ꤟꤤꤙꤚꤢꤨ 9:19 - ลีเทส่อพ๊าอาเซ เร๊อ เห่ขุทวาลู๊

¹⁹ เบ๊อะคูโมเสส เฮ๊โล เป่ โทลอเฮ๊อ แกแย ปว๋า เตเพร เร๊อ ล๋อ จอแปแหร่ เฮ๊แก อา เตซว๊าเตแส่ เต๊เห่ เบ๊อะเนอ, อา พย๊า ปู่พู๊ เต๊เห่ อาสุ่ย เร๊อ เปะ เต๊เห่ อาสุ่ย เร๊อ อา โกล ซีแล๊เต่อ เร๊อ เทอ, โทเรอ อา พย๊า ซิหมิฉื่อลี เร๊อ อา โบ่หม่า เร๊อ ส่อแพ เด๊อ อู เอ๊ เร๊อ ฮี๊โซ๊แพพู๊ เออแตแพ อาเคอ เร๊อ อา ตีชิ เร๊อ ลี เด๊อ อู ราโอ่ เร๊อ จอแปแหร่ อา เตซว๊าเตแส่ อาโหง่เฮ๊แกเออ ต๊าบ่า, โท๊โต่ อา ตีชิหนิ ลอ เร๊อ แกแย ปว๋า เตเพร.

Eastern Kayah Shadaw Dialect

¹⁹ ꤙꤣꤧ ꤋꤢꤨ꤭ꤗꤢꤪꤎꤢꤧ ꤟꤢꤩꤜꤥ꤭ ꤕ꤫ꤢꤩ꤬ ꤓꤥ꤭ꤜꤢꤪ꤭ꤟꤣꤧ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤢꤧ ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤗ꤫ꤢ꤬ꤊꤢꤧ꤭ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤖꤛꤢ ꤕ꤫ꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤞꤝꤤ꤬ ꤔꤢꤧ ꤕ꤫ꤢꤩ꤬ ꤒꤣꤧ꤬ꤟꤢꤩ꤬ ꤢ꤬ꤞꤝꤤ꤬ ꤚꤣꤧ꤬ ꤢ꤬ ꤊꤜꤥ꤭ ꤏꤤ꤭ꤜꤢꤧꤒ꤫ꤣ꤬ ꤔꤢꤧ ꤓꤣꤧ꤭, ꤓꤥ꤭ꤚꤣꤧ꤬ ꤢ꤬ ꤖꤛꤢ ꤞꤤꤗꤤ꤬ꤏꤢꤦ꤬ꤜꤤ꤬ ꤚꤣꤧ꤬ ꤢ꤬ ꤙꤥ꤬ꤗꤢ꤬ ꤔꤢꤧ ꤞꤢꤪ꤬ꤖꤢꤧ꤭ ꤘꤣ ꤢꤨ꤭ ꤢꤩ ꤔꤢꤧ ꤟꤤꤎꤥꤖꤢꤧ꤭ꤟꤢꤨ ꤣꤧ꤭ꤒꤣ꤬ꤖꤢꤧ꤭ ꤢ꤬ꤋꤣꤧ꤭ ꤚꤣꤧ꤬ ꤢ꤬ ꤒꤣꤧ꤬ꤏꤤ ꤔꤢꤧ ꤜꤤ꤬ ꤘꤣ ꤢꤨ꤭ ꤚꤢ꤭ꤥ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ ꤒꤢꤩ꤬ꤗ꤫ꤢ꤬ꤊꤢꤧ꤭ꤍ꤫ꤥ꤬ꤣꤧ꤭ ꤒꤣ꤬ꤙꤢ꤬, ꤓꤥ꤭ꤒꤥ꤬ ꤢ꤬ ꤒꤣꤧ꤬ꤏꤤꤚꤣꤧ ꤜꤢꤪ꤭ ꤔꤢꤧ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬꤯

ꤟꤤꤙꤚꤢꤨ 9:19 ပူးပေါင်းရင်းမြစ်များ

ꤟꤤꤙꤚꤢꤨ 9:12

เบ๊อะอา จว๊าโน หลู่แตแถ่เต เด๊อ เหล่โอ่ บูโพ๊ เล๊ออู เออตาดา เบ๊อะเนอ, อา พย๊าโนหนิ เปะ เต๊เห่ อาสุ่ย, ปู่เพ เต๊เห่ อาสุ่ย เนอหม่าโต่. อา เก่ โน หลู่แตแถ่เต อาเงเนอ, อา พย๊าโน เกอ เร๊อ ดื่อ เน๊อ อาสุ่ย อาขว่าอาคยา, อา แฮโน แพ๊ โตโพ๊ เร๊อ อาโทอาปลื๊อ ลาเฮ๊อ, เร๊อ อา เมแลเปล๊กา เป ตูจูเพร เฮ๊อ.

ꤟꤤꤙꤚꤢꤨ 10:4

เมเตเฮ๊เรอ ปู่เพดุ อาสุ่ย, เปะอาสุ่ย เออเต๊เห่เนอ อา พย๊า ตาพาแก แจ่ เตซื๊อ ตีกี๋ โต่.

เปโตร อาเหร่อเล๊อ ต๊าบ่า 1:2

เพ จอแปแหร่ นว๊าแถ่ หนิ ซี ฮู๊ อา เตเตเนหนื่ออื่อ เร๊อดื่อเนอ เร๊อ จอแปแหร่ อา แหย่โยบูโพ๊ เมบูโพ๊แถ่ ซี, แซ่ฮู๊ ซี เก่ หนิดา เหย่ซู่ครี๊ อาโหง่ เร๊อ เด๊อ อาสุ่ย อาขว่าอาคยา, อา เก่ เมโพ๊เมปลี เป่ ซี. เตบุ๊ยเตเตอเรอ เร๊อ เตเพรอาดือ เก่ โอ่เล๊อะโอ่บา ดื่อ เร๊อ ซี นี๋.

ꤛꤥ꤭ꤟꤢ꤬ 19:5

แบ่เจ่ เหย่ซู่ โก่เถ่หนิ กู๊โก่ ส่อแซ๊ เร๊อ แซ๊เถ่หนิ จาจวา เต๊เผ่ล๊อซอ ตือปือ เร๊อ เถ่โต เหย่ซี. เร๊อ คุ๊ยปีลาต เฮ๊ เหย่ซี เน๊อ, “เออเล๊, อา หม่า แกแย เนอเตเพร เฮ๊อ.” อา เฮ๊ เหย่ซี ฮู๊เนอ.

ꤛꤥ꤭ꤟꤢ꤬ 19:2

เกลอฮู๊ เต๊เห่ อี๊ขุ ตาวา ส่อแช๊เหมาะ แซ่เน๊อ กู๊โก่ เนอเรอ อา โก่แถ่ เป่ เร๊อ เหย่ซู่. เร๊อ อา แซ๊แถ่ เป่ ลู จาจวา เต๊เผ่ล๊อซอ เด๊อ อาแซ่เน๊อ คุ๊ย เหล่แซ๊ เออตือปือ โทเรอ,

ꤗꤢ꤬ꤊꤢꤨ 15:20

เบ๊อะเหย่ซี เมล๊าเมเล งยาโครโทเฮ๊อ ลู เนอ เหย่ซี โปล๊ตาแก คยาแซ๊ จาแจจวา เต๊เผ่ล๊อซอ เนอตือปือ เร๊อ อา แซ๊แถ่ เต๊เปล่ เป คยาแซ๊ ลู เร๊อ อาจา เร๊อดื่อ เนอตือปือ. เหย่ซี เอ๊เถ่จว๊าแก ลู เร๊อ อา เก่ จว๊า มือเซอ แถ่แก ลู เด๊อ อี๊ถื่อดีเต่ลู.

ꤗꤢ꤬ꤊꤢꤨ 15:17

เหย่ซี เมล๊าเมเล งยาโคร แลแค เหย่ซู่ เร๊อ แซ๊แถ่ เป ลู จาแจจวา เต๊เผ่ล๊อซอ ตือปื่อ. โทเรอ เหย่ซี อี๊ขุ ตาวา ส่อแช๊เหมาะ แซ่เน๊อ กู๊โก่ เนอเรอ อา โก่แถ่ เป ลู.

มัทธิว 27:28

โทเรอ เหย่ซี โปล๊แก แบ่เจ่ เหย่ซู่ อาจา เร๊อ อา แซ๊แถ่ เป่ ลู จาจวา ลีล๊อซอ ตือปือ.

ꤟꤤꤙꤚꤢꤨ 12:24

ซี แฮโต่เฮ๊อ เด๊อ เหย่ซู่ อาโอ่ เฮ๊อ เตอ๊อแล. อาเซ เด๊อ แกแยเห่ขุพู๊ เน๊อ จอแปแหร่ อาเปล่กู เออเนอ อา ทวา เป่ เฮ๊อ เพรแรเต เด๊อ อาเปล่กู เตเพร เฮ๊อ. โท๊โต่ ซี แฮโต่เฮ๊อ เด๊อ แบ่เจ่ เหย่ซู่ อาสุ่ย เหล่ทุ๊ยตา อาเหล่โอ่ เด๊อ อาแร๊ เล๊อเล๊อ ปา เจ๊อ เน๊อ คูอาแบล อาสุ่ย เนอ อา โอ่ เฮ๊อ.

ꤟꤤꤙꤚꤢꤨ 1:1

จอแปแหร่ เฮ๊เบ่ ตาครือลา เปเพอเปโพ มู๊หนู่มู๊ส่าเค เต๊เห่ เน๊อ เด๊อ แกล๊โบ เอ๊โล. เร๊อ อา นอเฮ๊เบ่ แฮเง เร๊อ เพรโพร เต๊เห่.

ꤟꤤꤙꤚꤢꤨ 9:13

เด๊อ เป เตซว๊าเตแส่ อาเลอเออ อากูเนอ, เปะ เต๊เห่ เร๊อ ปู่เพดุ เต๊เห่ อาสุ่ย เออ เร๊อ ปู่โหมะโตโล่ เด๊อ อู ชื๊ออือ ทวาลอ ลู เร๊อ กู๊เผ่ เออเต๊เห่เนอ, อู เบ่ เว๊อ เน๊อ แกแย เด๊อ อา โตโพร๊มู๊แเหมะอี๊แอ่ เร๊อ เตจ๊อบู่จ๊อเบ อาเหล่โกล เออเนอ เตเพร อาลู, เมเตเฮ๊เรอ แซ่ฮู๊ อาเหน่กล่อ เก่ อาโพ๊อาแปละ เด๊อ อากลอ ตากยา อาเงเนอเรอ, เหย่ซี เมโพ๊เมปลี ลู ฮู๊เนอ.

ꤟꤤꤙꤚꤢꤨ 9:18

ฮู๊เนอ อาขว่าอาคยา, แซ่ฮู๊ เตอ๊อแล อาเหร่อ เนอตือมือ เก่ เป๊อแถ่ เมเต อาเงเนอ, อา โหล่ เตมีเตดอ เด๊อ อู หลู่แถ่ ลู เออเนอ อาสุ่ย.

ꤟꤤꤙꤚꤢꤨ 10:22

ฮู๊เนอเรอ เป แฮผื่อ แลแค เด๊อ จอแปแหร่ อา โอ่ โป๊. เป เก่ แฮ เน๊อ เป ซิปล่อ เด๊อ อาจ๊ออาเต, เน๊อ เป เตหยื่อ เด๊อ อาตาอาเต เออเต๊เห่ โป๊. เมเตเฮ๊เนอ, เป ซิปล่อ อา เตเตเน มู๊แหม่เออ, แซ่ฮู๊ อา เก่ อาโพ๊อาแปละ อาเงเนอ, อู ซู๊ปลีแก โทเฮ๊อ เป เน๊อ ครี๊ อาสุ่ย เฮ๊อ. โท๊โต่ เปเหน่กล่อ เออเนอ, อู ซู๊ปลี โทเฮ๊อ เน๊อ เทอเช๊อ เออเนอเฮ๊อ.