ꤡꤛꤢꤩ꤭ꤗꤢ꤬ꤎꤣ꤬ 5:16 - ลีเทส่อพ๊าอาเซ เร๊อ เห่ขุทวาลู๊

¹⁶ ฮู๊เนอเนอ, อ๊อแล แลแค ซี เตซื๊อ เต๊เห่ เตเพร เร๊อ เตเพร, เร๊อ แซ่ฮู๊ ซี เก่ โอ่ฉว่าโอ่แพร กาคยา อาเงเนอ, กุยจ๊อเบ เป่ ลู เตเพร เร๊อ เตเพร นี๋. แกแยจ๊อแกแยเต เตเพร อา เตกุยจ๊อเบ เนอ อาโอ่ เน๊อ อา เตอเรอฉว่าชอ เร๊อ อา เมจว่าเบ๊ เอ๋ แหน่เจ๊อ เตเต๊เห่ เจ๊อ.

Eastern Kayah Shadaw Dialect

¹⁶ ꤟꤢꤨꤔꤣꤧ꤬ꤚꤣꤧ꤬, ꤢꤪꤜꤢꤧ꤬ ꤜꤢ꤭ꤋꤢꤧ꤭ ꤞꤤ꤭ ꤒꤢꤩ꤬ꤞꤢꤦ ꤒꤣꤧ꤬ꤟꤢꤩ꤬ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬, ꤚꤣꤧ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤥ꤬ꤏꤝꤢ꤬ꤥ꤬ꤖꤚꤢꤧ꤭ ꤊꤢ꤬ꤋꤛꤢ꤭ ꤢ꤬ꤑꤢꤩ꤭ꤔꤣꤧ꤬, ꤊꤝꤤ꤭ꤡꤢꤪꤙꤢꤩ꤭ ꤕ꤫ꤢꤩ꤬ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤤ꤮꤯ ꤊꤣꤧ꤬ꤛꤢꤧ꤭ꤡꤢꤪꤊꤣꤧ꤬ꤛꤢꤧ꤭ꤒꤢꤩ꤬ ꤒꤣ꤬ꤖꤚꤢꤩ꤬ ꤢ꤬ ꤒꤢꤩ꤬ꤊꤝꤤ꤭ꤡꤢꤪꤙꤢꤩ꤭ ꤔꤣꤧ꤬ ꤢ꤬ꤥ꤬ ꤔꤢꤧ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤚꤣꤧ꤬ ꤢ꤬ ꤗꤢꤩ꤬ꤡꤝ꤫ꤢ꤬ꤙꤢꤩ ꤢꤩ꤮ ꤔꤢꤧ꤬ꤡꤣꤧ ꤒꤢꤩ꤬ꤒꤣꤧ꤬ꤟꤢꤩ꤬ ꤡꤣꤧ꤯

ꤡꤛꤢꤩ꤭ꤗꤢ꤬ꤎꤣ꤬ 5:16 ပူးပေါင်းရင်းမြစ်များ

มัทธิว 21:22

ซี เก่ หยื่อเอ่ เนอ, ซี กุยเต เด๊อ เพ จอแปแหร่ อา โอ่ อิเตเต๋ เบ่เบ่ ซี พย๊าหนิ ปา.”

ꤛꤥ꤭ꤟꤢ꤬ 9:31

เพรเตซื๊อพู๊ กุย เตเมจว่า เนอ, จอแปแหร่ หนิดา โต่ เนอหม่า เป ซิเง. อา หนิดา แพ๊ ตื๊อ แกแย เด๊อ อา หยื่อเอ่ ลู เร๊อ อา เมโต ลูซิปล่อ เนอเต๊เห่ แพ๊.

เปโตร อาเหร่อเล๊อ ต๊าบ่า 2:24

แซ่ฮู๊ เป เก่ จิจือปา แต่ เร๊อ เตซื๊อเตปล๊า เต๊เห่ แต่เหม่, โท๊โต่ แซ่ฮู๊ เป เก่ โอ่เซอเพรเบ๊ เกอ เด๊อ เตจ๊อเตเต ปา อาเงเนอเรอ, เบ๊อะอู มือเซอแถ่ ครี๊ เด๊อ อี๊ถื่อดีเต่ลู เบ๊อะเนอ, อา พย๊าแถ่แกเฮ๊อ เป เตซื๊อเตปล๊า เออเต๊เห่ เด๊อ อาเหน่ลู เฮ๊อ. เด๊อ อา ข่าเบ่ เตจาเตจือ เออเต๊เห่ อาขว่าอาคยา, อา แหย่โอ่เหม่แก ลอเฮ๊อ ซี เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:22

โท๊โต่ เป ย๋อ จูเอ่ อาโหง่เฮ๊แก เร๊อ เป ย๋อ เมโต ลูซิปล่อ อาขว่าอาคยา, เป กุย เต อิเตเต๋ เบ่เบ่ เนอ, เป เก่ พย๊าหนิ เต เด๊อ อา โอ่ เนอเต๊เห่ ปา.

เพรโด่แนพู๊ เต๊เห่ 19:18

เพรหยื่อเอ่ เต๊เห่ แฮโหร่แฮโอ่เอ๊ลา เด๊อ คูเปาโล โอ่ เร๊อ เหย่ซี แฮ อ๊อแลนอแล แลแค เด๊อ แกแย ตูปลูเต๊เผ่ อา เป๊เส่เง. โทเร๊อ เหย่ซี แด๊โฉ่ล๊อลี แลแค อา เตเมมู๊แหม่รีแจ่ เด๊อ เหย่ซี เมโทเฮ๊อ เนอเต๊เห่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:17

กุยจ๊อเบ แลแค ปว๋า โตโพ๊ นี๋.

เห่ขุทวาลู่ 20:17

เด๊อ เพอับราฮัม อาเม เหมาะซาราย อาขว่าอาคยา, จอแปแหร่ ตูจูเพร เมบี๊ แกลอ คุ๊ยอาบีเมเลค อากลุยอาแล เพรเหมาะ เต๊เห่ อาพู๊เหล่โอ่. เร๊อ แซ่ฮู๊ คุ๊ยอาบีเมเลค อาเม เน๊อ อาหลู่โหมะ เต๊เห่ เก่ พู๊โอ่ คยาแซ๊ อาเงเนอ, เพอับราฮัม กุ๊ยจ๊อเบแถ่ จอแปแหร่ดุ เร๊อ จอแปแหร่ดุ แหย่โอ่เหม่ เป่แก คุ๊ยอาบีเมเลค เตเช, โทเร๊อ อา แหย่โอ่เหม่ หนิ เป่โป่ คุ๊ยอาบีเมเลค อาเม เน๊อ อาหลู่โหมะ เต๊เห่ อาเตเช เร๊อ เหย่ซี พู๊โอ่ คยาแซ๊ ลอ แลแค.

ꤟꤤꤙꤚꤢꤨ 12:13

ตูรู๊ ครวาแฮเง ตื๊อดื่อเกอ เตหมะเตจ๊อ อาแกล๊ เออเนอ นี๋. แกแย เด๊อ อาเตหยื่อ ปีตี๊ เต๊เห่เนอ, อาแซ่เน๊อ แกแย กู๊โด่ด๊า เนอเต๊เห่ เฮ๊อ. แซ่ฮู๊ แกแย เด๊อ อา กู๊โด่ด๊า เออเต๊เห่ เก่ ตอพอ แต่เหม่, โทเรอ แซ่ฮู๊ เหย่ซี กู๊โด่ เก่ แร๊กาคยา อาเงเนอ, ตูรู๊ ครวา แฮเง ตื๊อดื่อลา เกอโป่ แลแค นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:25

โป่แหว่ ซี, กุยจ๊อเบ โต่ เป่เกอ แลแค เปเง นี๋.

มัทธิว 3:6

เหย่ซี แฮ แด๊โฉ่ ลีลอ อา เตเมซื๊อ เต๊เห่ เร๊อ คูยอห์น เจ เป่ เหย่ซี เทอ เด๊อ จอร์แดน เทอแลโหมะ กูเนอ.

ꤟꤤꤙꤚꤢꤨ 13:18

กุยจ๊อเบ เป่ โป่ แลแค เด๊อ เปเง. เป ซิเง ตาเต เจ๊อ เน๊อ เด๊อ เป ซิปล่อ ฮ๊อกู เออเนอ โมโม๋ อา โม แพ๊, อา แด่ เตซื๊อ เน๊อ เป เตอเจ๋อ โต่. โทเรอ เป เมเต อิเตเต๋ เบ่เบ่, เป ซิหยื่อ เมโชชื่อแพ๊ เต เด๊อ อาโต เต๊เห่ ปว๋า โตโพ๊ เจ๊อ.

ꤟꤤꤙꤚꤢꤨ 11:7

เด๊อ เพโนอาห์ อาเตหยื่อ อาขว่าอาคยา, จอแปแหร่ เด๊อะรอ หนื่ออื่อ ลู เตเด๊อ อา แม๊เถอะ ซิเง ล๋ายโต่ เด๊อ อา เก่ ทวาแถ่ ช๋า เนอปา เนอเต๊เห่. อา เบ่หยื่อเบ่แหน่ จอแปแหร่, อา หนิดา ลูโหง่ เร๊อ อา เมแถ่ ส่อเกลอดุ เด๊อ อา เก่ เมแลเปล๊กา เน๊อ อา หี่ด๊อหี่แพพู๊ อาเง เต๊เบ่. เด๊อ เพโนอาห์ เตหยื่อ อาขว่าอาคยา, อา เด๊อะโล เน๊อ จอแปแหร่ เก่ เมจากาคยา แกแย เห่ขุพู๊ เต๊เห่ ปา. เร๊อ เด๊อ อาเตหยื่อ ขว่าคยา, จอแปแหร่ แด่เฮ๊อ อา ฮู๊ แกแยจ๊อแกแยเต เตเพร เฮ๊อ.

ꤚꤥꤗꤢꤩ꤬ 5:19

เมเตเฮ๊เรอ เด๊อ แกแย เตเพร หนิดา จอแปแหร่ อาโหง่ โต่ อาขว่าอาคยา, แกแย ปว๋า เตเพร ทวาลอ เฮ๊อ เตซื๊อเตปล๊า อา พู๊เหมาะพู๊คู เต๊เห่ เฮ๊อ. หม่าแน๊เรอ เด๊อ แกแย เตเพร หนิดา จอแปแหร่ อาโหง่ อาขว่าอาคยา, จอแปแหร่ แด่จ๊อแด่เต ลอเฮ๊อ แกแย ปว๋า เตเพร เฮ๊อ.

ꤚꤥꤗꤢꤩ꤬ 3:10

ลีเทส่อพ๊ากู เฮ๊ เน๊อ, “แกแยจ๊อแกแยเต โอ่ เตเพร่ว โต่.

ꤟꤤꤙꤚꤢꤨ 11:4

เด๊อ เตหยื่อ อาขว่าอาคยา, คูอาแบล หลู่แถ่ จอแปแหร่ เนอ อาแร๊เล๊อ เร๊อ คูคาอิน อาเตหลู่. จอแปแหร่ พย๊าฉื่อ คูอาแบล อา เตหลู่แตแถ่ ฮู๊เนอเรอ, เด๊อ คูอาแบล อาเตหยื่อ อาขว่าอาคยาเร๊อ, จอแปแหร่ แด่เฮ๊อ ลู ฮู๊ แกแยจ๊อแกแยเต เตเพร เนอเฮ๊อ, เด๊อ อาแบล อาเตหยื่อ ขว่าคยา, อา เซอ โทเฮ๊อ หม่าแน๊เรอ อา เฮ๊เบ่ปา เป เร๊อ อาเตหยื่อ อาหรี่อาแก.

เพรโด่แนพู๊ เต๊เห่ 10:38

โทเรอ จอแปแหร่ นว๊าแถ่ วีนาซาเร็ธพู๊ เหย่ซู่ เร๊อ อา เด๊อะ ลู แหย่โยบูโพ๊แบ่เจ่ เร๊อ อา เตโพรเตเตอเรออาฉว่าชอ ฮู๊เต เนอ, ซี ซิเง โทดื่อเฮ๊อ. เหย่ซู่ เลจว๊า เด๊อ เหล่โอ่ ปว๋า โต๊โผ่ เร๊อ จว๊า เมบุ๊ยเมเตอเรอ เป่ อู, แหย่โอ่เหม่ลอ แกแย โอ่ เด๊อ โลเน๊โลหน่า กู่กล๊อ เมนือเมจ๊า ลู เต๊เห่, เมเตเฮ๊เรอ จอแปแหร่ โอ่เกอ เน๊อ อา อาขว่าอาคยา, อา เมเฮ๊อ เต ฮู๊เนอ เฮ๊อ.

เห่ขุทวาลู่ 19:29

ฮู๊เนอเร๊อ เบ๊อะ จอแปแหร่ดุ เมจากาคยา เมปย๊าแกลอ เฮ๊อ วี โอ่ เด๊อ เก่รือดือขุ เนอเนอวี เบ๊อะเนอ, อา ซิเหน่แถ่เบ่โต่ เพอับราฮัม กุย ลู เนอ. เบ๊อะ อา เมจากาคยา ปย๊าแก วี เด๊อ เพโลท โอ่ เกอเร๊อ เออเนอ อาเค, อา เอ๊เถ่แลเปล๊แก เพโลท เด๊อ อาเตเมจากาคยา อากู.

เห่ขุทวาลู่ 32:28

เร๊อ แกแย เนอเตเพร เฮ๊ ลู เน๊อ, “เนมุย เน๊อ คูยาโคบ หม่า ปา โต่ เฮ๊อ, เน เก่ มุยติ เฮ๊อ เน๊อ คูอิสราเอล ปา, เมเตเฮ๊เร๊อ เน วื๊อฉื่อ เน๊อ จอแปแหร่ดุ เน๊อ แกแยเห่ขุพู๊ เร๊อ เน เป่ เฮ๊อ.”

เห่ขุทวาลู่ 20:7

ฮู๊เนอเร๊อ กู๊แหน่เออ ซูกาคยา คยาแซ๊ ลู เด๊อ อาเว โอ่เนอ, เมเตเฮ๊เร๊อ อา หม่า เพรโพร เตเพร. แซ่ฮู๊ เน เก่ เซอ โต่ อาเงเนอ, อา เก่ กุย จ๊อเบ เป่ดื่อ เนเง ปา. เน เก่ ซูกาคยา ลู โต่ เฮ๊หม่า, เน เน๊อ ล๋อ เนแกแย เต๊เห่ เก่ เซอ หม่าแหน่เกอ เจ๊อ ปา.”

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:23

จอแปแหร่ เด๊อ อา เด๊อะ เป เตโส่เตเคร เออเตเพร อาเหน่แบ่เจ่ เร๊อดื่อ เก่ เมบูโพ๊ เล๊อบาแถ่ ดื่อ ซี นี๋. โท๊โต่ ช๋า เป แบ่เจ่ เหย่ซู่ครี๊ เก่ แฮ คยาแซ๊ ปาเนอ, แซ่ฮู๊ อู เก่ แด่แจ่ปา แต่ ซี เตซื๊อ แต่เหม่ เนอเรอ, จอแปแหร่ เก่ แม๊ตู่หนิ ลอเกอ โป่ดื่อ ซี เหน่กล่อ เร๊อ ซีซิปล่อ เร๊อ ซี ซิปล่อเซอเพร ปา นี๋.

โคโลสี 1:9

ฮู๊เนอเรอ, เป๊อแถ่ เบ๊อะเป หนิโฮเบ่ อาเมวกู เนอ เตอเนอเนอ, เป แด่โอ่โก๊แกน๊อ เป เตกุยจ๊อเบ เด๊อ ซีเง โตโพ๋ โต่. เป กุยจ๊อเบ จอแปแหร่ เด๊อ อา เก่ เด๊อะตา เล๊อบา ล๋อปลี ซี เตแจ่เตลีแม เด๊อ แหย่โย ตากยา เร๊อ เตซิคว๊าซิเง เด๊อ แหย่โย ตากยา เร๊อ เด๊อ เออเต๊เห่ อาขว่าอาคยา, เป กุยจ๊อเบ จอแปแหร่ เร๊อ อา เก่ เด๊อซิเง เล๊อเล๊อบาบา เป่ ซี เร๊อ ซี เก่ แรเต ฮู๊ อาโต ลูซิปล่อ เนอเต๊เห่.

ꤜꤢꤨꤊꤢ꤬ 9:6

เพรโด่แนพู๊ เต๊เห่ เถ่จว๊า เร๊อ อา จว๊าโน ตอดอ โท ตอดอ เร๊อ อา จว๊า แด๊โฉ่โด่แน เป่ อู เตซิครือซิลอมีลา, เร๊อ อา จว๊า แหย่โอ่เหม่ เป่ อู เตชุ๊ยเตเช เด๊อ เหล่โอ่ ปว๊า โต๊โผ่.

ꤗꤢ꤬ꤊꤢꤨ 1:5

แกแย โอ่ เด๊อ ยูดาห์เก่กู เนอเต๊เห่ เร๊อ วีเยรูซาเล็ม อากู เนอเต๊เห่ แฮโอ่โร๊ลู เด๊อ คูยอห์น อา โอ่. เร๊อ เหย่ซี แฮ กุยซิยอ แลแค อาเตซื๊อ เร๊อ คูยอห์น เจ เป่ เหย่ซีเหน่ เด๊อ เทอแลโหมะ จอร์แดน กูเนอ.

เพรโด่แนพู๊ เต๊เห่ 8:24

คูซีโมน เฮ๊ฉื่อ คูเปโตร เร๊อ คูยอห์น เน๊อ, “แซ่ฮู๊ ล๋อ ซี เฮ๊เฮ๊อ เออเต๊เห่ อา ตาเบ่ แต่ แว เต่อเจ๋อ แต่เหม่ เนอ เร๊อ กุยจ๊อเบ เป่ แลแค แว เด๊อ แบ่เจ่ โอ่.”