ꤟꤤꤙꤚꤢꤨ 4:16 - ลีเทส่อพ๊าอาเซ เร๊อ เห่ขุทวาลู๊

¹⁶ ฮู๊เนอเรอ, เป โหล่เบ่ เต เบ๊อะเกเต๋ เบ่เบ่เนอ, เป โต แฮโน ฮาฮา เด๊อ เป จอแปแหร่ เด๊อ อา ซิยอเร๊อ อู เออเตเพร อา เหล่โอ่แน อาเป๊เส่เง เนอ. เร๊อ เป เก่ พย๊าหนิ อา เตซิยอ ปา เร๊อ เป เก่ แม๊เถอะเบ่ อาบุ๊ยดุอาเตอเรอทู เด๊อ อา เก่ เมจว่า เป เออเนอ ปา.

Eastern Kayah Shadaw Dialect

¹⁶ ꤟꤢꤨꤔꤣꤧ꤬ꤚꤣꤧ꤬, ꤕꤢꤩ꤬ ꤜ꤫ꤥ꤬ꤙꤢꤩ꤬ ꤒꤢꤩ꤬ ꤙꤢꤪꤋꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬ꤔꤣꤧ꤬, ꤕꤢꤩ꤬ ꤒꤥ꤭ ꤟꤢꤧ꤭ꤔꤥ꤭ ꤟꤢ꤭ꤟꤢ꤭ ꤘꤣ ꤕꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤞꤤꤛꤢꤪ꤬ꤚꤣꤧ ꤢꤨ꤭ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤜ꤫ꤢꤩ꤬ꤥ꤬ꤔꤢꤧ꤭ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤔꤣꤧ꤬꤯ ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤢ꤬ ꤒꤢꤩ꤬ꤞꤤꤛꤢꤪ꤬ ꤕꤢ꤭ ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ꤙꤢꤩ꤬ ꤢ꤬ꤙꤝꤤꤘꤢꤨ꤬ꤢ꤬ꤒꤣꤧ꤬ꤚꤣꤧ꤭ꤓꤢꤨ꤭ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ ꤕꤢꤩ꤬ ꤣꤧ꤭ꤔꤣꤧ꤬ ꤕꤢ꤭꤯

ꤟꤤꤙꤚꤢꤨ 4:16 ပူးပေါင်းရင်းမြစ်များ

เอเฟซัส 3:12

เด๊อ เป หยื่อเอ่ ครี๊, โทเรอ เด๊อ เป ทวาแถ่เฮ๊อ เตเต๊อเจ๋อโต เร๊อ ลู อาขว่าอาคยา, กู๊แหน่เออ เป เก่ แฮโน เด๊อ จอแปแหร่ อา โอ่ เร๊อ เตหยื่อเอ่ เกอเร๊อเหน่ เร๊อ เตคือเตฮา เนอหม่า อาหนิ เฮ๊อ.

ꤟꤤꤙꤚꤢꤨ 7:25

ฮู๊เนอเรอ แกแย เด๊อ อา แฮ เด๊อ จอแปแหร่ อา โอ่ เร๊อ อา แฮโน แฮเง เด๊อ เหย่ซู่ อา โอ่ เต๊เห่เนอ, เหย่ซู่ เก่ เมแลเปล๊กาเบ๊ เหย่ซี กู๊แหน่เออ ตาแฮเง ตูจูเพร เจ๊อ ปา, เมเตเฮ๊เรอ แซ่ฮู๊ อา เก่ โน กุยซิยอเบ๊ เป่ แกแย ฮู๊เนอ เต๊เห่ อาเง เด๊อ จอแปแหร่ อา โอ่ เนอ, อา เบ่ เซอเพร ตูจูเพร.

ꤟꤤꤙꤚꤢꤨ 13:6

ฮู๊เนอเรอ, “จอแปแหร่ หม่า เพร เด๊อ อา เมจว่า แว. อู เมเจ๊อ แว ฮู๊เตเต๋ เบ่เบ่, แว ซิอิเช โต่,” เป เฮ๊ แลแค ฮู๊เออ เนอหม่า อาหนิ แพ๊.

เปโตร อาเหร่อเล๊อ ต๊าบ่า 2:10

โตโพ๊เคเนอ, ซี หม่า จอแปแหร่ อาแกแย หม่าโต่ หม่าแน๊เรอ กู๊แหน่เออ ซี ทวาเฮ๊อ จอแปแหร่ อาแกแย เฮ๊อ. โตโพ๊เคเนอ, ซี ซิเง จอแปแหร่ อา เตซิยอกล่าเบ่ โต่ หม่าแน๊เรอ กู๊แหน่เออ ซี พย๊าหนิเฮ๊อ อา เตซิยอกล่าเบ่ เฮ๊อ.

เอเฟซัส 2:18

เด๊อ ครี๊ เม เป่ โทเฮ๊อ เด๊อ เปเง เร๊อ แหย่โยบูโพ๊แบ่เจ่ เตเพร่ว แพ๊ เมจว่า เป แฮเง เป อาขว่าอาคยา, ล๋อ เป แกแยยิวพู๊ เต๊เห่ เบ่เบ่, แกแยยิวพู๊ หม่าโต่ เต๊เห่ เบ่เบ่, เป แฮโนหนิ เฮ๊อ เด๊อ จอแปแหร่ อาเป๊เส่เง เฮ๊อ.

ꤟꤤꤙꤚꤢꤨ 7:19

คูโมเสส อา เตซว๊าเตแส่ เนอ อา เมจ๊อเมเต แจ่ อู เตเพร่ว โต่. หม่าแน๊เรอ กู๊แหน่เออ เป เตแม๊ชือ แกล๊ อาเซ โตโบ เด๊อ อาแร๊เล๊อ ปา เจ๊อ เร๊อ เตซว๊าเตแส่ เออเนอ อา โอ่ เฮ๊อ. เร๊อ เป แฮโนผื่อเฮ๊อ เด๊อ จอแปแหร่ อา โอ่ เน๊อ แกล๊ อาเซ เออโตโบ หม่า อาหนิ เฮ๊อ.

ꤟꤤꤙꤚꤢꤨ 9:5

เด๊อ เต๊อบูโพ๊เออ อาขุเนอ, อู แบ๊โอ่ ม๊อขุ เตเน่วพู๊ เด๊อ อู เอ๊ เน๊อ เครูบ อาแปล๊ เตเคเออ เนอเพร โอ่ เร๊อ อา โฮ๊บี๊ตา อาด๊า เด๊อ เต๊อบูโพ๊ อากู่ด๊อ เด๊อ จอแปแหร่ เหล่ปลวาแก อู เตซื๊อ เออ อาลูเนอ. เหล่โด่แนโปล เป่ ซี เนอ อา โอ่ เอ๋ ลาปา อาขว่าอาคยา, กู๊แหน่เรอ เฮ๊ปวาเฮ๊ดวา ลอ เป่ ซี โต่.

ꤟꤤꤙꤚꤢꤨ 3:6

หม่าแน๊เรอ, ครี๊ เออเนอหมา อาแซ่เน๊อ คูโมเสส เด๊อ อา ทวา เพรแรเต เด๊อ จอแปแหร่ อาหี่ เนอเตเพร หม่าโต่. อา หม่า จอแปแหร่ อาพู๊คู เตเพร. อา หม่า อาจ๊อ เร๊อ อาเตเม เร๊อ อา แม๊ตู่หนิ อาเพ จอแปแหร่ อาหี่พู๊แพพู๊ เต๊เห่. เป เก่ ครวา คือคือฮาฮา แฮเงลา ครี๊ โต่เด๊อ อาตื๊อดื่อ โท๊โต่ เต เด๊อ จอแปแหร่ เก่ เด๊อะ เป เออเนอ, เป เก่ แม๊ชือ แฮเงลา โต่เด๊อ อาตื๊อดื่อ เฮ๊เนอหม่า, เป หม่า จอแปแหร่ อาหี่พู๊แพพู๊ เฮ๊อ.