ꤡꤛꤢꤩ꤭ꤗꤢ꤬ꤎꤣ꤬ 1:2 - ลีเทส่อพ๊าอาเซ เร๊อ เห่ขุทวาลู๊

² แว โป่แหว่ ซี๋, เบ๊อะซี๋ แม๊เถอะ ป่อชิเต่อเบ่ เร๊อ เตแป่เตเช เตอิลออี๊โหล่ ปว๋า เต๊อเจ่อ กาเบ่ ซี เบ๊อะเนอ, แด่ อา ฮู๊ เตซิครือ อาดุ เต๊อเจ่อ เด๊อ ซิเง เนอ นี๋.

Eastern Kayah Shadaw Dialect

² ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤙꤣꤧ ꤞꤤ꤭ ꤗꤢꤧꤓ꤫ꤣꤧ꤬ ꤕ꤫ꤢꤪ꤬ꤞꤤꤒꤣ꤬ꤙꤢꤩ꤬ ꤔꤢꤧ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤒꤢꤩ꤬ꤢꤩꤜꤢ꤬ꤢꤩꤕꤜꤢꤩ ꤕꤝꤢ꤭꤮ ꤒꤣ꤬ꤡꤣ꤬ ꤟꤢꤧ꤭ꤙꤢꤩ꤬ ꤞꤤ꤭ ꤢ꤬ꤋꤢꤩ꤭ꤔꤣꤧ꤬, ꤘꤢꤧ꤬ ꤢ꤬ ꤟꤢꤨ ꤒꤢꤩ꤬ꤞꤤꤋꤚꤢꤦ꤭ ꤢ꤬ꤘꤢꤨ꤬ ꤒꤣ꤬ꤡꤣ꤬ ꤘꤣ ꤞꤤꤑꤢꤩ꤭ ꤔꤣꤧ꤬ ꤔꤤ꤮꤯

ꤡꤛꤢꤩ꤭ꤗꤢ꤬ꤎꤣ꤬ 1:2 ပူးပေါင်းရင်းမြစ်များ

เพรโด่แนพู๊ เต๊เห่ 5:41

เพรโด่แนพู๊ เต๊เห่ เหย่ซีซิครือซิลอ เถ่จว๊าแก เด๊อ แกแยยิวพู๊ ทวาดุทวาเต เออเต๊เห่ อา เป๊เส่เง, เมเตเฮ๊เรอ เด๊อ เหย่ซู่ อาขว่าอาคยาเร๊อ, จอแปแหร่ แด่โอ่ แหน่ เฮ๊อ เหย่ซี เร๊อ อา โต แหน่ เฮ๊อ เร๊อ อา เบ่ ป่อชิเต่อ อู เมเตเร เหย่ซี ฮู๊เออ เนอหมา อา อาต่า แหน่ เฮ๊อ ฮู๊เนอ แพ๊.

ꤚꤥꤗꤢꤩ꤬ 5:3

เป แม๊ชือ ตื๊อแพ๊ เออเนอ หม่าโต่, เบ๊อะเป แม๊เถอะ เร๊อ เตจาเตจือ, เตแป่เตเช เบ๊อะเนอ เบ่เบ่, เป ซิครือซิลอ แพ๊, เมเตเฮ๊เรอ เป ซิเง เร๊อ เต เออเต๊เห่เนอ อา เด๊อะ เอ๊แถ่ เป่ โป่ เป เตข่าเบ่ เตจาเตจือ แพ๊.

ฟีลิปปี 1:29

เมเตเฮ๊เรอ, จอแปแหร่ เด๊อ ตื๊อแพ๊ ซี เตเด๊อะบุ๊ยเด๊อะเตอเรอ เด๊อ ซี เก่ หยื่อเอ่ ครี๊ เออเนอ หม่าโต่, อา ซิปล่อโอ่ เกอดื่อ เร๊อ ซี เก่ ข่าเกอ เตเมจาเมจือ เด๊อ ครี๊ อาเงเง.

ฟีลิปปี 2:17

เด๊อ แว โด่แน เตซิครือมีลา อาขว่าอาคยา เร๊อ, เตแร๊หม่า แว เซอ เจ๊อ ปา แอ เบ๊อะซี หยื่อเอ่ เตซิครือมีลา อาเบ๊อะเนอ, ซี เด๊อะแล เฮ๊อ ซี ซิปล่อเซอเพร เด๊อ จอแปแหร่ อา โอ่ แซ่เจ๊อเฮ๊อเน๊อ เพรหลู่แตเต หลู่แถ่ เตมีเตดอ เด๊อ จอแปแหร่ อา โอ่ เนอ เฮ๊อ. อู เก่ เมเซอ แว เฮ๊เรอ, แวสุ่ย เก่ ทุ๊ยตา แซ่เจ๊อเร๊อ เพรหลู่แตเต เตเพร ยือตา เทอแย เด๊อ เห่ขุ เด๊อ อาแซ่เน๊อ อู หลู่แถ่ เตหลู่เตแต เนอเฮ๊อ. อา เก่ ทวาแถ่ ฮู๊เนอ เฮ๊เรอ แว เก่ ซิครือซิลอ, ซิกอล๊อแกแน เต่อเกอ ลอ เร๊อ ซี ปว๋า เตเพร แพ๊.

ฟีลิปปี 2:18

ซี เบ่เบ่, ซี โตเบ่ ซิครือซิลอ, ซิกอล๊อแกแน เต่อเกอ แลแค เร๊อ แวแว.

โคโลสี 1:24

แซ่ฮู๊ ซี เก่ หนิบุ๊ยหนิเตอเรอ อาเงเนอ, กู๊แหน่เออ แว ข่าเบ่เต เด๊อ ซีเง ฮู๊เออเนอหม่า แว ซิครือ แพ๊. ฮู๊ ครี๊ ข่า เป่ เฮ๊อ แกแย เด๊อ อา หยื่อเอ่ ลู เด๊อ อา แซ่ดื่อ เน๊อ อาเหน่กล่อ เต๊เห่เนอ, แว ซิปล่อฉว่า เด๊อ แว เหน่กล่อพ๊าหย่า เออ เก่ ข่า เป่เกอ ลอดื่อ ล๋อ แกแย เด๊อ อา หยื่อเอ่ ลู เนอเต๊เห่ อาเงเง.

ꤟꤤꤙꤚꤢꤨ 10:34

ซี ซิยอเร๊อ แกแย เด๊อ อู ด๊อตา ลู เด๊อ ทอกู เนอเต๊เห่. อู เป่เอ่เป่โอ ปื่อเผ่ จว๊าแก ลอ ซี ตาหมื่อตาเต เจ๊อ หม่าแน๊เรอ, ซี แด่ ซิครือ แลแค แพ๊ ซี ซิปล่อ, เมเตเฮ๊เรอ ซี ซิเง เน๊อ ซี ตาหมื่อตาเต เด๊อ อาแร๊เล๊อ เร๊อ อา โอ่หม่าโอ่กลอ ตูจูเพร เออเนอ อา โอ่ เอ๊ลูปา เด๊อ ม๊อขุ อาขว่าอาคยา, ซี ซิครือซิลอ แลแค แพ๊.

ꤡꤛꤢꤩ꤭ꤗꤢ꤬ꤎꤣ꤬ 1:12

แกแย เด๊อ อา แด่ทูซิปล่อ เต๊เห่เนอ, ช๋า อา แม๊เถอะ ป่อชิเต่อเบ่ เน๊อ เตแป่เตเช เตอิลออี๊โหล่ เบ๊อะเนอปาเนอ, อา เก่ พย๊าหนิ เตเด๊อะบุ๊ยเด๊อะเตอเรอ ปา, เมเตเฮ๊เรอ เบ๊อะเหย่ซี เมเป่แก โทเฮ๊อ เตแป่เตเช เตอิลออี๊โหล่ ฮู๊เออ เบ๊อะเนอ, จอแปแหร่ เก่ เด๊อ เหย่ซี เตเซอเพร ตูจูเพร. อาเชหยู่ เด๊อ อา อ๊อแล เน๊อ อา เก่ เด๊อ แกแย เด๊อ อา โมเร๊อ ลู เนอเต๊เห่ ปา.

ꤡꤛꤢꤩ꤭ꤗꤢ꤬ꤎꤣ꤬ 1:16

แว โป่แหว่ เด๊อ แว โมเร๊อ ซี๋, เต เด๊อ อา โตโต่ เต๊เห่เนอ, จว๊าหยื่อเอ่ แต่ แลแค แต่เหม่ นี๋.

ꤡꤛꤢꤩ꤭ꤗꤢ꤬ꤎꤣ꤬ 1:19

แว โป่แหว่ เด๊อ แว โมเร๊อ ซี๋, โต หนิ แลแค โหง่ เออตือมือ นี๋. แกแย ปว๋า เตเพร โตเบ่ หนิดา ตาเต, อา โตเบ่ เตเนเฮ๊เบ่ แลแค เร๊อ อา โตเบ่ ซิปล่อดุแถ่ แพร หนิ โต่.

ꤡꤛꤢꤩ꤭ꤗꤢ꤬ꤎꤣ꤬ 5:11

แกแย เด๊อ อา แด่ทูซิปล่อเบ๊ เนอ, เป เฮ๊ อา เร๊อ แกแย เด๊อ อา พย๊าหนิ เตเด๊อะบุ๊ยเด๊อะเตอเรอ. ซี หนิโฮ โทดื่อเฮ๊อ เพโยบ อา เตแด่ทูซิปล่อ อาหรี่อาแก เฮ๊อ เน๊อ เด๊อ คยาตื๊อดื่อ เร๊อ แบ่เจ่ เตเน หนื่ออื่อ เน๊อ อา เก่เด๊อะบุ๊ยเด๊อะเตอเรอ ลู ฮู๊เต อาหรี่อาแก เนอ, ซี ซิเง เฮ๊อ. เมเตเฮ๊เรอ แบ่เจ่ อา เตซิยอกล่าเบ่ เออเนอ อาเล๊ออาบา แหน่เจ๊อ.

เปโตร เนอบ่า ต๊าบ่า 2:9

ฮู๊เนอเรอ แบ่เจ่ จอแปแหร่ เก่ เมแลเปล๊กา แกแย เด๊อ อา เมโต ลูซิปล่อ เร๊อ อา โอ่ เด๊อ เตจาเตจือ อากู เนอเต๊เห่ ฮู๊เต ปาเนอ อา ซิเง แพ๊. โท๊โต่ อา ปื่อโอ่หม่าหนิ แกแยจา เออเต๊เห่ เร๊อ อา เก่ เมจากาคยา แฮเง ตื๊อดื่อลอ เหย่ซี โต่เด๊อ เตเมจากาคยา อาม๊อเนอ เนอเตอเนอ ปา.

เตเด๊อะโลแถ่ 2:10

เตเด๊อ เน เตเร ข่าเบ่ กู๊แหน่ เออเนอ, ซิอิเช แต่ อาเหล่ ตีกี๋ แต่เหม่ นี๊. โลเน๊มู๊แหม่รีแจ่ กู่กล๊อ ตี๊หรี่แตแร เฮ๊อ อู เด๊อ อู เก่ ทื๊อแม๊ ซี อาขว่าอาคยา, อา เก่ ด๊อโน ซี เด๊อ ทอกู เต๊เห่เห่ ปา. อู เก่ เมจาเมจือ ซี อาเนอเช๊อ อาเซเช๊อ ปา โต่ เจ๊อ เด๊อ เน แม๊เถอะเบ่ เจ๊อ เร๊อ เตเซอ เบ่เบ่, ตูรู๊ จ๊อ เร๊อ แว เนอ, แว เก่ เด๊อะดื่อ เน เตเซอเพร อา กู๊โก่เท ปา.