ꤟꤤꤙꤚꤢꤨ 7:2 - ลีเทส่อพ๊าอาเซ เร๊อ เห่ขุทวาลู๊

² เร๊อ เพอับราฮัม เด๊อะเป่ ลู ล๋อ ตาเต เด๊อ อา หนิกา เนอเต๊เห่ ปุ๊ยเฉ๊อตีปุ๊ย. เมลคีเซเดค อามุย อาโหง่แลช๊า อาเหร่อเล๊อ ตือมือ หม่า หม่าดื่อ “เตจ๊อเตเต อาคุ๊ย.” โทเรอ ซาเลม อาโหง่แลช๊า หม่า ซิปล่อ ตู๊จู่เตอเจ๊อ อาขว่าอาคยา, อามุย โอ่ โป่เกอ ดื่อ เน๊อ, “ซิปล่อ เตตู๊จุเตอเจ๊อ อาคุ๊ย.”

Eastern Kayah Shadaw Dialect

² ꤚꤣꤧ꤬ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤘꤣꤧꤕ꤫ꤢꤩ꤬ ꤜꤢꤨ꤭ ꤜꤢꤪ꤭ ꤒꤢ꤭ꤒꤢꤩ꤬ ꤘꤣ ꤢ꤬ ꤔ꤫ꤤ꤬ꤊꤢ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤝꤤꤏꤣꤧꤒꤣ꤬ꤕꤝꤤ꤯ ꤗꤢ꤬ꤜꤢ꤬ꤋꤤꤞꤢꤩ꤬ꤘꤢꤧ ꤢ꤬ꤗꤝꤤ꤭ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤗꤢꤦ꤭ ꤗꤢ꤬ ꤗ꤫ꤢ꤬ꤘꤢꤦ꤬ “ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤢ꤬ꤋꤝꤤ꤯” ꤓꤥ꤭ꤚꤣꤧ꤬ ꤏꤛꤢ꤬ꤜꤢꤩ꤬ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤗꤢ꤬ ꤞꤤꤕꤜꤢꤪ꤬ ꤒꤣꤧ꤬ꤡꤣꤧꤒꤣꤧ꤬ꤡ꤫ꤢꤨ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ꤗꤝꤤ꤭ ꤥ꤬ ꤕ꤫ꤥ꤬ꤊꤣꤧ꤭ ꤘꤢꤦ꤬ ꤔꤢꤧ, “ꤒꤢꤩ꤬ꤞꤤꤕꤜꤢꤪ꤬ ꤒꤣꤧ꤬ꤡꤣꤧꤒꤣꤧ꤬ꤡ꤫ꤢꤨ꤬ ꤢ꤬ꤋꤝꤤ꤯”

ꤟꤤꤙꤚꤢꤨ 7:2 ပူးပေါင်းရင်းမြစ်များ

เห่ขุทวาลู่ 28:22

โทเร๊อ หล่อ เด๊อ แว โดก๊อถ่อ ม๊าแดแก เน๊อ เตซิเหน่แถ่ เนอเตเมเนอ อา เก่ ทวาดื่อ จอแปแหร่ดุ อาหี่ ปา, เร๊อ ล๋อ เต เด๊อ เน เด๊อะ แว เต๊เห่เนอ, แว เก่ เด๊อะ กาคยา คยาแซ๊ เน๊อ เน อาปลูเช๊อ เร๊อ ตูปลู ปา.”

ꤚꤥꤗꤢꤩ꤬ 3:26

หม่าแน๊เรอ กู๊แหน่เออ อา เก่ เด๊อะโล เร๊อ อา เม เตเออ อาโต แพ๊ อาเงเนอ, อา นอแฮ เหย่ซู่ เร๊อ อา เก่ แฮ ข่าเซอ เด๊อ อู ปว๋า เตเพร อาเง. ฮู๊เนอ อาขว่าอาคยา, จอแปแหร่ อาเหน่ แบ่เจ่ เร๊อดื่อ อา เด๊อะโล เร๊อ อา เมจ๊อเมเต แพ๊. เร๊อ อา แด่จ๊อแด่เต แกแย เด๊อ อา หยื่อเอ่ เหย่ซู่ เนอเต๊เห่ เร๊อ อาเหน่ เร๊อดื่อ.

ꤜꤢꤨꤊꤢ꤬ 2:14

“อาลีอาเตเค ถู่เซ๊แถ่ แลแค จอแปแหร่ เด๊อ อา โอ่ เด๊อ อาเหล่โอ่แถ่โล ตื๊อดื่อเล๊อ อู เด๊อ ม๊อขุ เออเนอ เตเพร โป๋. เตเปเตดวา เร๊อ เตเตอเจ๊อตู๊จู่ เก่ โอ่แถ่ เกอดื่อ เด๊อ เห่ขุเออ เร๊อ อา เก่ โอ่เต่อเกอดื่อ เร๊อ แกแย เด๊อ จอแปแหร่ ซิปล่อ โอ่เร๊อ เกอ ลู เนอเต๊เห่ นี๋.”

มัทธิว 1:23

“เพรเหมาะพู๊เส่ เตเพร เก่ โหมะดอแถ่ เร๊อ อา เก่ พู๊โอ่หนิ อา พู๊เพรคู ปา, เร๊อ อู เก่ เอ๊ อามุย เน๊อ อิมมานูเอล ปา,” อิมมานูเอล อาโหง่แลช๊า หม่า, “จอแปแหร่ โอ่เกอ เร๊อ เป.”

ꤟꤤꤙꤚꤢꤨ 7:1

เมลคีเซเดค หม่า วีซาเลม อาคุ๊ย เตเพร, เร๊อ อา ทวา จอแปแหร่ เด๊อ อาดุเล๊อ เออเตเพร อา เพรหลู่แตเต เตเพร. เบ๊อะเพอับราฮัม จว๊าช๊าเป่ โทเฮ๊อ คุ๊ย ซิลุย เร๊อ อา กา เด๊อ แกล๊ลู เบ๊อะเนอ, เมลคีเซเดค จว๊า แม๊ฉื่อ ลู เร๊อ อาเด๊อะบุ๊ยเด๊อะเตอเรอ ลู.

ꤟꤤꤙꤚꤢꤨ 7:3

เมลคีเซเดค อาเพ เบ่เบ่, อาโหมะ เบ่เบ่, อาเพอโพ กลุยแล เต๊เห่ เบ่เบ่, อู ราม๊าราแด โอ่แก เกอ อา เตอเจ๋อ โต่. อา เตโอ่เป๊เจ่แล เน๊อ อาเตเซอ อาหรี่อาแก เต๊เห่เนอ เบ่เบ่, อู ราม๊าราแด โอ่แก เกอ ลู โต่โต่. อา หม่า อาแซ่เน๊อ จอแปแหร่ อาพู๊คู เตเพร. อา ทวา เพรหลู่แตเต ตูจูเพร.