ꤡꤛꤢꤩ꤭ꤗꤢ꤬ꤎꤣ꤬ 2:1 - ลีเทส่อพ๊าอาเซ เร๊อ เห่ขุทวาลู๊

¹ แว โป่แหว่ ซี๋, ซี หม่า แกแย เด๊อ อา หยื่อเอ่แหน่ แบ่เจ่ เหย่ซู่ครี๊ เด๊อ อาโอ่ เน๊อ เตเตอเรอดุเตอเรอทู เตเพร เต๊เห่. ฮู๊เนอ อาขว่าอาคยา, ซี โตเบ่ แม๊ดุ แม๊ปีตี๊ หนิ อู เตเพร่ว โต่.

Eastern Kayah Shadaw Dialect

¹ ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤘꤣ ꤢ꤬ꤥ꤬ ꤔꤢꤧ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤒꤣ꤬ꤖꤚꤢꤩ꤬ ꤒꤣꤧ꤬ꤟꤢꤩ꤬꤯ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤒꤥ꤭ꤙꤢꤩ꤬ ꤗꤢꤧꤘꤢꤨ꤬ ꤗꤢꤧꤕꤣꤧ꤬ꤒꤤ ꤔ꤫ꤤ꤬ ꤢꤨ꤭ ꤒꤣ꤬ꤖꤚꤢꤩ꤬꤮ ꤒꤥ꤬꤯

ꤡꤛꤢꤩ꤭ꤗꤢ꤬ꤎꤣ꤬ 2:1 ပူးပေါင်းရင်းမြစ်များ

ꤡꤛꤢꤩ꤭ꤗꤢ꤬ꤎꤣ꤬ 2:9

หม่าแน๊เรอ ซี เก่ แม๊ดุ แม๊ปีตี๊ อู เฮ๊เนอหม่า, ซี เมเฮ๊อ เตซื๊อ เร๊อ เตซว๊าเตแส่ เมจากาคยา เฮ๊อ ซี ฮู๊ แกแย เมซื๊อ เตซว๊าเตแส่ เตเพรเนอ เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 3:17

หม่าแน๊เรอ เตเตเนแจ่ เด๊อ อา โอ่ เด๊อ ม๊อขุ แฮ เฮ๊เนอหม่า อา อาโพ๊อาแปละ เหร่อเล๊อ ปา, โทปาเรอ อา เด๊อะ โอ่แถ่ดื่อ เตโมเตเป, เหล่เตเน แจ่เป่ เด๊อ อูเง, ซิปล่อโอ่ หนิดา อู เตเฮ๊เบ่, เล๊อบา เร๊อ เตซิยอ เร๊อ เมเตแร๊ เต๊เห่, แม๊ดุ แม๊ปีตี๊ อู โต่, โทเรอ เตจ่า เมค๊าเมโข่ เต๊เห่ โอ่ โต่.

ꤡꤛꤢꤩ꤭ꤗꤢ꤬ꤎꤣ꤬ 2:3

แกแย ดุแหย่ เตเพร เร๊อ ซี เอ๊ฉื่อ แด่หยื่อแด่แหน่ ลู, โท๊โต่ เด๊อ ซีเกล เตเพรเนอ อา เฮ๊ ลู เน๊อ, “โอ่แนโอ่ เด๊อ กู่แกล๊แถ่โล แร๊ อาขุเออ” เร๊อ อา เฮ๊ เกอลาติ แกแย โซพ๊าโซแร เนอเตเพร เน๊อ, “ก๊อถ่อ โอ่เบ๊อะเนอ,” หม่าโต่เร๊อ “โอ่แนโอ่ เบ๊อะตวาขุ เบ๊อะแว กู๊โด่ แก่ช๊าเออ,” อา เฮ๊ ฮู๊เนอ.

ꤛꤢꤨꤘꤢ꤬ 1:16

แกแย เออเต๊เห่ เนอหม่า แกแย เด๊อ อา ตามวาเตเล ฉว่า เร๊อ อา แด่ ดื่อเง เตซื๊อ เด๊อ อูโร อาโอ่ ปว๋า โตโพ๊ เจ๊อ. เหย่ซี ครวาลือเม หนิเกอดื่อ อาเหน่กล่อ อา เตซิหยื่อซิลอ มู๊แหม่รีแจ่ เนอเต๊เห่ อาคยา แพ๊. เหย่ซี เฮ๊เบ่ ถู่เซ๊ เกอเร๊อ แลแค อาเหน่, โท๊โต่ แซ่ฮู๊ เหย่ซี เก่ พย๊าหนิ เต เด๊อ อา ซิหยื่อ เนอเต๊เห่ เนอ, อา เฮ๊เบ่ ถู่เซ๊หนิ แลแค อู.

ทิโมธี อาเหร่อเล๊อ ต๊าบ่า 5:21

เด๊อ จอแปแหร่ เน๊อ เหย่ซู่ ครี๊ เน๊อ เตเน่วพู๊ บูโพ๊ เต๊เห่ อา เป๊เส่เง เนอ, แว เฮ๊เบ่โหง่ เด๊อ อา อาหม่าอากลอ ตือมือ เน๊อ เน เก่ จูเอ่ เตอิซว๊าอี๊แส่ เด๊อ อาขุ เออเต๊เห่ เร๊อ เน เมเต อิเตเต๋ เบ่เบ่, แม๊เบ๊ขุ ตาโผ่ แต่ อู เตเพร่ว แต่เหม่ นี๋. โท๊โต่ แม๊ดุ แม๊ปีตี๊ แต่ อู เตเพร๊ แต่เหม่ นี๋.

มัทธิว 22:16

เหย่ซี นอจว๊า เต่อเกอ อา โคเจ่ เต๊เห่ เนอ คุ๊ยเฮโรด ตู๊หมู่ตอกล๊อ เต๊เห่ เด๊อ แบ่เจ่ อา โอ่ เร๊อ เหย่ซี จว๊าเฮ๊ แบ่เจ่ เน๊อ, “ซ๊าร๊าดุ, เป ซิเง เร๊อ เน หม่า แกแย จ๊อจื้อเจ๊อ เตเพร. เน อิซว๊า เจ๊อ อู ฮู๊ จอแปแหร่ ซิหยื่อ นอ โอ่ เซอเพร อู เนอเต๊เห่เจ๊อ. เน ด๋า อิซว๊าอี๊แส่ อู เฮ๊ เร๊อหม่า เน อิซว๊า เป่แพ๊ อู เตจ๊ออาเต แพ๊. แกแย เห่ขุพู๊ เต๊เห่ เตเน เจ๊อ เน ฮู๊ เต๋ เบ่เบ่, เน ซิอิเช เกอ อู เตอเจ๋อ โต่. เน แม๊ดุ แม๊ปีตี๊ เกออู โต่โต่.

โครินธ์ อาเหร่อเล๊อ ต๊าบ่า 2:8

เตลีแมลีเพ๊ เออเนอ, แกแย เด๊อ อา ทวา ทวาดุทวาเต เด๊อ เห่ขุ เออเต๊เห่ ซิเง เตเพร่ว โต่. เหย่ซี เก่ ซิเง เออ เฮ๊เรอ, เหย่ซี มือเซอแถ่ เน๊อ แบ่เจ่ เด๊อ อา โอ่ เน๊อ อา เต เตอเรอดุเตอเรอทู เออเตเพร เด๊อ อี๊ถื่อดีเต่ลู แตแค๋ โต่.

เตเด๊อะโลแถ่ 14:12

ฮู๊เนอเรอ จอแปแหร่ อาแกแย บูโพ๊ เด๊อ อา หนิดา เร๊อ อา โอ่เซอเพร ครวา ฮู๊ จอแปแหร่ อา เตเฮ๊แก เต๊เห่ เร๊อ อาจ๊อ เน๊อ เหย่ซู่ เต๊เห่เนอ, โตเบ่ ข่าแอ๊จื๊อ เบ๊เต.

ꤒꤤꤒꤢꤨ 2:13

เบ๊อะเป โอะป่อแม๊ชือ เฮ๊อ เตเด๊อะบุ๊ยเด๊อะเตอเรอ อาม๊อเนอ หม่าดื่อเฮ๊อ ช๋า เปเพ จอแปแหร่ ดุเนอ เพรเมแลเปล๊กา เป แบ่เจ่เหย่ซู่ครี๊ อาเตเด๊อะบุ๊ยเด๊อะเตอเรอ อา แฮโอะโลแถ่ เฮ๊อ เนอปา เบ๊อะเนอ, เป เบ่ โอะเซอเพร ฮู๊ อา เฮ๊ เป เออเนอ เต๊เห่.

เพรโด่แนพู๊ เต๊เห่ 20:21

แกแยยิวพู๊ เต๊เห่ เบ่เบ่, แกแยยิวพู๊ หม่าโต่ เต๊เห่ เบ่เบ่, แว เฮ๊ตาชอ แหน่เจ๊อ เหย่ซี เนอหมู่ลอ เน๊อ, ถู่แหล่ เต๊เปล่ แลแค ซี ซิปล่อ เร๊อ หยื่อเอ่แหน่ เกอ แลแค แบ่เจ่ เหย่ซู่, แว เฮ๊ เป่ เหย่ซี ฮู๊เนอ เนอ.

เปโตร เนอบ่า ต๊าบ่า 1:1

เป จอแปแหร่ เร๊อ เพรเมแลเปล๊กา เป แบ่เจ่ เหย่ซู่ครี๊ เออเตเพร อา เตจ๊อเตเต อาขว่าอาคยา, ซี หม่า แกแย เต๊เห่ เด๊อ อา พย๊าหนิ เกอดื่อเฮ๊อ เตหยื่อเตแหน่ เด๊อ อาแซ่เน๊อ เป เออเต๊เห่ เฮ๊อ. เร๊อ แว ราจว๊าเป่ ซี ลีเออ. แว หม่า คูซีโมน เปโตร, เร๊อ แว ทวาดื่อ เหย่ซู่ครี๊ อาหลู่ เร๊อ อา เพรโด่แน เตเพร.

ꤒꤤꤒꤢꤨ 1:1

แว หม่า คูเปาโล, แว ราจว๊า เป่ เน ลี เออต๊าบ่า. แว หม่า จอแปแหร่ อาหลู่ เน๊อ เหย่ซู่ครี๊ อา เพรโด่แนพู๊ เต๊เห่ เตเพร. จอแปแหร่ นว๊าแถ่ แว เร๊อ อา นอจว๊า เมจว่าเฮ๊อ แว เร๊อ แกแย เด๊อ อา นว๊าแถ่เฮ๊อ ลู เนอเต๊เห่ อา เตหยื่อเตแหน่, เร๊อ อา เก่ ซิเง แลแค เตจ๊ออาเต. เตจ๊อเตเต เออเนอหม่า หม่าเฮ๊อ อา เมจว่าเฮ๊อ เหย่ซี เด๊อ อา เก่ โอ่เซอเพร โต เร๊อ จอแปแหร่ อาซิปล่อ เออเนอเต๊เห่ เฮ๊อ.

ทิโมธี อาเหร่อเล๊อ ต๊าบ่า 1:19

เร๊อ ปื่อหม่าหนิ เน เตหยื่อเตแหน่ เน๊อ เน ซิปล่อ อา เหล่เตเน อาโพ๊อาแปละ เนอเต๊เห่ นี๋. แกแย เต๊เห่เห่เนอ, อา ปลวาแก แลแค อาเต เออเต๊เห่ อาขว่าอาคยา อา เตหยื่อเตแหน่ ปย๊าแก ลอ แพ๊.

โคโลสี 1:4

เมเตเรอ เป เฮ๊บุ๊ยเฮ๊เตอเรอ เฮ๊เนอหม่า, ซี หยื่อเอ่หนิ เหย่ซู่ครี๊ เร๊อ ซี โม หนิเกอเร๊อ จอแปแหร่ อาแกแย บูโพ๊ ล๋อ ปลี เต๊เห่เนอหม่า, เป หนิโฮ โทลอเฮ๊อ.

ꤟꤤꤙꤚꤢꤨ 1:3

อู เก่ แม๊เถอะ แฮเง จอแปแหร่ อา เตเตอเรอดุทู เด๊อ อากู ปา. อา หม่า อา แซ่ ลอหล่าตี๊กลิ เจ๊อ เน๊อ จอแปแหร่ เฮ๊อ. แซ่ฮู๊ เห่ขุ เร๊อ ม๊อขุ เน๊อ เตแบ๊แถ่ ล๋อ ปลี เต๊เห่ เก่ โอ่ แฮเง ตื๊อดื่อ โป่ เนอ, อา ปื่อหม่า จว่าเกอ เตแบ๊แถ่ ล๋อ ปลี เออเนอ เน๊อ อาโหง่ เด๊อ อาโพรอาเตอเรอ ฉว่าชอ เออเต๊เห่. เบ๊อะอา เมปลื๊อเมโท โทเฮ๊อ ปลวาแก ลอ ล๋อ แกแย เห่ขุพู๊ อาเตซื๊อ เต๊เห่ เบ๊อะเนอ, อา กา แก๊แถ่ เด๊อ ม๊อขุ เร๊อ อา แถ่โอ่แนโอ่ เด๊อ จอแปแหร่ เด๊อ อาโพรอาเตอเรอ อาดุอาทู ตื๊อดื่อ เออเตเพร อากู๊ขุ จ๊อทว๊า ตากยา.

ꤚꤥꤗꤢꤩ꤬ 1:11

เมเตเฮ๊เรอ แซ่ฮู๊ แว เก่ แฮ เด๊อะ เป่เกอ ซี จอแปแหร่ อา แหย่โยบูโพ๊ อาเชหยู่ เออเนอเรอ, แว ซิหยื่อ แฮ โอ่เล เกอ ลา ซี. จอแปแหร่ อา แหย่โยบูโพ๊ อาเชหยู่ เก่ เด๊อะฉว่าเด๊อะชอแถ่ ดื่อ ซี ซิปล่อ นี๋.

เพรโด่แนพู๊ เต๊เห่ 24:24

เด๊อคยา โซลุยแงเนอเนอ, คุ๊ยดุ เฟลิกส์ เร๊อ อาเม โหมะดรูสิลลา หม่าดื่อ ยูดาโหมะ เออเตเพร แฮ เร๊อ อา นอจว๊าเอ๊ อู เร๊อ คูเปาโล เร๊อ อา หนิดา แม๊ คูเปาโล เฮ๊เบ่ เป่ ลู เน๊อ เตหยื่อเตแหน่เหย่ซู่ครี๊ อาหรี่อาแก.

เพรโด่แนพู๊ เต๊เห่ 7:2

เร๊อ คูสเทเฟน แด๊ เป่ เหย่ซี เน๊อ, “โป่แหว่โหมะเพ ซี๋, หนิดา แลแค แว เฮ๊ เป่ ซี เออ! เบ๊อะเปเพ เพอับราฮับ จว๊าโอ่ แต่ล๋าย เด๊อ วีฮาราน ล๋ายโต่, เร๊อ อา โอ่ปา แพ๊ เบ๊อะเมโสโปเตเมีย เบ๊อะเนอ, จอแปแหร่ เด๊อ อา เล๊อบา เร๊อ เตเตอเรอดุ เตอเรอทู เออเตเพร โอ่โลแถ่ เป่ ลู เด๊อ อา เป๊เส่เง.

เพรโด่แนพู๊ เต๊เห่ 10:34

คูเปโตร เป๊อแถ่ เฮ๊เบ่ เน๊อ, “กู๊แหน่เรอ แว ซิเง เร๊อ จอแปแหร่ แม๊ดุแม๊ปีตี๊ อู เตเพร่ว โต่ เนอหม่า อา หม่าแหน่ เจ๊อ.

ꤟꤤꤙꤚꤢꤨ 12:2

อาแซ่เน๊อ แกแย แกล่ เต๊เห่ แม๊จ๊อจ๊อ แฮโต ตื๊อแพ๊ เตเมเป่ม๊าโบ เออเนอเฮ๊อ, ฮู๊เนอเรอ เป เก่ แม๊จ๊อจ๊อ แฮ แพ๊ตื๊อ เหย่ซู่ โป๋. เมเตเฮ๊เร๊อ อา หม่า เป เตหยื่อเตแหน่ อา แก่ช๊าแก่แร เตเพร. โท๊โต่, อา หม่า เพร เด๊อ อา เมเล๊อเมบา เป่ เฮ๊อ เป เตหยื่อเตแหน่ เตเพร. อา ข่าเซอ โทปาหม่า, อา ซิเง หนื่ออื่อ โทเฮ๊อ เน๊อ อา เก่ พย๊าหนิ เตซิหยื่อซิลอ ปา อาขว่าอาคยา, อา โตเบ่ ข่าเซอ เจ๊อ เด๊อ อี๊ถื่อดีเต่ลู เจ๊อ หม่าแน๊เรอ อา ซิเตเร เตอเจ๋อ โต่. กู๊แหน่เรอ อา โอ่แนโอ่ เฮ๊อ เด๊อ จอแปแหร่ อา เหล่โอ่แน แถ่โล เด๊อ จ๊อทว๊า เนอตากยา เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 1:16

แว โป่แหว่ เด๊อ แว โมเร๊อ ซี๋, เต เด๊อ อา โตโต่ เต๊เห่เนอ, จว๊าหยื่อเอ่ แต่ แลแค แต่เหม่ นี๋.

ꤡꤛꤢꤩ꤭ꤗꤢ꤬ꤎꤣ꤬ 1:19

แว โป่แหว่ เด๊อ แว โมเร๊อ ซี๋, โต หนิ แลแค โหง่ เออตือมือ นี๋. แกแย ปว๋า เตเพร โตเบ่ หนิดา ตาเต, อา โตเบ่ เตเนเฮ๊เบ่ แลแค เร๊อ อา โตเบ่ ซิปล่อดุแถ่ แพร หนิ โต่.