ꤟꤤꤙꤚꤢꤨ 8:1 - ลีเทส่อพ๊าอาเซ เร๊อ เห่ขุทวาลู๊

¹ กู๊แหน่เออ, เต เด๊อ อา โหล่ดุเล๊อ อู เต๊อเจ่อ เด๊อ แว ซิหยื่อ นอซิเงโปล ซี เนอหม่า หม่าเฮ๊อ เป เพรหลู่แต กู่กล๊อดุเล๊อ เออเตเพร เฮ๊อ. อา หม่า เหย่ซู่ เฮ๊อ. กู๊แหน่เออ อา โอ่แนโอ่ เด๊อ ม๊อขุ เร๊อ อา โอ่แนโอ่ เด๊อ จอแปแหร่ เด๊อะ อาลีอาเตเค, อาโพรอาเตอเรอ เออเตเพร เหล่โอ่แนโอ่ อาจ๊อทว๊า เนอตากยา เฮ๊อ.

Eastern Kayah Shadaw Dialect

¹ ꤊꤢꤨꤔ꤫ꤢꤧ꤬ꤣꤧ꤭, ꤒꤢꤩ꤬ ꤘꤣ ꤢ꤬ ꤜ꤫ꤥ꤬ꤘꤢꤨ꤬ꤜꤣ ꤢꤨ꤭ ꤒꤣ꤬ꤡꤣ꤬ ꤘꤣ ꤠꤢꤧ꤭ ꤞꤤꤛ꤫ꤢꤦ꤬ ꤔꤢꤪ꤭ꤞꤤꤑꤢꤩ꤭ꤕꤜꤥ꤭ ꤞꤤ꤭ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤕꤢꤩ꤬ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤘꤢꤨ꤬ꤜꤣ ꤣꤧ꤭ꤒꤣ꤬ꤖꤚꤢꤩ꤬ ꤟꤣꤧ꤯ ꤢ꤬ ꤗꤢ꤬ ꤛꤢꤩ꤬ꤏꤛꤢꤨ ꤟꤣꤧ꤯ ꤊꤢꤨꤔ꤫ꤢꤧ꤬ꤣꤧ꤭ ꤢ꤬ ꤥ꤬ꤔꤢꤧ꤭ꤥ꤬ ꤘꤣ ꤗꤢꤪꤋꤢꤨ꤬ ꤚꤣꤧ꤬ ꤢ꤬ ꤥ꤬ꤔꤢꤧ꤭ꤥ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ꤜꤤ꤭ꤢ꤬ꤒꤣꤧ꤬ꤋꤢꤩ꤭, ꤢ꤬ꤖꤚꤥ꤬ꤢ꤬ꤖꤚꤢꤧ꤬ ꤣꤧ꤭ꤒꤣ꤬ꤖꤚꤢꤩ꤬ ꤜ꤫ꤢꤩ꤬ꤥ꤬ꤔꤢꤧ꤭ꤥ꤬ ꤢ꤬ꤡꤢꤓꤝꤢ ꤔꤣꤧ꤬ꤒꤣ꤬ꤊꤛꤢ꤭ ꤟꤣꤧ꤯

ꤟꤤꤙꤚꤢꤨ 8:1 ပူးပေါင်းရင်းမြစ်များ

โคโลสี 3:1

ฮู๊ จอแปแหร่ เม ก๊อถ่อเซอเพร กาคยา ครี๊ เด๊อ เตเซอ เนอ, จอแปแหร่ เม ก๊อถ่อเซอเพร กาคยา เกอเฮ๊อ ซี เด๊อ เตเซอ เฮ๊อ เร๊อ อา เด๊อ เต่อเกอ เฮ๊อ ซี ซิปล่อเซอเพร อาเซ เออเนอ เน๊อ ครี๊ เฮ๊อ. ฮู๊เนอเรอ ล๋อ ซี ซิปล่อ อา เตซิหยื่อ เต๊เห่เนอ, แด่โอ่ แลแค เด๊อ ม๊อขุ เบ๊อะครี๊ โอ่แน เกอเร๊อ อาเหล่โอ่ เด๊อ จอแปแหร่ อากู๊ขุ จ๊อทว๊า เนอตากยา นี๋.

ꤟꤤꤙꤚꤢꤨ 1:3

อู เก่ แม๊เถอะ แฮเง จอแปแหร่ อา เตเตอเรอดุทู เด๊อ อากู ปา. อา หม่า อา แซ่ ลอหล่าตี๊กลิ เจ๊อ เน๊อ จอแปแหร่ เฮ๊อ. แซ่ฮู๊ เห่ขุ เร๊อ ม๊อขุ เน๊อ เตแบ๊แถ่ ล๋อ ปลี เต๊เห่ เก่ โอ่ แฮเง ตื๊อดื่อ โป่ เนอ, อา ปื่อหม่า จว่าเกอ เตแบ๊แถ่ ล๋อ ปลี เออเนอ เน๊อ อาโหง่ เด๊อ อาโพรอาเตอเรอ ฉว่าชอ เออเต๊เห่. เบ๊อะอา เมปลื๊อเมโท โทเฮ๊อ ปลวาแก ลอ ล๋อ แกแย เห่ขุพู๊ อาเตซื๊อ เต๊เห่ เบ๊อะเนอ, อา กา แก๊แถ่ เด๊อ ม๊อขุ เร๊อ อา แถ่โอ่แนโอ่ เด๊อ จอแปแหร่ เด๊อ อาโพรอาเตอเรอ อาดุอาทู ตื๊อดื่อ เออเตเพร อากู๊ขุ จ๊อทว๊า ตากยา.

เตเด๊อะโลแถ่ 3:21

“แว เมเป่ โทเฮ๊อ เร๊อ แว โอ่แนหนิ เต่อเกอ เฮ๊อ เร๊อ แวเพ เด๊อ กู่แกล๊เท แถ่โล อาขุ เฮ๊อ. ฮู๊เนอเรอ แกแย เด๊อ อา เมเป่เต เต๊เห่เนอ, แว เก่ นอโอ่แนโอ่ เต่อเกอ เหย่ซี เร๊อ แว เด๊อ แว กู่แกล๊เท แถ่โล อาขุ เออเนอ ปา.

ꤟꤤꤙꤚꤢꤨ 12:2

อาแซ่เน๊อ แกแย แกล่ เต๊เห่ แม๊จ๊อจ๊อ แฮโต ตื๊อแพ๊ เตเมเป่ม๊าโบ เออเนอเฮ๊อ, ฮู๊เนอเรอ เป เก่ แม๊จ๊อจ๊อ แฮ แพ๊ตื๊อ เหย่ซู่ โป๋. เมเตเฮ๊เร๊อ อา หม่า เป เตหยื่อเตแหน่ อา แก่ช๊าแก่แร เตเพร. โท๊โต่, อา หม่า เพร เด๊อ อา เมเล๊อเมบา เป่ เฮ๊อ เป เตหยื่อเตแหน่ เตเพร. อา ข่าเซอ โทปาหม่า, อา ซิเง หนื่ออื่อ โทเฮ๊อ เน๊อ อา เก่ พย๊าหนิ เตซิหยื่อซิลอ ปา อาขว่าอาคยา, อา โตเบ่ ข่าเซอ เจ๊อ เด๊อ อี๊ถื่อดีเต่ลู เจ๊อ หม่าแน๊เรอ อา ซิเตเร เตอเจ๋อ โต่. กู๊แหน่เรอ อา โอ่แนโอ่ เฮ๊อ เด๊อ จอแปแหร่ อา เหล่โอ่แน แถ่โล เด๊อ จ๊อทว๊า เนอตากยา เฮ๊อ.

ꤟꤤꤙꤚꤢꤨ 2:17

ฮู๊เนอ อาขว่าอาคยา แซ่ฮู๊ แบ่เจ่ เหย่ซู่ เก่ ทวาดื่อ เพร เด๊อ อา เม จอแปแหร่ อา เตเอ่เตแร ฮู๊ เพรหลู่แต กู่กล๊อดุเล๊อ เด๊อ อาจ๊อ เร๊อ อาโหง่ เร๊อ อา ซิยอแจ่ อู เตเพร. โท๊โต่ แซ่ฮู๊ อา เก่ ข่าเซอเป่ เด๊อ แกแย เต๊เห่ อา เตเมซื๊อ เต๊เห่ เก่ ปลวาแก อาเงเนอ, อา แฮแล พย๊า แกแยเห่ขุพู๊ อาเหล่โกล แซ่เน๊อ อาโป่อาแหม่ เออเนอเต๊เห่ เฮ๊อ.

ꤟꤤꤙꤚꤢꤨ 10:12

หม่าแน๊เรอ ครี๊ หลู่แถ่ เป่ เป เตซื๊อ อาเง เออเต๊เห่เนอ, อา หลู่แถ่ โตโพ๊แพ๊ เร๊อ อา โท ปลื๊อลา ตูจูเพร เฮ๊อ. เร๊อ อา กา โอ่แนโอ่ เฮ๊อ เด๊อ จอแปแหร่ อากู๊ขุ จ๊อทว๊า ตากยา เฮ๊อ.

ꤟꤤꤙꤚꤢꤨ 1:13

“โอ่แนโอ่ เด๊อ แว กู๊ขุ จ๊อทว๊า เออตากยา, เร๊อ โอ่แน โต่เด๊อ แว นอเป๊อเฮ๊อ เน เร๊อ เพร เด๊อ อา ซิเถ่ เน เออเต๊เห่ แฮ จ๊อเบแถ่ โต่ เน เด๊อ เน กู๊โด่ แก่ช๊า ปา,” จอแปแหร่ เฮ๊น๊อ อาม๊อขุ เตเน่วพู๊ เต๊เห่ ฮู๊เออเนอ ตือมือ โต่.

เอเฟซัส 6:20

เด๊อ ครี๊ นว๊าเถ่ เฮ๊อ แว เร๊อ อา เพรเฮ๊โฉ่ เตหรี่เตแก เตเพร เด๊อ แว เก่ แด๊โฉ่โด่แน เป่ อู เร๊อ เตซิครือมีลา เออ อาขว่าอาคยา, กู๊แหน่เออ แว ตาเฮ๊อ เด๊อ ทอกู เฮ๊อ. เต เด๊อ แว โตเบ่ โด่แน เป่ อู เต๊เห่เนอ, แซ่ฮู๊ แว เก่ โด่แน ฮาฮา เป่ อู อาเงเนอเนอ, กุยจ๊อเบ เป่ เกอ เด๊อ แวเง นี๋.

ꤗꤢ꤬ꤊꤢꤨ 16:19

แบ่เจ่ เหย่ซู่ เฮ๊เบ่โท เร๊อ อา โคเจ่ เต๊เห่ เร๊อ จอแปแหร่ เอ๊กา กาแถ่แก ลู เด๊อ ม๊อขุ เร๊อ อา แถ่โอ่แนโอ่ เด๊อ จอแปแหร่ อากู๊ขุ จ๊อทว๊า ตากยา.

ꤟꤤꤙꤚꤢꤨ 3:1

ฮู๊เนอ อาขว่าอาคยา, โป่แหว่ ครี๊พู๊ เด๊อ จอแปแหร่ เอ๊ ซี เออเต๊เห๋ เตเน แม๊มอ แลแค เหย่ซู่ เด๊อ จอแปแหร่ นอแฮ ทวา ลู เน๊อ เพรเฮ๊โฉ่โด่แหน่ จอแปแหร่ อาลาอาโหง่ เน๊อ เพรหลู่แต กู่กล๊อดุเล๊อ เออเตเพรเนอ.

ꤟꤤꤙꤚꤢꤨ 4:14

ฮู๊เนอเรอ, เป ปื่อหม่าปื่อกลอ แร๊ แลแค เป เตหยื่อเตแหน่ เด๊อ เป อ๊อแล โทเร๊อเฮ๊อ เออเนอ โป๋, เมเตเฮ๊เรอ, เป โอ่ เกอเร๊อ เน๊อ เป เพรหลู่แต กู่กล๊อดุเล๊อ เออเตเพร, เร๊อ อา จว๊าโน เป่เฮ๊อ เด๊อ เปเง เด๊อ ม๊อขุ เฮ๊อ. อา หม่า จอแปแหร่ อา พู๊เพรคู เหย่ซู่ เออเนอเฮ๊อ.