ꤟꤤꤙꤚꤢꤨ 8:8 - ลีเทส่อพ๊าอาเซ เร๊อ เห่ขุทวาลู๊8 หม่าแน๊เรอ จอแปแหร่ แด่ เตซื๊อ เด๊อ อาแกแย เต๊เห่ อาลู เร๊อ อา เฮ๊ เน๊อ, “ค๊าขิ เด๊อ แว เก่ เม เตอ๊อแล อาเซ เร๊อ อิสราเอลพู๊ เต๊เห่ เบ่เบ่, แกแยยิวพู๊ เต๊เห่ เบ่เบ่ อา เก่ แฮโต่ปา,” อา เฮ๊ ฮู๊เนอ. အခန်းကိုကြည့်ပါ။Eastern Kayah Shadaw Dialect8 ꤗꤢ꤬ꤔꤢꤧꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ ꤒꤢꤩ꤬ꤞꤢꤦ ꤘꤣ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢ꤬ꤜꤥ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤏꤣꤧꤋꤢꤩ꤭ ꤘꤣ ꤠꤢꤧ꤭ ꤊ꤫ꤢꤦ꤬ ꤗꤢꤩ꤬ ꤒꤢꤩ꤬ꤣ꤭ꤜꤢꤧ꤬ ꤢ꤬ꤞꤢꤩ꤭ ꤔꤢꤧ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬ ꤢ꤬ ꤊ꤫ꤢꤦ꤬ ꤟꤢꤧ꤭ꤒ꤫ꤥ꤬ꤕꤢ꤭,” ꤢ꤬ ꤟꤢꤩ ꤟꤢꤨꤔꤣꤧ꤬꤯ အခန်းကိုကြည့်ပါ။ |
ꤟꤤꤙꤚꤢꤨ 8:8
25 ပူးပေါင်းရင်းမြစ်များ
เด๊อ เตหรี่เตแก เออ อาขว่าอาคยา, เตเด๊อะบุ๊ยเด๊อะเตอเรอ ตูจูเพร เด๊อ จอแปแหร่ อ๊อแลแก เป่ โทเฮ๊อ แกแย เด๊อ อา เอ๊ ลู เต๊เห่ เก่ หนิเบ่ปา อาเงเนอ, ครี๊ พย๊าแฮหนิ เป่ เฮ๊อ จอแปแหร่ อาแกแย เต๊เห่ เตอ๊อแล อาเซ. เออเต๊อเจ่อ เด๊อ จอแปแหร่ อา โอ่ เฮ๊อ. แซ่ฮู๊ ครี๊ เก่ อี๊ถ่ากา เร๊อ ปลวาเถ่ ปาลา จว๊าแก แกแย โอ่ เด๊อ เตอ๊อแล อาเลอ อาเล เนอเต๊เห่ อาเงเนอ, อา เบ่ ข่าเซอแก อาซิปล่อ. เด๊อ อา ข่าเซอ อาซิปล่อ อาขว่าอาคยา, เหย่ซี พย๊าหนิ เบ๊เกอเฮ๊อ อู่เจเต๊เหย่, อา เตเด๊อะบุ๊ยเด๊อะเตอเรอ ตูจูเพร เด๊อ จอแปแหร่ อ๊อแล โทเฮ๊อ เออเต๊เห่เนอ เฮ๊อ.
แซ่ฮู๊ เป เก่ อิซว๊า โด่แนโปลเบ๊ เป่ อู เตอ๊อแล อาเซเออ อาเงเนอ, เพร เด๊อ อา เด๊อะตา เป เตแจ่เตลีแม เออเนอหมา จอแปแหร่ เออเตเพร เฮ๊อ. เตอ๊อแล อาเซ เด๊อ อา เด๊อะตา เออเนอหมา อาแซ่เน๊อ อู รา โอ่ คูโมเสส อา เตซว๊าเตแส่ เนอ หม่าโต่. เตอ๊อแล อาเซ เออเนอหมา อา ตาเต ซิเลเกอเร๊อ แหย่โยบูโพ๊ แบ่เจ่ เมเต เด๊อ เป ซิปล่อกู เออเนอ แพ๊. เป เก่ ซิเลเกอเร๊อ เตซว๊าเตแส่ เด๊อ อู ราโอ่ เออเนอ เฮ๊เนอเรอ เป เก่ พย๊าหนิ เตเซอ ปา, หม่าแน๊เรอ แหย่โยบูโพ๊ แบ่เจ่ เออเนอ อา พย๊าแฮหนิ เป่ เป ซิปล่อเซอเพร ตูจูเพร เฮ๊อ.
เหย่ซี เอ่โท ค๊อมู เร๊อ, อา พย๊าแถ่ลาติ แท๊ทือเส่เทอเบ เร๊อ อา เมแซ่ เกอ ฮู๊ อา เมเหร่อ เนอ, เร๊อ อา เฮ๊ เน๊อ, “แท๊ทือเส่เทอ เออเนอหมา หม่าเฮ๊อ จอแปแหร่ เตอ๊อแล อาเซ อา เตม๊าเตแด เต๊อเจ่อ. จอแปแหร่ เมหม่าเมกลอ ตาเตแก โทเฮ๊อ เตอ๊อแล เออเนอ เร๊อ แวสุ่ย เด๊อ อา ทุ๊ยตา เด๊อ ซิเง เออเนอ เฮ๊อ. ซี โอ แท๊ทือเส่เทอ เออ เบ๊อะเกเต๋ เบ่เบ่เนอ, แซ่ฮู๊ ซี เก่ ซิเงแถ่เบ่ โต่ แว ปว๋า โตโพ๊ เนอเรอ, เม แลแค ฮู๊เออ เนอ นี๋.”
เตอ๊อแลโหง่ อาเซ เด๊อ จอแปแหร่ เมทวาแถ่ เป่เฮ๊อ เป เด๊อ เป เก่ พย๊าหนิ เตปาลา อาเง เออตือมือ เนอ, อาแร๊ เล๊อปา เจ๊อ เร๊อ เตอ๊อแลโหง่ เด๊อ อาเลอ เนอตือมือ เจ๊อ. เมเตเฮ๊เรอ, จอแปแหร่ แบแล โทเฮ๊อ อาโหง่ ฮู๊เนอ อาขว่าอาคยา, เหย่ซู่ หม่า หม่าเฮ๊อ เพร เด๊อ อา เก่ เมเล๊อบา ตาเต เป่ เป เตอ๊อแล อาเซเออ ตือมือ เตเพร เฮ๊อ.
เหย่ซู่ เมเต ฮู๊ เพรหลู่แตเต เตเพรเนอ, อาแร๊ เล๊อปา เจ๊อ เน๊อ เพรหลู่แต เด๊อ เห่ขุ เออเต๊เห่ เมเนอ เจ๊อ. ฮู๊เนอเฮ๊อ, จอแปแหร่ อา เตอ๊อแล อาเซ เด๊อ เหย่ซู่ พย๊าแฮหนิ เออเนอหมา อาแร๊เล๊อ ปา เจ๊อ เร๊อ เตอ๊อแล อาเลอ เออเนอ เจ๊อ. เตอ๊อแล อาเซ เออเนอ, อา ตาเต ซิเลเกอเร๊อ เตอ๊อแล เด๊อ อาแร๊เล๊อ เต๊เห่ อาลู.
ကြော်ငြာတွေ