ꤛꤥ꤭ꤟꤢ꤬ 1:13 - ลีเทส่อพ๊าอาเซ เร๊อ เห่ขุทวาลู๊

¹³ เหย่ซี ทวาแถ่ แจ่ จอแปแหร่ อา พู๊เหมาะ พู๊คู ฮู๊ แกแย เหล่โกล กาโอ่เป๊เจ่แล เกอเร๊อดื่อเนอ หม่าโต่. หม่าโต่เรอ ฮู๊ สุ่ยเทอ พ๊า หย่า พู๊โอ่หนิ ฮู๊เนอ เต๊เห่ หม่าโต่. โทเรอ ฮู๊ โหมะเพ โอ่เมอเต่อลู เร๊อ อาพู๊ โอ่ เกอเร๊อดื่อ เนอ หม่าโต่โต่. หม่าดื่อ เหย่ซี ทวาแถ่ แจ่ จอแปแหร่ อา พู๊ ฮู๊ จอแปแหร่ อาซิปล่อ โอ่เกอ เร๊อดื่อ เนอแพ๊.

Eastern Kayah Shadaw Dialect

¹³ ꤛꤢꤩ꤬ꤞꤤ꤭ ꤓꤝꤢ꤭ꤓꤢꤧ꤬ ꤡ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤖꤢꤨꤖꤚꤢꤩ꤬ꤗꤢꤪ꤬ꤖꤢꤨꤖꤚꤢꤩ꤬ꤋꤢꤨ꤭ ꤔꤢꤧ ꤟꤢꤨ ꤊꤣꤧ꤬ꤛꤢꤧ꤭ ꤜ꤫ꤢꤩ꤬ꤊꤜꤥ꤭ ꤥ꤬ꤖꤢꤨꤡ꤫ꤢꤩ꤬ꤜꤢꤧ꤬ ꤚꤣꤧꤘꤢꤦ꤬ ꤢ꤬ꤖꤢꤨ ꤔꤣꤧ꤬ꤒꤣꤧ꤬ꤟꤢꤩ꤬ ꤗ꤫ꤢ꤬ꤒꤥ꤬꤯ ꤓꤥ꤭ꤚꤣꤧ꤬ ꤟꤢꤨ ꤗ꤫ꤥ꤬ꤖꤢꤩ꤭ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤚꤣꤧ꤬ ꤢ꤬ꤖꤢꤨ ꤥ꤬ ꤚꤣꤧꤘꤢꤦ꤬ ꤔꤣꤧ꤬ ꤗ꤫ꤢ꤬ꤒꤥ꤬꤯ ꤗ꤫ꤢ꤬ꤟꤢꤩꤗꤢ꤬, ꤛꤢꤩ꤬ꤞꤤ꤭ ꤓꤝꤢ꤭ꤓꤢꤧ꤬ ꤡ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤖꤢꤨꤖꤚꤢꤩ꤬ꤗꤢꤪ꤬ꤖꤢꤨꤖꤚꤢꤩ꤬ꤋꤢꤨ꤭ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬ ꤥ꤬ꤚꤣꤧꤘꤢꤦ꤬ ꤔꤣꤧ꤬ꤖꤢꤧ꤯

ꤛꤥ꤭ꤟꤢ꤬ 1:13 ပူးပေါင်းရင်းမြစ်များ

เห่ขุทวาลู่ 25:22

เร๊อ อา โหมะดอ ดีคยา, เร๊อ เป๊เจ่พู๊ โอ่ เด๊อ เฮ๊อกู เออซิเนอ วื๊อเร๊อ ลู เตเพร เน๊อ เตเพร. เร๊อ เหมาะเรเบคาห์ แด๊เฮอ จอแปแหร่ ตูจูเพร เน๊อ, “เก๋อ แบ่เจ่ดุ, อา จว๊าทวาแถ่ โต่ ฮู๊เออ เมเตเต?”

เห่ขุทวาลู่ 25:28

เพอิสอัค ย๊อ เอ่ น๊อเกอ อาพู๊ คูเอซาว อาเตมีเตแหม่ หย่า อาขว่าอาคยา, อา โม เกอเร๊อ ลู, หม่าแน๊เรอ เด๊อ โหมะเรเบคาห์ ติเร๊อ อา โม เกอเร๊อติ คูยาโคบ.

เห่ขุทวาลู่ 27:33

เร๊อ เพอิสอัค คย๊า แตแนตากยา ซิเซอซิโอ่เจ๊อ เร๊อ อา เฮ๊ เน๊อ, “อา พย๊าแฮ โทเฮ๊อ เตมีหย่า เด๊อ แวโอ่ เออเตเพร หม่า อูเป? เน พย๊าแฮ แต่ล๋าย เนเต โต่เนอ, แว เอ่ โทเฮ๊อ ลูเต เร๊อ แว เด๊อะบุ๊ยเด๊อะเตอเรอแก โทลอ เฮ๊อ ลู เฮ๊อ, เร๊อ อา เก่ พย๊าหนิ หม่าแหน่ เจ๊อ เฮ๊อ เตบุ๊ยเตเตอเรอ ตูจูเพร เฮ๊อ.”

เห่ขุทวาลู่ 27:4

โทเร๊อ โพเอ่ โซโร หวี่แร๋ โค๊คยา เป่ แว ฮู๊ แว ซิเอ่ เนอ, เร๊อ พย๊าแฮ เป่ แว เบ๊อะเออ เร๊อ แว เก่ เอ่ ปา. เร๊อ เบ๊อะ แว เซอ แต่ล๋ายโต่เออ แว เก่ เด๊อะบุ๊ยเด๊อะเตอเรอ เน ปา.”

มัทธิว 3:9

เฮ๊โทเฮ๊แล แต่ ซีเหน่ เน๊อ, ‘เป หม่า เพอับราฮัม อากลุยอาแล’ ฮู๊เนอแต่เหม่. แว เฮ๊ ซี, จอแปแหร่ เมทวาแถ่ หล่อเออเต๊เห่ เนอ เพอับราฮัม อาพู๊ หม่า อา เมแจ่ แพ๊.

ꤛꤥ꤭ꤟꤢ꤬ 3:3

เหย่ซู่ เฮ๊ฉื่อ ลู เน๊อ, “แว แด๊โฉ่จ๊อจ๊อ เน, แกแย เด๊อ อา โอ่เป๊เจ่แลเซเต๊เปล่ คยาแซ๊ ตื๊อหื่อ โต่ เต๊เห่เนอ, อา แม๊เถอะเบ๊ จอแปแหร่ อาเทออาเก่ เตเพร่ว โต่.”

โครินธ์ อาเหร่อเล๊อ ต๊าบ่า 3:6

แว หม่า เพรโหล่ตา เตกลุย คูอปอลโล หม่า เพรยือเทอ. หม่าแน๊เรอ เพร เด๊อ อา นอเพ๊แถ่ดุแถ่ เตกลุยเตลุ๊ย เนอหม่า จอแปแหร่ แพ๊.

ฟีลิปปี 2:13

เมเตเฮ๊เรอ, แซ่ฮู๊ ซี เก่ ซิปล่อฉว่า ซิหยื่อ หนิดา ครวาเม เกอ ฮู๊ จอแปแหร่ อา เตซิหยื่อ เด๊อ อาแร๊ เต๊เห่ อาเงเนอ, อา เม เป่เฮ๊อ เต เด๊อ ซีกู ปว๋า โต๊โพ๊ เจ๊อ เฮ๊อ.

ꤒꤤꤒꤢꤨ 3:5

เตเด๊อ อา เมแลเปล๊กา เป เออเนอหมา หม่าเด๊อ เป แหน่แบ่เจ่ เร๊อดื่อ เม อาจ๊ออาเต อาคยา เนอ หม่าโต่, หม่าเด๊อ อา ซิยอ เร๊อดื่อ เป ขว่าคยา อา เมแลเปล๊กา เป แพ๊. เด๊อ แหย่โยบูโพ๊ แบ่เจ่ อา เตโพรเตเตอเรอ อาขว่าอาคยาเร๊อ, อา ซู๊ปลีแก เป, โทเรอ อา เด๊อ เป เตโอ่เป๊เจ่แล อาเซ เร๊อ เตโอ่เซอเพร อาเซ เต๊เห่.

ꤡꤛꤢꤩ꤭ꤗꤢ꤬ꤎꤣ꤬ 1:18

เด๊อ เป หนิโฮ เตซิครือมีลา เตหมะเตจ๊อ อาขว่าอาคยาเร๊อ, จอแปแหร่ เด๊อะทวาแถ่ เฮ๊อ เป เน๊อ อาพู๊ จู๋ ดื่อ ฮู๊ อาซิปล่อ เร๊อดื่อ เนอเฮ๊อ. แซ่ฮู๊ เป เก่ ทวาแถ่ ส่อเส่ เด๊อ อาเส่เหร่อเล๊อ อู เต๊เห่ เด๊อะ เตแบ๊แล ล๋อ ปลี เออเต๊เห่ อาเกล เนอเรอ, อา เด๊อะทวาแถ่ เฮ๊อ เป เน๊อ อาพู๊ แพ๊.

เปโตร อาเหร่อเล๊อ ต๊าบ่า 1:23

เมเตเฮ๊เรอ จอแปแหร่ อาลาอาโหง่ เออเนอ, อา เซอเพร เร๊อ อา โอ่หม่าโอ่กลอ ตูจูเพร แตแลเคร๊ อาขว่าอาคยา, ซี โอ่เป๊เจ่แล คยาแซ๊ เฮ๊อ โตโพ๊ เฮ๊อ. ซี เตโอ่เซอเพร อาเซ เออเนอหมา, อา แฮ เด๊อ ซีโหมะซีเพ เด๊อ อา เซอแจ่ เออเต๊เห่ อา โอ่ เนอ หม่าโต่. หม่าแน๊เรอ, ซี เตโอ่เซอเพร อาเซ เออเนอหมา, อา แฮ เด๊อ จอแปแหร่ เด๊อ อา เซอแจ่ แตแค๋โต่ เออเตเพร อา โอ่.

เปโตร อาเหร่อเล๊อ ต๊าบ่า 1:3

เป เก่ เฮ๊บุ๊ยเฮ๊เตอเรอแถ่ โหร่ลู เป แบ่เจ่ เหย่ซู่ครี๊ อาเพ จอแปแหร่ โป๋. หม่าเด๊อ อา เตซิยอ ตาลว๊าซิลือ เป เออ, เร๊อ เหย่ซู่ครี๊ อาเตเซอ ก๊อถ่อกาคยา อาขว่าอาคยา, อา เด๊อะตา เฮ๊อ เป เตเซอเพร อาเซ เฮ๊อ. เด๊อ เออ อาขว่าอาคยา, เป พย๊าหนิ แฮเง ลาเฮ๊อ เป เตแม๊ชือ เด๊อ เป เตโอ่เซอเพร อากู เฮ๊อ.

เปโตร อาเหร่อเล๊อ ต๊าบ่า 2:2

ซี ซิเงน๊อ โทเฮ๊อ จอแปแหร่ อาบุ๊ยอาเตอเรอ เฮ๊อ. ฮู๊เนอเรอ ทวาแถ่ แซ่เกอ แลแค ฮู๊ เป๊เจ่ฮู๊ โอ่เซ เด๊อ อา ซิเอ่ซิโอ หม่าแหน่ อินู๊เทอ คูทิโมธี เนอเต๊เห่ นี๋. เด๊อ ซี ซิเอ่ซิโอ อินู๊เทอ เจ๊แร๊ ฮู๊เนอ อาขว่าอาคยา, ซี เก่ ดุแถ่เผร่แถ่ โต่เด๊อ เมแลเปล๊กา เก่ เล๊อแถ่บาแถ่ เฮ๊อปา เนอ ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:9

อูเป๋ เตเพร เบ่เบ่, อา เก่ ทวาเฮ๊อ จอแปแหร่ อาพู๊อาเลอ เฮ๊เนอ, อา เม แฮเง ปา เตซื๊อเตปล๊า โต่, เมเตเฮ๊เรอ เตโอ่เซอเพร อาเซ เด๊อ จอแปแหร่ เด๊อ เออเนอ อา โอ่กลอช๊อหม่าเฮ๊อ เด๊อ ลูเหน่กู เฮ๊อ. เร๊อ จอแปแหร่ หม่า อาเพ เฮ๊อ อาขว่าอาคยา, อา เม แฮเงแจ่ ปา เตซื๊อเตปล๊า โต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:7

โคแบ๊ซว๊าโม ซี๋, เป โตเบ่ โม เกอเร๊อ แคลู เตเพร เร๊อ เตเพร, เมเตเฮ๊เร๊อ เตโมเนอ หม่า อา แฮ เด๊อ จอแปแหร่ อา โอ่. อูเป๋ เตเพร เบ่เบ่ เด๊อ อา โมเร๊อ อู เนอหม่า หม่าเฮ๊อ จอแปแหร่ อาพู๊อาเลอ เฮ๊อ, เร๊อ อา ซิเงเฮ๊อ จอแปแหร่ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:1

อูเป๋ เตเพร เบ่เบ่ อา เก่ หยื่อเอ่ เร๊อ เหย่ซู่ หม่า ครี๊ เฮ๊เนอ, อา ทวาเฮ๊อ จอแปแหร่ อาพู๊อาเลอ เตเพรเฮ๊อ, โท๊โต่ อูเป๋ เตเพร เบ่เบ่ อา เก่ โมเร๊อ เพ เนอหม่า, อา โมเร๊อ เกอดื่อเฮ๊อ อาพู๊อาเลอ เต๊เห่ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:18

เป ซิเง เร๊อ จอแปแหร่ อาพู๊อาเลอ เต๊เห่ เนอหม่า, อา เม แฮเงลา ปา เตซื๊อเตปล๊า แตแค๋โต่. เมเตเฮ๊เร๊อ จอแปแหร่ อาพู๊คู เหย่ซู่ เออเนอ อา ตอกอเตเก ตาตือ เกอ เร๊อ เหย่ซี เร๊อ โลเน๊มู๊แหม่รีแจ่ กู่กล๊อ เด๊อ อา เม เตมู๊แหม่ เออเนอโตโดเนอ อา เมเบ่เชแจ่ เหย่ซี โต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:4

เมเตเฮ๊เรอ จอแปแหร่ อาพู๊ ปว๋า เตเพร เนอ อา เมเป่ ลอ เฮ๊อ เห่ขุ เหล่โกล มู๊แหม่ เต๊เห่เฮ๊อ. เป เมเป่ เห่ขุ เหล่โกล มู๊แหม่ เต๊เห่ เร๊อ เป เตหยื่อเตแหน่ อาคยา เฮ๊อ.