บี๊ เด๊อ ครี๊ อากู.

เปโตร อาเหร่อเล๊อ ต๊าบ่า 1:11

ครี๊ อา แหย่โยบูโพ๊ โอ่ เด๊อ เพรโพร เต๊เห่ อา ซิปล่อกู เร๊อ อา เฮ๊หนื่ออื่อ เร๊อ ครี๊ อาหรี่อาแก เร๊อ อา เก่ ข่าเบ่เหร่อ เตจาเตจือ เต๊เห่ ปา. โทเร๊อ เตเตอเรอดุเตอเรอทู เต๊เห่ เก่ แฮเนอ เด๊อ คยา ปา, เหย่ซี แม๊ปู ซิเง แลแค เร๊อ ม๊อเนอ ตาโต ตาเบ่ เก่ เบ่ เบ๊อะเกเต ปา, โทเร๊อ อา เก่ เม อาเหน่ ฮู๊เต ปา ฮู๊เนอ.

เปโตร อาเหร่อเล๊อ ต๊าบ่า 1:2

เพ จอแปแหร่ นว๊าแถ่ หนิ ซี ฮู๊ อา เตเตเนหนื่ออื่อ เร๊อดื่อเนอ เร๊อ จอแปแหร่ อา แหย่โยบูโพ๊ เมบูโพ๊แถ่ ซี, แซ่ฮู๊ ซี เก่ หนิดา เหย่ซู่ครี๊ อาโหง่ เร๊อ เด๊อ อาสุ่ย อาขว่าอาคยา, อา เก่ เมโพ๊เมปลี เป่ ซี. เตบุ๊ยเตเตอเรอ เร๊อ เตเพรอาดือ เก่ โอ่เล๊อะโอ่บา ดื่อ เร๊อ ซี นี๋.