ꤡꤛꤢꤩ꤭ꤗꤢ꤬ꤎꤣ꤬ 4:11 - ลีเทส่อพ๊าอาเซ เร๊อ เห่ขุทวาลู๊

¹¹ แว โป่แหว่ ซี๋, เฮ๊มู๊แหม่ เกอเร๊อ แต่ ลู เตเพร เร๊อ เตเพร แต่เหม่ นี๋. อูเปเป๋ เบ่เบ่ เด๊อ อา เฮ๊มู๊แหม่ แกแย เด๊อ อา หยื่อเอ่ ครี๊ เตเพรเพร หม่าโต่เรอ อา แด่ เตซื๊อ แกแย เด๊อ อา หยื่อเอ่ ครี๊ เตเพรเพร เฮ๊เนอหม่า หม่าเฮ๊อ อา เฮ๊เบ่ มู๊แหม่รีแจ่ เฮ๊อ เตซว๊าเตแส่ เร๊อ อา แด่ เตซื๊อ เฮ๊อ เตซว๊าเตแส่ เออเนอ เฮ๊อ. ซี เก่ แด่ เตซื๊อ เตซว๊าเตแส่ เออเนอ เฮ๊เรอ, ซี หม่า แกแย เด๊อ อา จูเอ่ เตซว๊าเตแส่ หม่าโต่. หม่าแพ๊ แกแย เด๊อ อา แด่ เตซื๊อ เตซว๊าเตแส่ แพ๊.

Eastern Kayah Shadaw Dialect

¹¹ ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤟꤢꤩꤗꤢꤨꤗ꤫ꤢꤧ꤬ ꤚꤣꤧꤘꤢꤦ꤬ ꤒ꤫ꤢꤧ꤬ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤢꤨ꤭ꤕꤢꤩ꤭ꤕꤢꤩ꤭꤮ ꤙꤢꤩ꤬ꤙꤢꤩ꤬ ꤘꤣ ꤢ꤬ ꤟꤢꤩꤗꤢꤨꤗ꤫ꤢꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤗ꤫ꤢ꤬ꤒꤥ꤬ꤚꤣꤧ꤬ ꤢ꤬ ꤘꤢꤧ꤬ ꤒꤢꤩ꤬ꤞꤢꤦ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤢ꤬ ꤟꤢꤩꤙꤢꤩ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤟꤣꤧ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤚꤣꤧ꤬ ꤢ꤬ ꤘꤢꤧ꤬ ꤒꤢꤩ꤬ꤞꤢꤦ ꤟꤣꤧ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ꤔꤣꤧ꤬ ꤟꤣꤧ꤯ ꤞꤤ꤭ ꤊꤢꤩ꤬ ꤘꤢꤧ꤬ ꤒꤢꤩ꤬ꤞꤢꤦ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ꤔꤣꤧ꤬ ꤟꤢꤩꤚꤣꤧ꤬, ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤡꤢꤨ꤭ꤢꤩ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤗ꤫ꤢ꤬ꤒꤥ꤬꤯ ꤗ꤫ꤢ꤬ꤖꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ꤬ ꤒꤢꤩ꤬ꤞꤢꤦ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤖꤢꤧ꤯

ꤡꤛꤢꤩ꤭ꤗꤢ꤬ꤎꤣ꤬ 4:11 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 2:1

ฮู๊เนอเรอ, ซิค๊าซิเถ่ ปา แต่ อู แต่เหม่. ล๋อ เตแลโฮแลแห่, เตจ่าจ๊อจ่าเต, เตซิเคว๊, เตแด๊เหม่อเถ่อโย ซี เต๊เห่เนอ โตเบ่ โอ่ ปาโต่.

ꤚꤥꤗꤢꤩ꤬ 2:1

โคแบ๊ซว๊า, เน เก่ เฮ๊ อู เน๊อ, “เหย่ซี เนอหม่า แกแย แร๊โต่,” หม่าแน๊เรอ เน หม่า แกแย แร๊โต่ แซ่เน๊อ เหย่ซีซี แพ๊. เน เฮ๊ แลเปล๊หนิ เนเหน่ หม่า อาหนิ โต่. เบ๊อะเน เฮ๊ เร๊อ เหย่ซี หม่า แกแยจา เร๊อ จอแปแหร่ โตเบ่ เมจากาคยา เหย่ซี เบ๊อะเนอ, เน เมจากาคยา เกอเร๊อดื่อ เฮ๊อ เนเหน่, เมเตเฮ๊เรอ เน เร๊อ เน เม แซ่เกอ ฮู๊เนอเนอ แพ๊.

ꤡꤛꤢꤩ꤭ꤗꤢ꤬ꤎꤣ꤬ 5:9

โป่แหว่ ซี๋, แซ่ฮู๊ ซี เก่ ข่าเบ่ แต่ เตเมจากาคยา แต่เหม่เนอ, ตามวาเตเล แต่ ลู เตเพร เร๊อ เตเพร แต่เหม่. เพรเฮ๊เบ่เมโตเต เออเตเพร แฮโอ่เต่อผื่อ ต๊อต่อเฮ๊อ เด๊อ กู่ดาทือ เฮ๊อ.

ꤜꤢꤨꤊꤢ꤬ 6:37

“เฮ๊บูเฮ๊บย่า อู, เตเนซื๊อบอเตเนซื๊อบย่า แต่ อู เหม่. ซี เก่ เฮ๊บอเฮ๊บย่า อู, เตเนซื๊อบอเตเนซื๊อบย่า อู โต่ เฮ๊เนอหม่า จอแปแหร่ เมเลอ กาคยาฉื่อ ซี โต่. แด่เตซื๊อ แต่ อู แต่เหม่, ตื๊อหม่า จอแปแหร่ แด่เตซื๊อ ซี โต่. ปลวาแกอูเตซื๊อ นี๋, ตื๊อหม่า จอแปแหร่ ปลวาแก ซี เตซื๊อ ปา.

โครินธ์ อาเหร่อเล๊อ ต๊าบ่า 4:5

ฮู๊เนอเรอ เตเมจากาคยา เบ๊อะแฮเบ่ แต่ล๋ายโต่ เนอ, จว๊า เมจากาคยา แต่ อู เตเพร๊ แต่เหม่. โอ่ป่อ โต่ แลแค เด๊อ แบ่เจ่ แฮ เมจากาคยา อู ปา โตโพ๊ เนอ. เตโอ่โอ๊โอ่บี๊ เด๊อ เตคี๊ อากู เต๊เห่เนอ, อา เก่ เด๊อะแถ่โล ปา. เร๊อ แกแย อา เตเตเน ด๊อโอ๊ด๊อบี๊ เด๊อ อา นอเม โค๊ลู เต๊เห่เนอ, จอแปแหร่ เก่ เด๊อะโล ซิเง ปา. เบ๊อะเนอเค ปา เนอ, ฮู๊ แกแย เตเพร เร๊อ เตเพร เม เต เนอ, จอแปแหร่ เก่ ถู่เซ๊หนิ เหย่ซี ปา.

เอเฟซัส 4:31

วี๊แก แก เตซิปล่อเช, เตซิปล่อดุ, เตกย๊า เอ๊โทเอ๊โม ลู, เตแด๊เหมอะเทอโย, เตซิค๊า มู๊แหม่รีแจ่ อู ปว๊าเต๊อเจอะ เออเต๊เห่ นี๋.

โครินธ์ เนอบ่า ต๊าบ่า 12:20

ช๋า แว แฮโตเกอ เด๊อ ซี โอ่ เคปาเนอ, ปาหม่า แว แฮ แม๊เถอะ ดื่อเฮ๊อ ซี เตแด่ซิปล่อสู่เทอ เต๊เห่ เด๊อ อา โค๊ดื่อ เร๊อ ฮู๊ แว ซิหยื่อ แม๊เถอะ เนอเต๊เห่ ปา เฮ๊อ, โทเรอ ซี เก่ แม๊เถอะ ดื่อเฮ๊อ แว เตซิปล่อสู่เทอ เต๊เห่ เด๊อ อา โค๊ดื่อ ฮู๊ ซี ซิหยื่อ แม๊เถอะ แว เนอ ปา เฮ๊อ, แว เบ่รอหนื่ออื่อ ฮู๊เนอ. แว เบ่รอ ดื่อเฮ๊อ เร๊อ ปาหม่า แว แฮแม๊เถอะ ซีกย๊าตางา ลู, ซี ซิเคว๊คยาลู, ซี ซิปล่อดุ สู่เทอทู ลู, ซี โอ่โค๊ลู ตู๊หมู่ เร๊อ ตู๊หมู่, เป๊อเจ่ออิแช๊อู, แด๊เเหมาะเถ่อโย อู, แด่ดุแด่แถ่โล เหน่, เมซู๊ซ๊า ตอปลอแลยอ เต, ฮู๊เนอ เต๊เห่ เฮ๊อ.

ทิโมธี เนอบ่า ต๊าบ่า 3:3

เหย่ซี หม่า แกแย เด๊อ อา โมหนิเร๊อ เกออู โต่, อา ปลวาแก เกออู เตซื๊อ โต่, เฮ๊ปย๊า อูมีลา, เป๊อแจ่ เกอเร๊อดื่อ อาเหน่โต่, แกแยฮาแกแยเฮ, เหย่ซี หม่า แกแย เด๊อ อา ซิเถ่ เตแร๊ เต๊เห่ ปา.

ทิโมธี อาเหร่อเล๊อ ต๊าบ่า 3:11

เหย่ซี อาเม เต๊เห่เนอ เบ่เบ่, อู ปว๋า เตเพร โตเบ่ แด่ดุแด่ทู เหย่ซี, เหย่ซี โตเบ่ แด๊หนิ อูแหย่โย โต่, เหย่ซี เบ่โอแซแรชาเผร่ อาเหน่ เร๊อ เหย่ซี โตเบ่หม่า แกแย เด๊อ อาจ๊อ เน๊อ อาโหง่ เด๊อ เตล๋อ ปลี อากู.

ꤚꤥꤗꤢꤩ꤬ 7:7

เมฮู๊เนอเรอ เป เก่ เฮ๊ ฮู๊เต? เตซว๊าเตแส่ หม่า อาซื๊อ แพ๊ เป เก่ เฮ๊ ฮู๊เนอ แอ? เป เฮ๊ ฮู๊เนอหม่า อา โตโต่. เน เม ฮู๊เนอหม่า อาซื๊อ เตซว๊าเตแส่ เก่ ยูโล โต่ เฮ๊เนอ, เต เด๊อ แว เมซื๊อ โทเฮ๊อ แคร๋ อิเตเนอ แว ซิเง กาคยา เกอเร๊อ หม่าแหน่โต่. เฮ๊โก๊หลื่อ, “ซิหยื่อซิลอ แต่ อู เต แต่เหม่ นี๋,” เก่ เตซว๊าเตแส่ ราโล ฮู๊เออ โต่ เฮ๊เรอ, ซิหยื่อซิลอ อูเต เนอหม่า อา ทวา เตซื๊อ เฮ๊อ เนอ, แว ซิเง โต่.

ꤚꤥꤗꤢꤩ꤬ 2:13

จอแปแหร่ แด่จ๊อแด่เต แกแย เร๊อ อา หนิโฮน๊อ เตซว๊าเตแส่ ขว่าคยาเนอ หม่าโต่. จอแปแหร่ แด่จ๊อแด่เต แกแย เร๊อ อา ครวาเมเกอ ฮู๊ เตซว๊าเตแส่ เฮ๊แก โหง่ เนอเต๊เห่ แพ๊.

ꤡꤛꤢꤩ꤭ꤗꤢ꤬ꤎꤣ꤬ 1:25

เตซิครือมีลา หม่า จอแปแหร่ อา เตซว๊าเตแส่ เด๊อ อาเล๊ออาบา เร๊อ อา เมแลเปล๊กา แกแย เด๊อ เตซื๊อเตปล๊า อากู. แกแย เตเพรเพร เด๊อ อา แม๊ปูซิเง ตาเตแร๊ เตซว๊าเตแส่ เออ เร๊อ อา โชตาปาแก เตอิซว๊าอี๊แส่ เออ โต่ เต๊เห่, โท๊โต่ อา หนิดา ครวาเม เตอิซว๊าอี๊แส่ เออเตเพรเนอ, จอแปแหร่ เก่ เด๊อะบุ๊ยเด๊อะเตอเรอ อาเตแร เออเนอ ปา.

ꤒꤤꤒꤢꤨ 2:3

ฮู๊เนอเฮ๊อ, แซ่ฮู๊ เพรเหมาะ โหมะเผระ เต๊เห่ เก่ เบ่หยื่อเบ่แหน่ เกอ อา เตโอะเซอเพร เด๊อ อา โตโอะเซอเพร เร๊อ แด่บูโพ๊ เกอ แลแค ซิปล่อ เด๊อ จอแปแหร่ อา โอะ อาเงเนอ เร๊อ, อิซว๊าอี๊แส่ แลแค เหย่ซี นี๋. โทเรอ เหย่ซี โตเบ่ แด๊หนิ อูแหย่โย โต่, อา โตเบ่ ทวาหนิ เทอเผร่ อาหลู่เล๊ โต่. อู โตเบ่ เมเตแร๊ ฮู๊เตฮู๊เต เนอ, เหย่ซี โตเบ่ อิซว๊า อู.

ꤡꤛꤢꤩ꤭ꤗꤢ꤬ꤎꤣ꤬ 1:16

แว โป่แหว่ เด๊อ แว โมเร๊อ ซี๋, เต เด๊อ อา โตโต่ เต๊เห่เนอ, จว๊าหยื่อเอ่ แต่ แลแค แต่เหม่ นี๋.

ꤡꤛꤢꤩ꤭ꤗꤢ꤬ꤎꤣ꤬ 1:19

แว โป่แหว่ เด๊อ แว โมเร๊อ ซี๋, โต หนิ แลแค โหง่ เออตือมือ นี๋. แกแย ปว๋า เตเพร โตเบ่ หนิดา ตาเต, อา โตเบ่ เตเนเฮ๊เบ่ แลแค เร๊อ อา โตเบ่ ซิปล่อดุแถ่ แพร หนิ โต่.

ꤡꤛꤢꤩ꤭ꤗꤢ꤬ꤎꤣ꤬ 2:8

ลีเทส่อพ๊ากู เฮ๊ เน๊อ, “โมเร๊อ อูโร ฮู๊ เน โมแล เกอเร๊อ เนเหน่ เนอ,” อา เฮ๊ ฮู๊เนอ. ซี เก่ จูเอ่ หม่าแหน่ จอแปแหร่ อาเทออาเก่ อา เตซว๊าเตแส่ เออ เฮ๊เนอหม่า ซี เมโตเฮ๊อ เต เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 5:7

ฮู๊เนอเร๊อ โป่แหว่ ซี๋, แด่ทูซิปล่อโต่ แลแค เด๊อ แบ่เจ่ แฮ คยาแซ๊ ปา โตโพ๊ เออเนอ นี๋. เตเนแม๊ เกอ แลแค เมอ เพรแฮเมเอ่แหล่ เตเพร โอ่ป่อแม๊ชือ เกอ เร๊อ อา เตเส่เตโพ เด๊อ อางูดุงูชอ เออเต๊เห่เนอ. อา เบ่ เป๊อแถ่ แด่ทูซิปล่อ โอ่ป่อหนิ เก่จือ ตา ลู่ เออ เด๊อ อา เมแด๊แถ่ เป่ ลู เตกลุยเตลุ๊ย เออเต๊เห่, โทเร๊อ อา เบ่ โอ่ป่อ โต่เด๊อ เก่จือ ตาเนอ เด๊อคยา เด๊อ อา เมเผระเมมี เป่ ลู เตเส่เตโพ เออเต๊เห่.

ꤡꤛꤢꤩ꤭ꤗꤢ꤬ꤎꤣ꤬ 5:10

แว โป่แหว่ ซี๋, ซิเหน่แถ่เบ่ โต่ แลแค เพรโพร เด๊อ อา เฮ๊เบ่ เด๊อ แบ่เจ่ อามุย อากู เนอเต๊เห่ นี๋. เบ๊อะซี แม๊เถอะ ป่อชิเต่อเบ่ เร๊อ เตจาเตจือ เบ๊อะเนอ, แม๊บือเกอ เหย่ซี แด่ทูซิปล่อเบ๊ โทเฮ๊อ เตจาเตจือ เนอเต๊เห่ นี๋.