ꤡꤛꤢꤩ꤭ꤗꤢ꤬ꤎꤣ꤬ 1:14 - ลีเทส่อพ๊าอาเซ เร๊อ เห่ขุทวาลู๊

¹⁴ หม่าแน๊เรอ เบ๊อะแกแย ปว๋า เตเพร แม๊เถอะ ป่อชิเต่อเบ่ เน๊อ เตอิลออี๊โหล่ เบ๊อะเนอ, อาเหน่กล่อ อา เตซิหยื่อ มู๊แหม่ เร๊อดื่อ เนอเต๊เห่ จุ่ยหนิท๊อหนิ เร๊อดื่อ ลู แพ๊.

Eastern Kayah Shadaw Dialect

¹⁴ ꤗꤢ꤬ꤔꤢꤧꤚꤣꤧ꤬ ꤙꤣꤧ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤗꤢꤧꤓ꤫ꤣꤧ꤬ ꤕ꤫ꤢꤪ꤬ꤞꤤꤒꤣ꤬ꤙꤢꤩ꤬ ꤔꤢꤧ ꤒꤢꤩ꤬ꤢꤩꤜꤢ꤬ꤢꤩꤕꤜꤢꤩ ꤢ꤬ꤋꤢꤩ꤭ꤔꤣꤧ꤬, ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤗꤢꤨꤗ꤫ꤢꤧ꤬ ꤚꤣꤧꤘꤢꤦ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤡꤝꤤ꤬ꤔ꤫ꤤ꤬ꤓꤢꤪꤔ꤫ꤤ꤬ ꤚꤣꤧꤘꤢꤦ꤬ ꤜꤢꤨ꤭ ꤖꤢꤧ꤯

ꤡꤛꤢꤩ꤭ꤗꤢ꤬ꤎꤣ꤬ 1:14 ပူးပေါင်းရင်းမြစ်များ

เอเฟซัส 4:22

อู อิซว๊าเฮ๊อ ซี เร๊อ ซี โตเบ่ โปล๊ตาแก ซี เตโอ่เซอเพร อาเลออาหลว่า เต๊เห่. เบ๊อะซี โอ่เซอเพร เด๊อ เตโอ่เซอเพร อาเลออาหลว่า กูเออ เบ๊อะเนอ, ซี ซิปล่อ อา เตซิหยื่อ มู๊แหม่ เต๊เห่เนอ อา อี๊หล่าปย๊าอี๊หล่าแก ซี เร๊อ อา เม มู๊แหม่รีแจ่ ลอ ซี ซิปล่อ.

มัทธิว 15:18

หม่าแน๊เรอ เต เด๊อ อา โอ่ เด๊อ แกกู เถ่ เต๊เห่ เนอหม่า อา โอ่ เด๊อ ซิปล่อกูแฮ, เร๊อ อา เม โตโพร๊มู๊แหม่ แกแย.

ꤟꤤꤙꤚꤢꤨ 3:13

โทโต่, กู๊แหน่เออ เตเมแลเปล๊กา เด๊อ จอแปแหร่ เด๊อะ เป เออ แซ่ฮู๊ เตซื๊อ เก่ อิลอแลโฮ แต่ ซี เตเพร๊ แต่เหม่, แซ่ฮู๊ ซี เก่ กู่กล๊อเพรอ แต่ แลแค เตเพร๊ แต่เหม่ อาเงเนอ, ปวาเนอเน๋อ เด๊อะอ๊าเด๊อะเหร่ เมจว่า คยาลู เตเพร เร๊อ เตเพร นี๋.

ꤚꤥꤗꤢꤩ꤬ 7:13

เก่เฮ๊ฮู๊เนอเรอ, เต อาตว่าอาแร๊ เออเนอหมา อา เม เซอแก แว แอ? อา เมเซอแก แว หม่าโต่. อา เมเซอแก แว เออเนอหมา เตซื๊อเตปล๊า แพ๊. อา นอเอ่ จอแปแหร่ อา เตซว๊าเตแส่ เด๊อ อาแร๊ เออ เร๊อ อา อี๊ลอ เมเซอแก แว แพ๊. เมเตเฮ๊เรอ แซ่ฮู๊ แว เก่ ซิเง ตาเต เร๊อ เต เด๊อ แว เมโทเฮ๊อ เนอเต๊เห่ หม่า, อา ซื๊อเฮ๊อ เนอเรอ, จอแปแหร่ เด๊อะตา เตซว๊าเตแส่ แพ๊. ฮู๊เนอเรอ เด๊อ โหง่เฮ๊แก เออ อาขว่าอาคยาเร๊อ, แว เก่ แม๊เถอะแฮ เร๊อ เตซื๊อเออ อา มู๊แหม่รีแจ่ แหน่เจ๊อ.

มัทธิว 5:28

หม่าแน๊เรอ แว เฮ๊ ซี, แกแย เตเพรเพร เด๊อ อา แม๊ เพรเหมาะ เร๊อ อา เตเน ปาต๊าเนอ, อา จว๊าซื๊อเฮ๊อ เน๊อ เพรเหมาะ เนอเตเพร เด๊อ อา ซิปล่อกู เฮ๊อ.

ꤚꤥꤗꤢꤩ꤬ 7:11

เมเตเฮ๊เรอ, เตซื๊อ แม๊เถอะหนิ อา เหล่โอ่แร๊ เด๊อ อา เก่ ตาเต แถ่หนิ โหง่เฮ๊แก เออ อาขว่าอาคยา, อา อี๊ลอแลโฮ แพ๊ แว. โทเรอ อา นอเอ่ โหง่เฮ๊แก เออ เร๊อ อา เมเซอแก แว แพ๊.

มัทธิว 15:20

เตเออ เต๊เห่ หม่า อา เม โตโพร๊มู๊แหม่ แกแย. ซู๊ปลี กู๊ขุ โต่ เร๊อ เอ่เฉ่ เนอหม่า อา เม โตโพร๊มู๊แหม่ แกแย โต่.”

เห่ขุทวาลู่ 6:5

จอแปแหร่ ตูจูเพร แม๊เถอะ แกแยเห่ขุพู๊ ซีเต๊เห่ เน๊อ อาจาอาจือ อา, มู๊แหม่รีแจ่ อาก่าอาแปล่ แหน่เจ๊อ, โทโต่ เหย่ซีซิปล่อ เต๊เห่เนอ อา เตเนเครเม โชชื่อ เตมู๊แหม่รีแจ่ ่ ปว๋า โตโพ๊ เจ๊อ.

เห่ขุทวาลู่ 8:21

เบ๊อ จอแปแหร่ ตูจูเพร โนหวิเบ่ เตหลู่แตแถ่ อาเตโนมื๊อโนชือ อาโข่เออ เบ๊อะเนอ, เร๊อ โมโส่โมเซ๊ แหน่เจ๊อ ลูซิปล่อ, เร๊อ อา แด่แลเฮ๊อ อาซิปล่อ เร๊อ อา เฮ๊ เน๊อ, “เด๊อโหน่ เด๊อคยาคย๋า หม่า แว ซิเง เจ๊อ เน๊อ แกแยเห่ขุพู๊ เต๊เห่ เตเน เจ๊อ เตมู๊แหม่รีแจ่ ่ เต๊เห่ เด๊อ อาเป๊เจ่เค ปาเจ๊อ เบ่เบ่, เด๊อ เหย่ซี เตซื๊อ อาขว่าอาคยา, แว อิชอฮา ปา เห่ขุ โต่ เฮ๊อ. ฮู๊ แว เม โทเฮ๊อ กู๊แหน่เออ, เด๊อโหน่เด๊อคยาคย๋า หม่า แว เมเซอเมเหม่ ปา ล๋อ เตเบ่แบ๊ เด๊อ อาซิปล่อเซอเพร โอ่ เออเต๊เห่ โต่ เฮ๊อ.

เห่ขุทวาลู่ 3:6

เบ๊อะ เพรเหมาะ แม๊เถอะ ส่อเส่เออ เบ๊อะเนอ, อาตว่าอาแบ แหน่เจ๊อ เด๊อ ลูเง, อา โตเฮ๊อ ลูซิปล่อ เด๊อ อาซิหยื่อเอ่, เบ่เฮ๊อ ลูโส่เทอ เด๊อ เก่ เด๊อะ ลู เตลีแม เร๊อ อา ด่าแถ่ ส่อเส่เออ เร๊อ อา เอ่, โท๊โต่ อา เด๊อะเอ่ แฮเง เป่เกอ เน๊อ อาเว เด๊อ อา โอ่ เกอ เน๊อ ลูเออ เร๊อ อาเว เอ่ เกอ ส่อเส่เออ.

มัทธิว 4:1

แซ่ฮู๊ โลเน๊มู๊แหม่ กู่กล๊อ เก่ อา อี๊ลอ หนิ เหย่ซู่ เร๊อ, แหย่โยบูโพ๊ แบ่เจ่ ซูจว๊า ลู เด๊อ เก่เชเทอแก หล่อตาม๊าขุ.

ꤡꤛꤢꤩ꤭ꤗꤢ꤬ꤎꤣ꤬ 1:13

แกแย เด๊อ อา แม๊เถอะ ป่อชิเต่อเบ่ เตอิลออี๊โหล่ ฮู๊เออ เต๊เห่เนอ, อา โตเบ่ เฮ๊หนิ เน๊อ, “เตเออหม่า อา โอ่ เด๊อ จอแปแหร่ อา โอ่ แฮ แพ๊,” อา เบ่ เฮ๊หนิ ฮู๊เนอ โต่. เตอิลออี๊โหล่ มู๊แหม่รีแจ่ เนอ อา อี๊ลอท๊อจุ่ยเบ๊ เป่ เน๊อ จอแปแหร่ โต่. โท๊โต่ จอแปแหร่ อาเหน่แบ่เจ่ เร๊อดื่อเนอ, อา อิลออี๊โหล่ เน๊อ อู เตเพร่ว โต่.

ꤡꤛꤢꤩ꤭ꤗꤢ꤬ꤎꤣ꤬ 1:15

เด๊อคยาเร๊อ เบ๊อะแกแย เออเตเพร เมเฮ๊อ อา เตซิหยื่อ มู๊แหม่ เออเบ๊อะเนอ, อา เด๊อะทวาแถ่ ลู เตซื๊อ, เออโตโพ๊เรอ เตซื๊อ เออ เป๊อตี๊หรี่หนิ ล๊อปลี เฮ๊อ ลูซิปล่อ เร๊อ อาพู๊โอ่แล เร๊อดื่อเฮ๊อ เตเซอ ตูจูเพร เฮ๊อ.