ꤟꤤꤙꤚꤢꤨ 8:5 - ลีเทส่อพ๊าอาเซ เร๊อ เห่ขุทวาลู๊

⁵ เหล่สื่อดุ บูโพ๊ เด๊อ เพรหลู่แตเนอ เต๊เห่ โนเม เกอเร๊อ ลู เด๊อ เห่ขุ เออเตเม เนอหม่า, อา แม๊ แบ๊บือเกอ จอแปแหร่ อา เตหลู่เเตโฮ หม่าแหน่ เด๊อ ม๊อขุ เนอเตเม แพ๊. เหล่สื่อดุ เออเตเม เนอ อา หม่าแหน่ หม่าโต่, หม่าแพ๊ เด๊อ ม๊อขุ อา หม่าแหน่ เนอเตเม อา แหย่โย แพ๊. เมเตเฮ๊เรอ, เบ๊อะจอแปแหร่ นออิ ช๊อแถ่ คูโมเสส เหล่สื่อดุ เด๊อ เห่ขุเออ เบ๊อะเนอ, อา เฮ๊ ลู เน๊อ, “ครวาเม แบ๊บือ ตาเตแร๊ แซ่เกอลอ ฮู๊ อู เด๊อะโล โทเฮ๊อ เน ม๊อขุ เตหลู่เเตโฮ อาแหย่โย เด๊อ โฉ่ขุเค เนอนี๋,” จอแปแหร่ เฮ๊ ลู ฮู๊เนอ.

Eastern Kayah Shadaw Dialect

⁵ ꤜ꤫ꤢꤩ꤬ꤞꤢꤦ꤬ꤘꤢꤨ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤥ꤬ꤚꤣꤧꤘꤢꤦ꤬ ꤘꤣ ꤖꤚꤢꤩ꤬ꤜꤢꤨ꤭ꤒꤢꤧ꤭ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤔꤥ꤭ꤗꤢꤩ꤬ ꤚꤣꤧꤘꤢꤦ꤬ ꤜꤢꤨ꤭ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣ꤬ꤗꤢꤩ꤭ ꤔꤣꤧ꤬ꤗꤢ꤬, ꤢ꤬ ꤗꤢꤧ ꤙꤢꤧꤙꤢꤦ꤭ꤊꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤗ꤫ꤢ꤬ꤔꤤꤔꤢꤧ꤬ ꤘꤣ ꤗꤢꤪꤋꤢꤨ꤬ ꤔꤣꤧ꤬ꤒꤣ꤬ꤗꤢꤩ꤭ ꤖꤢꤧ꤯ ꤜ꤫ꤢꤩ꤬ꤞꤢꤦ꤬ꤘꤢꤨ꤬ ꤣꤧ꤭ꤒꤣ꤬ꤗꤢꤩ꤭ ꤔꤣꤧ꤬ ꤢ꤬ ꤗ꤫ꤢ꤬ꤔꤤꤔꤢꤧ꤬ ꤗ꤫ꤢ꤬ꤒꤥ꤬, ꤗ꤫ꤢ꤬ꤖꤢꤧ ꤘꤣ ꤗꤢꤪꤋꤢꤨ꤬ ꤢ꤬ ꤗ꤫ꤢ꤬ꤔꤤꤔꤢꤧ꤬ ꤔꤣꤧ꤬ꤒꤣ꤬ꤗꤢꤩ꤭ ꤢ꤬ ꤛ꤫ꤢꤧ꤬ꤛꤥ꤬ꤛ꤫ꤢꤧ꤬ꤊꤤ꤬ ꤖꤢꤧ꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤤ꤬ꤏꤢꤪꤓꤢꤧ꤬ ꤋꤢꤨ꤭ꤗꤢꤪꤎꤢꤧ ꤜ꤫ꤢꤩ꤬ꤞꤢꤦ꤬ꤘꤢꤨ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤟꤢꤩ ꤜꤢꤨ꤭ ꤔꤢꤧ, “ꤋꤚꤝꤢ꤭ꤗꤢꤩ꤬ ꤙꤢꤧꤙꤢꤦ꤭ ꤒꤢ꤭ꤒꤢꤩ꤬ꤚꤢꤧ ꤞꤢꤧꤊꤣꤧ꤭ꤜꤢꤪ꤭ ꤟꤢꤨ ꤢꤨ꤭ ꤘꤣꤧꤜꤥ꤭ ꤓꤥ꤭ꤟꤣꤧ ꤔꤢꤧ꤬ ꤗꤢꤪꤋꤢꤨ꤬ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤢ꤬ꤛ꤫ꤢꤧ꤬ꤛꤥ꤬ ꤘꤣ ꤏꤥ꤬ꤋꤢꤨ꤬ꤋꤢꤩ꤭ ꤔꤣꤧ꤬ꤔꤤ,” ꤡꤢꤪꤗꤣꤧ꤬ꤚꤢꤧ꤬ ꤟꤢꤩ ꤜꤢꤨ꤭ ꤟꤢꤨꤔꤣꤧ꤬꤯

ꤟꤤꤙꤚꤢꤨ 8:5 ပူးပေါင်းရင်းမြစ်များ

โคโลสี 2:17

เมเตเฮ๊เรอ, มู๋ หนู่เคเนอ, จอแปแหร่ เด๊อะตา เตซว๊าเตแส่, เมป่วยเมลา เออเต๊เห่ เร๊อ ล๋อ เต เออเต๊เห่ เนอหม่า, อาแซ่เน๊อ เตแหย่โยเออ เด๊อ อา เด๊อะโล เน๊อ เต เตเร ทวาแถ่ เด๊อ เง ฮู๊เต ปา เนอแพ๊. อาเหน่แบ่เจ่ หม่าแหน่ แหน่ หม่า ครี๊ แพ๊.

ꤟꤤꤙꤚꤢꤨ 10:1

กู๊แหน่เออ เป ซิเงโปล เฮ๊อ เน๊อ เตซว๊าเตแส่ เด๊อ คูโมเสส แด่แก เออเนอหมา หม่าแพ๊ เตแหย่โย เตม๊าเตแด เต๊อเจ่อแพ๊. เต อาหม่าแหน่ เด๊อ เตซว๊าเตแส่ ซิหยื่อ ยูโล เออเนอหมา หม่าเฮ๊อ. ล๋อ เตตว่าเตแร๊ เด๊อ อา แฮ แฮเง เด๊อ ครี๊ อา โอ่ เออเต๊เห่เนอ เฮ๊อ เตซว๊าเตแส่ เออเนอ. อา เฮ๊ เน๊อ, ปวาหน่าหน๋า โตเบ่ หลู่แถ่ เตมีเตดอ เออ อาขว่าอาคยา, เมเล๊อเมบาแถ่ แจ่ เป่ ลอ แกแยเห่ขุพู๊ โต่.

ꤟꤤꤙꤚꤢꤨ 9:9

เตเออเต๊เห่ หม่า อา ซิหยื่อ เด๊อะโลโข่เฮ๊อ เป เตม๊าเตแด เด๊อ เป ทือเค กู๊แหน่เค เออเต๊เห่ เฮ๊อ. อา ซิหยื่อ ยูโลเฮ๊อ เป เร๊อ เตหลู่แตเต เออเต๊เห่ เร๊อ เตมีเตดอ เด๊อ อู หลู่แถ่ อา เออเต๊เห่เนอ, อา เม เมโพ๊เมแปละแจ่ เป่ เพร แฮ จ๊อบู่จ๊อเบแถ่ เตเออ เต๊เห่ อาซิปล่อ โต่.

ꤟꤤꤙꤚꤢꤨ 12:25

ฮู๊เนอเร๊อ, แซ่ฮู๊ ซี เก่ ทวา แต่ แกแย เด๊อ อา หนิโฮ จอแปแหร่ อาโหง่พราแถ่ เร๊อ อา เท๊ฉื่อแก จอแปแหร่ เนอเต๊เห่ อาเตเมเนอ, รอหนิ แลแค ซีเหน่ นี๋. เบ๊อะอิสราเอลพู๊ เต๊เห่ หนิโฮ เตเด๊อะรอ เหย่ซี เด๊อ เห่ขุเออ เบ๊อะเนอ, เหย่ซี หนิดา แลแค ลูโหง่ โต่. ฮู๊เนอเร๊อ อา เกล๊ แลเปล๊เบ๊ แลแค เน๊อ เตเมจากาคยาโต่ เก่ เมฮู๊เนอเร๊อ เปเก่ เท๊ฉื่อแก เด๊อ ม๊อขุ เออเตเพร เด๊อะรอเปเออ เก่เฮ๊เรอ, เตเนแม๊มอ, ซี เกล๊ แลเปล๊ เบ๊แจ่ ปา เจ๊อแหน่ เน๊อ จอแปแหร่ อา เตจามือกาคยา ตีกี๋ เจ๊อแหน่โต่เฮ๊อ.

ꤟꤤꤙꤚꤢꤨ 11:7

เด๊อ เพโนอาห์ อาเตหยื่อ อาขว่าอาคยา, จอแปแหร่ เด๊อะรอ หนื่ออื่อ ลู เตเด๊อ อา แม๊เถอะ ซิเง ล๋ายโต่ เด๊อ อา เก่ ทวาแถ่ ช๋า เนอปา เนอเต๊เห่. อา เบ่หยื่อเบ่แหน่ จอแปแหร่, อา หนิดา ลูโหง่ เร๊อ อา เมแถ่ ส่อเกลอดุ เด๊อ อา เก่ เมแลเปล๊กา เน๊อ อา หี่ด๊อหี่แพพู๊ อาเง เต๊เบ่. เด๊อ เพโนอาห์ เตหยื่อ อาขว่าอาคยา, อา เด๊อะโล เน๊อ จอแปแหร่ เก่ เมจากาคยา แกแย เห่ขุพู๊ เต๊เห่ ปา. เร๊อ เด๊อ อาเตหยื่อ ขว่าคยา, จอแปแหร่ แด่เฮ๊อ อา ฮู๊ แกแยจ๊อแกแยเต เตเพร เฮ๊อ.

เพรโด่แนพู๊ เต๊เห่ 7:44

“เบ๊อะเป โหมะเพเพอโพ เด๋อ งย๊าเค โอ่ปา เด๊อ เก่เชเทอแก หล่อตาม๊าขุ เบ๊อะเนอ, เหย่ซี ช๊อแถ่ แลแค เหล่สื่อ เด๊อ จอแปแหร่ แด๊โฉ่โล เป่ เหย่ซี เนอเตเม. อา ช๊อแถ่ เหล่สื่อดุเออ ฮู๊ จอแปแหร่ เฮ๊โฉ่โลหนิ เป่เฮ๊อ คูโมเสส เร๊อ อา เด๊อะโล เป่โทเฮ๊อ ลู เนอแพ๊.

มัทธิว 2:12

เร๊อ จอแปแหร่ เด๊อะรอเด๊อะเร เพรลีแมลีเพ๊ เออเต๊เห่ เด๊อ อา เตโอ่เมอแหม่ อากู เน๊อ เหย่ซี เก่ กาโต ปา แต่ คุ๊ยเฮโรด แต่เหม่. เร๊อ เหย่ซี กาโค๊แก แกล๊ เด๊อ อาโร โตโบ เด๊อ อาเก่.

ꤟꤤꤙꤚꤢꤨ 13:10

เป เด๊อ อา หยื่อเอ่ ครี๊ เต๊เห่ อาเงเนอ, เป โอ่ เฮ๊อ เน๊อ เป เตหลู่เหร่. หม่าแน๊เรอ แกแยยิวพู๊ เพรหลู่แตเต เด๊อ อา หลู่แตแถ่ เต เร๊อ อา เมเต เด๊อ เหล่สื่อดุ อากู เต๊เห่เนอ, เตหลู่แต เด๊อ เป เอ่ เร๊อ อาหนิ เนอ เหย่ซี เอ่หนิ เกออู โต่.

เตเด๊อะโลแถ่ 15:5

โทเรอ แวแม๊ เร๊อ แวแม๊เถอะ เตหลู่แตโฮหม่าเฮ๊อ จอแปแหร่ เตอ๊อแล เหล่สื่อดุ เด๊อ ดอบูม๊อขุ อาเหล่โอ่ บูโพ๊เล๊ออู เนอโต๊โผะ ลูโมแอ.