ꤟꤤꤙꤚꤢꤨ 8:13 - ลีเทส่อพ๊าอาเซ เร๊อ เห่ขุทวาลู๊

¹³ จอแปแหร่ เฮ๊ เน๊อ เออ หม่า เตอ๊อแล อาเซ เต๊อเจ่อเฮ๊อ อาขว่าอาคยา, อา นอทวาแถ่แก เตอ๊อแล อาเลอ เออเนอ เน๊อ อา โหล่ ปาโต่เฮ๊อ. อาเลออาหลว่า เฮ๊อ, อู โหล่ปา ลู โต่เฮ๊อ, เร๊อ งยาแต๋โต่ ปาหม่า, อา เก่ โอ่เหม่แก เฮ๊อ.

Eastern Kayah Shadaw Dialect

¹³ ꤡꤢꤪꤗꤣꤧ꤬ꤚꤢꤧ꤬ ꤟꤢꤩ ꤔꤢꤧ ꤣꤧ꤭ ꤗꤢ꤬ ꤒꤢꤩ꤬ꤣ꤭ꤜꤢꤧ꤬ ꤢ꤬ꤞꤢꤩ꤭ ꤒꤣ꤬ꤡꤣ꤬ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤔꤢꤪ꤭ꤓꤝꤢ꤭ꤓꤢꤧ꤬ꤊꤢꤧ꤭ ꤒꤢꤩ꤬ꤣ꤭ꤜꤢꤧ꤬ ꤢ꤬ꤜꤣꤧ꤬ ꤣꤧ꤭ꤔꤣꤧ꤬ ꤔꤢꤧ ꤢ꤬ ꤜ꤫ꤥ꤬ ꤕꤢ꤬ꤒꤥ꤬ꤟꤣꤧ꤯ ꤢ꤬ꤜꤣꤧ꤬ꤢ꤬ꤜꤝ꤫ꤢ꤬ ꤟꤣꤧ, ꤢꤨ꤭ ꤜ꤫ꤥ꤬ꤕꤢ꤬ ꤜꤢꤨ꤭ ꤒ꤫ꤥ꤬ꤟꤣꤧ, ꤚꤣꤧ꤬ ꤑꤢ꤭ꤒꤢꤧ꤬ꤒꤥ꤬ ꤕꤢ꤭ꤗꤢ꤬, ꤢ꤬ ꤊ꤫ꤢꤦ꤬ ꤥ꤬ꤗ꤫ꤢꤩ꤬ꤊꤢꤧ꤭ ꤟꤣꤧ꤯

ꤟꤤꤙꤚꤢꤨ 8:13 ပူးပေါင်းရင်းမြစ်များ

โครินธ์ เนอบ่า ต๊าบ่า 5:17

แกแย เตเพรเพร เด๊อ อา ทวาแถ่ เฮ๊อ เต๊อเจ๋อ แพ๊ เน๊อ ครี๊ เนอ, อา ทวาแถ่ เฮ๊อ แกแย เตเพร เด๊อ จอแปแหร่ แบ๊แล เต๊เปล่ เซ ลู เฮ๊อ. อา วีแก แก อา เตโอ่เซอเพร อาเลอ เต๊เห่ เร๊อ อา โอ่เซอเพร เต๊เปล่แก เด๊อ อาเซ เฮ๊อ.

ꤟꤤꤙꤚꤢꤨ 9:15

เด๊อ เตหรี่เตแก เออ อาขว่าอาคยา, เตเด๊อะบุ๊ยเด๊อะเตอเรอ ตูจูเพร เด๊อ จอแปแหร่ อ๊อแลแก เป่ โทเฮ๊อ แกแย เด๊อ อา เอ๊ ลู เต๊เห่ เก่ หนิเบ่ปา อาเงเนอ, ครี๊ พย๊าแฮหนิ เป่ เฮ๊อ จอแปแหร่ อาแกแย เต๊เห่ เตอ๊อแล อาเซ. เออเต๊อเจ่อ เด๊อ จอแปแหร่ อา โอ่ เฮ๊อ. แซ่ฮู๊ ครี๊ เก่ อี๊ถ่ากา เร๊อ ปลวาเถ่ ปาลา จว๊าแก แกแย โอ่ เด๊อ เตอ๊อแล อาเลอ อาเล เนอเต๊เห่ อาเงเนอ, อา เบ่ ข่าเซอแก อาซิปล่อ. เด๊อ อา ข่าเซอ อาซิปล่อ อาขว่าอาคยา, เหย่ซี พย๊าหนิ เบ๊เกอเฮ๊อ อู่เจเต๊เหย่, อา เตเด๊อะบุ๊ยเด๊อะเตอเรอ ตูจูเพร เด๊อ จอแปแหร่ อ๊อแล โทเฮ๊อ เออเต๊เห่เนอ เฮ๊อ.

โครินธ์ อาเหร่อเล๊อ ต๊าบ่า 13:8

เตโมเนอ อาตื๊อดื่อ แจโต่, อา โอ่หม่าโอ่กลอ ตูจูเพร. เพรโพร เต๊เห่ อา เตเฮ๊เบ่ เต๊เห่ เบ่เบ่, เตเฮ๊เบ่แจ่ โหง่โค๊ตีกลี๊ เต๊เห่ เบ่เบ่, เตซิเงโปลเพ๊ เต๊เห่ เบ่เบ่, อา โอ่ อาหม่ากลอ ตูจูเพร หม่าโต่, อา เก่ โอ่เหม่แก ลอ ปา.

มัทธิว 24:35

ม๊อขุ เร๊อ เห่ขุ เก่ อาโอ่เหม่แก ปา ตื๊อดื่อเรอ แวลาแวโหง่ เออเต๊เห่เนอ อาโอ่เหม่แก เป่ แตแค๋ โต่.

ꤜꤢꤨꤊꤢ꤬ 22:20

เบ๊อะอา เอ่โทเฮ๊อ ค๊อมู เบ๊อะเนอ, อา พย๊าแถ่ เบเออ เร๊อ อา เม แซ่เกอดื่อ ฮู๊ อา เม ค๊อมูเนอ เร๊อ อา เฮ๊ เน๊อ, “เออ หม่า แวสุ่ย เด๊อ อา เมหม่าเมกลอ เตอ๊อแล อาเซ เร๊อ อา ทุ๊ยตา เด๊อ ซีเง เออเนอ เฮ๊อ.

โครินธ์ เนอบ่า ต๊าบ่า 3:6

แซ่ฮู๊ เป เก่ อิซว๊า โด่แนโปลเบ๊ เป่ อู เตอ๊อแล อาเซเออ อาเงเนอ, เพร เด๊อ อา เด๊อะตา เป เตแจ่เตลีแม เออเนอหมา จอแปแหร่ เออเตเพร เฮ๊อ. เตอ๊อแล อาเซ เด๊อ อา เด๊อะตา เออเนอหมา อาแซ่เน๊อ อู รา โอ่ คูโมเสส อา เตซว๊าเตแส่ เนอ หม่าโต่. เตอ๊อแล อาเซ เออเนอหมา อา ตาเต ซิเลเกอเร๊อ แหย่โยบูโพ๊ แบ่เจ่ เมเต เด๊อ เป ซิปล่อกู เออเนอ แพ๊. เป เก่ ซิเลเกอเร๊อ เตซว๊าเตแส่ เด๊อ อู ราโอ่ เออเนอ เฮ๊เนอเรอ เป เก่ พย๊าหนิ เตเซอ ปา, หม่าแน๊เรอ แหย่โยบูโพ๊ แบ่เจ่ เออเนอ อา พย๊าแฮหนิ เป่ เป ซิปล่อเซอเพร ตูจูเพร เฮ๊อ.

ꤟꤤꤙꤚꤢꤨ 1:11

เห่ขุ เร๊อ ม๊อเล เต๊เห่ เก่ ปย๊าแก ลอ ปา หม่าแน๊เรอ เน เก่ โอ่แฮเง ตื๊อดื่อ ตูจูเพร ปา. เห่ขุ เร๊อ ม๊อเล เต๊เห่ เก่ แลเยแลหมื่อแก ฮู๊ เห่อจาเลอ เห่อจาหลว่า เนอเต๊เห่ ปา.

ꤟꤤꤙꤚꤢꤨ 7:22

เตอ๊อแลโหง่ อาเซ เด๊อ จอแปแหร่ เมทวาแถ่ เป่เฮ๊อ เป เด๊อ เป เก่ พย๊าหนิ เตปาลา อาเง เออตือมือ เนอ, อาแร๊ เล๊อปา เจ๊อ เร๊อ เตอ๊อแลโหง่ เด๊อ อาเลอ เนอตือมือ เจ๊อ. เมเตเฮ๊เรอ, จอแปแหร่ แบแล โทเฮ๊อ อาโหง่ ฮู๊เนอ อาขว่าอาคยา, เหย่ซู่ หม่า หม่าเฮ๊อ เพร เด๊อ อา เก่ เมเล๊อบา ตาเต เป่ เป เตอ๊อแล อาเซเออ ตือมือ เตเพร เฮ๊อ.

ꤟꤤꤙꤚꤢꤨ 8:6

เหย่ซู่ เมเต ฮู๊ เพรหลู่แตเต เตเพรเนอ, อาแร๊ เล๊อปา เจ๊อ เน๊อ เพรหลู่แต เด๊อ เห่ขุ เออเต๊เห่ เมเนอ เจ๊อ. ฮู๊เนอเฮ๊อ, จอแปแหร่ อา เตอ๊อแล อาเซ เด๊อ เหย่ซู่ พย๊าแฮหนิ เออเนอหมา อาแร๊เล๊อ ปา เจ๊อ เร๊อ เตอ๊อแล อาเลอ เออเนอ เจ๊อ. เตอ๊อแล อาเซ เออเนอ, อา ตาเต ซิเลเกอเร๊อ เตอ๊อแล เด๊อ อาแร๊เล๊อ เต๊เห่ อาลู.

ꤟꤤꤙꤚꤢꤨ 8:8

หม่าแน๊เรอ จอแปแหร่ แด่ เตซื๊อ เด๊อ อาแกแย เต๊เห่ อาลู เร๊อ อา เฮ๊ เน๊อ, “ค๊าขิ เด๊อ แว เก่ เม เตอ๊อแล อาเซ เร๊อ อิสราเอลพู๊ เต๊เห่ เบ่เบ่, แกแยยิวพู๊ เต๊เห่ เบ่เบ่ อา เก่ แฮโต่ปา,” อา เฮ๊ ฮู๊เนอ.

ꤟꤤꤙꤚꤢꤨ 12:24

ซี แฮโต่เฮ๊อ เด๊อ เหย่ซู่ อาโอ่ เฮ๊อ เตอ๊อแล. อาเซ เด๊อ แกแยเห่ขุพู๊ เน๊อ จอแปแหร่ อาเปล่กู เออเนอ อา ทวา เป่ เฮ๊อ เพรแรเต เด๊อ อาเปล่กู เตเพร เฮ๊อ. โท๊โต่ ซี แฮโต่เฮ๊อ เด๊อ แบ่เจ่ เหย่ซู่ อาสุ่ย เหล่ทุ๊ยตา อาเหล่โอ่ เด๊อ อาแร๊ เล๊อเล๊อ ปา เจ๊อ เน๊อ คูอาแบล อาสุ่ย เนอ อา โอ่ เฮ๊อ.