ꤡꤛꤢꤩ꤭ꤗꤢ꤬ꤎꤣ꤬ 3:9 - ลีเทส่อพ๊าอาเซ เร๊อ เห่ขุทวาลู๊

⁹ ซี ซิเง เน๊อ เป นอเอ่ เปปลี เออเนอ เน๊อ เหล่ถู่เซ๊แถ่ เปเพ แบ่เจ่ จอแปแหร่, โท๊โต่ เป นอเอ่ เกอ โป่ อา เน๊อ เป เหล่อิชอ มู๊แหม่ แกแย เด๊อ จอแปแหร่ แบ๊แล อา ฮู๊ อาเหน่กล่อ เออเนอเต๊เห่.

Eastern Kayah Shadaw Dialect

⁹ ꤞꤤ꤭ ꤞꤤꤑꤢꤩ꤭ ꤔꤢꤧ ꤕꤢꤩ꤬ ꤔꤢꤪ꤭ꤢꤩ꤬ ꤕꤢꤩ꤬ꤕꤜꤤ꤬ ꤣꤧ꤭ꤔꤣꤧ꤬ ꤔꤢꤧ ꤜ꤫ꤢꤩ꤬ꤓꤢꤨ꤬ꤞꤢꤩꤓꤢꤧ꤬ ꤕꤢꤩ꤬ꤖꤢꤩ꤭ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬, ꤓꤥ꤭ꤒꤥ꤬ ꤕꤢꤩ꤬ ꤔꤢꤪ꤭ꤢꤩ꤬ ꤊꤣꤧ꤭ ꤕ꤫ꤥ꤬ ꤢ꤬ ꤔꤢꤧ ꤕꤢꤩ꤬ ꤜ꤫ꤢꤩ꤬ꤤ꤬ꤏꤢꤪ꤭ꤟꤢ꤭ ꤊꤣꤧ꤬ꤛꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤙꤢꤧꤜꤢꤧ꤬ ꤢ꤬ ꤟꤢꤨ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬꤯

ꤡꤛꤢꤩ꤭ꤗꤢ꤬ꤎꤣ꤬ 3:9 ပူးပေါင်းရင်းမြစ်များ

เห่ขุทวาลู่ 9:6

แกแยเห่ขุพู๊เออ จอแปแหร่ แบ๊แล แซ่เน๊อ อาเหน่ อาขว่าอาคยา, อูเปเป๋ เบ่เบ่ เด๊อ อา เมเซอ แกแยเห่ขุพู๊เออ เตเพรเพร เนอ, แกแย เด๊อ อาโร เตเพรเพร เบ่ เมเซอเลอ เกอติ ลู ปา.

เพรโด่แนพู๊ เต๊เห่ 2:26

ฮู๊เนอเรอ แว ซิปล่อโม ปว๋า โตโพ๊ เจ๊อ, เร๊อ เบ๊อะแว เฮ๊เบ่ เบ๊อะเนอ แว เฮ๊เบ่ โชชื่อ เจ๊อ เน๊อ เตซิครือซิลอ เจ๊อ. โท๊โต่ แว เหน่กล่อ เออเนอเบ่เบ่, แว โอ่เซอเพร เด๊อ เตแม๊ฉือ อากู ปา.

เห่ขุทวาลู่ 5:1

ลี เออหม่า เตราม๊าราแด หนิ เพอาดาม อากลุยอาแล ตากาแล ซีเต๊เห่ อาหรี่อาแก. เบ๊อะ จอแปแหร่ดุ แบ๊ แกแย เห่ขุพู๊ เบ๊อะเนอ, อา แบ๊ เหย่ซี แซ่เจ๊อเน๊อ อาเหน่ เจ๊อ.

โครินธ์ อาเหร่อเล๊อ ต๊าบ่า 11:7

หม่าแน๊เรอ เพรคู เกอลาติ เร๊อ เบ๊อะอา จ๊อบู่จ๊อเบ เต่อ เร๊อ อู เบ๊อะเนอ, อา โต โก่ บี่หนิ อากู่กล๊อ โต่. เมเตเฮ๊เรอ จอแปแหร่ แบ๊ตา เพรคู เออเนอ แซ่เน๊อ อาเหน่ อาขว่าอาคยา, เพรคู หม่า จอแปแหร่ อา เตอเรอดุเตอเรอทู, หม่าแน๊เรอ เพรเหมาะ หม่า เพรคู อา เตอเรอดุเตอเรอทู.

ꤚꤥꤗꤢꤩ꤬ 3:14

เหย่ซี อาเตเฮ๊เบ่เฮ๊โช เต๊เห่เนอ, อา เล๊อบา เจ๊อ เร๊อ เตอิชออี๊บ่า. เหย่ซี เฮ๊เบ่ โชชื่อ โหง่ เด๊อ เตเกล หนิโฮ เหย่ซีเนอ เต๊เห่ เจ๊อ.

มัทธิว 26:74

เออโตโพ๊เรอ คูเปโตร เป๊อแถ่ แบแลหนิ อาเหน่ เด๊อ จอแปแหร่ เบ๊เง เร๊อ อา เฮ๊ เน๊อ, “แกแย เออเตเพร หม่า แว ซิเงน๊อ ลู โตโพ๊ โต่.” อา เฮ๊โทโท เนอ ชาเพ อี๊อู่แถ่

มัทธิว 5:44

หม่าแน๊เรอ แว เฮ๊ ซี, โมหนิเกอเร๊อ แกแย เด๊อ อา ซิเถ่ ซี เนอเต๊เห่ เร๊อ กุยจ๊อเบ เป่ แกแย เด๊อ อา เมจาเมจือ ซี เนอ เต๊เห่.

เอเฟซัส 1:3

เป่ เก่ ถู่เซ๊แถ่ โหร่ลู เป่ แบ่เจ่ เหย่ซู่ครี๊ อาเพ จอแปแหร่ เออเตเพร โป๋. อา เด๊อะตาเฮ๊อ เป่ เตเด๊อะบุ๊ยเด๊อะเตอเรอ ปว๋า เต๊อเจ่อ เด๊อ อาโอ่ เด๊อ ม๊อขุ แฮเออ, เร๊อ อา เก่ เมจว่า เป่ เด๊อ แหย่โย ตากยา อาเตโหล่ เนอเต๊เห่ ปา. เบ๊อะเป เออเต๊เห่ เร๊อ ครี๊ ทวาแถ่ เฮ๊อ ลู เตอเจ๋อโต เบ๊อะเนอ, อา เด๊อะตา ลอเฮ๊อ เป เนอเต๊เห่ เฮ๊อ.

เปโตร อาเหร่อเล๊อ ต๊าบ่า 1:3

เป เก่ เฮ๊บุ๊ยเฮ๊เตอเรอแถ่ โหร่ลู เป แบ่เจ่ เหย่ซู่ครี๊ อาเพ จอแปแหร่ โป๋. หม่าเด๊อ อา เตซิยอ ตาลว๊าซิลือ เป เออ, เร๊อ เหย่ซู่ครี๊ อาเตเซอ ก๊อถ่อกาคยา อาขว่าอาคยา, อา เด๊อะตา เฮ๊อ เป เตเซอเพร อาเซ เฮ๊อ. เด๊อ เออ อาขว่าอาคยา, เป พย๊าหนิ แฮเง ลาเฮ๊อ เป เตแม๊ชือ เด๊อ เป เตโอ่เซอเพร อากู เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 1:27

เตจ๊อบู่จ๊อเบ เด๊อ เพ จอแปแหร่ แด่ เฮ๊อ เน๊อ เต เด๊อ อา อาโพ๊อาแปละ เล๊อเล๊อบาบา เต๊เห่ เนอหม่า หม่าเฮ๊อ เตแม๊ตู่หนิ ฮู๊โอ่แคร๊โอ่แต่ เต๊เห่ เร๊อ เพรเหมาะโอ่แคร๊ เด๊อ อา โต่เบ่ เร๊อ เตแป่เตเช เต๊เห่, โท๊โต่ แกแย เด๊อ อา ค๊อเป่ เกอเร๊อ อาเหน่ เร๊อ อา โอ่ตาพายาเบ๊ เร๊อ เห่ขุ อา เตมู๊แหม่รีแจ่ ซี เนอเต๊เห่ เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 3:10

เด๊อ แกกู ตูกูกู๋ แพ๊ เอออากูเนอ, เตถู่เซ๊แถ่ เร๊อ อา เถ่เถ่, เตอิชอ ฮามู๊แหม่ เต๊เห่ เร๊อ อา เถ่เถ่. แว โป่แหว่ ซี๋, อา โตเบ่ เถ่ ฮู๊เนอ โต่.