ꤟꤤꤙꤚꤢꤨ 6:19 - ลีเทส่อพ๊าอาเซ เร๊อ เห่ขุทวาลู๊

¹⁹ เป เตแม๊ชือ เออเนอ อาแซ่เน๊อ หล่อดุ เด๊อ อา จุ่ย โอ่โก๊หม่า ส่อเกลอดุ เด๊อ เป ซิปล่อเซอเพร อาเง เออเตเม เนอเฮ๊อ. ฮู๊ เพรหลู่แต กู่กล๊อดุเล๊อ เนอเตเพร โนจว๊า ตาลว๊าเบ๊ เร๊อ อิเก บ่าดุ เด๊อ อู จอตาตือบี๊ อา เด๊อ เตหลู่แต โฮกู เนอต๊าบ่า, เร๊อ ฮู๊ อา โน โต่เฮ๊อ เด๊อ เตเหล่โอ่ บูโพ๊ อากู เออเนอ, เป เตแม๊ชือ เออ อาหม่ากลอ, อา ตาเต, เร๊อ อา ซูโน เต่อเกอดื่อเฮ๊อ เป เด๊อ จอแปแหร่ อาเป๊เส่เง ฮู๊เนอเฮ๊อ.

Eastern Kayah Shadaw Dialect

¹⁹ ꤕꤢꤩ꤬ ꤒꤢꤩ꤬ꤗꤢꤧꤏꤢꤦ꤭ ꤣꤧ꤭ꤔꤣꤧ꤬ ꤢ꤬ꤞꤢꤧꤔꤢꤧ ꤜ꤫ꤢꤪ꤬ꤘꤢꤨ꤬ ꤘꤣ ꤢ꤬ ꤡꤝꤤ꤬ ꤥ꤬ꤊꤥꤗꤢ꤬ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤘꤣ ꤕꤢꤩ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤑꤢꤩ꤭ ꤣꤧ꤭ꤒꤣ꤬ꤗꤢꤩ꤭ ꤔꤣꤧ꤬ꤟꤣꤧ꤯ ꤟꤢꤨ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤘꤢꤨ꤬ꤜꤣ ꤔꤣꤧ꤬ꤒꤣ꤬ꤖꤚꤢꤩ꤬ ꤔꤥ꤭ꤡꤝꤢ ꤒꤣꤧ꤬ꤜꤝꤢꤙꤢꤩ ꤔꤢꤧ ꤤ꤬ꤊꤢꤩ꤭ ꤙꤢ꤬ꤘꤢꤨ꤬ ꤘꤣ ꤢꤨ꤭ ꤡ꤫ꤢꤪ꤬ꤒꤢ꤭ꤒꤢꤦ꤭ꤙꤤ ꤢ꤬ ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ ꤟꤥ꤭ꤊꤢꤨ꤭ ꤔꤣꤧ꤬ꤒꤣ꤬ꤙꤢ꤬, ꤚꤣꤧ꤬ ꤟꤢꤨ ꤢ꤬ ꤔꤥ꤭ ꤒ꤫ꤥ꤬ꤟꤣꤧ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜ꤫ꤢꤩ꤬ꤥ꤬ ꤘꤣ ꤢ꤬ꤊꤢꤨ꤭ꤜꤣ ꤣꤧ꤭ꤔꤣꤧ꤬, ꤕꤢꤩ꤬ ꤒꤢꤩ꤬ꤗꤢꤧꤏꤢꤦ꤭ ꤣꤧ꤭ ꤢ꤬ ꤊꤜꤢꤪ꤬ꤗꤢ꤬, ꤢ꤬ ꤒꤢ꤭ꤒꤢꤩ꤬, ꤚꤣꤧ꤬ ꤢ꤬ ꤞꤢꤨ꤭ꤔꤥ꤭ ꤒ꤫ꤥ꤬ꤊꤣꤧ꤭ꤘꤢꤦ꤬ꤟꤣꤧ ꤕꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤟꤢꤨꤔꤣꤧ꤬ꤟꤣꤧ꤯

ꤟꤤꤙꤚꤢꤨ 6:19 ပူးပေါင်းရင်းမြစ်များ

ꤟꤤꤙꤚꤢꤨ 9:7

หม่าแน๊เรอ เด๊อ เตบูโพ๊ เล๊ออูเออ ตาดา อากูเนอ, อา โนหนิ แพ๊ตื๊อ เพรหลู่แต กู่กล๊อดุเล๊อ เนอเตเพร แพ๊. ต๊าหน่าเนอ อา โนแพ๊ โตโพ๊ เร๊อ อา เบ่ พย๊าโนหนิ สุ่ย เด๊อ อา เก่ หลู่แถ่ เกอเร๊อดื่อ อาเตซื๊อ อาเง เออเนอ, เน๊อ แกแย เด๊อ อา เตเน เต่อโต่ เร๊อ อา เมซื๊อ ตาแต่ เต๊เห่ อาเตซื๊อ อาเง.

ꤟꤤꤙꤚꤢꤨ 9:3

เหล่สื่อดุ อา กู่ดากู เหล่โน เออเนอ อู จ่อ ตาตือบี๊ เร๊อ อิเก ต๊าบ่า. อิเก โอ่ปา ต๊าบ่า เด๊อ อู จ่อบี๊ ตาตือแก เด๊อ เง ตาดา เด๊อ อู เอ๊ เร๊อ เตเหล่โอ่ บูโพ๊เล๊อ เออเนอ ตาดา.

มัทธิว 27:51

เบ๊อะเนอเค อิเกบ่าดุ เด๊อ อู จ่อตาตือบี๊ เด๊อ เตหลู่แต โฮกู เนอต๊าบ่า แลยา แก๊แถ่แกแล ปลื๊อแก เนอกยา. เตเน่วท๊อดี โทเรอ หล่อ เต๊เห่ ลูแอ เพ๊ลอ.

โคโลสี 3:1

ฮู๊ จอแปแหร่ เม ก๊อถ่อเซอเพร กาคยา ครี๊ เด๊อ เตเซอ เนอ, จอแปแหร่ เม ก๊อถ่อเซอเพร กาคยา เกอเฮ๊อ ซี เด๊อ เตเซอ เฮ๊อ เร๊อ อา เด๊อ เต่อเกอ เฮ๊อ ซี ซิปล่อเซอเพร อาเซ เออเนอ เน๊อ ครี๊ เฮ๊อ. ฮู๊เนอเรอ ล๋อ ซี ซิปล่อ อา เตซิหยื่อ เต๊เห่เนอ, แด่โอ่ แลแค เด๊อ ม๊อขุ เบ๊อะครี๊ โอ่แน เกอเร๊อ อาเหล่โอ่ เด๊อ จอแปแหร่ อากู๊ขุ จ๊อทว๊า เนอตากยา นี๋.

ทิโมธี เนอบ่า ต๊าบ่า 2:19

หม่าแน๊เรอ อู เม โกโยแจ่ เน๊อ จอแปแหร่ อา เตแก่ช๊า อาหม่าอากลอ เออเนอ โต่. เด๊อ เตแก่ช๊า เออ อาโอ่เนอ อู ราโอ่ เน๊อ, “แบ่เจ่ ซิเง เกอเร๊อดื่อ อาแกแย” เร๊อ “แกแย ปว๋า เตเพร เด๊อ อา เฮ๊ เร๊อ แว หม่า แบ่เจ่ อาแกแย เต๊เห่เนอหม่า, อา โตเบ่ ตีรี๊ จว๊าโค๊แก อาเหน่ เร๊อ เตซื๊อ เออเนอ.”

เพรโด่แนพู๊ เต๊เห่ 27:29

เหย่ซี ต๊อหร่อซิอิเช เร๊อ ซิอิเช ส่อเกลอดุ จว๊าต่าเบ่ เร๊อ หล่อ เร๊อ อา แจตา หล่อ เหล่เมโอ่โก๊ ส่อเกลอดุ ลุยเม เด๊อ เทอกู เร๊อ อา กุยจ๊อเบ แลแค เร๊อ เหมาะ เก่ ลี แพร เป่ เหย่ซี.

ꤚꤥꤗꤢꤩ꤬ 4:16

ฮู๊เนอเรอ, เป พย๊าหนิแจ่ จอแปแหร่ อา เตอ๊อแล เน๊อ เป เตหยื่อ เตอเจ๋อ แพ๊. เมเตเฮ๊เรอ แซ่ฮู๊ เป เก่ พย๊าหนิ เกอ เตเออเนอ เร๊อ อาบุ๊ยอาเตอเรอ อาขว่าอาคยา ตื๊อแพ๊ อาเงเนอ, เป เบ่ โอ่ เร๊อ เตหยื่อ. โท๊โต่, ล๋อ เพอับราฮัม อากลุยอาแล เต๊เห่เนอ, อา เก่ พย๊าหนิ ลอ เตอ๊อแล เออ ปา. แกแย เด๊อ อา ลือครวาเมเกอ แกแยยิวพู๊ อาเตซว๊าเตแส่ เนอเต๊เห่ เก่ พย๊าหนิ ตื๊อดื่อ หม่าโต่, แกแย เด๊อ อา หยื่อเอ่ แซ่เกอ เร๊อ เพอับราฮัม เนอเต๊เห่ เก่ พย๊าหนิ ลอเกอ ปา ปา. เพอับราฮัม หม่า เป ล๋อ ปลี อาเพ.

เพรโด่แนพู๊ เต๊เห่ 27:40

ฮู๊เนอ อาขว่าอาคยา, เหย่ซี ปาตือแก สู่เปลอ เด๊อ อู จอกลอหม่า เร๊อ หล่อ เหล่เมโอ่โก๊ ส่อเกลอดุ เออเนอเต๊เห่ โทเร๊อ อา ปลวา แลจื๊อ ตาแก ลอ หล่อเออเต๊เห่ เด๊อ เทอดุซาวากู. โตโพ๊โต เหย่ซี ฉิโล๊แก สู่เปลอ เด๊อ อู จอกลอหม่า เร๊อ เหล่แค เหล่ย๊อ ส่อเกลอดุ เนอเต๊เห่. โทเร๊อ เหย่ซี จอแตแดแถ่ อิเกบ่าดุ เด๊อ ส่อเกลอดุ เบ๊เง ตากยา เร๊อ เหย่ซี ปลวาพอจว๊า เร๊อ เก่แลเซ๊ เด๊อ เทอทือ ตากยา.

ꤟꤤꤙꤚꤢꤨ 4:16

ฮู๊เนอเรอ, เป โหล่เบ่ เต เบ๊อะเกเต๋ เบ่เบ่เนอ, เป โต แฮโน ฮาฮา เด๊อ เป จอแปแหร่ เด๊อ อา ซิยอเร๊อ อู เออเตเพร อา เหล่โอ่แน อาเป๊เส่เง เนอ. เร๊อ เป เก่ พย๊าหนิ อา เตซิยอ ปา เร๊อ เป เก่ แม๊เถอะเบ่ อาบุ๊ยดุอาเตอเรอทู เด๊อ อา เก่ เมจว่า เป เออเนอ ปา.

เอเฟซัส 2:6

เป่ ย๊อ ทวาเฮ๊อ เตเต๊อเจ๋อโต เร๊อ ครี๊ เฮ๊อ อาขว่าอาคยา, จอแปแหร่ เมเซอเพร กาคยา เต่อเกอ เฮ๊อ เป เร๊อ ครี๊ เฮ๊อ. เป เร๊อ ครี๊ ทวาแถ่เฮ๊อ ลู เตเต๊อเจ๋อโต อาขว่าอาคยา, อา เด๊อะ เป๊อตี๊หรี่ เต่อเกอ เฮ๊อ เป เร๊อ ครี๊ เด๊อ ม๊อขุ อาเทออาเก่ กูเฮ๊อ.

โครินธ์ อาเหร่อเล๊อ ต๊าบ่า 15:58

ฮู๊เนอเรอ, แว โคแบ๊ซว๊า ซี, กู๊แหน่เรอ ก๊อถ่อ แตแนแร๊ แลแค เร๊อ โอ่หม่าโอ่กลอ แลแค เด๊อ ซี เตหยื่อ อากูเนอ นี๋. เม ฉว่าฉว่า แลแค จอแปแหร่ อาเตเม ปว๋า โตโพ๊ นี๋, เมเตเฮ๊เรอ ซี เม แบ่เจ่ อาเตเม เนอ อา แกเด เด๊อ ซีเง โต่.

เพรโด่แนพู๊ เต๊เห่ 23:6

เบ๊อะคูเปาโล แม๊เถอะ เร๊อ แกแย โอ่เบ๊อะเนอ เต๊เห่ หม่า เต๊เห่เห่เร๊อ สะดูสีพู๊, เต๊เห่เห่เร๊อ ฟาริสีพู๊ อาขว่าอาคยา, อา เอ๊โทแถ่โล เป่ แกแยยิวพู๊ เด๊อ อา ทวา กู่กล๊อ เต๊เห่ เน๊อ, “แว โป่แหว่ ซี๋, แว หม่า ฟาริสีพู๊ เตเพร. แว หม่า ฟาริสีพู๊ เต๊เห่ อา พู๊เพรคู หม่า อาหม่าหม่า. แว แม๊ชือ เร๊อ แกแย เด๊อ อา เซอ เต๊เห่เนอ, อา เก่ ก๊อถ่อเซอเพร กาคยา คยาแซ๊ ปา อาขว่าอาคยาเร๊อ, ซี ทื๊อเจ แว.”

ꤚꤥꤗꤢꤩ꤬ 4:18

จอแปแหร่ เฮ๊ เพอับราฮัม เน๊อ, “เน เก่ ทวา เมวเจอะ ตูปลูเต๊เผ่ อาเพ ปา. เนกลุยเนแล เก่ โอ่โหร่โอ่เอ๊ แซ่เจ๊อเร๊อ เฉ่ เด๊อ ม๊อเล เนอเต๊เห่ ปา.” จอแปแหร่ เฮ๊ เตเออเนอ อาเหล่ ทวาแถ่ เป่ เด๊อ เพอับราฮัม เก่ พู๊ โอ่โหร่โอ่เอ๊แถ่ อาเงเนอ อายู ปาโต่ หม่าแน๊เรอ อา หยื่อเอ่ โอ่ป่อ แม๊ชือหนิ เด๊อ อา เก่ ทวาแถ่ ปา.

ꤚꤥꤗꤢꤩ꤬ 5:4

เตข่าเบ่ เตจาเตจือ เนอ อา เด๊อะ โอ่เอ๊แถ่ เตเมโต จอแปแหร่ อาซิปล่อ, เตเมโต จอแปแหร่ อาซิปล่อ เนอ, อา เด๊อะ โอ่ทวาแถ่ เอ๊โป่ เตแม๊ชือ.

โครินธ์ อาเหร่อเล๊อ ต๊าบ่า 13:13

หม่าแน๊เรอ กู๊แหน่ เออเนอ, เตหยื่อ, เตแม๊ชือ เร๊อ เตโม โอ่แก ปา โซเจ่อ. เด๊อ เออ โซเจ่อ อาเกลเนอ อาดุเล๊อ อู หม่า เตโม เฮ๊อ.

โคโลสี 1:27

จอแปแหร่ ซิปล่อโอ่ เด๊อ อา เก่ เบ่ แด่โลแถ่ เป่ อาแกแย เต๊เห่ เน๊อ อา เตแด่โอ๊แด่บี๊ เออเต๊อเจ่อ. อา เตแด่โอ๊แด่บี๊ เออเนอหมา แกแยยิวพู๊ หม่าโต่ เต๊เห่ อาเง เนอหม่า อาหม่าหม่า. เตแด่โอ๊แด่บี๊ เออเนอหมา อา งูดุงูชอ, อาเตอเรอดุเตอเรอทู แหน่เจ๊อ. เตแด่โอ๊แด่บี๊ เออเนอหมา หม่าเฮ๊อ ครี๊ เด๊อ อา โอ่ เด๊อ ซีเหน่ลู เออเนอเฮ๊อ, เร๊อ อาโหง่แลช๊า หม่า หม่าเฮ๊อ ซี เก่ พย๊าหนิ เกอดื่อ จอแปแหร่ อาเตอเรอดุเตอเรอทู ปา, เออเนอเฮ๊อ.

เปโตร อาเหร่อเล๊อ ต๊าบ่า 1:3

เป เก่ เฮ๊บุ๊ยเฮ๊เตอเรอแถ่ โหร่ลู เป แบ่เจ่ เหย่ซู่ครี๊ อาเพ จอแปแหร่ โป๋. หม่าเด๊อ อา เตซิยอ ตาลว๊าซิลือ เป เออ, เร๊อ เหย่ซู่ครี๊ อาเตเซอ ก๊อถ่อกาคยา อาขว่าอาคยา, อา เด๊อะตา เฮ๊อ เป เตเซอเพร อาเซ เฮ๊อ. เด๊อ เออ อาขว่าอาคยา, เป พย๊าหนิ แฮเง ลาเฮ๊อ เป เตแม๊ชือ เด๊อ เป เตโอ่เซอเพร อากู เฮ๊อ.