ꤡꤛꤢꤩ꤭ꤗꤢ꤬ꤎꤣ꤬ 5:19 - ลีเทส่อพ๊าอาเซ เร๊อ เห่ขุทวาลู๊

¹⁹ แว โป่แหว่ ซี๋, เด๊อ ซีเกล เนอ แกแย เตเพรเพร อา เก่ จว๊า เปแก เน๊อ เตหมะเตจ๊อ เฮ๊เรอ แกแย เด๊อ อาโรเตเพร เก่ จว๊า เอ๊กาโต คยาแซ๊ ลู เด๊อ แกล๊กู เฮ๊เนอ,

Eastern Kayah Shadaw Dialect

¹⁹ ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤘꤣ ꤞꤤ꤭ꤊꤜꤢꤩ꤭ꤔꤣꤧ꤬ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤢ꤬ ꤊꤢꤩ꤬ ꤡꤝꤢ ꤕꤢꤩ꤭ꤊꤢꤧ꤭ ꤔꤢꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤟꤢꤩꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ꤒꤣ꤬ꤖꤚꤢꤩ꤬ ꤊꤢꤩ꤬ ꤡꤝꤢ ꤢꤩꤊꤢ꤬ꤒꤥ꤭ ꤋꤛꤢ꤭ꤞꤢꤧ ꤜꤢꤨ꤭ ꤘꤣ ꤊꤜꤢꤧꤊꤢꤨ꤭ ꤟꤢꤩꤔꤣꤧ꤬,

ꤡꤛꤢꤩ꤭ꤗꤢ꤬ꤎꤣ꤬ 5:19 ပူးပေါင်းရင်းမြစ်များ

ꤊꤢ꤬ꤜꤢ꤬ꤒꤤ 6:1

โป่แหว่ ซี๋, ซี เก่ แม๊เถอะ แกแย เตเพรเพร เด๊อ อา เมซื๊อ เต เต๊อเจ่อเจ่อ เฮ๊เนอ, ซี เด๊อ อา โอ่เซอเพร ฮู๊ แหย่โยบูโพ๊ แบ่เจ่ ยูแกล๊ยูโกล หนิ ซี เออ เต๊เห่เนอ, ซี โหล่ จว๊า อิซว๊าอี๊แส่ กาคยา อา. ซี เบ่ อี๊ลอ ซิโดซิงา อา โทเรอ แซ่ฮู๊ ซี เก่ ครวาจว๊าเกอ แต่ เด๊อ อิลออี๊โหล่ อากู แต่เหม่ เนอ, รอหนิ แลแค ซีเหน่ นี๋.

มัทธิว 18:15

“เน โป่แหว่ เพรหยื่อเอ่ เตเพรเพร เก่ เมซื๊อ เน บ๊อเกเต๋ เบ่เบ่, จว๊าแม๊เถอะ เฮ๊เบ่ ตื๊อดื่อ เร๊อ อา, เร๊อ แด๊โฉ่โล เป่ ลู เต เด๊อ อา เมซื๊อ เน เนอ เต๊เห่. เก่ อา ซิปล่อโต อ๊อแล เกอ อา เตเมซื๊อ เก่เฮ๊เรอ, ซี ทวา กาคยา คยาแซ๊ ลูฮู๊ โป่แหว่ เนอ เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 5:20

ซิเงแถ่เบ่ แลแค เน๊อ, แกแย เตเพรเพร เด๊อ อา จว๊า เอ๊กาโต คยาแซ๊ เพรเมเตซื๊อ เด๊อ อา ครวา จว๊าซื๊อน๊อ แกล๊ เออเตเพรเพร เนอหม่า หม่าเฮ๊อ อา เมแลเปล๊กา แกแย เออเตเพร อา ซิปล่อเซอเพร เด๊อ เตเซอ เฮ๊อ. โท๊โต่ แซ่ฮู๊ จอแปแหร่ เก่ ปลวาแก แกแย เออเตเพร อาเตซื๊อโอ่เอ๊ อาเงเนอ, อา เมจว่า เป่เฮ๊อ ลู เฮ๊อ.

ꤜꤢꤨꤊꤢ꤬ 22:32

หม่าแน๊เรอ, คูซีโมน, แซ่ฮู๊ เน เตหยื่อเตแหน่ อา ปย๊าแก แต่เหม่ เนอ, แว กุยจ๊อเบ เป่ เด๊อ เนเง. โทเรอ เบ๊อะเน ซิเหน่แลคยาแซ๊ กาคยา คยาแซ๊ เฮ๊อ เนเหน่ ปาเนอ, เน โตเบ่ เด๊อะอ๊าเด๊อะเหร่หนิ เน โป่แหว่ เต๊เห่ ปา นี๋.”

เปโตร เนอบ่า ต๊าบ่า 3:17

หม่าแน๊เรอ แว โคแบ๊ซว๊าโม ซี๋, ซี ซิเง โทเฮ๊อ เตเออเต๊เห่ เฮ๊อ. ฮู๊เนอเร๊อ แซ่ฮู๊ แกแย มู๊แหม่ เออเต๊เห่ เก่ อี๊หล่า จว๊าหนิ แต่ ซี เด๊อ อา เหล่เตเน ซื๊อ เออเต๊เห่ อากู แต่เหม่เนอ, เบ่รอเบ่เร แลแค ซีเหน่ นี๋. ซี เก่ หนิดา เหย่ซี อา โหง่ เฮ๊เนอหม่า, ซี โอ่หม่าโอ่กลอ ปา เด๊อ ซี เตหยื่อเตแหน่ อากู โต่ เฮ๊อ.

ทิโมธี อาเหร่อเล๊อ ต๊าบ่า 6:10

เมเตเฮ๊เรอ เตซิหยื่อซิลอ รือ เนอหม่า เตมู๊แหม่รีแจ่ ล๋อ ปลี อาหรุ่ยอาถว่า เฮ๊อ. แกแย เต๊เห่เห่ เนอ, อา ซิปล่อฉว่า ซิหยื่อ ตาลว๊าซิลือ รือ ขว่าคยา, เหย่ซี จว๊า ตาพาแก เร๊อ เตหยื่อเตแหน่ เร๊อ เตซิเปล โอ่เอ๊ เออ เมจู่เมแท ล๊อ เหย่ซี ซิปล่อเฮ๊อ.

ทิโมธี อาเหร่อเล๊อ ต๊าบ่า 6:21

แกแย เต๊เห่เห่ หยื่อเอ่ เกอ เร๊อ อา เตซิคว๊าซิเง เออเต๊เห่ อาขว่าอาคยา, อา จว๊าเปแก เน๊อ เตหยื่อเตแหน่ หม่าแหน่ เออเนอ เฮ๊อ. จอแปแหร่ อาบุ๊ยอาเตอเรอ โอ่เกอดื่อ เน๊อ ซี ล๋อ ปลี นี๋.

ꤛꤢꤨꤘꤢ꤬ 1:11

จอแปแหร่ เก่ เมจากาคยา หม่าแหน่ เจ๊อ เหย่ซี ปา, เมเตเฮ๊เรอ เหย่ซี ครวาเมเกอ ฮู๊ คูคาอิน เมเนอ เฮ๊อ. เด๊อ เหย่ซี แม๊ดุ รือเท อาขว่าอาคยาเร๊อ, อา ซิปล่อฉว่า ครวาเมเกอ ฮู๊ คูบาลาอัม เมซื๊อ โทเฮ๊อ เนอเฮ๊อ. เหย่ซี ช๊าฉื่อ อู ทวา ทวาดุทวาเต เต๊เห่ แซ่เน๊อ คูโคราห์ เมโทเฮ๊อ เนอ เฮ๊อ. อู เก่ เมปย๊าแก เหย่ซี ฮู๊ อู เมปย๊าแก คูโคราห์ เนอ ปา.

ꤡꤛꤢꤩ꤭ꤗꤢ꤬ꤎꤣ꤬ 3:14

หม่าแน๊เรอ เด๊อ ซี ซิปล่อกูเนอ, ซี เก่ ซิค๊าซิเถ่ แหน่เจ๊อ ลู, ซี โมแล เกอเร๊อ ซีเหน่ เร๊อ ซี แม๊ดุแล เกอเร๊อ ซีเหน่ เออเต๊เห่ เก่ โอ่ เฮ๊เนอ, เฮ๊เบ่ ถู่เซ๊ เกอเร๊อ แต่ ซีเหน่ เร๊อ ซี โอ่ เร๊อ เตเตเนแจ่ ฮู๊เนอ แต่เหม่. เร๊อ เมเต๊แก่ฉื่อ แต่ เตหมะเตจ๊อ เออเนอ แต่เหม่.

ทิโมธี เนอบ่า ต๊าบ่า 2:18

เหย่ซี จว๊า ตาพาแก เตหมะเตจ๊อ อาแกล๊ เร๊อ เหย่ซี เฮ๊ แลแค เน๊อ, เตเซอ ก๊อถ่อ เซอเพร กาคยา เนอหม่า อา ทวาแถ่ โทเฮ๊อ อา เฮ๊ แลแค ฮู๊เนอ อาขว่าอาคยา, อา เมปย๊าแก ลอ แกแย เต๊เห่ อา เตหยื่อเตแหน่.

ꤟꤤꤙꤚꤢꤨ 5:2

เหย่ซี ย๋อ ทวาแพ๊ แกแยเห่ขุพู๊ อาขว่าอาคยา, อา เมซื๊อเมปล๊า แลแค แพ๊. ฮู๊เนอเรอ แกแย เด๊อ อา ซิเง ตาเต เกอ อู เตหมะเตจ๊อ โต่ เร๊อ อา เมซื๊อเมปล๊า เต เต๊เห่ อาเงเนอ, เหย่ซี เตเน ซิยอแจ่ เป่เกออู โต่.

ꤡꤛꤢꤩ꤭ꤗꤢ꤬ꤎꤣ꤬ 1:16

แว โป่แหว่ เด๊อ แว โมเร๊อ ซี๋, เต เด๊อ อา โตโต่ เต๊เห่เนอ, จว๊าหยื่อเอ่ แต่ แลแค แต่เหม่ นี๋.

ꤡꤛꤢꤩ꤭ꤗꤢ꤬ꤎꤣ꤬ 1:19

แว โป่แหว่ เด๊อ แว โมเร๊อ ซี๋, โต หนิ แลแค โหง่ เออตือมือ นี๋. แกแย ปว๋า เตเพร โตเบ่ หนิดา ตาเต, อา โตเบ่ เตเนเฮ๊เบ่ แลแค เร๊อ อา โตเบ่ ซิปล่อดุแถ่ แพร หนิ โต่.