ꤟꤤꤙꤚꤢꤨ 8:10 - ลีเทส่อพ๊าอาเซ เร๊อ เห่ขุทวาลู๊

¹⁰ ฮู๊เนอเรอ, แบ่เจ่ เฮ๊ เน๊อ เตอ๊อแล อาเซ เด๊อ แว เก่ อ๊อแล เน๊อ อิสราเอลพู๊ ซี เต๊เห่เนอ, แว เก่ เฮ๊ เหย่ซี ฮู๊เออ ปา, แว เก่ ฉู่โน แว เตซว๊าเตแส่ เต๊เห่ เด๊อ เหย่ซี อาซิปล่อ เตเตเน อากู ปา. แว เก่ ราม๊าราแดโอ่ แว เตซว๊าเตแส่ เต๊เห่ เด๊อ เหย่ซี ซิปล่อกู ปา. แว เก่ ทวา เหย่ซี อาจอแปแหร่ ปา เร๊อ เหย่ซี เก่ ทวา แวแกแย ปา.

Eastern Kayah Shadaw Dialect

¹⁰ ꤟꤢꤨꤔꤣꤧ꤬ꤚꤣꤧ꤬, ꤙꤢꤧ꤬ꤡꤢꤩ꤬ ꤟꤢꤩ ꤔꤢꤧ ꤒꤢꤩ꤬ꤣ꤭ꤜꤢꤧ꤬ ꤢ꤬ꤞꤢꤩ꤭ ꤘꤣ ꤠꤢꤧ꤭ ꤊ꤫ꤢꤦ꤬ ꤣ꤭ꤜꤢꤧ꤬ ꤔꤢꤧ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤟꤢꤩ ꤛꤢꤩ꤬ꤞꤤ꤭ ꤟꤢꤨꤣꤧ꤭ ꤕꤢ꤭, ꤠꤢꤧ꤭ ꤊ꤫ꤢꤦ꤬ ꤏꤢꤨ꤬ꤔꤥ꤭ ꤠꤢꤧ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣꤧ꤬ꤟꤢꤩ꤬ ꤘꤣ ꤛꤢꤩ꤬ꤞꤤ꤭ ꤢ꤬ꤞꤤꤕꤜꤢꤪ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤢ꤬ꤊꤢꤨ꤭ ꤕꤢ꤭꤯ ꤠꤢꤧ꤭ ꤊ꤫ꤢꤦ꤬ ꤚꤢ꤭ꤗꤢꤚꤢ꤭ꤒꤢꤩ꤭ꤥ꤬ ꤠꤢꤧ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣꤧ꤬ꤟꤢꤩ꤬ ꤘꤣ ꤛꤢꤩ꤬ꤞꤤ꤭ ꤞꤤꤕꤜꤢꤪ꤬ꤊꤢꤨ꤭ ꤕꤢ꤭꤯ ꤠꤢꤧ꤭ ꤊ꤫ꤢꤦ꤬ ꤓꤝꤢ꤭ ꤛꤢꤩ꤬ꤞꤤ꤭ ꤢ꤬ꤡꤢꤪꤗꤣꤧ꤬ꤚꤢꤧ꤬ ꤕꤢ꤭ ꤚꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤓꤝꤢ꤭ ꤠꤢꤧ꤭ꤊꤣꤧ꤬ꤛꤢꤧ꤭ ꤕꤢ꤭꤯

ꤟꤤꤙꤚꤢꤨ 8:10 ပူးပေါင်းရင်းမြစ်များ

โครินธ์ เนอบ่า ต๊าบ่า 3:3

ซี เออเต๊เห่ เนอหม่า, อา แซ่เฮ๊อเร๊อ ลี เด๊อ ครี๊ รา เร๊อ อา ซูแฮ แฮเง เร๊อ เป เออเต๊เห่เนอ เฮ๊อ. หม่าแน๊เรอ อา รา เร๊อ ลีโบ เร๊อ ลีโบเทอ เออเนอ หม่าโต่, โท๊โต่ อา รา โอ่ เด๊อ หล่อบ่าลู ฮู๊ คูโมเสส อาหล่อบ่า เนอ หม่าโต่โต่. ครี๊ นอรา แฮเง เฮ๊อ ลีปล่อเออ เด๊อ ซี ซิปล่อ เต๊เห่ อาลู เร๊อ อา แหย่โยบูโพ๊ แบ่เจ่ เฮ๊อ. จอแปแหร่ เด๊อ อา เซอเพร เออเตเพร นอแฮ แหย่โยบูโพ๊ แบ่เจ่ เก่ แฮ โอ่เซอเพร เด๊อ ซีเหน่ลู เฮ๊อ.

เปโตร อาเหร่อเล๊อ ต๊าบ่า 2:9

หม่าแน๊เรอ ซี หม่าเมวเจอะ เต๊อเจ่อ เด๊อ จอแปแหร่ นว๊าแถ่ อา, เพรหลู่แตเต เด๊อ อาแซ่เน๊อ คุ๊ย เต๊เห่, เมวเจอะ เด๊อ อา บูโพ๊, โท๊โต่ จอแปแหร่ อาแกแย เร๊อดื่อ เจ๊อ เต๊เห่ เฮ๊อ. แซ่ฮู๊ ซี เก่ แด๊โฉ่โล จอแปแหร่ อา เตเมแร๊ โค๊ดื่อ เต๊เห่ อาเงเนอ, จอแปแหร่ นว๊าแถ่ ซี เฮ๊อ. จอแปแหร่ เอ๊เถ่แก ซี เด๊อ เตคี๊ อาเล เร๊อ อา ซูโน ซี เด๊อ อา เตลีเตเค โม อากู เฮ๊อ.

ꤚꤥꤗꤢꤩ꤬ 11:27

เบ๊อะแว พย๊า ตาพาแก โทลอเฮ๊อ เหย่ซี เตซื๊อ เออเต๊เห่ เบ๊อะเนอปาเนอ, แว เม เล๊อบาแถ่ เฮ๊อ แว เตอ๊อแล เร๊อ เหย่ซี เด๊อ เหร่อเคเนอ เนอตือมือ เฮ๊อ.”

ꤡꤛꤢꤩ꤭ꤗꤢ꤬ꤎꤣ꤬ 1:21

ฮู๊เนอเร๊อ วีแก ลอปลี เตซิหย่อซิบี เด๊อ ซี เม โตโมโม อาเนอเต๊เห่ เร๊อ ล๋อ ซี เหล่โกล เด๊อ อา มู๊แหม่รีแจ่ เนอเต๊เห่. เร๊อ ถู่แหล่ เต๊เปล่ แลแค ซี ซิปล่อ เน๊อ หนิดา หยื่อเอ่ เกอ แลแค จอแปแหร่ อาลาอาโหง่ เด๊อ อา อิช๊ออิปลือตา เด๊อ ซี ซิปล่อกู เออเนอเต๊เห่. อาลาอาโหง่ เออเนอหมา อา เมแลเปล๊กา เบ๊แจ่ ซี.

ꤒꤤꤒꤢꤨ 2:14

แซ่ฮู๊ อา เก่ เมแลเปล๊กา เป เด๊อ เตมู๊แหม่รีแจ่ ล๋อ ปลี เต๊เห่ อากู, โท๊โต่ แซ่ฮู๊ อา เก่ เม อาโพ๊อาแปละ กา เป เร๊อ เป เก่ ทวาแถ่ อาแกแย, โท๊โต่ เป เก่ ซิปล่อฉว่า เมเต เด๊อ อาแร๊ เต๊เห่ อาเงเนอ, อา ข่าเซอ เป่ เฮ๊อ อาซิปล่อ เด๊อ เปเง เฮ๊อ.

เปโตร อาเหร่อเล๊อ ต๊าบ่า 1:23

เมเตเฮ๊เรอ จอแปแหร่ อาลาอาโหง่ เออเนอ, อา เซอเพร เร๊อ อา โอ่หม่าโอ่กลอ ตูจูเพร แตแลเคร๊ อาขว่าอาคยา, ซี โอ่เป๊เจ่แล คยาแซ๊ เฮ๊อ โตโพ๊ เฮ๊อ. ซี เตโอ่เซอเพร อาเซ เออเนอหมา, อา แฮ เด๊อ ซีโหมะซีเพ เด๊อ อา เซอแจ่ เออเต๊เห่ อา โอ่ เนอ หม่าโต่. หม่าแน๊เรอ, ซี เตโอ่เซอเพร อาเซ เออเนอหมา, อา แฮ เด๊อ จอแปแหร่ เด๊อ อา เซอแจ่ แตแค๋โต่ เออเตเพร อา โอ่.

ꤡꤛꤢꤩ꤭ꤗꤢ꤬ꤎꤣ꤬ 1:18

เด๊อ เป หนิโฮ เตซิครือมีลา เตหมะเตจ๊อ อาขว่าอาคยาเร๊อ, จอแปแหร่ เด๊อะทวาแถ่ เฮ๊อ เป เน๊อ อาพู๊ จู๋ ดื่อ ฮู๊ อาซิปล่อ เร๊อดื่อ เนอเฮ๊อ. แซ่ฮู๊ เป เก่ ทวาแถ่ ส่อเส่ เด๊อ อาเส่เหร่อเล๊อ อู เต๊เห่ เด๊อะ เตแบ๊แล ล๋อ ปลี เออเต๊เห่ อาเกล เนอเรอ, อา เด๊อะทวาแถ่ เฮ๊อ เป เน๊อ อาพู๊ แพ๊.

ꤟꤤꤙꤚꤢꤨ 11:16

หม่าแน๊เรอ เหย่ซี แม๊ชือ ซิหนิโส่ แหน่เจ๊อ ม๊อขุ เทอเก่ เด๊อ อา โมเล๊อ เออเนอ ต๊าบ่า. ฮู๊เนอเรอ เหย่ซี เอ๊ จอแปแหร่ เร๊อ เหย่ซี จอแปแหร่ เนอ, จอแปแหร่ ซิเตเรโต่. เด๊อ จอแปแหร่ ตี๊หรี่แตแร หนื่ออื่อ เป่เฮ๊อ เหย่ซี วีเออ อาขว่าอาคยา, อา เด๊อะโล เฮ๊อ เน๊อ เหย่ซี เต๊เห่ เก่ เอ๊ จอแปแหร่ เน๊อ เหย่ซี จอแปแหร่ เนอ อา ซิเตเร แลแค โต่.

โครินธ์ อาเหร่อเล๊อ ต๊าบ่า 6:16

แกแย เตเพรเพร เด๊อ อา โอ่เมอ เต่อ เร๊อ แม๊เผ่โหมะ เนอ, อา ทวาแถ่ เฮ๊อ สุ่ยเต่อ หยะเต่อ เร๊อ แม๊เผ่โหมะ เออ เฮ๊อ เนอหม่า ซี ซิเง โต่ แอ? “เหย่ซี เออ ซิเนอ เนอหม่า อา ทวาแถ่ เฮ๊อ ลู สุ่ยเต่อ หยะเต่อ เฮ๊อ” ลีเทส่อพ๊ากู เฮ๊ ฮู๊เนอ.