ꤡꤛꤢꤩ꤭ꤗꤢ꤬ꤎꤣ꤬ 2:19 - ลีเทส่อพ๊าอาเซ เร๊อ เห่ขุทวาลู๊

¹⁹ เน หยื่อเอ่ เน๊อ แบ่เจ่ จอแปแหร่ โอ่ตื๊อ เตเพรเพร่ว แพ๊. อาแร๊เฮ๊อ. โลเน๊มู๊แหม่รีแจ่ เต๊เห่ เจ๊อเนอ อา หยื่อเอ่ แซ่เกอ ดื่อ ฮู๊เนอเนอ, โท๊โต่ เหย่ซี หยื่อเอ่ เร๊อ อา ซิอิเช แตแนตากยา เจ๊อ.

Eastern Kayah Shadaw Dialect

¹⁹ ꤔꤢꤧ꤬ ꤛ꤫ꤢꤦ꤬ꤢꤩ꤬ ꤔꤢꤧ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤥ꤬ꤒꤢꤦ ꤒꤣ꤬ꤖꤚꤢꤩ꤬ ꤖꤢꤧ꤯ ꤢ꤬ꤚꤢꤧꤟꤣꤧ꤯ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ ꤡꤣꤧꤔꤣꤧ꤬ ꤢ꤬ ꤛ꤫ꤢꤦ꤬ꤢꤩ꤬ ꤞꤢꤧꤊꤣꤧ꤭ꤘꤢꤦ꤬ ꤟꤢꤨꤔꤣꤧ꤬ꤔꤣꤧ꤬, ꤓꤥ꤭ꤒꤥ꤬ ꤛꤢꤩ꤬ꤞꤤ꤭ ꤛ꤫ꤢꤦ꤬ꤢꤩ꤬ ꤚꤣꤧ꤬ ꤢ꤬ ꤞꤤꤤ꤬ꤏꤢꤩ꤭ ꤒꤣꤧ꤬ꤔꤢꤧ꤭ꤒꤣꤧ꤬ꤊꤛꤢ꤬ ꤡꤣꤧ꤯

ꤡꤛꤢꤩ꤭ꤗꤢ꤬ꤎꤣ꤬ 2:19 ပူးပေါင်းရင်းမြစ်များ

ꤜꤢꤨꤊꤢ꤬ 4:34

“เก๋อวีนาซาเร็ธ อาพู๊ เหย่ซู๋, เน ซิหยื่อ เม เป ฮู๊เต? เน เซเร แฮ เมปย๊าเมหลู่แก เมเซอเมเหม่ แกลอเฮ๊อ เป ปาแอ? เน หม่า อูเป เนอหม่า แว ซิเง แพ๊, เน หม่า จอแปแหร่ อาพู๊คู โพ๊แปละบูโพ๊ เตเพร.”

ꤗꤢ꤬ꤊꤢꤨ 1:24

เร๊อ อา เอ๊โทแถ่ เน๊อ, “เก๋อ แกแย วีนาซาเร็ธพู๊ เหย่ซู๋, เน ซิหยื่อ เม เป ฮู๊เต? เน เตเร แฮ เมปย๊าเมหลู่ เมเซอเมเหม่ แกลอเฮ๊อ เป ปาแอ? เน หม่า อูเป เนอ หม่า แว ซิเง แพ๊, เน หม่า จอแปแหร่ อาพู๊คู บูโพ๊ เตเพร.”

มัทธิว 8:29

เหย่ซี เอ๊โท เน๊อ, “จอแปแหร่ อาพู๊คู, เร๊อ ซิหยื่อ เม เป ฮู๊เต? จอแปแหร่ อาม๊อเนอ เมจากาคยา อู เออ โต่ แต่ล๋ายโต่ เบ๊อะเนอ, เน เตเร แฮเม แคร๋ เป อิเต?”

เพรโด่แนพู๊ เต๊เห่ 16:17

อา ครวาจว๊าเกอ คูเปาโล เร๊อ เป เต๊เห่ เด๊อคยา เร๊อ, อา เอ๊โทแถ่ เน๊อ, “เพรคู เออเต๊เห่ หม่า จอแปแหร่ เด๊อ อาดุอาทู ตื๊อดื่อ เออเตเพร อาหลู่ เต๊เห่ เฮ๊อ. อา แด๊โฉ่โด่แน โล เป่ ซี เน๊อ จอแปแหร่ เมแลเปล๊ กา ซี อาหรี่อาแก เฮ๊อ.”

ꤊꤢ꤬ꤜꤢ꤬ꤒꤤ 3:20

เพรแรเต เด๊อ อากล๊าเมกู เตเพรหม่า อา โอ่จิจือ ลอ เนอโค๊เนอกยา. จอแปแหร่ เด๊อะตา อา เตอ๊อแล เด๊อ เพ อับราฮัม อา โอ่ เนอ, อา โอ่ เร๊อ เพรแรเต เด๊อ อากล๊าเมกู เตเพร่ว โต่. จอแปแหร่ อ๊อแล ตื้อดื่อ เตเพร แพ๊.

เพรโด่แนพู๊ เต๊เห่ 19:15

หม่าแน๊เรอ โลเน๊โลหน่า เฮ๊ฉื่อ เหย่ซี เน๊อ, “แบ่เจ่เหย่ซู่ หม่า แว ซิเง. คูเปาโล หม๋า แว ซิเงเง. หม่าแน๊เรอ แว ซิเง ซี โต่. ซี หม่า อูเป?”

ꤗꤢ꤬ꤊꤢꤨ 5:7

เร๊อ อา เอ๊โทแถ่ เร๊อ อา เฮ๊ เน๊อ, “เตดุเตทู ตื๊อดื่อ จอแปแหร่ อาพู๊ เหย่ซู๋, เน เตเร แฮเม แคร๋ แว อิเต? แว กุยซิยอ เจ๊อ เน เด๊อ จอแปแหร่ อา เป๊เส่เง เนอ, เมจาเมจือ แต่ แว แต่เหม่ นี๋.”

ทิโมธี อาเหร่อเล๊อ ต๊าบ่า 2:5

เมเตเฮ๊เรอ จอแปแหร่ โอ่ตื๊อ เตเพรเพร่ว แพ๊. โทเรอ แกแย เด๊อ อา เมเปเมดวา เป่ คยาแซ๊ จอแปแหร่ เร๊อ แกแยเห่ขุฮู๊เนอ อา โอ่ เตเพร. อา หม่า แกแย เหย่ซู่ครี๊ เออเนอเฮ๊อ.

ꤗꤢ꤬ꤊꤢꤨ 12:29

เร๊อ เหย่ซู่ เฮ๊ฉื่อ ลู เน๊อ, “เตโหง่เฮ๊แก เด๊อ อา โหล่ดุเล๊อ อู หม่า อิเต เฮ๊เรอ, ‘เก๋อ, อิสราเอลพู๊ ซี๋, หนิดา แลแค๋ แบ่เจ่, โอ่ แพ๊ตื๊อ เป แบ่เจ่ จอแปแหร่ เออเตเพร แพ๊.

โครินธ์ อาเหร่อเล๊อ ต๊าบ่า 8:6

หม่าแน๊เรอ เป ซิเง เร๊อ จอแปแหร่ หม่า อา โอ่แพ๊ เตเพรเพร่ว แพ๊. อา หม่า เปเพ, อา หม่า อา แบ๊แล เตปว๋า เต๊อเจ่อ เร๊อ เป โอ่เซอเพร เป่ เด๊อ ลูเง. แบ่เจ่ หม่า อา โอ่แพ๊ เตเพรเพร่ว แพ๊, อา หม่า เหย่ซู่ครี๊ เฮ๊อ จอแปแหร่ นอแบ๊ตา แฮเง เตปว๋า เต๊อเจ่อ เร๊อ เหย่ซู่ครี๊. เพร เด๊อ อา เด๊อะ เป ซิปล่อเซอเพร หม่า หม่า อา เฮ๊อ.

ꤚꤥꤗꤢꤩ꤬ 3:30

เมเตเฮ๊เรอ จอแปแหร่ โอ่แพ๊ เตเพรเพร่ว แพ๊. เบ๊อะแกแยยิวพู๊ หยื่อเอ่เฮ๊อ ครี๊ เบ๊อะเนอ, อา เก่ แด่จ๊อแด่เต ลู ปา. โท๊โต่, เบ๊อะแกแยยิวพู๊ หม่าโต่ เต๊เห่ หยื่อเอ่เกอ ครี๊ อาเคปาเนอหม๋า, อา แด่จ๊อแด่เต เกอ เหย่ซี ปาปา.

ꤛꤥ꤭ꤟꤢ꤬ 17:3

จอแปแหร่ หม่า ตื๊อ เน เตเพรแพ๊, เร๊อ แกแย เด๊อ อา ซิเง เน เร๊อ อา ซิเง เร๊อ แว หม่า เหย่ซู่ครี๊ เด๊อ เน ปลวาแฮ ลู เตเพร เต๊เห่ เนอหม่า หม่าเฮ๊อ เตซิเง เด๊อ อา เด๊อะ เหย่ซี ซิปล่อเซอเพร ตูจูเพร เฮ๊อ.

ꤛꤢꤨꤘꤢ꤬ 1:6

ซิเงแถ่เบ่ หนิคยาแซ๊ แลแค ดื่อ เตเน่วพู๊ เด๊อ อา วีแก แก จอแปแหร่ เด๊อ เหย่ซี อาเตเป๊อตี๊หรี่ เออเนอ, เร๊อ เถ่จว๊า โค๊แกลา เร๊อ อา เหล่โอ่เหล่แบ่ เออเนอ เต๊เห่. จอแปแหร่ จอหม่า ลอเฮ๊อ เหย่ซี เร๊อ สู่เปลอต่อเท๊ เร๊อ อา แด่โน เฮ๊อ เหย่ซี เด๊อ เตคี๊เตลอ อากู เฮ๊อ. เร๊อ อา เก่ แด่โอ่ โต่ เหย่ซี เด๊อ เตเมจากาคยาอา ม๊อเนอดุ เนอเตอเนอ ปา.

ꤡꤛꤢꤩ꤭ꤗꤢ꤬ꤎꤣ꤬ 2:8

ลีเทส่อพ๊ากู เฮ๊ เน๊อ, “โมเร๊อ อูโร ฮู๊ เน โมแล เกอเร๊อ เนเหน่ เนอ,” อา เฮ๊ ฮู๊เนอ. ซี เก่ จูเอ่ หม่าแหน่ จอแปแหร่ อาเทออาเก่ อา เตซว๊าเตแส่ เออ เฮ๊เนอหม่า ซี เมโตเฮ๊อ เต เฮ๊อ.

โครินธ์ อาเหร่อเล๊อ ต๊าบ่า 8:4

ฮู๊เนอ อาขว่าอาคยา, เอ่เฉ่เอ่ เด๊อ อู โบ่แถ่ เร๊อ เตแหย่โย เต๊เห่เนอ, เป ซิเง เร๊อ เตแหย่โย เออเนอหมา อา แกเด แพ๊, อาโหง่แลช๊า โอ่ เตอเจ๋อ โต่. เป ซิเง เกอ โป่ ดื่อ เร๊อ จอแปแหร่ เนอหม่า อา โอ่ แพ๊ เตเพรเพร่ว แพ๊.

เตเด๊อะโลแถ่ 20:10

โลเน๊มู๊แหม่รีแจ่ กู่กล๊อ เด๊อ อา อิลออี๊โหล่ แลโฮ เหย่ซี เออโตโดเนอ, อู วีตาแก ลู เด๊อ หมิเผ่ เด๊อ อู ชื๊ออือ เร๊อ หย่าซู๊แบ เออเนอ เต๊เผ่อากู. หมิเออ เต๊เผ่ เนอหม่า หม่าเฮ๊อ อู เหล่วีตา เตมีเตแหม่ เนอโตโด เร๊อ เพรโพร แลโฮ เนอเต๊เห่ อาเหล่โอ่ เนอ เฮ๊อ. เร๊อ เหย่ซี เก่ ข่าเบ่ เตจาเตจือ เหมาะคี๊คี๊ เหมาะเชเกลเกล ตูจูเพร แตแลเคร๊ เจ๊อ ปา.

ꤛꤢꤨꤘꤢ꤬ 1:4

เมเตเฮ๊เรอ, แกแย เด๊อ อา แด่ดุหยื่อแหน่ จอแปแหร่ โต่ เต๊เห่เนอ, อา แฮโนโห่ เฮ๊อ เด๊อ ซีเกล เฮ๊อ. แซ่ฮู๊ เหย่ซี เก่ เฮ๊เบ่ แลเปล๊ อาเหน่ เร๊อ อา เตโอ่เซอเพร แลโพร๊แลแพร เต๊เห่ อาเงเนอเรอ, อา ถู่แหล่ เต๊เปล่ ปย๊าแก เป แบ่เจ่ จอแปแหร่ อาบุ๊ยอาเตอเรอ เออเนอเต๊เห่ อาหรี่อาแก เฮ๊อ. โท๊โต่ เหย่ซี เออเต๊เห่เนอ อา หยื่อเอ่ เกออู เป ทวาดุทวาเต แบ่เจ่ เหย่ซู่ครี๊ เออเนอ โต่. ฮู๊ ลีเทส่อพ๊า แด๊โฉ่ หนื่ออื่อ เฮ๊อ เตเมจากาคยา เต๊เห่เนอ เหย่ซี เก่ พย๊าหนิ ลอปลี เจ๊อ ปา.

ꤗꤢ꤬ꤊꤢꤨ 7:9

โทเรอ เหย่ซู่ เฮ๊ เหย่ซี เน๊อ, “แซ่ฮู๊ ซี เก่ ปื่อหม่า เมจว๊าโตโคร เกอเร๊อ ซี เพอโพ เหล่โกล เตซว๊าเตแส่ เต๊เห่ อาเงเนอเรอ, ซี ลีแม เคร๊ฉื่อแก แจ่ แหน่เจ๊อ จอแปแหร่ โหง่เฮ๊แก เต๊เห่ว๊า!

เพรโด่แนพู๊ เต๊เห่ 24:25

เร๊อ เบ๊อะคูเปาโล เฮ๊เบ่ เป่ โป่ ลู เร๊อ เตจ๊อเต, เตเป๊อแลหนิ เหน่ เร๊อ เตเมจากาคยาม๊อเนอ เด๊อ อา เก่ แฮ ปา อาหรี่อาแก เออ เบ๊อะเนอ, คุ๊ยดุ เฟลิกส์ ซิอิเช เร๊อ อา เฮ๊ ลู เน๊อ, “เออตื๊อหื่อ เร๊อ เน กาหนิ เฮ๊อ. แว ค๊าขิ เก่ โอ่ ปา เฮ๊เรอ, แว เก่ เอ๊แฮโป่ คยา เน ปา.”