ꤛꤥ꤭ꤟꤢ꤬ 1:11 - ลีเทส่อพ๊าอาเซ เร๊อ เห่ขุทวาลู๊

¹¹ อา แฮ เด๊อ อา แกแย เร๊อดื่อ เออเต๊เห่ อา โอ่ ตื๊อดื่อเร๊อ อาแกแย เร๊อดื่อ เต๊เห่ เอ๊ฉื่อ ลู โต่.

Eastern Kayah Shadaw Dialect

¹¹ ꤢ꤬ ꤟꤢꤧ꤭ ꤘꤣ ꤢ꤬ ꤓꤣꤧ꤭ꤖꤢꤨꤊ꤫ꤢꤩ꤬ꤖꤢꤨ ꤚꤣꤧꤘꤢꤦ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ ꤥ꤬ ꤒꤣꤧ꤬ꤘꤢꤦꤚꤣꤧ꤬ ꤢ꤬ꤊꤣꤧ꤬ꤛꤢꤧ꤭ ꤚꤣꤧꤘꤢꤦ꤬ ꤒꤣꤧ꤬ꤟꤢꤩ꤬ ꤢꤩꤏꤢꤦ꤬ ꤜꤢꤨ꤭ ꤒꤥ꤬꤯

ꤛꤥ꤭ꤟꤢ꤬ 1:11 ပူးပေါင်းရင်းမြစ်များ

ꤜꤢꤨꤊꤢ꤬ 19:14

“หม่าแน๊เรอ, อา เทอพู๊เก่พู๊ ซิเถ่ซิฮา เกอเร๊อ ลู เร๊อ เหย่ซี นอจว๊า เล๊เฮ๊อเพรซู เตหรี่เตแก เตเพร เด๊อ คุ๊ย โอ่. เร๊อ อา นอเฮ๊ ลู เน๊อ, ‘แกแย เออเตเพรเนอ, เป ซิหยื่อ นอทวา อา เร๊อ เปคุ๊ย โต่.’

ꤛꤥ꤭ꤟꤢ꤬ 3:32

อา แด๊โฉ่โล เป่ อู เร๊อ ล๋อ อา แม๊เถอะ เนอเต๊เห่ เร๊อ ล๋อ อา หนิโฮ เนอเต๊เห่. หม่าแน๊เรอ อา แด๊โฉ่โล เป่ อู เนอ อู หนิดา พย๊าฉื่อ ลูเต เตเพร่ว โต่.

มัทธิว 15:24

เร๊อ แบ่เจ่ เหย่ซู่ เฮ๊ฉื่อ เพรเหมาะ เออเตเพร เน๊อ, “จอแปแหร่ นอแฮ ตื้อแพ๊ แว เด๊อ อิสราเอลพู๊ เด๊อ อาแซ่เน๊อ ซิหมิ โอ่เหม่ เต๊เห่ อาเง แพ๊.”

ꤚꤥꤗꤢꤩ꤬ 15:8

เมเตเฮ๊เรอ, แว เฮ๊ ซี เน๊อ ครี๊ แฮแล ทวา เป่เฮ๊อ แกแยยิวพู๊ เต๊เห่ อา หลู่เล๊ เฮ๊อ, เมเตเฮ๊เรอ แซ่ฮู๊ จอแปแหร่ เก่ จ๊อ เร๊อ อาโหง่ เด๊อ อา อ๊อแล โทเฮ๊อ เร๊อ เหย่ซี อาเพออาโพ มู๋ หนู่เค เต๊เห่เนอเรอ ครี๊ แฮแล ทวา ฮู๊เนอ.

เพรโด่แนพู๊ เต๊เห่ 13:46

โทเร๊อ คูเปาโล เร๊อ คูบารนาบัส ลื๋อ เฮ๊เบ่ คือเฮ๊เบ่บื่อ โป่โป่ เจ๊อ, เร๊อ อา เฮ๊ เน๊อ, “เป โตเบ่ แด๊โฉ่โด่แน เหร่อเล๊อ เป่ ซี เร๊อ จอแปแหร่ อาลาอาโหง่. หม่าแน๊เรอ ซี หยื่อเอ่แลแค เป เตโด่แน เออเนอ โต่ อาขว่าอาคยา, ซี เมจากาคยาแล เกอ เร๊อดื่อ เฮ๊อ ซิเหน่ ฮู๊ แกแย เด๊อ อาต่า พย๊าหนิ เกออู แหย่โยบูโพ๊เซอเพร ตูจูเพร โต่ เนอเต๊เห่ เฮ๊อ. ฮู๊เนอเรอ เป เก่ แด่แก ซี เร๊อ เป เก่ จว๊า เด๊อ แกแยยิวพู๊ หม่าโต่ เต๊เห่ อา โอ่.

ꤚꤥꤗꤢꤩ꤬ 9:5

เหย่ซี เพอโพ กลุยแล หม่า ฮีบรู อากลุยอาแล เด๊อ อามีลาดุ มู๋ หนู่เค เต๊เห่. เบ๊อะครี๊ แฮแล โอ่เป๊เจ่ ฮู๊ แกแย เห่ขุพู๊ เบ๊อะเนอ, อา แฮโอ่ เด๊อ เหย่ซี อากลุยอาแล อากู. อา หม่า จอแปแหร่ เด๊อ อา เป๊อตี๊หรี่เต ล๋อ ปลี เตเพร, เร๊อ อู เก่ ถู่เซ๊แถ่ดื่อ อา ตูจูเพร แตแลเคร๊ นี๋. อาเม.

ꤊꤢ꤬ꤜꤢ꤬ꤒꤤ 4:4

หม่าแน๊เรอ เบ๊อะม๊อเนอโต ม๊อเนอเบ่ แฮโต่เฮ๊อ เบ๊อะเนอ, จอแปแหร่ นอแฮแล อาพู๊คู เร๊อ อา แฮ โอ่เป๊เจ่แล เด๊อ เพรเหมาะ เตเพร อา โอ่, เร๊อ อา แฮ โอ่ เป๊เจ่แล เด๊อ แกแยยิวพู๊ อา เตซว๊าเตแส่ อาเล.

เพรโด่แนพู๊ เต๊เห่ 13:26

“โป่แหว่ เพอับราฮับ อากลุยอาแล ซีเต๊เห่ เร๊อ แกแยยิวพู๊ หม่าโต่ เด๊อ อา โอ่ เบ๊อะเออ เร๊อ อา จ๊อบู่จ๊อเบแถ่ เกอ จอแปแหร่ เต๊เห่ ล๋อ ปลี ซี๋, เตเมแลเปล๊กา อาหรี่อาแก เออเนอ, อู ซูแฮ เป่ เด๊อ เปเง แพ๊.

ꤚꤥꤗꤢꤩ꤬ 9:1

แว เร๊อ ครี๊ ลอ ทวาแถ่ เฮ๊อ ลู เตอเจ๋อ โต เฮ๊อ อาขว่าอาคยา, แว เฮ๊เบ่จ๊อเฮ๊เบ่เต แพ๊ ซี แพ๊. แว แลโฮ ซี โต่. แหย่โยบูโพ๊ แบ่เจ่ เป๊อหนิ ซูหนิ แว ซิปล่อเออ, เร๊อ แว ซิปล่อเออ อา เฮ๊หม่าเฮ๊กลอจว่า เกอโป่ เร๊อ แว เฮ๊เบ่ เตเออเนอหม่า อาโต แพ๊.

ꤛꤥ꤭ꤟꤢ꤬ 1:10

อา แฮ โอ่เซอเพร โทเฮ๊อ เด๊อ เห่ขุเออ เฮ๊อ. เร๊อ อา แบ๊แล เร๊อดื่อ เจ๊อ เห่ขุเออ ตื๊อดื่อเร๊อ อา หม่า แกแย ฮู๊เต เตเพรเนอ เห่ขุพู๊ ซิเงโปล ลู โต่.

ꤛꤥ꤭ꤟꤢ꤬ 1:12

หม่าแน๊เรอ แกแย เด๊อ อา เอ๊ฉื่อ ลู เต๊เห่ เร๊อ อา หยื่อเอ่แหน่ ลู เต๊เห่เนอ, อา เด๊อะทวาแถ่ เหย่ซี เร๊อ จอแปแหร่ อา พู๊เหมาะ พู๊คู เต๊เห่.

ꤛꤥ꤭ꤟꤢ꤬ 19:27

โทเรอ อา เฮ๊ เกอลาติ อา โคเจ่ เนอเตเพร เน๊อ, “กู๊แหน่เออ แวโหมะเน๊อ อา ทวาเฮ๊อ. เนโหมะ เฮ๊อ” เป๊อแถ่ เบ๊อะเนอ เร๊อ อา โคเจ่ เออเตเพร เอ๊กาโอ่ แบ่เจ่ อาโหมะเออ เด๊อ อาหี่.

เพรโด่แนพู๊ เต๊เห่ 21:6

เป เฮ๊โมเฮ๊แร๊แก โท ลู เตเพร เร๊อ เตเพร, เร๊อ เป แถ่ เด๊อ ส่อเกลอดุกู เร๊อ เหย่ซี กาคยาแก ลอ เด๊อ อาหี่.