ꤟꤤꤙꤚꤢꤨ 7:8 - ลีเทส่อพ๊าอาเซ เร๊อ เห่ขุทวาลู๊

⁸ แกแยยิวพู๊ เพรหลู่เตพู๊ เด๊อ อากลุยอาแล ตากาแล เด๊อ เลวีพู๊ โอ่ เออเต๊เห่เนอ, อา พย๊าฉื่อ ปุ๊ยเฉ๊อตีปุ๊ย เออเนอ เด๊อ แกแย เด๊อ อา เก่ เซอ ปา เออเต๊เห่ อา โอ่ แพ๊. หม่าแน๊เรอ เมลคีเซเดค เออเนอ, เป ซิเงดื่อ จอแปแหร่ อาลาอาโหง่ เฮ๊ เน๊อ อาแซ่เน๊อ อา โอ่เซอเพร ปาแพ๊.

Eastern Kayah Shadaw Dialect

⁸ ꤛꤢꤨꤘꤢ꤬ꤖꤢꤨ ꤖꤚꤢꤩ꤬ꤜꤢꤨ꤭ꤒꤢꤧ꤭ꤒꤢꤩ꤬ꤖꤢꤨ ꤘꤣ ꤢ꤬ꤊꤜꤝꤤ꤭ꤢ꤬ꤜꤢꤧ꤭ ꤒꤢ꤭ꤊꤣꤧ꤬ꤜꤢꤧ꤬ ꤘꤣ ꤜꤢꤩ꤬ꤠꤤꤖꤢꤨ ꤥ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤖꤛꤢꤏꤢꤦ꤬ ꤕꤝꤤꤏꤣꤧꤒꤣ꤬ꤕꤝꤤ ꤣꤧ꤭ꤔꤣꤧ꤬ ꤘꤣ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊ꤫ꤢꤦ꤬ ꤞꤣꤧ꤭ ꤕꤢ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ ꤥ꤬ ꤖꤢꤧ꤯ ꤗꤢ꤬ꤔꤢꤧꤚꤣꤧ꤬ ꤗꤢ꤬ꤜꤢ꤬ꤋꤤꤞꤢꤩ꤬ꤘꤢꤧ ꤣꤧ꤭ꤔꤣꤧ꤬, ꤕꤢꤩ꤬ ꤞꤤꤑꤢꤩ꤭ꤘꤢꤦ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤟꤢꤩ ꤔꤢꤧ ꤢ꤬ꤞꤢꤧꤔꤢꤧ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤕꤢ꤬ꤖꤢꤧ꤯

ꤟꤤꤙꤚꤢꤨ 7:8 ပူးပေါင်းရင်းမြစ်များ

ꤟꤤꤙꤚꤢꤨ 6:20

เหย่ซู่ จว๊าโนเหร่อ เป่เฮ๊อ เปเหล่โอ่ เด๊อ เง เฮ๊อ. อา ทวา เป่เฮ๊อ เป เพรหลู่แต กู่กล๊อดุเล๊อ เด๊อ อา โอ่ ข่างยา ตูจูเพร เออเนอเฮ๊อ. อา เออเนอ อา แซ่เฮ๊อ เร๊อ เพรหลู่แตเต เมลคีเซเดค เด๊อ เหร่อเนอเค เตเพรเฮ๊อ.

ꤟꤤꤙꤚꤢꤨ 5:6

จอแปแหร่ เฮ๊โป่ เด๊อ อาโร ตือมือ เน๊อ, “เน ทวา เพรหลู่แตเต ตูจูเพร เด๊อ อาแซ่เน๊อ เพรหลู่แตเต เมลคีเซเดค เด๊อ เนอเค เตเพร,” อา เฮ๊ โป่ ลู ฮู๊เนอ.

เตเด๊อะโลแถ่ 1:18

แว หม่า แกแย เด๊อ อา เซอเพร เตเพร. แว เซอ โทเฮ๊อ หม่าแน๊เรอ กู๊แหน่เออ แว เซอเพร ตูจูเพร แตแลเคร๊. แว โอ่เร๊อ เตอเรอฉว่าชอ เร๊อ เตโพร เร๊อ แว เป๊อะลอ เตเซอ เร๊อ โลเน๊มู๊แหม่รีแจ่ดอ เต๊เห่.

ꤟꤤꤙꤚꤢꤨ 7:23

เต เด๊อ อา โค๊ ปา ลู เด๊อ อาโร เต๊อเจ่อ หม่า หม่าเฮ๊อ เพรหลู่แตเต เด๊อ เนอเค เต๊เห่เนอ, อา เซอ แลแค อาขว่าอาคยา, อู เพร แถ่ แฮเง เหย่ซี อาเหล่โอ่ เนอ อา โอ่ เอ๊ลู.

ꤛꤥ꤭ꤟꤢ꤬ 14:19

เตอเปลอฮู๊ อากูเนอ, แกแย เห่ขุพู๊ เต๊เห่ แม๊เถอะ ปา แว โต่. หม่าแน๊เรอ ซีเนอ, ซี เก่ แม๊เถอะ แว ปา. แว เซอเพร อาขว่าอาคยาเร๊อ ซี เก่ เซอเพร เกอ ปาปา.

ꤟꤤꤙꤚꤢꤨ 3:16

แกแย เด๊อ อา หนิโฮ โทเฮ๊อ แลแค จอแปแหร่ อาโหง่พราแถ่ หม่าแน๊เรอ อา เท๊ฉื่อ จอแปแหร่, อา หนิดา ลูโหง่ โต่ เต๊เห่ เนอหม่า อูเป? แกแย เนอเต๊เห่ หม่า หม่าเฮ๊อ คูโมเสส เอ๊เถ่กา เหย่ซี เด๊อ อียิปต์เก่กู เนอ เต๊เห่เฮ๊อ.

ꤛꤥ꤭ꤟꤢ꤬ 14:6

เร๊อ แบ่เจ่ เหย่ซู่ เฮ๊ฉื่อ ลู เน๊อ, “แว หม่า แกล๊ เน๊อ เตหม่า เตจ๊อ เร๊อ เตเซอเพร เฮ๊อ. แว ทวา เป่เฮ๊อ อู แกล๊จว๊า เด๊อ เพ อา โอ่ อาขว่าอาคยา, อูเปเป๋ เบ่เบ่, อา เก่ จว๊า เต่อ เร๊อ แว โต่ เฮ๊เนอ, อา จว๊าโต่ แจ่ เด๊อ เพ อา โอ่ เตเพร่ว โต่.

ꤟꤤꤙꤚꤢꤨ 9:27

แกแย ปว๋า เตเพร เบ่ เซอ แพ๊ โตโพ๊แพ๊. เร๊อ อา เซอโท ปาเนอ, จอแปแหร่ เก่ เมจากาคยา เหย่ซี ปา.

ꤟꤤꤙꤚꤢꤨ 7:7

แกแย เด๊อ อา เด๊อะบุ๊ยเด๊อะเตอเรอ อู เออเตเพรเนอ อาดุเล๊อ เร๊อ แกแย เด๊อ อา พย๊าหนิ เตเด๊อะบุ๊ยเด๊อะเตอเรอ เออเตเพร เนอหม่า เหล่ซิปล่อ หร่าเหร่โอ่โต่.

ꤟꤤꤙꤚꤢꤨ 7:9

โท๊โต่ เป เฮ๊เบ๊ เน๊อ, คูเลวี อากลุยอาแล เด๊อ อา กุย ปุ๊ยเฉ๊อตีปุ๊ย เออเต๊เห่เนอ อา เด๊อะ เน๊อ เพอับราฮัม เร๊อ เพอับราฮัม เด๊อะ แฮเง เน๊อ เมลคีเซเดค เฮ๊อ.