ครี๊เนอ อาเตซื๊อ โอ่ เต๊อเจ๋อ โต่. หม่าแน๊เรอ, แซ่ฮู๊ อา เก่ ปล๊าลีแก เป่ เป เตซื๊อ อาโหน่อาฉู่ เต๊เห่ อาเงเนอ, จอแปแหร่ นอข่าเซอ ลู เด๊อ เป เตซื๊อ อาเง. เด๊อ ครี๊ เม เป่ เฮ๊อ เป ฮู๊เนอ อาขว่าอาคยา, เป เก่ ทวาแถ่ เฮ๊อ เตเต๊อเจ๋อ แพ๊เน๊อ ครี๊ เฮ๊อ เร๊อ, จอแปแหร่ เก่ แด่จ๊อแด่เต เฮ๊อ เป เด๊อ อาเป๊เส่เง ปา.
ꤟꤤꤙꤚꤢꤨ 7:26 - ลีเทส่อพ๊าอาเซ เร๊อ เห่ขุทวาลู๊26 ฮู๊เนอเรอ, เหย่ซู่ หม่า เพรหลู่แต กู่กล๊อดุเล๊อ เตเพร เด๊อ อา เมเล๊อบา เป่ ลอ ล๋อ เป เตโหล่ เต๊เห่. อา หม่า อา บูโพ๊, อาเตซื๊อ โอ่โต่, อาซิปล่อ อาโพ๊อาแปละ. จอแปแหร่ แด่โอ่ข่อ ตาพา โค๊ดื่อ ลู เร๊อ เพรเมเตซื๊อ เต๊เห่, เร๊อ อา เด๊อะโอ่เฮ๊อ ลู เด๊อ เหล่โอ่ แถ่โลเล๊ออู โต๊โผ่ เฮ๊อ. အခန်းကိုကြည့်ပါ။Eastern Kayah Shadaw Dialect26 ꤟꤢꤨꤔꤣꤧ꤬ꤚꤣꤧ꤬, ꤛꤢꤩ꤬ꤏꤛꤢꤨ ꤗꤢ꤬ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤘꤢꤨ꤬ꤜꤣ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤗꤢꤩ꤬ꤜꤣꤙꤢ꤭ ꤕ꤫ꤢꤩ꤬ ꤜꤢꤪ꤭ ꤜꤢꤪ꤭ ꤕꤢꤩ꤬ ꤒꤢꤩ꤬ꤜ꤫ꤥ꤬ ꤒꤣꤧ꤬ꤟꤢꤩ꤬꤯ ꤢ꤬ ꤗꤢ꤬ ꤢ꤬ ꤗꤢꤩ꤬ꤒꤥ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬, ꤢ꤬ꤒꤢꤩ꤬ꤞꤢꤦ ꤥ꤬ꤒꤥ꤬, ꤢ꤬ꤞꤤꤕꤜꤢꤪ꤬ ꤕꤜꤤ꤭ꤖꤥ꤯ ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤥ꤬ꤋꤢꤪ꤬ ꤒꤣꤧ꤬ꤖꤢ꤭ ꤋꤥꤘꤢꤦ꤬ ꤜꤢꤨ꤭ ꤔꤢꤧ ꤖꤚꤢꤩ꤬ꤥ꤬ꤚꤢ꤬ꤖꤢꤨ ꤒꤣꤧ꤬ꤟꤢꤩ꤬, ꤚꤣꤧ꤬ ꤢ꤬ ꤘꤣꤧꤥ꤬ꤟꤣꤧ ꤜꤢꤨ꤭ ꤘꤣ ꤜ꤫ꤢꤩ꤬ꤥ꤬ ꤓꤢꤧ꤬ꤜꤥ꤭ꤜꤣꤢꤨ꤭ ꤒꤣ꤬ꤖꤥ꤬ ꤟꤣꤧ꤯ အခန်းကိုကြည့်ပါ။ |
ꤟꤤꤙꤚꤢꤨ 7:26
39 ပူးပေါင်းရင်းမြစ်များ
อาแซ่เน๊อ แกแย แกล่ เต๊เห่ แม๊จ๊อจ๊อ แฮโต ตื๊อแพ๊ เตเมเป่ม๊าโบ เออเนอเฮ๊อ, ฮู๊เนอเรอ เป เก่ แม๊จ๊อจ๊อ แฮ แพ๊ตื๊อ เหย่ซู่ โป๋. เมเตเฮ๊เร๊อ อา หม่า เป เตหยื่อเตแหน่ อา แก่ช๊าแก่แร เตเพร. โท๊โต่, อา หม่า เพร เด๊อ อา เมเล๊อเมบา เป่ เฮ๊อ เป เตหยื่อเตแหน่ เตเพร. อา ข่าเซอ โทปาหม่า, อา ซิเง หนื่ออื่อ โทเฮ๊อ เน๊อ อา เก่ พย๊าหนิ เตซิหยื่อซิลอ ปา อาขว่าอาคยา, อา โตเบ่ ข่าเซอ เจ๊อ เด๊อ อี๊ถื่อดีเต่ลู เจ๊อ หม่าแน๊เรอ อา ซิเตเร เตอเจ๋อ โต่. กู๊แหน่เรอ อา โอ่แนโอ่ เฮ๊อ เด๊อ จอแปแหร่ อา เหล่โอ่แน แถ่โล เด๊อ จ๊อทว๊า เนอตากยา เฮ๊อ.
ฮู๊เนอเรอ, เตเน แม๊มอ แลแค ครี๊ อาสุ่ย เออเนอ, อา เก่ เม โพ๊เมแปล่ บูโพ๊เล๊อ เจ๊อ เป เร๊อ เตเออเต๊เห่ ปา เจ๊อ. เด๊อ จอแปแหร่ อา แหย่โยบูโพ๊ โอ่เซอเพร ตูจูเพร อาขว่าอาคยา, ครี๊ หลู่แถ่เฮ๊อ อาเหน่กล่อ เด๊อ อาเตซื๊อ โอ่ เตอเจ๋อ โต่ เออ เด๊อ จอแปแหร่ อา โอ่ เฮ๊อ. แซ่ฮู๊ เป เก่ เม เป่ จอแปแหร่ เด๊อ อา เซอ เพร เออเตเพร อาเตเม อาเงเนอ, ครี๊ เก่ ซู๊ปลีแก เป ซิปล่อ เออเต๊เห่ เร๊อ เป เตเม เด๊อ อาบุ๊ยอาเตอเรอ โอ่เกออู โต่ เออเต๊เห่ เน๊อ อาสุ่ย ปา.
อู เก่ แม๊เถอะ แฮเง จอแปแหร่ อา เตเตอเรอดุทู เด๊อ อากู ปา. อา หม่า อา แซ่ ลอหล่าตี๊กลิ เจ๊อ เน๊อ จอแปแหร่ เฮ๊อ. แซ่ฮู๊ เห่ขุ เร๊อ ม๊อขุ เน๊อ เตแบ๊แถ่ ล๋อ ปลี เต๊เห่ เก่ โอ่ แฮเง ตื๊อดื่อ โป่ เนอ, อา ปื่อหม่า จว่าเกอ เตแบ๊แถ่ ล๋อ ปลี เออเนอ เน๊อ อาโหง่ เด๊อ อาโพรอาเตอเรอ ฉว่าชอ เออเต๊เห่. เบ๊อะอา เมปลื๊อเมโท โทเฮ๊อ ปลวาแก ลอ ล๋อ แกแย เห่ขุพู๊ อาเตซื๊อ เต๊เห่ เบ๊อะเนอ, อา กา แก๊แถ่ เด๊อ ม๊อขุ เร๊อ อา แถ่โอ่แนโอ่ เด๊อ จอแปแหร่ เด๊อ อาโพรอาเตอเรอ อาดุอาทู ตื๊อดื่อ เออเตเพร อากู๊ขุ จ๊อทว๊า ตากยา.
เบ๊อะจอแปแหร่ เด๊อะ แกแยยิวพู๊ เต๊เห่ เตซว๊าเตแส่ เบ๊อะเนอ, อา แด่แถ่ เพรหลู่เต เด๊อ อากลุยอาแล ตา เด๊อ เลวีพู๊ เนอเต๊เห่ อา โอ่. เหย่ซี เบ่ หลู่แตแถ่ เป่ อู ฮู๊ เตซว๊าเตแส่ เต๊เห่ โอ่ เนอ. เลวีพู๊ เพรหลู่แตพู๊ เออเต๊เห่ เม อาเตเม เออเต๊เห่ หม่าแน๊เรอ แซ่ฮู๊ อู เก่ ทวาแถ่ แกแยจ๊อแกแยเต อาเงเนอ, เหย่ซี เมแจ่โต่. ฮู๊เนอเรอ จอแปแหร่ เบ่ นอแฮข่อ เต๊เปล่ดื่อ เพรหลู่แต เด๊อ อาโร เตเพร. เพรหลู่แต เออเตเพรเนอ อากลุยอาแล ตา เด๊อ เลวีพู๊ เด๊อ อากลุยอาแล ตา แฮเง เด๊อ เพอาโรน อา โอ่ เออเนอ หม่าโต่. เพรหลู่แตเต เออเตเพรเนอ, อาแซ่เน๊อ เมลคีเซเดค เนอเฮ๊อ.
ล๋อ เตเต๊เห่ เนอหม่า จอแปแหร่ อาเง ล๋อ ปลี แพ๊, เร๊อ อา แบ๊ตา เกอเร๊อ ลอเฮ๊อ เต ปว๋า เต๊อเจ่อ เฮ๊อ. แซ่ฮู๊ จอแปแหร่ เก่ เด๊อะโหร่เด๊อะเอ๊ เป่เกอ แกแยเห่ขุพู๊ เน๊อ อา เตเตอเรอดุ เตอเรอทู เต๊เห่ อาเงเนอเรอ, อา เมเล๊อเมบาแถ่ เฮ๊อ แบ่เจ่ เหย่ซู่ เน๊อ อา นอ ข่าจาข่าจือ ลู เออเนอ เฮ๊อ. จอแปแหร่ เม เต ฮู๊เออ เนอหม่า อาโต แพ๊. เร๊อ แบ่เจ่ เหย่ซู่ เก่ ทวา เป่ เป เพรซู แกล๊ เด๊อ อา เก่ เมแลเปล๊กา เป เตเพร ปา.
“ราจว๊า ลีเออ เด๊อ วีฟีลาเดลเฟีย เพรหยื่อเอ่ตู๊หมู่ตอกล๊อ อา เตเน่วพู๊ อาโอ่ เนอ,” อา เฮ๊ แว ฮู๊เนอ. เร๊อ อา เฮ๊ เน๊อ, “เตหรี่เตแก เออเนอหม่า อา แฮ เด๊อ เพร เด๊อ อาบูโพ๊ อาจ๊ออาเต เออเตเพร อาโอ่. อา ปื่อหม่าโอ่ หนิ คุ๊ยดาวิด อาชอถิ. เบ๊อะอา บ๊าโม กู่ดา เบ๊อะเนอ, อู เมบี๊แจ่ เตเพร่ว โต่. เร๊อ เบ๊อะอา เมบี๊ เบ๊อะเนอ, อู บ๊าโมแจ่ เตเพร่ว โต่.
ฮู๊เนอ อาขว่าอาคยา แซ่ฮู๊ แบ่เจ่ เหย่ซู่ เก่ ทวาดื่อ เพร เด๊อ อา เม จอแปแหร่ อา เตเอ่เตแร ฮู๊ เพรหลู่แต กู่กล๊อดุเล๊อ เด๊อ อาจ๊อ เร๊อ อาโหง่ เร๊อ อา ซิยอแจ่ อู เตเพร. โท๊โต่ แซ่ฮู๊ อา เก่ ข่าเซอเป่ เด๊อ แกแย เต๊เห่ อา เตเมซื๊อ เต๊เห่ เก่ ปลวาแก อาเงเนอ, อา แฮแล พย๊า แกแยเห่ขุพู๊ อาเหล่โกล แซ่เน๊อ อาโป่อาแหม่ เออเนอเต๊เห่ เฮ๊อ.
ကြော်ငြာတွေ