ꤟꤤꤙꤚꤢꤨ 5:2 - ลีเทส่อพ๊าอาเซ เร๊อ เห่ขุทวาลู๊

² เหย่ซี ย๋อ ทวาแพ๊ แกแยเห่ขุพู๊ อาขว่าอาคยา, อา เมซื๊อเมปล๊า แลแค แพ๊. ฮู๊เนอเรอ แกแย เด๊อ อา ซิเง ตาเต เกอ อู เตหมะเตจ๊อ โต่ เร๊อ อา เมซื๊อเมปล๊า เต เต๊เห่ อาเงเนอ, เหย่ซี เตเน ซิยอแจ่ เป่เกออู โต่.

Eastern Kayah Shadaw Dialect

² ꤛꤢꤩ꤬ꤞꤤ꤭ ꤜꤢ꤭ ꤓꤝꤢ꤭ꤖꤢꤧ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤗꤢꤩ꤬ꤞꤢꤦꤗꤢꤩ꤬ꤕꤜꤢ ꤜꤢ꤭ꤋꤢꤧ꤭ ꤖꤢꤧ꤯ ꤟꤢꤨꤔꤣꤧ꤬ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤊꤣꤧ꤭ꤢꤨ꤭ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤒꤥ꤬ ꤚꤣꤧ꤬ ꤢ꤬ ꤗꤢꤩ꤬ꤞꤢꤦꤗꤢꤩ꤬ꤕꤜꤢ ꤒꤢꤩ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤒꤣꤧ꤬ꤔꤢꤩ꤬ ꤞꤤꤛꤢꤪ꤬ꤡ꤫ꤢꤧ꤬ ꤕ꤫ꤢꤩ꤬ꤊꤣꤧ꤭ꤢꤨ꤭ ꤒꤥ꤬꤯

ꤟꤤꤙꤚꤢꤨ 5:2 ပူးပေါင်းရင်းမြစ်များ

ꤟꤤꤙꤚꤢꤨ 4:15

เป เพรหลู่แต กู่กล๊อดุเล๊อ เออเตเพรเนอ, อา ซิเง เป เตอ๊าเจ่เหร่เจ่ เต๊เห่ เร๊อ อา ซิยอ เกอเร๊อ เป. เมเตเฮ๊เรอ อา แม๊เถอะ ป่อชิเต่อเบ่ น๊อเฮ๊อ เน๊อ เตอิลออี๊โหล่ ปว๋า เต๊อเจ่อ ฮู๊ เป แม๊เถอะ ป่อชิเต่อเบ่ เออเนอ หม่าแน๊เรอ อา เมซื๊อเกอ เต โต่.

ꤟꤤꤙꤚꤢꤨ 2:18

เร๊อ กู๊แหน่เออ, อาเหน่ แบ่เจ่ เร๊อดื่อ ย๋อ แม๊เถอะป่อเต่อ แฮ เบ่น๊อ โทเฮ๊อ เตข่าจาข่าจือ เต๊เห่, เตอิลออี๊โหล่ เต๊เห่ อาขว่าอาคยา แกแย เด๊อ อา แม๊เถอะ ป่อชิเต่อเบ่ เน๊อ เตอิลออี๊โหล่ เต๊เห่เนอ อา เมจว่าเบ๊ อู แพ๊.

ꤟꤤꤙꤚꤢꤨ 7:28

เพรหลู่แตเต เต๊เห่เนอ, อา เตซื๊อเตปล๊า โอ่ แพ๊ แลแค หม่าแน๊เรอ เตซว๊าเตแส่ ย๋อ โอ่ อาขว่าอาคยา, อู เบ่ แด่แถ่ เหย่ซี แพ๊. หม่าแน๊เรอ เบ๊อะจอแปแหร่ เด๊อะตาโท เฮ๊อ เตซว๊าเตแส่ เออ เด๊อคยา อางยาลาเฮ๊อ เนอ, อา อ๊อแล ข่อคยาโป่ ตือมือ เร๊อ อา แบโน เต่อหนิ อาโหง่ เบ๊อะเนอ. อา แบตา เฮ๊อ อาโหง่ เน๊อ อา แด่แถ่ เฮ๊อ อา พู๊เพรคู เด๊อ อาเตซื๊อ โอ่โต่, อา เล๊อบา เออเตเพร เน๊อ อา เก่ ทวาแถ่ เพรหลู่แต กู่กล๊อดุเล๊อ ตูจูเพร เฮ๊อ.

ꤟꤤꤙꤚꤢꤨ 12:13

ตูรู๊ ครวาแฮเง ตื๊อดื่อเกอ เตหมะเตจ๊อ อาแกล๊ เออเนอ นี๋. แกแย เด๊อ อาเตหยื่อ ปีตี๊ เต๊เห่เนอ, อาแซ่เน๊อ แกแย กู๊โด่ด๊า เนอเต๊เห่ เฮ๊อ. แซ่ฮู๊ แกแย เด๊อ อา กู๊โด่ด๊า เออเต๊เห่ เก่ ตอพอ แต่เหม่, โทเรอ แซ่ฮู๊ เหย่ซี กู๊โด่ เก่ แร๊กาคยา อาเงเนอ, ตูรู๊ ครวา แฮเง ตื๊อดื่อลา เกอโป่ แลแค นี๋.

ꤊꤢ꤬ꤜꤢ꤬ꤒꤤ 4:13

เบ๊อะแว โอ่เต่อเกอ เร๊อ ซี เร๊อ แว แด๊โฉ่โด่แน เป่เร๊อ ซี เน๊อ เตซิครือมีลา อาเหร่อเล๊อ โตโพ๊เนอหม่า แว ล๋อ ชุ๊ย เนอหม่า ซี ซิเง ลอดื่อ เฮ๊อ.

โครินธ์ เนอบ่า ต๊าบ่า 12:5

แว เก่ เฮ๊เบ่ถู่เซ๊ เกอเร๊อ เตเมทวาแถ่ เฮ๊อ อาเหน่ เออเต๊เห่. หม่าแน๊เรอ แว เฮ๊เบ่ถู่เซ๊ เกอเร๊อ เน๊อ แวเหน่ โต่. แว เก่ เฮ๊เบ่ ถู่เซ๊หนิ แพ๊ตื๊อ แว เตอ๊าเจ่เหร่เจ่ เออเต๊เห่ แพ๊.

ทิโมธี อาเหร่อเล๊อ ต๊าบ่า 1:13

เด๋อ อาเหร่อเค เนอหม่า, แว เฮ๊ มู๊แหม่รีแจ่ เหย่ซู่ครี๊, แว เมจาเมจือ อา, แว เป๊อเจ่ออิแช๊ อา หม่าแน๊เรอ แบ่เจ่ ซิยอเกอเร๊อ แว, เมเตเฮ๊เรอ แว ย๋อ หยื่อเอ่แหน่ แต่เกอล๋ายโต่, เร๊อ แว เมเต เออเต๊เห่เนอ, แว ย๋อ ซิเง ล๋ายโต่ อาขว่าอาคยา, อา ซิยอเกอเร๊อ แว แพ๊.

โครินธ์ เนอบ่า ต๊าบ่า 11:30

แวเก่ โต เฮ๊เบ่ถู่เซ๊ เฮ๊เรอ แว เก่ เฮ๊เบ่ถู่เซ๊ แพ๊ตื๊อ เต เด๊อ อา เด๊อะโล แว เตอ๊าเจ่เหร่เจ่ เต๊เห่ อาหรี่อาแก แพ๊.

ꤜꤢꤨꤊꤢ꤬ 22:32

หม่าแน๊เรอ, คูซีโมน, แซ่ฮู๊ เน เตหยื่อเตแหน่ อา ปย๊าแก แต่เหม่ เนอ, แว กุยจ๊อเบ เป่ เด๊อ เนเง. โทเรอ เบ๊อะเน ซิเหน่แลคยาแซ๊ กาคยา คยาแซ๊ เฮ๊อ เนเหน่ ปาเนอ, เน โตเบ่ เด๊อะอ๊าเด๊อะเหร่หนิ เน โป่แหว่ เต๊เห่ ปา นี๋.”

เอเฟซัส 4:18

เหย่ซี เนอเต๊เห่ หม่า อา ซิเงโปล เบ๊ เกออู เตหมะเตจ๊อ โต่. เด๊อ เหย่ซี กู่กล๊อเพรอ อาขว่าอาคยา, อา ซิเง เกอ แลแค อู จอแปแหร่ อาแกล๊อาโกล โต่, เด๊อ เหย่ซี ซิเงเกอ แลแค อู จอแปแหร่ อาแกล๊อาโกล โต่ อาขว่าอาคยาเร๊อ, เหย่ซี พย๊าหนิ เกออู ซิปล่อเซอเพร อาเซ เด๊อ จอแปแหร่ เด๊อ เออเนอ โต่.

ꤟꤤꤙꤚꤢꤨ 2:17

ฮู๊เนอ อาขว่าอาคยา แซ่ฮู๊ แบ่เจ่ เหย่ซู่ เก่ ทวาดื่อ เพร เด๊อ อา เม จอแปแหร่ อา เตเอ่เตแร ฮู๊ เพรหลู่แต กู่กล๊อดุเล๊อ เด๊อ อาจ๊อ เร๊อ อาโหง่ เร๊อ อา ซิยอแจ่ อู เตเพร. โท๊โต่ แซ่ฮู๊ อา เก่ ข่าเซอเป่ เด๊อ แกแย เต๊เห่ อา เตเมซื๊อ เต๊เห่ เก่ ปลวาแก อาเงเนอ, อา แฮแล พย๊า แกแยเห่ขุพู๊ อาเหล่โกล แซ่เน๊อ อาโป่อาแหม่ เออเนอเต๊เห่ เฮ๊อ.

ꤟꤤꤙꤚꤢꤨ 9:7

หม่าแน๊เรอ เด๊อ เตบูโพ๊ เล๊ออูเออ ตาดา อากูเนอ, อา โนหนิ แพ๊ตื๊อ เพรหลู่แต กู่กล๊อดุเล๊อ เนอเตเพร แพ๊. ต๊าหน่าเนอ อา โนแพ๊ โตโพ๊ เร๊อ อา เบ่ พย๊าโนหนิ สุ่ย เด๊อ อา เก่ หลู่แถ่ เกอเร๊อดื่อ อาเตซื๊อ อาเง เออเนอ, เน๊อ แกแย เด๊อ อา เตเน เต่อโต่ เร๊อ อา เมซื๊อ ตาแต่ เต๊เห่ อาเตซื๊อ อาเง.

ꤡꤛꤢꤩ꤭ꤗꤢ꤬ꤎꤣ꤬ 5:19

แว โป่แหว่ ซี๋, เด๊อ ซีเกล เนอ แกแย เตเพรเพร อา เก่ จว๊า เปแก เน๊อ เตหมะเตจ๊อ เฮ๊เรอ แกแย เด๊อ อาโรเตเพร เก่ จว๊า เอ๊กาโต คยาแซ๊ ลู เด๊อ แกล๊กู เฮ๊เนอ,

เปโตร อาเหร่อเล๊อ ต๊าบ่า 2:25

ซี เออเนอ, อาแซ่เน๊อ ซิหมิ เด๊อ อา จว๊าซื๊อแกล๊ เต๊เห่. หม่าแน๊เรอ กู๊แหน่เออ ซี กาคยาโต คยาแซ๊ เฮ๊อ เด๊อ เพรเก ซิหมิ เด๊อ อา แม๊ตู่เร๊อ ซี ซิปล่อเซอเพร เออเตเพร อา โอ่ เฮ๊อ.