ꤡꤛꤢꤩ꤭ꤗꤢ꤬ꤎꤣ꤬ 2:18 - ลีเทส่อพ๊าอาเซ เร๊อ เห่ขุทวาลู๊

¹⁸ เฮ๊โก๊หลื่อ แกแย เตเพร เก่ เฮ๊ เน๊อ, “แกแย เต๊เห่เห่ เนอ อาโอ่ เน๊อ เตหยื่อ, เต๊เห่เห่ เร๊อ อาโอ่ เน๊อ เตเมแร๊ เต.” เก่ เฮ๊ เร๊อ แว เก่ เฮ๊ฉื่อ อา เน๊อ, เด๊อะโล เป่ แว เน เตหยื่อ เด๊อ อา โชโด เน๊อ เตเม เออเนอ, เร๊อ แว เก่ เด๊อะโล เป่ เกอลาติ เน เน๊อ แว เตหยื่อ เด๊อ อาโอ่ เน๊อ เตเมเออ ปา แว เก่ เฮ๊ฉื่อ อา ฮู๊เนอ.

Eastern Kayah Shadaw Dialect

¹⁸ ꤟꤢꤩꤊꤥꤚꤣꤧ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤊꤢꤩ꤬ ꤟꤢꤩ ꤔꤢꤧ, “ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤔꤣꤧ꤬ ꤢ꤬ꤥ꤬ ꤔꤢꤧ ꤒꤢꤩ꤬ꤛ꤫ꤢꤦ꤬, ꤒꤣꤧ꤬ꤟꤢꤩ꤬ꤟꤢꤩ꤬ ꤚꤣꤧ꤬ ꤢ꤬ꤥ꤬ ꤔꤢꤧ ꤒꤢꤩ꤬ꤗꤢꤩ꤬ꤚꤢꤧ ꤒꤢꤩ꤬” ꤊꤢꤩ꤬ ꤟꤢꤩ ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤟꤢꤩꤏꤢꤦ꤬ ꤢ꤬ ꤔꤢꤧ, ꤘꤣꤧꤜꤥ꤭ ꤕ꤫ꤢꤩ꤬ ꤠꤢꤧ꤭ ꤔꤢꤧ꤬ ꤒꤢꤩ꤬ꤛ꤫ꤢꤦ꤬ ꤘꤣ ꤢ꤬ ꤏꤥ꤭ꤘꤥ꤭ ꤔꤢꤧ ꤒꤢꤩ꤬ꤗꤢꤩ꤬ ꤣꤧ꤭ꤔꤣꤧ꤬, ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤘꤣꤧꤜꤥ꤭ ꤕ꤫ꤢꤩ꤬ ꤊꤣꤧ꤭ꤜꤢ꤭ꤒꤢꤩ꤬ ꤔꤢꤧ꤬ ꤔꤢꤧ ꤠꤢꤧ꤭ ꤒꤢꤩ꤬ꤛ꤫ꤢꤦ꤬ ꤘꤣ ꤢ꤬ꤥ꤬ ꤔꤢꤧ ꤒꤢꤩ꤬ꤗꤢꤩ꤬ꤣꤧ꤭ ꤕꤢ꤭ ꤠꤢꤧ꤭ ꤊ꤫ꤢꤦ꤬ ꤟꤢꤩꤏꤢꤦ꤬ ꤢ꤬ ꤟꤢꤨꤔꤣꤧ꤬꤯

ꤡꤛꤢꤩ꤭ꤗꤢ꤬ꤎꤣ꤬ 2:18 ပူးပေါင်းရင်းမြစ်များ

ꤡꤛꤢꤩ꤭ꤗꤢ꤬ꤎꤣ꤬ 3:13

แกแย เด๊อ ซีเกล เตเพรเพร เด๊อ อา โอ่ เน๊อ อา เหล่เตเน แจ่ เร๊อ อา ซิเง ตาปลู๊ เนอหม่า อูเป? อา โตเบ่ เด๊อะโล อาเต เออเต๊เห่เนอ เน๊อ อา เตโอ่เซอเพร เด๊อ อาแร๊, โท๊โต่ อา โตเบ่ เด๊อะโล อา เมเต เออเนอ เน๊อ เด๊อ แด่หยว่า ซิปล่อ. แด่หยว่าซิปล่อ เออเนอหมา อา แฮ แฮเง เด๊อ เตเตเนแจ่ เออเนอ อา โอ่ แพ๊.

ทิโมธี อาเหร่อเล๊อ ต๊าบ่า 1:5

เตเฮ๊ตา โหง่เออ อา เหล่เซเร แม๊ชือ หม่า แซ่ฮู๊ อา เก่ ถู่แรแถ่ เตโม อาเง เนอแพ๊. เตโม เออเนอหมา อา แฮเถ่ เด๊อ แกแย ซิปล่อ เนอเต๊เห่ อากู. โทเรอ อา แฮเถ่ เด๊อ แกแย โอ่ เร๊อ เตซิเง เตแร๊ เร๊อ เตมู๊แหม่ เร๊อ อา นว๊าพย๊า เต เด๊อ อาแร๊ เนอเต๊เห่ อากู. โท๊โต่ อา แฮเถ่ เด๊อ แกแย โอ่ เร๊อ เตหยื่อเตแหน่ หม่าแหน่ เนอเต๊เห่ อากู.

ꤡꤛꤢꤩ꤭ꤗꤢ꤬ꤎꤣ꤬ 2:14

แว โป่แหว่ ซี๋, แกแย เตเพร เพร เก่ เฮ๊ เน๊อ แว เตหยื่อเตแหน่ โอ่ อา เฮ๊ หม่าแน๊เรอ อา เก่ เด๊อะโล อา เตหยื่อเออ เร๊อ อา เม เตแร๊ เต๊เห่ โต่ เฮ๊เนอ, อาบุ๊ยอาเตอเรอ โอ่ เตอเจ๋อโต่. อา เตหยื่อเตแหน่ เออเนอ อา เมแลเปล๊แจ่ ลู โต่.

ꤊꤢ꤬ꤜꤢ꤬ꤒꤤ 5:6

เมเตเฮ๊เรอ เบ๊อะซี ทวาแถ่เฮ๊อ เตเตอเจ๋อโต เร๊อ เหย่ซู่ครี๊ เบ๊อะเนอ, เตดื๊อตีลี๊พ๊า เบ่เบ่, เตดื๊อตีลี๊พ๊า โต่ เบ่เบ่, อา ทวาบุ๊ยทวาเตอเรอ เน๊อ เตอเจ๋อ โต่. เต เด๊อ อา ทวาบุ๊ยทวาเตอเรอ เล๊ออูโค เนอหม่า, เตหยื่อเตแหน่ เด๊อ อา เด๊อะโล เตโม จอแปแหร่ เร๊อ อูโร เออเนอ แพ๊.

ꤒꤤꤒꤢꤨ 2:7

เน ลาติเรอ, เน เมเต อิเตเต๋. เบ่เบ่, แซ่ฮู๊ เพรคู หน่าเจ่ เต๊เห่ เก่ แม๊บือเกอ เนเนอ เรอ, เม แพ๊ เตแร๊ เนอเต๊เห่ นี๋. เบ๊อะเน อิซว๊าอี๊แส่ อู เบ๊อะเนอ, แด่จ๊อจื้อ เน ซิปล่อ โทเรอ จ่าฉ่าเผระ ฉาอ่อ เนเหน่ นี๋.

ꤚꤥꤗꤢꤩ꤬ 14:23

หม่าแน๊เรอ อา เอ่ เร๊อ อา เก่ ซิปล่อ ดู๊ดี๊ดู๊แด เก่เฮ๊เนอ จอแปแหร่ เก่ เมจากาคยา อา เบ๊อะอา เอ่เต เบ๊อะเนอ ปา, เมเตเฮ๊เรอ อา เอ่ เตเออ เนอหม่า อา เอ่ เร๊อ เตหยื่อเตแหน่ หม่าโต่. เน เม เต อิเตเต๋ เบ่เบ่, เตหยื่อ เก่ โอ่โต่ เฮ๊เนอ อา ทวา เตซื๊อ เฮ๊อ.

ꤟꤤꤙꤚꤢꤨ 11:31

เด๊อ วีเยรีโค อากูเนอ, แม๊เผ่โหมะ เด๊อ อามุย เร๊อ โหมะราหับ โอ่เตเพร. อา ย๋อ หยื่อเอ่ จอแปแหร่ อาขว่าอาคยา, เบ๊อะอู เมเซอ แกแย เด๊อ อา หยื่อเอ่ จอแปแหร่ โต่ เต๊เห่ เบ๊อะเนอ, อู เมเซอ เต่อเกอ ลู โต่. เมเตเฮ๊เร๊อ อา ย๋อ เอ๊โมฉื่อ อิสราเอลพู๊ เด๊อ อา โน ทื๊อแม๊ เก่เบ๊อะเนอ เต๊เก่ อากู เนอเต๊เห่ เด๊อ อาหี่กู อาขว่าอาคยา, อู เมเซอ โต่ ลู โต่.

ꤟꤤꤙꤚꤢꤨ 11:33

เด๊อ เตหยื่อ อาขว่าอาคยาเร๊อ, เหย่ซี เออเต๊เห่เนอ, อา ช๊าเป่ เทอเก่ เต๊เห่. เหย่ซี เป๊อเต จ๊อจ๊อเตเต เร๊อ อา พย๊าหนิ เต เด๊อ จอแปแหร่ อ๊อแล เหย่ซี เนอเต๊เห่. อา เมเป่ แลแค แอ๊ซี เร๊อ แอ๊ซี เต๊เห่เนอ อา อ่า เหย่ซี โต่.

ꤟꤤꤙꤚꤢꤨ 11:6

เตหยื่อ เก่ โอ่โต่ เนอ, เตเพร่ว หม่า อู เมโตเบ๊ จอแปแหร่ อาซิปล่อ โต่, เมเตเฮ๊เรอ, ล๋อ แกแย เด๊อ อา แฮ เด๊อ จอแปแหร่ อา โอ่ เต๊เห่เนอ, อา เบ่ หยื่อเอ่ เน๊อ จอแปแหร่ เนอ อา โอ่เซอเพร. เร๊อ แกแย เด๊อ อา ซิปล่อฉว่า แม๊ปู ลู เต๊เห่เนอ, อา เบ่ หยื่อเอ่ เร๊อ จอแปแหร่ เก่ เด๊อ เหย่ซี เตเมหนิคว๊าเก่ ปา ฮู๊เนอ.

โครินธ์ อาเหร่อเล๊อ ต๊าบ่า 13:2

แว เก่ พย๊าหนิ เจ๊อ เตแจ่เตลีแม เด๊อ แว เก่ แด๊โฉ่โด่แน แจ่ เป่ เจ๊อ อู เร๊อ จอแปแหร่ อาลาอาโหง่ เต๊เห่ เจ๊อ เบ่เบ่, แว เก่ ซิเง ลอหล่าตี๊กลิ เจ๊อ เต อาจ่ออาแย เต๊เห่ เน๊อ ล๋อ เตซิคว๊าซิเง เต๊เห่เนอ เจ๊อ เบ่เบ่, แว พย๊าหนิ เจ๊อ เตหยื่อ เด๊อ อา นอซ๊อซื๊อ จว๊าแกเบ๊ เจ๊อ โฉ่ เต๊เห่ เบ่เบ่, แว เก่ โมเร๊อ อู โต่ เฮ๊เนอ, แว หม่า แกแย โอ่เล๊อโอ่กลอ เตเพร แพ๊.

ꤚꤥꤗꤢꤩ꤬ 3:28

เมเตเฮ๊เรอ แกแย ลือครวาเม เกอ เตซว๊าเตแส่ อาคยา เร๊อ จอแปแหร่ แด่จ๊อแด่เต เหย่ซี ฮู๊เนอ หม่าโต่. เด๊อ เหย่ซี หยื่อเอ่แหน่เอ่เต ขว่าคยาเนอ, อา แด่จ๊อแด่เต ลู แพ๊.

โครินธ์ เนอบ่า ต๊าบ่า 7:1

โคแบ๊ซว๊า ซี๋, ล๊อ จอแปแหร่ อ๊อแล เต๊เห่ เนอหม่า เปเง ลอ เฮ๊อ. ฮู๊เนอเรอ, เป เก่ จว๊า ตาพาแก เร๊อ เปเหน่กล่อ อา เตซิหยื่อ มู๊แหม่รีแจ่ เต๊เห่ เร๊อ เป ซิปล่อ อา เตเตเน มู๊แหม่รีแจ่ เออเนอ เต๊เห่ โป๋. เร๊อ เด๊อ เป ซิอิเช แด่ซิแหน่ซิเตเร จอแปแหร่ เออ อาขว่าอาคยาเร๊อ เป เก่ ทวาแถ่ แลแค ดื่อ แกแย เด๊อ อา บูโพ๊ เต๊เห่ โป๋.

โครินธ์ เนอบ่า ต๊าบ่า 5:17

แกแย เตเพรเพร เด๊อ อา ทวาแถ่ เฮ๊อ เต๊อเจ๋อ แพ๊ เน๊อ ครี๊ เนอ, อา ทวาแถ่ เฮ๊อ แกแย เตเพร เด๊อ จอแปแหร่ แบ๊แล เต๊เปล่ เซ ลู เฮ๊อ. อา วีแก แก อา เตโอ่เซอเพร อาเลอ เต๊เห่ เร๊อ อา โอ่เซอเพร เต๊เปล่แก เด๊อ อาเซ เฮ๊อ.

ꤚꤥꤗꤢꤩ꤬ 8:1

ฮู๊เนอเรอ กู๊แหน่เออ, แกแย เด๊อ อา ทวาแถ่เฮ๊อ เตอเจ๋อ โต เร๊อ เหย่ซู่ครี๊ เต๊เห่เนอ, จอแปแหร่ เมจากาคยา ปา ลู แตแค๋ โต่ เฮ๊อ.

ꤚꤥꤗꤢꤩ꤬ 4:6

คุ๊ยดาวิด เฮ๊ แซ่เกอ ดื่อ ฮู๊เนอ เด๊อ เนอเค เน๊อ, แกแย เด๊อ อา พย๊าหนิ เตเด๊อะบุ๊ยเด๊อะเตอเรอ เต๊เห่ เนอหม่า, หม่าดื่อ แกแย เด๊อ จอแปแหร่ แด่จ๊อแด่เต เหย่ซี เน๊อ อา เตเมแร๊เต เนอเต๊เห่ อาคยา หม่าโต่.

ꤚꤥꤗꤢꤩ꤬ 9:19

แตแร๊หม่า เด๊อ ซีเกลเนอ, อา เก่ แด๊เฮอ แว เน๊อ, “เก่ เมฮู๊เนอเรอ หม่าเมเตเร๊อ อา จว๊า แด่ตื๊อดื่อปา เป เตซื๊อ เมเต? อูเป เตเพร เก่ เมตาตือ เบ๊ ลู ซิหยื่อเมเต เออเนอ เป?”