ꤟꤤꤙꤚꤢꤨ 9:16 - ลีเทส่อพ๊าอาเซ เร๊อ เห่ขุทวาลู๊

¹⁶ เฮ๊โก๊หลื่อ ลี ต๊าบ่า เด๊อ แกแย เตเพรเพร เก่ ราโอ่แก เน๊อ แกแย เออเตเพร เก่ โตเบ่ พย๊าหนิ แกแยเซอ เนอเตเพร อา อู่เจเต๊เหย่ เฮ๊เนอหม่า, แซ่ฮู๊ อา เก่ พย๊าหนิ อู่เจเต๊เหย่ เออเนอ, อา เบ่ แด๊โล เร๊อ แกแย ราแก ลีเออ เตเพร หม่า อา เบ่ เซอ โทเฮ๊อ, ฮู๊เนอ.

Eastern Kayah Shadaw Dialect

¹⁶ ꤟꤢꤩꤊꤥꤚꤣꤧ ꤜꤤ꤬ ꤒꤣ꤬ꤙꤢ꤬ ꤘꤣ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ ꤚꤢ꤭ꤥ꤬ꤊꤢꤧ꤭ ꤔꤢꤧ ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤊꤣꤧ꤬ꤛꤢꤧ꤭ꤞꤣꤧ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤢ꤬ ꤢꤨ꤬ꤡꤢꤩ꤭ꤒꤣꤧ꤬ꤛ꤫ꤢꤩ꤬ ꤟꤢꤩꤔꤣꤧ꤬ꤗꤢ꤬, ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤢꤨ꤬ꤡꤢꤩ꤭ꤒꤣꤧ꤬ꤛ꤫ꤢꤩ꤬ ꤣꤧ꤭ꤔꤣꤧ꤬, ꤢ꤬ ꤙꤢꤩ꤬ ꤘꤣꤧꤜꤥ꤭ ꤔꤢꤧ ꤊꤣꤧ꤬ꤛꤢꤧ꤭ ꤚꤢ꤭ꤊꤢꤧ꤭ ꤜꤤ꤬ꤣꤧ꤭ ꤒꤣ꤬ꤖꤚꤢꤩ꤬ ꤗꤢ꤬ ꤢ꤬ ꤙꤢꤩ꤬ ꤞꤣꤧ꤭ ꤓꤥ꤭ꤟꤣꤧ, ꤟꤢꤨꤔꤣꤧ꤬꤯

ꤟꤤꤙꤚꤢꤨ 9:16 ပူးပေါင်းရင်းမြစ်များ

ꤡꤛꤢꤩ꤭ꤗꤢ꤬ꤎꤣ꤬ 2:10

อูเป๊ เตเพร่ว เบ่เบ่ อา เก่ เมซื๊อ โหง่เฮ๊แก ตือมือ เฮ๊เนอ, อา เมซื๊อ ลอเฮ๊อ โหง่เฮ๊แก ล๋อ ปลี เฮ๊อ.

โครินธ์ อาเหร่อเล๊อ ต๊าบ่า 15:22

แกแยเห่ขุพู๊ ปว๋า เตเพร อากลุยอาแล ตา กาแล แฮเง เด๊อ เป เพอาดัม อา โอ่ อาขว่าอาคยา, แกแย ปว๋า เตเพร เบ่ เซอ ลอ แพ๊. ฮู๊เนอเฮ๊อ, แกแย เด๊อ อา ทวา เฮ๊อ เตอเจ๋อแพ๊ เร๊อ ครี๊ เต๊เห่เนอ, ครี๊ เก่ เมเซอเพร กาคยา ลู ปา.

ꤚꤥꤗꤢꤩ꤬ 6:23

เมเตเฮ๊เรอ, เตซื๊อ อาคว๊าอาเก่ หม่า เตเซอ. หม่าแน๊เรอ เตบุ๊ยเตเตอเรอ อาเชหยู่ เด๊อ จอแปแหร่ เด๊อะตาครา เป เออเนอหมา หม่าเฮ๊อ ซิปล่อเซอเพร ตูจูเพร เด๊อ เป แบ่เจ่ เหย่ซู่ครี๊ อากู เออเนอเฮ๊อ.

ꤚꤥꤗꤢꤩ꤬ 5:12

เมฮู๊เนอเรอ, เด๊อ แกแย เตเพร หนิดา จอแปแหร่ อาโหง่ โต่ อาขว่าอาคยาเร๊อ, แกแย ปว๋า เตเพร เมลอ เฮ๊อ เตซื๊อ เฮ๊อ. เตซื๊อเตปล๊า เออ อา เด๊อะทวาแถ่ เฮ๊อ เตเซอ เฮ๊อ. ฮู๊เนอเรอ เด๊อ เตซื๊อเตปล๊า เออ อาขว่าอาคยาเรอ, แกแย ปว๋า เตเพร แม๊เถอะ ป่อชิเต่อเบ่ ลอ เร๊อ เตเซอ เฮ๊อ.

ꤟꤤꤙꤚꤢꤨ 9:15

เด๊อ เตหรี่เตแก เออ อาขว่าอาคยา, เตเด๊อะบุ๊ยเด๊อะเตอเรอ ตูจูเพร เด๊อ จอแปแหร่ อ๊อแลแก เป่ โทเฮ๊อ แกแย เด๊อ อา เอ๊ ลู เต๊เห่ เก่ หนิเบ่ปา อาเงเนอ, ครี๊ พย๊าแฮหนิ เป่ เฮ๊อ จอแปแหร่ อาแกแย เต๊เห่ เตอ๊อแล อาเซ. เออเต๊อเจ่อ เด๊อ จอแปแหร่ อา โอ่ เฮ๊อ. แซ่ฮู๊ ครี๊ เก่ อี๊ถ่ากา เร๊อ ปลวาเถ่ ปาลา จว๊าแก แกแย โอ่ เด๊อ เตอ๊อแล อาเลอ อาเล เนอเต๊เห่ อาเงเนอ, อา เบ่ ข่าเซอแก อาซิปล่อ. เด๊อ อา ข่าเซอ อาซิปล่อ อาขว่าอาคยา, เหย่ซี พย๊าหนิ เบ๊เกอเฮ๊อ อู่เจเต๊เหย่, อา เตเด๊อะบุ๊ยเด๊อะเตอเรอ ตูจูเพร เด๊อ จอแปแหร่ อ๊อแล โทเฮ๊อ เออเต๊เห่เนอ เฮ๊อ.

ꤟꤤꤙꤚꤢꤨ 9:17

แกแย เด๊อ อา ราแก ลีเซอ เออต๊าบ่า เตเพรเนอ, อา เก่ โอ่เซอเพร ปาแพ๊ เฮ๊เรอ, ลีเออต๊าบ่า เมแจ่ เตอเจ๋อ โต่. หม่าแน๊เรอ ช๋า อา เซอ โทเฮ๊อ ปาหม่า ตื๊อเรอ แกแย เนอเตเพร พย๊าหนิ เนอ แกแยเซอ เนอเตเพร อา อู่เจเต๊เหย่ แพ๊.

ꤟꤤꤙꤚꤢꤨ 1:3

อู เก่ แม๊เถอะ แฮเง จอแปแหร่ อา เตเตอเรอดุทู เด๊อ อากู ปา. อา หม่า อา แซ่ ลอหล่าตี๊กลิ เจ๊อ เน๊อ จอแปแหร่ เฮ๊อ. แซ่ฮู๊ เห่ขุ เร๊อ ม๊อขุ เน๊อ เตแบ๊แถ่ ล๋อ ปลี เต๊เห่ เก่ โอ่ แฮเง ตื๊อดื่อ โป่ เนอ, อา ปื่อหม่า จว่าเกอ เตแบ๊แถ่ ล๋อ ปลี เออเนอ เน๊อ อาโหง่ เด๊อ อาโพรอาเตอเรอ ฉว่าชอ เออเต๊เห่. เบ๊อะอา เมปลื๊อเมโท โทเฮ๊อ ปลวาแก ลอ ล๋อ แกแย เห่ขุพู๊ อาเตซื๊อ เต๊เห่ เบ๊อะเนอ, อา กา แก๊แถ่ เด๊อ ม๊อขุ เร๊อ อา แถ่โอ่แนโอ่ เด๊อ จอแปแหร่ เด๊อ อาโพรอาเตอเรอ อาดุอาทู ตื๊อดื่อ เออเตเพร อากู๊ขุ จ๊อทว๊า ตากยา.

ꤟꤤꤙꤚꤢꤨ 13:20

แซ่ฮู๊ ซี เก่ เมโตเมเบ่ เป่ดื่อ เตเป เตดวา อา จอแปแหร่ เออเตเพร อาซิปล่อ เนอเรอ, ล๋อ เตแร๊ เด๊อ ซี โหล่เบ่ เต๊เห่เนอ, อา เก่ เด๊อ ลอหล่าตี๊กลิ ดื่อ ซี นี๋. เด๊อ เหย่ซู่ครี๊ อาขว่าอาคยา, จอแปแหร่ เก่ เมดื่อเต เด๊อ เปกู ฮู๊ อา โตดื่อ เน๊อ ลูซิปล่อ เนอเต๊เห่ นี๋. จอแปแหร่ เมเซอเพร กาคยา โทเฮ๊อ เป แบ่เจ่ เหย่ซู่ เด๊อ เตเซอ เฮ๊อ. เร๊อ เด๊อ แบ่เจ่ เหย่ซู่ ข่าเซอ อาซิปล่อ เร๊อ อาสุ่ย เบ่ ทุ๊ยแล อาขว่าอาคยา, อา เมหม่าเมกลอแก โทเฮ๊อ จอแปแหร่ อา เตอ๊อแล อาเซ เด๊อ อา โอ่ ตูจูเพร เออเนอตือมือ เฮ๊อ. เด๊อ อา เมเฮ๊อ ฮู๊เนอ อาขว่าอาคยา, เหย่ซู่ ทวา เฮ๊อ เป เพรเกซิหมิ เด๊อ อาดุเล๊ออู เตเพร เฮ๊อ. เป หม่า เหย่ซีซิหมิ เต๊เห่ เฮ๊อ. อู เก่ แด่ดุแด่ทู ดื่อ เหย่ซู่ครี๊ อา ตูจูเพรเง นี๋.