ꤟꤤꤙꤚꤢꤨ 9:24 - ลีเทส่อพ๊าอาเซ เร๊อ เห่ขุทวาลู๊

²⁴ เมเตเฮ๊เรอ เหล่สื่อดุ บูโพ๊ เด๊อ อู เม เร๊อ แกแย กู๊ขุ เร๊อ อู แม๊บือ เมเกอ แพ๊ อาโหมะกล่อ หม่าแหน่ เออเตเม อากู เนอ, ครี๊ จว๊าโน เบ๊อะเนอ หม่าโต่. อา จว๊าโน เร๊อดื่อ เด๊อ ม๊อขุ เร๊อ กู๊แหน่เออ อา กุยซิยอ เป่ เป เด๊อ จอแปแหร่ อาเป๊เส่เง.

Eastern Kayah Shadaw Dialect

²⁴ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤜ꤫ꤢꤩ꤬ꤞꤢꤦ꤬ꤘꤢꤨ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤥ꤬ꤚꤣꤧꤘꤢꤦ꤬ ꤘꤣ ꤢꤨ꤭ ꤗꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤊꤢꤨꤋꤢꤨ꤬ ꤚꤣꤧ꤬ ꤢꤨ꤭ ꤗꤢꤧꤙꤢꤦ꤭ ꤗꤢꤩ꤬ꤊꤣꤧ꤭ ꤖꤢꤧ ꤢ꤬ꤗ꤫ꤥ꤬ꤊꤜ꤫ꤢꤪ꤬ ꤗ꤫ꤢ꤬ꤔꤤꤔꤢꤧ꤬ ꤣꤧ꤭ꤒꤣ꤬ꤗꤢꤩ꤭ ꤢ꤬ꤊꤢꤨ꤭ ꤔꤣꤧ꤬, ꤋꤚꤤ ꤡꤝꤢꤔꤥ꤭ ꤙꤣꤧꤔꤣꤧ꤬ ꤗ꤫ꤢ꤬ꤒꤥ꤬꤯ ꤢ꤬ ꤡꤝꤢꤔꤥ꤭ ꤚꤣꤧꤘꤢꤦ꤬ ꤘꤣ ꤗꤢꤪꤋꤢꤨ꤬ ꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤢ꤬ ꤊꤝꤤ꤭ꤞꤤꤛꤢꤪ꤬ ꤕ꤫ꤢꤩ꤬ ꤕꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭꤯

ꤟꤤꤙꤚꤢꤨ 9:24 ပူးပေါင်းရင်းမြစ်များ

ꤟꤤꤙꤚꤢꤨ 12:2

อาแซ่เน๊อ แกแย แกล่ เต๊เห่ แม๊จ๊อจ๊อ แฮโต ตื๊อแพ๊ เตเมเป่ม๊าโบ เออเนอเฮ๊อ, ฮู๊เนอเรอ เป เก่ แม๊จ๊อจ๊อ แฮ แพ๊ตื๊อ เหย่ซู่ โป๋. เมเตเฮ๊เร๊อ อา หม่า เป เตหยื่อเตแหน่ อา แก่ช๊าแก่แร เตเพร. โท๊โต่, อา หม่า เพร เด๊อ อา เมเล๊อเมบา เป่ เฮ๊อ เป เตหยื่อเตแหน่ เตเพร. อา ข่าเซอ โทปาหม่า, อา ซิเง หนื่ออื่อ โทเฮ๊อ เน๊อ อา เก่ พย๊าหนิ เตซิหยื่อซิลอ ปา อาขว่าอาคยา, อา โตเบ่ ข่าเซอ เจ๊อ เด๊อ อี๊ถื่อดีเต่ลู เจ๊อ หม่าแน๊เรอ อา ซิเตเร เตอเจ๋อ โต่. กู๊แหน่เรอ อา โอ่แนโอ่ เฮ๊อ เด๊อ จอแปแหร่ อา เหล่โอ่แน แถ่โล เด๊อ จ๊อทว๊า เนอตากยา เฮ๊อ.

ꤟꤤꤙꤚꤢꤨ 9:23

เหล่สื่อดุ บูโพ๊เออ เร๊อ ตาหมื่อตาเต เด๊อ อู นอเอ่ อา เร๊อ เตจ๊อบู่จ๊อเบ อาเง เต๊เห่เนอ, อู เม แบ๊บือเกอ ม๊อขุเออ อา ตาหมื่อตาเต เต๊เห่ แพ๊. ตาหมื่อตาเต โอ่เด๊อ อากู ปว๋า เต๊อเจ่อ เนอ อู เบ่ เม โพ๊เมแปล่ ลอ อา เร๊อ เตมีเตดอ อาสุ่ย ฮู๊เนอ. หม่าแน๊เรอ ม๊อขุ อาตาเต หม่าแหน่ เต๊เห่เนอ, อู เก่ เม โพ๊อาแปละ อา เร๊อ เตหลู่แถ่ เด๊อ อาแร๊เล๊อ เล๊อปา เจ๊อ เร๊อ เตมีเตดอ อาสุ่ยเออ เนอ เจ๊อ.

ꤟꤤꤙꤚꤢꤨ 8:2

กู๊แหน่เออ อา เมเฮ๊อ เพรหลู่แต กู่กล๊อดุเล๊อเออ อาเตเม, เร๊อ อา เม เฮ๊อ เด๊อ เตเหล่โอ่ บูโพ๊ โต๊โผ่ อากู เฮ๊อ. เหล่สื่อดุ บูโพ๊ หม่าแหน่ เออเนอ อู เม เร๊อ แกแยเห่ขุพู๊ อากู๊ขุ หม่าโต่. แบ่เจ่ ช๊อแถ่หนิ เน๊อ อาเหน่ เร๊อดื่อเจ๊อ.

ꤛꤥ꤭ꤟꤢ꤬ 16:28

แว โอ่ เด๊อ เพโอ่ แฮ เร๊อ แว แฮแล เด๊อ เห่ขุเออ. กู๊แหน่เร๊อ แว เก่ เถ่กาแก เด๊อ เห่ขุเออ เร๊อ แว เก่ กาคยา คยาแซ๊ เด๊อ แวเพ อา โอ่.”

โคโลสี 3:2

เตเน แลแค ม๊อขุ อา เตงูดุงูชอ นี๋. เห่ขุ อาตาเต เต๊เห่เนอ, เตเน แต่ แลแค แต่เหม่.

ꤚꤥꤗꤢꤩ꤬ 8:33

หม่าอูเป เตเพร เตเร แฮ แด่แจ่ แกแย เด๊อ จอแปแหร่ นว๊าแถ่ เหย่ซี เออเต๊เห่ อาเตซื๊อ เป? เพร เด๊อ อา แด่จ๊อแด่เต เหย่ซี หม่า จอแปแหร่ เฮ๊อ.

เพรโด่แนพู๊ เต๊เห่ 3:21

ฮู๊ จอแปแหร่ เด๊อ ซิเงหนื่ออื่อ โทดื่อเฮ๊อ เน๊อ เพรโพร บูโพ๊ มู๋ หนู่เค เต๊เห่ เน๊อ เหย่ซู่ เออเนอ อา โตเบ่ โอ่ เด๊อ ม๊อขุ โต่เด๊อ แบ่เจ่ จอแปแหร่ เมเซ กาคยา ลอเฮ๊อ เตปว๋า เต๊อเจ่อ เบ๊อะเนอ ปา.

ꤜꤢꤨꤊꤢ꤬ 24:51

เบ๊อะอา เด๊อะบุ๊ยเด๊อะเตอเรอ ปาแพ๊ เหย่ซี เบ๊อะเนอ, อู จอกากี๊แถ่ ตาพาแก ลู เด๊อ ม๊อขุ เร๊อ อา แด่โอ่แก แก อา โคเจ่ เต๊เห่.

ꤗꤢ꤬ꤊꤢꤨ 16:19

แบ่เจ่ เหย่ซู่ เฮ๊เบ่โท เร๊อ อา โคเจ่ เต๊เห่ เร๊อ จอแปแหร่ เอ๊กา กาแถ่แก ลู เด๊อ ม๊อขุ เร๊อ อา แถ่โอ่แนโอ่ เด๊อ จอแปแหร่ อากู๊ขุ จ๊อทว๊า ตากยา.

ꤗꤢ꤬ꤊꤢꤨ 14:58

“เป หนิโฮ อา เฮ๊ เน๊อ, ‘แว เม แลโพร๊แก เตหลู่แตโฮกู เด๊อ แกแย เมแถ่ เออเนอเตเม เร๊อ โซเนอ อากูเนอ แว เก่ ช๊อแถ่ เมเต๊เปล่ เด๊อ อาโร เตเม, เด๊อ แกแย ช๊อแถ่ เร๊อ อากู๊ขุ หม่าโต่ เออเนอ เตเม ปา,’ อา เฮ๊ ฮู๊เนอ.”

เตเด๊อะโลแถ่ 8:3

เร๊อ เตเน่วพู๊ อาโรเตเพร เด๊อ อา ปื่อหม่า เกอเร๊อ ดีเบเทเต๊เอ่ เด๊อ อู เหล่ชื๊ออือแถ่ เร๊อ เตโนมื๊อ เออเตเพรเนอ, อา แฮก๊อถ่อโอ่ เบ๊อะเตหลู่เหร่ อาช๊า เนอ. อู เด๊อ เอ๊แหน่เจ๊อ ลู เตโนมื๊อ เต๊เห่ เด๊อ อา เก่ ฉู่โนบา เต่อ เป่ เร๊อ จอแปแหร่ อาแกแย บูโพ๊ ล๋อ ปลี เต๊เห่ อา เตกุยจ๊อเบ. โทเรอ อา เก่ หลู่แถ่ เออเต๊เห่ เด๊อ เตหลู่เหร่เท อาลู. เตหลู่เหร่เท เออเนอหม่า อา โอ่ เด๊อ จ๊อแผ่ อา กู่แกล๊เท แถ่โล อาเป๊เส่เง เนอ.

เปโตร อาเหร่อเล๊อ ต๊าบ่า 3:22

เหย่ซู่ครี๊ กา กี๊แถ่เฮ๊อ เด๊อ ม๊อขุ เร๊อ อา กา โอ่แนโอ่ เด๊อ จอแปแหร่ อากู๊ขุ จ๊อทว๊า ตากยา เฮ๊อ. เร๊อ อา เป๊อตี๊หรี่ ลอ เตเน่วพู๊ เต๊เห่ เร๊อ เตเตอเรอฉว่าชอ เต๊เห่, เร๊อ เตโพรเตเตอเรอ เต๊เห่ เฮ๊อ.

ꤟꤤꤙꤚꤢꤨ 9:9

เตเออเต๊เห่ หม่า อา ซิหยื่อ เด๊อะโลโข่เฮ๊อ เป เตม๊าเตแด เด๊อ เป ทือเค กู๊แหน่เค เออเต๊เห่ เฮ๊อ. อา ซิหยื่อ ยูโลเฮ๊อ เป เร๊อ เตหลู่แตเต เออเต๊เห่ เร๊อ เตมีเตดอ เด๊อ อู หลู่แถ่ อา เออเต๊เห่เนอ, อา เม เมโพ๊เมแปละแจ่ เป่ เพร แฮ จ๊อบู่จ๊อเบแถ่ เตเออ เต๊เห่ อาซิปล่อ โต่.

ꤟꤤꤙꤚꤢꤨ 8:5

เหล่สื่อดุ บูโพ๊ เด๊อ เพรหลู่แตเนอ เต๊เห่ โนเม เกอเร๊อ ลู เด๊อ เห่ขุ เออเตเม เนอหม่า, อา แม๊ แบ๊บือเกอ จอแปแหร่ อา เตหลู่เเตโฮ หม่าแหน่ เด๊อ ม๊อขุ เนอเตเม แพ๊. เหล่สื่อดุ เออเตเม เนอ อา หม่าแหน่ หม่าโต่, หม่าแพ๊ เด๊อ ม๊อขุ อา หม่าแหน่ เนอเตเม อา แหย่โย แพ๊. เมเตเฮ๊เรอ, เบ๊อะจอแปแหร่ นออิ ช๊อแถ่ คูโมเสส เหล่สื่อดุ เด๊อ เห่ขุเออ เบ๊อะเนอ, อา เฮ๊ ลู เน๊อ, “ครวาเม แบ๊บือ ตาเตแร๊ แซ่เกอลอ ฮู๊ อู เด๊อะโล โทเฮ๊อ เน ม๊อขุ เตหลู่เเตโฮ อาแหย่โย เด๊อ โฉ่ขุเค เนอนี๋,” จอแปแหร่ เฮ๊ ลู ฮู๊เนอ.

ꤟꤤꤙꤚꤢꤨ 6:20

เหย่ซู่ จว๊าโนเหร่อ เป่เฮ๊อ เปเหล่โอ่ เด๊อ เง เฮ๊อ. อา ทวา เป่เฮ๊อ เป เพรหลู่แต กู่กล๊อดุเล๊อ เด๊อ อา โอ่ ข่างยา ตูจูเพร เออเนอเฮ๊อ. อา เออเนอ อา แซ่เฮ๊อ เร๊อ เพรหลู่แตเต เมลคีเซเดค เด๊อ เหร่อเนอเค เตเพรเฮ๊อ.

ꤟꤤꤙꤚꤢꤨ 1:3

อู เก่ แม๊เถอะ แฮเง จอแปแหร่ อา เตเตอเรอดุทู เด๊อ อากู ปา. อา หม่า อา แซ่ ลอหล่าตี๊กลิ เจ๊อ เน๊อ จอแปแหร่ เฮ๊อ. แซ่ฮู๊ เห่ขุ เร๊อ ม๊อขุ เน๊อ เตแบ๊แถ่ ล๋อ ปลี เต๊เห่ เก่ โอ่ แฮเง ตื๊อดื่อ โป่ เนอ, อา ปื่อหม่า จว่าเกอ เตแบ๊แถ่ ล๋อ ปลี เออเนอ เน๊อ อาโหง่ เด๊อ อาโพรอาเตอเรอ ฉว่าชอ เออเต๊เห่. เบ๊อะอา เมปลื๊อเมโท โทเฮ๊อ ปลวาแก ลอ ล๋อ แกแย เห่ขุพู๊ อาเตซื๊อ เต๊เห่ เบ๊อะเนอ, อา กา แก๊แถ่ เด๊อ ม๊อขุ เร๊อ อา แถ่โอ่แนโอ่ เด๊อ จอแปแหร่ เด๊อ อาโพรอาเตอเรอ อาดุอาทู ตื๊อดื่อ เออเตเพร อากู๊ขุ จ๊อทว๊า ตากยา.

ꤛꤥ꤭ꤟꤢ꤬ 6:62

เก่ เมฮู๊เนอ เฮ๊เรอ, ซี แม๊เถอะ แกแยพู๊คูเออ เก่ กากี๊แถ่ คยาแซ๊ เด๊อ อาเหล่โกล เหล่โอ่ ปา เฮ๊เรอ, ซี เก่ เตเน แลแค ฮู๊เต ปา?

มัทธิว 18:10

“รอหนิ แลแค ซีเหน่ นี๋. จว๊า เตเน ปีตี๊ แต่ เป๊เจ่ ปีตี๊เล๊อ เด๊อ ซีเกล เนอเต๊เห่ แต่เหม่ นี๋, เมเตเฮ๊เรอ แว เฮ๊ เฮ๊อ ซี, เป๊เจ่เออเต๊เห่ อาเตเน่ว ม๊อขุพู๊ เด๊อ อา โอ่ป่อ แม๊ หนิ เหย่ซี เต๊เห่เนอ, อา โอ่ผื่อ เน๊อ เพ จอแปแหร่ เด๊อ ม๊อขุ ปว๋า โตโพ๊เจ๊อ.

โครินธ์ เนอบ่า ต๊าบ่า 5:1

เปเหน่กล่อ เด๊อ อาแซ่เน๊อ หี่ เด๊อ เป โอ่ เกอเร๊อ อา เด๊อ เห่ขุ เออเตเม เนอ, ช๋า อู เมโพร๊แก เฮ๊อ อา ปา, อา ซิ เฮ๊ เฮ๊อ ช๋า เป เซอ ปาหม่า, เป ซิเง เร๊อ จอแปแหร่ เก่ เมโอ่เป่ เฮ๊อ เปหี่เซ หม่าเฮ๊อ เปเหน่กล่อ อาเซ เออเนอ เด๊อ ม๊อขุ เนอ เฮ๊อ. อา เก่ เม เร๊อ อาเหน่ เร๊อ หี่เซ หม่าเฮ๊อ เปเหน่กล่อ อาเซ เออเนอ, อา เซอแจ่ ปา โต่, อา เก่ โอ่หม่าโอ่กลอ ตูจูเพร ปา.

ꤟꤤꤙꤚꤢꤨ 4:14

ฮู๊เนอเรอ, เป ปื่อหม่าปื่อกลอ แร๊ แลแค เป เตหยื่อเตแหน่ เด๊อ เป อ๊อแล โทเร๊อเฮ๊อ เออเนอ โป๋, เมเตเฮ๊เรอ, เป โอ่ เกอเร๊อ เน๊อ เป เพรหลู่แต กู่กล๊อดุเล๊อ เออเตเพร, เร๊อ อา จว๊าโน เป่เฮ๊อ เด๊อ เปเง เด๊อ ม๊อขุ เฮ๊อ. อา หม่า จอแปแหร่ อา พู๊เพรคู เหย่ซู่ เออเนอเฮ๊อ.

ꤟꤤꤙꤚꤢꤨ 9:1

กู๊แหน่เรอ เตอ๊อแล อาเหร่อ ตือมือ เด๊อ จอแปแหร่ อ๊อแลแก อาแกแย เต๊เห่เนอ, อา โอ่ เน๊อ อา เตจ๊อบู่จ๊อเบ อา เตซว๊าเตแส่ เหล่โกลเหล่แบ่ เต๊เห่ เน๊อ เหล่จ๊อเบ เหล่สื่อดุ บูโพ๊ เด๊อ แกแยเห่ขุพู๊ ช๊อแถ่ อาเนอ เตเม.