เปเหน่กล่อ เด๊อ อาแซ่เน๊อ หี่ เด๊อ เป โอ่ เกอเร๊อ อา เด๊อ เห่ขุ เออเตเม เนอ, ช๋า อู เมโพร๊แก เฮ๊อ อา ปา, อา ซิ เฮ๊ เฮ๊อ ช๋า เป เซอ ปาหม่า, เป ซิเง เร๊อ จอแปแหร่ เก่ เมโอ่เป่ เฮ๊อ เปหี่เซ หม่าเฮ๊อ เปเหน่กล่อ อาเซ เออเนอ เด๊อ ม๊อขุ เนอ เฮ๊อ. อา เก่ เม เร๊อ อาเหน่ เร๊อ หี่เซ หม่าเฮ๊อ เปเหน่กล่อ อาเซ เออเนอ, อา เซอแจ่ ปา โต่, อา เก่ โอ่หม่าโอ่กลอ ตูจูเพร ปา.
ꤟꤤꤙꤚꤢꤨ 9:11 - ลีเทส่อพ๊าอาเซ เร๊อ เห่ขุทวาลู๊11 หม่าแน๊เรอ กู๊แหน่เออ ครี๊ แฮ ทวาเฮ๊อ ฮู๊ เพรหลู่แต กู่กล๊อ เด๊อ อาดุเล๊อ อู เตเพร เนอเฮ๊อ. อา พย๊าแฮหนิ เป่ เป เตตว่าเตแร๊ เด๊อ อา โอ่ เร๊อ เป กู๊แหน่เออ เต๊เห่ เฮ๊อ. อา จว๊าโน โทเฮ๊อ เด๊อ เหล่สื่อดุ เด๊อ อาดุเล๊อ, อา เล๊อบา เน๊อ แกแย เมเนอ เตเม อากูเฮ๊อ. เหล่สื่อดุ เออเนอ, แกแย ช๊อ เน๊อ อากู๊ขุ เตเพร่ว หม่าโต่, อู แบ๊แล ลู หม่าโต่โต่, อา โอ่ เด๊อ เห่ขุ เออเนอ หม่าโต่โต่. အခန်းကိုကြည့်ပါ။Eastern Kayah Shadaw Dialect11 ꤗꤢ꤬ꤔꤢꤧꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤋꤚꤤ ꤟꤢꤧ꤭ ꤓꤝꤢ꤭ꤟꤣꤧ ꤟꤢꤨ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪ ꤘꤣ ꤢ꤬ꤘꤢꤨ꤬ꤜꤣ ꤢꤨ꤭ ꤒꤣ꤬ꤖꤚꤢꤩ꤬ ꤔꤣꤧ꤬ꤟꤣꤧ꤯ ꤢ꤬ ꤖꤛꤢꤟꤢꤧ꤭ꤔ꤫ꤤ꤬ ꤕ꤫ꤢꤩ꤬ ꤕꤢꤩ꤬ ꤒꤢꤩ꤬ꤒꤝ꤫ꤢ꤬ꤒꤢꤩ꤬ꤚꤢꤧ ꤘꤣ ꤢ꤬ ꤥ꤬ ꤔꤢꤧ ꤕꤢꤩ꤬ ꤊꤢꤨꤔ꤫ꤢꤧ꤬ꤣꤧ꤭ ꤒꤣꤧ꤬ꤟꤢꤩ꤬ ꤟꤣꤧ꤯ ꤢ꤬ ꤡꤝꤢꤔꤥ꤭ ꤓꤥ꤭ꤟꤣꤧ ꤘꤣ ꤜ꤫ꤢꤩ꤬ꤞꤢꤦ꤬ꤘꤢꤨ꤬ ꤘꤣ ꤢ꤬ꤘꤢꤨ꤬ꤜꤣ, ꤢ꤬ ꤜꤣꤙꤢ꤭ꤜꤣ ꤔꤢꤧ ꤊꤣꤧ꤬ꤛꤢꤧ꤭ ꤗꤢꤩ꤬ꤔꤣꤧ꤬ ꤒꤣ꤬ꤗꤢꤩ꤭ ꤢ꤬ꤊꤢꤨ꤭ꤟꤣꤧ꤯ ꤜ꤫ꤢꤩ꤬ꤞꤢꤦ꤬ꤘꤢꤨ꤬ ꤣꤧ꤭ꤔꤣꤧ꤬, ꤊꤣꤧ꤬ꤛꤢꤧ꤭ ꤤ꤬ꤏꤢꤪ ꤔꤢꤧ ꤢ꤬ꤊꤢꤨꤋꤢꤨ꤬ ꤒꤣ꤬ꤖꤚꤢꤩ꤬꤮ ꤗ꤫ꤢ꤬ꤒꤥ꤬, ꤢꤨ꤭ ꤙꤢꤧꤜꤢꤧ꤬ ꤜꤢꤨ꤭ ꤗ꤫ꤢ꤬ꤒꤥ꤬ꤒꤥ꤬, ꤢ꤬ ꤥ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤔꤣꤧ꤬ ꤗ꤫ꤢ꤬ꤒꤥ꤬ꤒꤥ꤬꤯ အခန်းကိုကြည့်ပါ။ |
ꤟꤤꤙꤚꤢꤨ 9:11
30 ပူးပေါင်းရင်းမြစ်များ
กู๊แหน่เออ เป ซิเงโปล เฮ๊อ เน๊อ เตซว๊าเตแส่ เด๊อ คูโมเสส แด่แก เออเนอหมา หม่าแพ๊ เตแหย่โย เตม๊าเตแด เต๊อเจ่อแพ๊. เต อาหม่าแหน่ เด๊อ เตซว๊าเตแส่ ซิหยื่อ ยูโล เออเนอหมา หม่าเฮ๊อ. ล๋อ เตตว่าเตแร๊ เด๊อ อา แฮ แฮเง เด๊อ ครี๊ อา โอ่ เออเต๊เห่เนอ เฮ๊อ เตซว๊าเตแส่ เออเนอ. อา เฮ๊ เน๊อ, ปวาหน่าหน๋า โตเบ่ หลู่แถ่ เตมีเตดอ เออ อาขว่าอาคยา, เมเล๊อเมบาแถ่ แจ่ เป่ ลอ แกแยเห่ขุพู๊ โต่.
แซ่ฮู๊ เป เก่ ซิเง เกอดื่อ อู จอแปแหร่ เด๊อ อาโต เออเตเพรเนอ, เป ซิเงเฮ๊อ เร๊อ จอแปแหร่ อาพู๊คูเออ แฮ เด๊อะ ซิเงโปล เป่ เฮ๊อ. เป เฮ๊อ. เป โอ่ เด๊อ จอแปแหร่ เด๊อ อาโต เออเตเพร เร๊อ อาพู๊คู เหย่ซู่ครี๊ เออเตเพร อากู เฮ๊อ. อา หม่า จอแปแหร่ เด๊อ อาโต เตเพร, โท๊โต่ จอแปแหร่ เด๊อ อา เด๊อะ อู ซิปล่อเซอเพร ตูจูเพร เตเพร.
ฮู๊เนอ อาขว่าอาคยา แซ่ฮู๊ แบ่เจ่ เหย่ซู่ เก่ ทวาดื่อ เพร เด๊อ อา เม จอแปแหร่ อา เตเอ่เตแร ฮู๊ เพรหลู่แต กู่กล๊อดุเล๊อ เด๊อ อาจ๊อ เร๊อ อาโหง่ เร๊อ อา ซิยอแจ่ อู เตเพร. โท๊โต่ แซ่ฮู๊ อา เก่ ข่าเซอเป่ เด๊อ แกแย เต๊เห่ อา เตเมซื๊อ เต๊เห่ เก่ ปลวาแก อาเงเนอ, อา แฮแล พย๊า แกแยเห่ขุพู๊ อาเหล่โกล แซ่เน๊อ อาโป่อาแหม่ เออเนอเต๊เห่ เฮ๊อ.
เพรอิลออี๊โหล่ อู โอ่โลแถ่ เอ๊ลู เด๊อ เห่ขุ เออ เฮ๊อ. เหย่ซู่ครี๊ แฮแล เด๊อ เห่ขุเออ, อา แฮ เร๊อ แกแยเห่ขุพู๊ อา สุ่ยเทอพ๊าหย่า เนอ, เหย่ซี เนอเต๊เห่ หม่า อา อ๊อแล เกออู โต่. แกแย เด๊อ อา อ๊อแล เกออู ฮู๊เนอ โต่ เตเพรเพร เฮ๊เนอหม่า หม่าเฮ๊อ แกแย อิลออี๊โหล่ อู เฮ๊อ. เร๊อ อา หม่า หม่าเฮ๊อ แกแย เด๊อ อา ซิเถ่ ครี๊ เนอ เตเพร เฮ๊อ.
แกแย เด๊อ อู เอ๊ อา เร๊อ เตลาเตโหง่ เออเตเพรเนอ, อา แฮทวา ฮู๊ แกแย เนอ เร๊อ อา แฮ โอ่เซอเพร เฮ๊อ เด๊อ เปเกล. เป แม๊เถอะเฮ๊อ อา เตเตอเรอดุ เตอเรอทู. จอแปแหร่ อาพู๊คู ย๊อโอ่ตื้อ เตเพรแพ๊ อาขว่าอาคยา, อา พย๊าหนิ ลอปลี เจ๊อ เตเตอเรอดุ เตอเรอทู เออ เด๊อ อาเพโอ่ เจ๊อ. อา หม่า แกแย เด๊อ อา เล๊อบา เร๊อ เตบุ๊ยเตเตอเรอ เร๊อ เตหมะเตจ๊อ เตเพร.
ฮู๊เนอเรอ, เตแป่เตเช เด๊อ แว แม๊เถอะเบ่ เออเต๊เห่เนอ, แว แด่เน๊ออาเส่ เตอเจ๋อ โต่. เต เด๊อ อา โอ่ จิจือหมะ เล๊อ เด๊อ แว ซิปล่อกู เต๊อเจ่อเนอหม่า หม่าเฮ๊อ เตตว่าเตแร๊ เด๊อ จอแปแหร่ เก่ เด๊อะ แว ปา เออเนอ แพ๊. เต เด๊อ เป แม๊เถอะแจ่ เต๊เห่เนอ, อา เก่ โอ่งยา แพ๊ เตอเปลอฮู๊ แพ๊, หม่าแน๊เรอ เต เด๊อ เป แม๊เถอะแจ่โต่ เต๊เห่เนอ, อา เก่ โอ่งยา เจ๊อ ตูจูเพร ปา.
ကြော်ငြာတွေ