ꤛꤥ꤭ꤟꤢ꤬ 1:1 - ลีเทส่อพ๊าอาเซ เร๊อ เห่ขุทวาลู๊

¹ เด๊อ จอแปแหร่ แบ๊แล แต่ล๋าย เห่ขุ โต่ เบ๊อะเนอปาเนอ, อู เอ๊ ลู เร๊อ เตลาเตโหง่ เออเตเพรเนอ, อา โอ่โทดื่อ เฮ๊อ. เตลาเตโหง่ เออเนอ อา โอ่ เกอ เร๊อ จอแปแหร่ เร๊อ เตลาเตโหง่ เออเนอหมา หม่าเฮ๊อ จอแปแหร่ เฮ๊อ.

Eastern Kayah Shadaw Dialect

¹ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤙꤢꤧꤜꤢꤧ꤬ ꤜꤢ꤭ꤟꤤ ꤟꤢꤩ꤬ꤋꤢꤨ꤬ ꤒꤥ꤬ ꤢ꤬ꤋꤢꤩ꤭ꤕꤢ꤬ꤔꤣꤧ꤬, ꤢꤨ꤭ ꤢꤩ ꤜꤢꤨ꤭ ꤔꤢꤧ ꤒꤢꤩ꤬ꤜꤢ꤭ꤒꤢꤩ꤬ꤍ꤫ꤥ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤥ꤬ꤓꤥ꤭ꤘꤢꤦ꤬ ꤟꤣꤧ꤯ ꤒꤢꤩ꤬ꤜꤢ꤭ꤒꤢꤩ꤬ꤍ꤫ꤥ꤬ ꤣꤧ꤭ꤔꤣꤧ꤬ ꤢ꤬ ꤥ꤬ ꤊꤣꤧ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤚꤣꤧ꤬ ꤒꤢꤩ꤬ꤜꤢ꤭ꤒꤢꤩ꤬ꤍ꤫ꤥ꤬ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤟꤣꤧ꤯

ꤛꤥ꤭ꤟꤢ꤬ 1:1 ပူးပေါင်းရင်းမြစ်များ

เห่ขุทวาลู่ 1:1

เบ๊อะ จอแปแหร่ดุ แบ๊ตาลู่ เต อากูลู่เคเนอ อา แบ๊ตา หนิดื่อ ม๊อขุ เน๊อ เห่ขุ.

มัทธิว 1:23

“เพรเหมาะพู๊เส่ เตเพร เก่ โหมะดอแถ่ เร๊อ อา เก่ พู๊โอ่หนิ อา พู๊เพรคู ปา, เร๊อ อู เก่ เอ๊ อามุย เน๊อ อิมมานูเอล ปา,” อิมมานูเอล อาโหง่แลช๊า หม่า, “จอแปแหร่ โอ่เกอ เร๊อ เป.”

ꤜꤢꤨꤊꤢ꤬ 24:53

โทเรอ เหย่ซี โอ่ เด๊อเตหลู่แตโฮกู ปว๋า โตโพ๊ เร๊อ ถู่เซ๊ เฮ๊บุ๊ยเฮ๊เตอเรอแถ่ จอแปแหร่ เบ๊อะเนอ.

ꤛꤥ꤭ꤟꤢ꤬ 1:14

แกแย เด๊อ อู เอ๊ อา เร๊อ เตลาเตโหง่ เออเตเพรเนอ, อา แฮทวา ฮู๊ แกแย เนอ เร๊อ อา แฮ โอ่เซอเพร เฮ๊อ เด๊อ เปเกล. เป แม๊เถอะเฮ๊อ อา เตเตอเรอดุ เตอเรอทู. จอแปแหร่ อาพู๊คู ย๊อโอ่ตื้อ เตเพรแพ๊ อาขว่าอาคยา, อา พย๊าหนิ ลอปลี เจ๊อ เตเตอเรอดุ เตอเรอทู เออ เด๊อ อาเพโอ่ เจ๊อ. อา หม่า แกแย เด๊อ อา เล๊อบา เร๊อ เตบุ๊ยเตเตอเรอ เร๊อ เตหมะเตจ๊อ เตเพร.

ꤛꤥ꤭ꤟꤢ꤬ 1:18

อู แม๊เถอะน๊อ จอแปแหร่ เตเพร่ว โต่ ตื๊อดื่อเร๊อ, อาพู๊คู โอ่ตื๋อ เตเพรเออ, อา หม่า จอแปแหร่ เฮ๊อเฮ๊อ เร๊อ อา โอ่เต่อเกอ เร๊อ อาเพ เออ เด๊อะโลแถ่เฮ๊อ เป่ เร๊อ จอแปแหร่ เฮ๊อ.

ꤛꤥ꤭ꤟꤢ꤬ 1:2

เด๊อ จอแปแหร่ แบ๊แล แต่ล๋าย เห่ขุโต่ เนอปาเนอ, อา โอ่เต่อเกอ เร๊อ จอแปแหร่ เด๊อ กูลู่เค ปา เจ๊อ.

ꤛꤥ꤭ꤟꤢ꤬ 16:28

แว โอ่ เด๊อ เพโอ่ แฮ เร๊อ แว แฮแล เด๊อ เห่ขุเออ. กู๊แหน่เร๊อ แว เก่ เถ่กาแก เด๊อ เห่ขุเออ เร๊อ แว เก่ กาคยา คยาแซ๊ เด๊อ แวเพ อา โอ่.”

ꤛꤥ꤭ꤟꤢ꤬ 17:5

เพ๋, ฮู๊ แว เตอเรอดุ เตอเรอทู โอ่เต่อเกอ เร๊อ เน เด๊อ เห่ขุ ทวาแถ่ แต่ล๋ายโต่ ปา เบ๊อะเนอ, เด๊อะคยามอ แว เตอเรอดุ เตอเรอทู เออเนอ เด๊อ เนเบ๊เส่เง กู๊แหน่เออ แต๋.”

ꤛꤥ꤭ꤟꤢ꤬ 20:28

“แว แบ่เจ่, แว จอแปแหร่,” คูโธมัส เฮ๊ฉื่อ ลู ฮู๊เนอ.

ꤛꤥ꤭ꤟꤢ꤬ 8:58

เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “แว เฮ๊จ๊อจ๊อ ซี, เพอับราฮัม โอ่ล๋ายโต่ เนอ, แวโอ่ หนื่ออื่อ เหร่อ โทดื่อ เฮ๊อ,” อา เฮ๊ฉื่อ เหย่ซี ฮู๊เนอ.

ꤚꤥꤗꤢꤩ꤬ 9:5

เหย่ซี เพอโพ กลุยแล หม่า ฮีบรู อากลุยอาแล เด๊อ อามีลาดุ มู๋ หนู่เค เต๊เห่. เบ๊อะครี๊ แฮแล โอ่เป๊เจ่ ฮู๊ แกแย เห่ขุพู๊ เบ๊อะเนอ, อา แฮโอ่ เด๊อ เหย่ซี อากลุยอาแล อากู. อา หม่า จอแปแหร่ เด๊อ อา เป๊อตี๊หรี่เต ล๋อ ปลี เตเพร, เร๊อ อู เก่ ถู่เซ๊แถ่ดื่อ อา ตูจูเพร แตแลเคร๊ นี๋. อาเม.

เอเฟซัส 3:9

จอแปแหร่ เก่ เมเล๊อบาแฮ อา เตตี๊หรี่แตแร หนื่ออื่อ เต อาจ่ออาแย เออเต๊อเจ่อ ฮู๊เต ปาเนอ, อา เด๊อะตาเฮ๊อ แว เตเม เด๊อ แว เบ่ จว๊า เฮ๊โฉ่โปล เป่ อู เตเออเนอ เฮ๊อ. หนะ เด๊อ อา ตาลว๊า โทเต๊เห่ เนอ, จอแปแหร่ เด๊อ อา แบ๊แล เต ล๋อ ปลี เออเตเพรเนอ, อา เด๊อะโล เป่ อู อาเตเออ ล๋ายโต่.

ฟีลิปปี 2:6

ครี๊ โอ่ เร๊อ จอแปแหร่ อาเหล่โกล แซ่เน๊อ จอแปแหร่ เนอเฮ๊อ, หม่าแน๊เรอ อา เตเน แด่ครือแน เกอเร๊อเกอ อาเหน่ เร๊อ จอแปแหร่ โต่.

โคโลสี 1:15

เหย่ซู่ครี๊ เด๊อ เป แม๊เถอะแจ่ อา เออเตเพรเนอ, อา เด๊อะโล ตาตาเตเต ดื่อ เฮ๊อ เป เร๊อ จอแปแหร่ เด๊อะ เป แม๊เถอะแจ่ อา โต่ เออเตเพร เฮ๊อ. อา หม่า จอแปแหร่ อาพู๊คู แหว่เพร่ว เด๊อ อาโพร, อาฉว่าอาชอ อา ดุเล๊อทูเล๊อ เร๊อ เตแบ๊ทวาแถ่ ปว๋า เต๊อเจ่อ เตเพร เฮ๊อ.

โคโลสี 1:17

ครี๊ โอ่หนื่ออื่อ เหร่อ โทดื่อเฮ๊อ เร๊อ เต ล๋อ ปลี, เร๊อ แซ่ฮู๊ เตเออเต๊เห่ เก่ จว๊า ตาโตตาเบ่ อาเงเนอ, อา ปื่อหม่าปื่อกลอ หนิ ล๊อปลี.

ทิโมธี อาเหร่อเล๊อ ต๊าบ่า 3:16

เป เตจ๊อบู่จ๊อเบ อาจ่ออาแย อาดุอาแย เจ๊อ บ๋า เต บ๋า เตเนอ อู โชโม๊บิแก หนิแจ่ อา เตเพร่ว โต่. ครี๊ โอ่โลแถ่ เฮ๊อ ฮู๊ แกแย เห่ขุพู๊ เตเพร, เร๊อ แหย่โยบูโพ๊ แบ่เจ่ ข่าเฮ๊อ ซิปล่อ เน๊อ ครี๊ เออเนอ อา เมโต จอแปแหร่ อาซิปล่อ, เร๊อ ม๊อขุ เตเน่วพู๊ เต๊เห่ แม๊เถอะเบ่ เฮ๊อ อา. โทเรอ อา อาหรี่อาแก เออเนอ, อู แด๊โฉ่โด่แน เฮ๊อ อา เด๊อ เมวจ่อโรพู๊ เต๊เห่ อาเกลเฮ๊อ. แกแย โอ่ เด๊อ เห่ขุเออ เต๊เห่เห่ เนอ อา หยื่อเอ่แหน่ เกอ เฮ๊อ อา เฮ๊อ. จอแปแหร่ จอแถ่เฮ๊อ อา เด๊อ ม๊อขุ เด๊อ เตลีเตเค อากูเฮ๊อ.

ꤒꤤꤒꤢꤨ 2:13

เบ๊อะเป โอะป่อแม๊ชือ เฮ๊อ เตเด๊อะบุ๊ยเด๊อะเตอเรอ อาม๊อเนอ หม่าดื่อเฮ๊อ ช๋า เปเพ จอแปแหร่ ดุเนอ เพรเมแลเปล๊กา เป แบ่เจ่เหย่ซู่ครี๊ อาเตเด๊อะบุ๊ยเด๊อะเตอเรอ อา แฮโอะโลแถ่ เฮ๊อ เนอปา เบ๊อะเนอ, เป เบ่ โอะเซอเพร ฮู๊ อา เฮ๊ เป เออเนอ เต๊เห่.

ꤟꤤꤙꤚꤢꤨ 13:8

เหย่ซู่ครี๊ เออเนอ, ป่าเฮ๊หนื่อ เบ่เบ่, เออเตอเนอ เบ่เบ่, ป่าโรปา เบ่เบ่, อา แต๊แกละแจ่ โต่, โอ่เหล่โกลโกล๋ แพ๊.

ꤟꤤꤙꤚꤢꤨ 7:3

เมลคีเซเดค อาเพ เบ่เบ่, อาโหมะ เบ่เบ่, อาเพอโพ กลุยแล เต๊เห่ เบ่เบ่, อู ราม๊าราแด โอ่แก เกอ อา เตอเจ๋อ โต่. อา เตโอ่เป๊เจ่แล เน๊อ อาเตเซอ อาหรี่อาแก เต๊เห่เนอ เบ่เบ่, อู ราม๊าราแด โอ่แก เกอ ลู โต่โต่. อา หม่า อาแซ่เน๊อ จอแปแหร่ อาพู๊คู เตเพร. อา ทวา เพรหลู่แตเต ตูจูเพร.

เปโตร เนอบ่า ต๊าบ่า 1:1

เป จอแปแหร่ เร๊อ เพรเมแลเปล๊กา เป แบ่เจ่ เหย่ซู่ครี๊ เออเตเพร อา เตจ๊อเตเต อาขว่าอาคยา, ซี หม่า แกแย เต๊เห่ เด๊อ อา พย๊าหนิ เกอดื่อเฮ๊อ เตหยื่อเตแหน่ เด๊อ อาแซ่เน๊อ เป เออเต๊เห่ เฮ๊อ. เร๊อ แว ราจว๊าเป่ ซี ลีเออ. แว หม่า คูซีโมน เปโตร, เร๊อ แว ทวาดื่อ เหย่ซู่ครี๊ อาหลู่ เร๊อ อา เพรโด่แน เตเพร.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:20

แซ่ฮู๊ เป เก่ ซิเง เกอดื่อ อู จอแปแหร่ เด๊อ อาโต เออเตเพรเนอ, เป ซิเงเฮ๊อ เร๊อ จอแปแหร่ อาพู๊คูเออ แฮ เด๊อะ ซิเงโปล เป่ เฮ๊อ. เป เฮ๊อ. เป โอ่ เด๊อ จอแปแหร่ เด๊อ อาโต เออเตเพร เร๊อ อาพู๊คู เหย่ซู่ครี๊ เออเตเพร อากู เฮ๊อ. อา หม่า จอแปแหร่ เด๊อ อาโต เตเพร, โท๊โต่ จอแปแหร่ เด๊อ อา เด๊อะ อู ซิปล่อเซอเพร ตูจูเพร เตเพร.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:7

เตข่าเฮ๊โล เนอหม่า อา โอ่ โซเจ่อ.

เตเด๊อะโลแถ่ 1:11

โหง่พราแถ่ เร๊อ อา เฮ๊ เน๊อ, “ราม๊าราแด เตเด๊อ เน แม๊เถอะ เนอเต๊เห่. โทเรอ ซูจว๊าเป่ ลีเออ เด๊อ เพรหยื่อเอ่ตู๊หมู่ตอกล๊อ โซซว๊าตู๊หมู่ เด๊อ อา หม่าดื่อ วีเอเฟซัส, วีสเมอร์นา, วีเปอร์กามัน, วีธิยาทิรา, วีซาร์ดิส, วีฟีลาเดลเฟีย, วีเลาดีเซีย เด๊อ อา โอ่ แลแค เด๊อ วี โซซว๊าเตอวี เออเต๊เห่ อากูเนอ.”

เตเด๊อะโลแถ่ 1:17

เบ๊อะแว แม๊เถอะ อา เบ๊อะเนอ, แว แลคื๊อตา เซอโง แซ่เจ๊อเร๊อ แกแยเซอ เตเพร เด๊อ อา กู๊โด่ซ๊า เนอ, โทเรอ อา แด่แถ่ อากู๊ขุ จ๊อทว๊า เด๊อ แวเหน่ลู เร๊อ อา เฮ๊ เน๊อ, “ซิอิเช แต่เหม่, แว หม่า เตอาแก่ซ๊า เร๊อ เตอาตื๊อดื่อ เตเพรเฮ๊อ.

เตเด๊อะโลแถ่ 1:2

เร๊อ แว แด๊โฉ่โล เป่ อู ล๋อ แว แม๊เถอะ โทเฮ๊อ เออเต๊เห่เนอ, เออ หม่า แว ราโล เป่ อู เร๊อ เตหรี่เตแก โอ่ เด๊อ จอแปแหร่ โอ่ แฮ เต๊เห่ เร๊อ เตเด๊อ เหย่ซู่ครี๊ เด๊อะโล เป่ แว เต๊เห่.

เตเด๊อะโลแถ่ 1:8

แบ่เจ่ จอแปแหร่ เฮ๊ เน๊อ, “แว หม่า อาแก่ช๊า เฮ๊อ เร๊อ แว หม่า อาตื๊อดื่อเฮ๊อ” เร๊อ อา เฮ๊ เน๊อ, “แว หม่า จอแปแหร่ เด๊อ อา เซอเพร มู๋ หนู่เค เตเพร, กู๊แหน่เค หม่า แว เซอเพรเพร, โหน่ปาหม่า แว เซอเพรเพร. แว หม่า จอแปแหร่ เด๊อ อา แจ่ เตล๋อ ปลี เตเพรเฮ๊อ.”

เตเด๊อะโลแถ่ 19:13

จาจวาทู เด๊อ อา แซ๊ เกอเร๊อ เออ ตือปือเนอ, อา วี๊ ลอปลี เร๊อ สุ่ย. เร๊อ “จอแปแหร่ อาลาอาโหง่,” อู เอ๊ ลูมูย ฮู๊เนอ.

เตเด๊อะโลแถ่ 2:8

“ราจว๊า ลีเออ เด๊อ วี สเมอร์นา เพรหยื่อเอ่ตู๊หมู่ตอกล๊อ อา เตเน่วพู๊ อาโอ่เนอ,” อา เฮ๊ แว ฮู๊เนอ. เร๊อ อา เฮ๊ เน๊อ, “เตหรี่เตแก เออเนอ, อา แฮ เด๊อ เพร เด๊อ อา เซอ โทเฮ๊อ เร๊อ อา เซอเพร กาคยา คยาแซ๊ เออเตเพร อาโอ่. อา หม่า เตอาแก่ช๊า เน๊อ อาตื๊อดื่อ เตเพรเฮ๊อ.

เตเด๊อะโลแถ่ 21:6

เร๊อ อา เฮ๊ เน๊อ, “อา โทเฮ๊อ, แว หม่า อาเหร่อเล๊อ เร๊อ อาโหน่เล๊อ อู เฮ๊อ. แว หม่า อาแก่ช๊า เร๊อ อาตื๊อดื่อ เฮ๊อ เทอเถ่ขุ เด๊อ อา เด๊อะ ตูจูเพร เนอ อา โอ่ ต๊ออ่อ. แกแย เด๊อ อา ซิโอ เตเพรเพร เนอ, แว เก่ เด๊อะโอครา อา ปา.

เตเด๊อะโลแถ่ 22:13

แว หม่า ลีปล่อ แก่ช๊า เร๊อ ลีปล่อ ตื๊อดื่อ เฮ๊อ. แว หม่า อาเหร่อเล๊อ เน๊อ อาโหน่เล๊อ อู เฮ๊อ. อาแก่ช๊า หม่า แว เฮ๊อ, อาตื๊อดื่อ หม่า แว เฮ๊อเฮ๊อ.

เตเด๊อะโลแถ่ 3:14

“ราจว๊า ลีเออ เด๊อ วีเลาดีเซีย เพรหยื่อเอ่ตู๊หมู่ตอกล๊อ อา เตเน่วพู๊ อาโอ่ เนอ,” อา เฮ๊ แว ฮู๊เนอ. เร๊อ อา เฮ๊ เน๊อ, “เตหรี่เตแก เออเนอหม่า อา แฮ เด๊อ อู เอ๊ เน๊อ, ‘อาเมน’ เออเนอ เตเพร อาโอ่. อา หม่า เพร เด๊อ อาซิปล่อจ๊อ เร๊อ อาข่าเฮ๊โล จ๊อจ๊อเตเต เออเตเพร อาโอ่. จอแปแหร่ นอแบ๊ตา แฮเง ลอ เตล๋อ ปลี เออเนอ เร๊อ อา แพ๊.