ꤡꤛꤢꤩ꤭ꤗꤢ꤬ꤎꤣ꤬ 1:26 - ลีเทส่อพ๊าอาเซ เร๊อ เห่ขุทวาลู๊

²⁶ แกแย เตเพรเพร เด๊อ อา เตเนโต่ เกอเร๊อ อาเหน่ เร๊อ อา หม่า แกแย จ๊อบู่จ๊อเบ แร๊ แหน่เจ๊อ เต เตเพร หม่าแน๊เรอ อา เก่ รอ เกอเร๊อ อา เตเฮ๊เบ่ โต่ เฮ๊เนอ, อา จ๊อบู่จ๊อเบ แร๊ เต เออเนอ, อาหนิบุ๊ยหนิเตอเรอ ปา เตอเจ๋อ โต่. เร๊อ อา ทวา แพ๊ แกแย เด๊อ อา แลโฮแลแห่ แล เกอเร๊อ อาเหน่ เตเพรแพ๊.

Eastern Kayah Shadaw Dialect

²⁶ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤘꤣ ꤢ꤬ ꤒꤣꤧ꤬ꤔꤢꤩ꤬ꤜꤢꤧ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤔꤢꤧ ꤢ꤬ ꤗꤢ꤬ ꤊꤣꤧ꤬ꤛꤢꤧ꤭ ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤚꤢꤧ ꤔꤢꤧ꤬ꤡꤣꤧ ꤒꤢꤩ꤬ ꤒꤣ꤬ꤖꤚꤢꤩ꤬ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤊꤢꤩ꤬ ꤚꤢꤪ꤬ꤚꤣꤧꤘꤢꤦ꤬ ꤢ꤬ ꤒꤢꤩ꤬ꤟꤢꤩꤙꤢꤩ꤬ ꤒꤥ꤬ ꤟꤢꤩꤔꤣꤧ꤬, ꤢ꤬ ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤚꤢꤧ ꤒꤢꤩ꤬ ꤣꤧ꤭ꤔꤣꤧ꤬, ꤢ꤬ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬ ꤕꤢ꤬ ꤒꤣ꤬ꤡꤣ꤬꤮ ꤒꤥ꤬, ꤚꤣꤧ꤬ ꤢ꤬ ꤓꤝꤢ꤭ ꤖꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤜꤣꤧ꤬ꤟꤥ꤭ꤜꤣꤧ꤬ꤟꤢꤧ꤬ ꤜꤢꤧ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤒꤣ꤬ꤖꤚꤢꤩ꤬ ꤖꤢꤧ꤯

ꤡꤛꤢꤩ꤭ꤗꤢ꤬ꤎꤣ꤬ 1:26 ပူးပေါင်းရင်းမြစ်များ

เอเฟซัส 4:29

โหง่ เด๊อ อา ทวาบุ๊ยทวาเตอเรอ เด๊อ อูเง โต่ เนอ, นอเถ่เปล๊ แต่ เด๊อ ซี แกกู ตือมื๋อ แต่เหม่ นี๋. แซ่ฮู๊ อา เก่ หนิอ๊าหนิเหร่ เป่ แกแย เด๊อ อา หนิโฮ เต เต๊เห่ อาเงเนอ, เฮ๊เบ่ แลแค แพ๊ โหง่ เด๊อ อา ทวาบุ๊ยทวาเตอเรอ เร๊อ อา เก่ เมจว่า อู เตดุแถ่ทูแถ่ เนอเต๊เห่ แพ๊ นี๋. เฮ๊เบ่แพ๊ แลแค โหง่ เด๊อ อา หนิบุ๊ยหนิเตอเรอ เด๊อ อูเง เนอเต๊เห่ แพ๊ นี๋.

เปโตร อาเหร่อเล๊อ ต๊าบ่า 3:10

ฮู๊ ลีเทส่อพ๊า โอ่เต่อโต่ เร๊อ อา เฮ๊ เนอ, “อูเป๊ เบ่เบ่, แกแย เด๊อ อา โม เกอเร๊อ อา เตโอ่เซอเพร เต๊เห่ เร๊อ อา ซิหยื่อ แม๊เถอะ ม๊อเนอม๊อเซ เด๊อ อาแร๊ เต๊เห่เนอ, อา โตเบ่ เฮ๊เบ่ มู๊แหม่รีแจ่ เต โต่. โท๊โต่ อา โตเบ่ วีแก แก เตเฮ๊เบ่ แลโฮแลแห่ เต๊เห่.

เอเฟซัส 5:4

เตเฮ๊เบ่ เด๊อ อู ซิรอซิเร, เตเฮ๊เบ่ เด๊อ อาโหง่แลช๊า โอ่โต่ เต๊เห่, เตเฮ๊เบ่ ปาต๊าเปอเตอ เต๊เห่เนอ, อาโตอาเบ่ โต่ อาขว่าอาคยา, เฮ๊เบ่ แลแค แต่เหม่ นี๋. พื๋อ เร๊อ ซี เตเร เฮ๊เบ่เต ฮู๊เนอ เต๊เห่เนอ เฮ๊บุ๊ยเฮ๊เตอเรอ แถ่เหร่อ เด๊อ จอแปแหร่ เนอ.

โคโลสี 4:6

แซ่ฮู๊ ซี เก่ ซิเง เกอ แลแค เน๊อ ซี โต เฮ๊ฉื่อ กาคยาแจ่ เป่ อู ปว๋า เตเพร ฮู๊เตฮู๊เต อาเงเนอ, เฮ๊เบ่เจ่เฮ๊เบ่หนิ, เฮ๊เบ่ ท๊อหนิจุ่ยหนิ เกอ แลแค อู ซิปล่อ นี๋.

ꤡꤛꤢꤩ꤭ꤗꤢ꤬ꤎꤣ꤬ 1:22

ซี หนิดา แพ๊ตื๊อ จอแปแหร่ อาลาอาโหง่ เร๊อ ซี เก่ จูเอ่ ครวาเมเกอ ฮู๊ อา เฮ๊เนอ โต่. เฮ๊เนอหม่า, ซี แลโฮ แล เกอ เร๊อ ดื่อ เฮ๊อ ซีเหน่ เฮ๊อ. ซี โตเบ่ หนิดา ครวาเม เกอ ฮู๊ จอแปแหร่ อาลาอาโหง่ เฮ๊เนอ.

ꤡꤛꤢꤩ꤭ꤗꤢ꤬ꤎꤣ꤬ 1:19

แว โป่แหว่ เด๊อ แว โมเร๊อ ซี๋, โต หนิ แลแค โหง่ เออตือมือ นี๋. แกแย ปว๋า เตเพร โตเบ่ หนิดา ตาเต, อา โตเบ่ เตเนเฮ๊เบ่ แลแค เร๊อ อา โตเบ่ ซิปล่อดุแถ่ แพร หนิ โต่.

ꤜꤢꤨꤊꤢ꤬ 8:18

เบ๊อะซี หนิดา เต เบ๊อะเนอ, หนิดา ตาเต แลแค, เมเตเฮ๊เรอ แกแย เด๊อ อา ซิเง ตาเต โทเฮ๊อ จอแปแหร่ อาเทออาเก่ เต๊เห่เนอ, จอแปแหร่ เก่ เด๊อซิเง โอ่เอ๊แถ่ เล๊อโป่ ลู เร๊อ อา อาเหล่โกล เออเนอ ปา. หม่าแน๊เรอ แกแย เด๊อ อา ซิเง แพ๊ ตี๊กิแพ๊ เต๊เห่เนอ, จอแปแหร่ อา พย๊าเผ่แก ลอเผ่ โป่ อา ปา.”

ꤊꤢ꤬ꤜꤢ꤬ꤒꤤ 6:3

แกแย เตเพรเพร เด๊อ อา เฮ๊ เกอเร๊อ อาเหน่ เน๊อ, แว หม่า แกแย เด๊อ อู โหล่ดุหนิเล๊อะ เตเพร อา เฮ๊ หม่าแน๊เรอ อา เก่ หม่า ฮู๊เนอ หม่าโต่ เฮ๊เนอหม่า อา แลโฮ แล เกอเร๊อดื่อ อาเหน่ แพ๊.

ꤊꤢ꤬ꤜꤢ꤬ꤒꤤ 2:6

เร๊อ แกแย เด๊อ อู นอทวา เหย่ซี เร๊อ ทวาดุทวาเต เด๊อ เพรหยื่อเอ่ตู๊หมู่ตอกล๊อ อากู เต๊เห่ เนอหม่า, อา นอฉู่โนเล๊อ ฉู่โนตาลว๊า โป่ เร๊อ แว เตเฮ๊โฉ่โด่แน เออเนอเต๊เห่ เตอเจ๋อ โต่. อู เฮ๊ เร๊อ เหย่ซี หม่า ทวาดุทวาเต เด๊อ อามีลาดุ เจ๊อ เต๊เห่ หม่าแน๊เรอ แว ซิเง เร๊อ จอแปแหร่ เนอ อา แม๊ดุ แม๊ปีตี๊ เร๊อ อู เตเพร่ว โต่.

ꤗꤢ꤬ꤊꤢꤨ 7:7

เหย่ซี จ๊อเบแถ่ แว เออเนอ อาโหง่แลช๊า โอ่ เตอเจ๋อ โต่. เหย่ซี อิซว๊าอี๊แส่ แพ๊ อู เร๊อ แกแย อาเหล่โกล กู๊เหล่ เต๊เห่ แพ๊. หม่าแน๊เรอ อา เฮ๊ เกอเร๊อ แลแค เร๊อ อา อิซว๊าอี๊แส่ เจ๊อ อู เร๊อ จอแปแหร่ อา เตซว๊าเตแส่ เต๊เห่แหน่เจ๊อ.’

โครินธ์ อาเหร่อเล๊อ ต๊าบ่า 15:2

เออเนอหมา เตซิครือ อาหรี่อาแก เด๊อ แว แด๊โฉ่โด่แน เป่ โทเฮ๊อ ซี เนอ เฮ๊อ. ซี เก่ หยื่อเอ่ เร๊อ ซี เก่ ปื่อหม่า แร๊ เตซิครือมีลา อาหรี่อาแก เออเต๊อเจ่อ เฮ๊เนอหม่า, ซี พย๊าหนิเฮ๊อ ซี เตเมแลเปล๊กา เฮ๊อ. ซี เก่ เม ฮู๊เนอโต่ เฮ๊เรอ, ซี เตหยื่อ เออเต๊เห่ เนอหม่า เตหยื่อ เด๊อ อา หม่าแหน่ หม่าโต่.

มัทธิว 15:9

เหย่ซี จ๊อเบแถ่ แว เออเนอ อาโหง่แลช๊า โอ่ เตอเจ๋อโต่. เหย่ซี อิซว๊าอี๊แส่ แพ๊ อู เร๊อ แกแยเห่ขุพู๊ อาเหล่โกล เต๊เห่ แพ๊, หม่าแน๊เรอ อา เฮ๊ เกอเร๊อ แลแค เน๊อ อา อิซว๊าอี๊แส่ เจ๊อ อู เน๊อ จอแปแหร่ อา เตซว๊าเตแส่ เต๊เห่ เจ๊อ.’”

โครินธ์ อาเหร่อเล๊อ ต๊าบ่า 15:15

ตื๊อเออเนอ หม่าโต่, ซี เฮ๊ เร๊อ แกแย เซอโทเนอ อา เซอเพร กาคยา แจ่ปาโต่ เออเนอ อา เก่ หม่าแหน่ เฮ๊เรอ, อา แซ่ เน๊อ ซี เฮ๊ เฮ๊อ เร๊อ จอแปแหร่ เมเซอเพร กาคยา คยาแซ๊ ครี๊ หม่าโต่ ฮู๊เนอ เฮ๊อเนอ อา เก่ หม่าแหน่ ฮู๊เนอ เฮ๊เร๊อ, เป หม่า แกแย เด๊อ อา จว๊า โด่แน แหล่โฮแหล่แห่ เป่ ลอ เฮ๊อ อู เร๊อ จอแปแหร่ อาหรี่อาแก เต๊เห่ เฮ๊อ, เมเตเฮ๊เรอ เป ย๋อ แด๊โฉ่โด่แน เป่ อู เร๊อ จอแปแหร่ เมเซอเพร กาคยา คยาแซ๊ เฮ๊อ ครี๊ ฮู๊เนอ เน๋อ. หม่าแน๊เรอ ซี เฮ๊ เออเต๊เห่ เนอหม่า อาโต เตอเจ๋อ โต่.

ꤡꤛꤢꤩ꤭ꤗꤢ꤬ꤎꤣ꤬ 2:20

แกแย โอ่เล๊อโอ่กลอ, เตหยื่อเตแหน่ เด๊อ อา โอ่ เร๊อ เตเม โต่ เต๊เห่ เนอหม่า อา โอ่เล๊อโอ่กลอ แพ๊ เนอหม่า, เน ซิหยื่อ แม๊เถอะ แอ?

ꤊꤢ꤬ꤜꤢ꤬ꤒꤤ 3:4

ซี ข่าจาข่าจือ โทเฮ๊อ ปว๊าเต๊อเจ่อ เด๊อ เตซิครือมีลา อาเง เฮ๊อ หม่าแน๊เรอ กู๊แหน่เออ อา ทวา แกเด ลอ เฮ๊อ แอ? เฮ๊ตาต๋า หม่า ซี ข่าจาข่าจือ เตเออ เนอหม่า อาบุ๊ยอาเตอเรอ โอ่ หม่าแหน่ เจ๊อ เม.

ꤊꤢ꤬ꤜꤢ꤬ꤒꤤ 2:9

คูยากอบ เร๊อ คูเปโตร เร๊อ คูยอห์น เด๊อ อู แด่ เฮ๊อ เหย่ซี เร๊อ ทวาดุทวาเต เออเต๊เห่เนอ, อา ซิเงโปล แลแค เร๊อ เตบุ๊ยเตเตอเรอ เออเนอหมา จอแปแหร่ เด๊อะ แว แพ๊, อา แม๊เถอะ แลแค ฮู๊เนอ. เด๊อ เตเออ อาขว่าอาคยา, เหย่ซี แม๊เถอะ เร๊อ คูบารนาบัส เน๊อ แว เนอหม่า เพรเมโหร่ลูเต เร๊อ เหย่ซี ฮู๊เนอ แพ๊. เหย่ซี ซิปล่อฉู่โต ฉู่เทอฉู่เบ่ เฮ๊อ เร๊อ เป่ เก่ แรเต เด๊อ แกแยยิวพู๊ หม่าโต่ เต๊เห่ อาเกลเฮ๊อ. เหย่ซี เร๊อ อา เก่ เม เกอลาติ เด๊อ แกแยยิวพู๊ เต๊เห่ อาเกล ฮู๊เนอ แพ๊.

โครินธ์ อาเหร่อเล๊อ ต๊าบ่า 3:18

แลโฮแล เกอเร๊อ แต่ ซีเหน่ เตเพร่ว แต่เหม่. แกแย เตเพรเพร เก่ เตเนโต่ เกอเร๊อ อาเหน่ เร๊อ แว หม่า เพรลีแมลีเพ๊ เตเพร เฮ๊เนอ, อา เบ่ ทวาแถ่ แกแย โอ่เล๊อโอ่กลอ เตเพร แว ซิหยื่อ เฮ๊เนอหม่า ฮู๊เตเฮ๊เนอ, อา เก่ เตเน เกอเร๊อ อาเง เร๊อ แว หม่า เพรลีแมลีเพ๊ เตเพร เออเนอ อาแซ่เน๊อ แกแย เด๊อ อา ซิเง เกออู จอแปแหร่ โต่ เต๊เห่ อาเต เตเน เนอ เฮ๊อ. แซ่ฮู๊ อา เก่ ทวาแถ่ เพรลีแมลีเพ๊ หม่าแหน่ เด๊อ จอแปแหร่ อาเป๊เส่เง เตเพรเนอ, อา เบ่ ทวาแถ่ แกแย โอ่เล๊อโอ่กลอ เตเพร เด๊อ แกแย เห่ขุพู๊ เต๊เห่ อา เป๊เส่เง.