ꤟꤤꤙꤚꤢꤨ 4:14 - ลีเทส่อพ๊าอาเซ เร๊อ เห่ขุทวาลู๊

¹⁴ ฮู๊เนอเรอ, เป ปื่อหม่าปื่อกลอ แร๊ แลแค เป เตหยื่อเตแหน่ เด๊อ เป อ๊อแล โทเร๊อเฮ๊อ เออเนอ โป๋, เมเตเฮ๊เรอ, เป โอ่ เกอเร๊อ เน๊อ เป เพรหลู่แต กู่กล๊อดุเล๊อ เออเตเพร, เร๊อ อา จว๊าโน เป่เฮ๊อ เด๊อ เปเง เด๊อ ม๊อขุ เฮ๊อ. อา หม่า จอแปแหร่ อา พู๊เพรคู เหย่ซู่ เออเนอเฮ๊อ.

Eastern Kayah Shadaw Dialect

¹⁴ ꤟꤢꤨꤔꤣꤧ꤬ꤚꤣꤧ꤬, ꤕꤢꤩ꤬ ꤕ꤫ꤢꤦ꤬ꤊꤜꤢꤪ꤬ꤕ꤫ꤢꤦ꤬ꤗꤢ꤬ ꤚꤢꤧ ꤜꤢ꤭ꤋꤢꤧ꤭ ꤕꤢꤩ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤘꤣ ꤕꤢꤩ꤬ ꤢꤪꤜꤢꤧ꤬ ꤓꤥ꤭ꤚꤣꤧꤟꤣꤧ ꤣꤧ꤭ꤔꤣꤧ꤬ ꤕꤥ꤮, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤕꤢꤩ꤬ ꤥ꤬ ꤚꤣꤧꤘꤢꤦ꤬ ꤔꤢꤧ ꤕꤢꤩ꤬ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤘꤢꤨ꤬ꤜꤣ ꤣꤧ꤭ꤒꤣ꤬ꤖꤚꤢꤩ꤬, ꤚꤣꤧ꤬ ꤢ꤬ ꤡꤝꤢꤔꤥ꤭ ꤕ꤫ꤢꤩ꤬ꤟꤣꤧ ꤘꤣ ꤕꤢꤩ꤬ꤑꤢꤩ꤭ ꤘꤣ ꤗꤢꤪꤋꤢꤨ꤬ ꤟꤣꤧ꤯ ꤢ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤖꤢꤨꤖꤚꤢꤩ꤬ꤋꤢꤨ꤭ ꤛꤢꤩ꤬ꤏꤛꤢꤨ ꤣꤧ꤭ꤔꤣꤧ꤬ꤟꤣꤧ꤯

ꤟꤤꤙꤚꤢꤨ 4:14 ပူးပေါင်းရင်းမြစ်များ

ꤟꤤꤙꤚꤢꤨ 9:24

เมเตเฮ๊เรอ เหล่สื่อดุ บูโพ๊ เด๊อ อู เม เร๊อ แกแย กู๊ขุ เร๊อ อู แม๊บือ เมเกอ แพ๊ อาโหมะกล่อ หม่าแหน่ เออเตเม อากู เนอ, ครี๊ จว๊าโน เบ๊อะเนอ หม่าโต่. อา จว๊าโน เร๊อดื่อ เด๊อ ม๊อขุ เร๊อ กู๊แหน่เออ อา กุยซิยอ เป่ เป เด๊อ จอแปแหร่ อาเป๊เส่เง.

ꤟꤤꤙꤚꤢꤨ 12:2

อาแซ่เน๊อ แกแย แกล่ เต๊เห่ แม๊จ๊อจ๊อ แฮโต ตื๊อแพ๊ เตเมเป่ม๊าโบ เออเนอเฮ๊อ, ฮู๊เนอเรอ เป เก่ แม๊จ๊อจ๊อ แฮ แพ๊ตื๊อ เหย่ซู่ โป๋. เมเตเฮ๊เร๊อ อา หม่า เป เตหยื่อเตแหน่ อา แก่ช๊าแก่แร เตเพร. โท๊โต่, อา หม่า เพร เด๊อ อา เมเล๊อเมบา เป่ เฮ๊อ เป เตหยื่อเตแหน่ เตเพร. อา ข่าเซอ โทปาหม่า, อา ซิเง หนื่ออื่อ โทเฮ๊อ เน๊อ อา เก่ พย๊าหนิ เตซิหยื่อซิลอ ปา อาขว่าอาคยา, อา โตเบ่ ข่าเซอ เจ๊อ เด๊อ อี๊ถื่อดีเต่ลู เจ๊อ หม่าแน๊เรอ อา ซิเตเร เตอเจ๋อ โต่. กู๊แหน่เรอ อา โอ่แนโอ่ เฮ๊อ เด๊อ จอแปแหร่ อา เหล่โอ่แน แถ่โล เด๊อ จ๊อทว๊า เนอตากยา เฮ๊อ.

ꤟꤤꤙꤚꤢꤨ 10:23

เป เก่ ปื่อหม่า เกอเร๊อดื่อ เป เตแม๊ชือ เด๊อ เป เฮ๊ เป่ โทเฮ๊อ อู เออเนอเต๊เห่ โป๋, เมเตเฮ๊เรอ เป ซิเง เร๊อ จอแปแหร่ เนอ อาจ๊อ เน๊อ อา เตอ๊อแล เร๊อ อา เมฮู๊ อา เฮ๊เนอ ปว๋า โตโพ๊ เจ๊อ.

ꤟꤤꤙꤚꤢꤨ 9:12

เบ๊อะอา จว๊าโน หลู่แตแถ่เต เด๊อ เหล่โอ่ บูโพ๊ เล๊ออู เออตาดา เบ๊อะเนอ, อา พย๊าโนหนิ เปะ เต๊เห่ อาสุ่ย, ปู่เพ เต๊เห่ อาสุ่ย เนอหม่าโต่. อา เก่ โน หลู่แตแถ่เต อาเงเนอ, อา พย๊าโน เกอ เร๊อ ดื่อ เน๊อ อาสุ่ย อาขว่าอาคยา, อา แฮโน แพ๊ โตโพ๊ เร๊อ อาโทอาปลื๊อ ลาเฮ๊อ, เร๊อ อา เมแลเปล๊กา เป ตูจูเพร เฮ๊อ.

ꤟꤤꤙꤚꤢꤨ 6:20

เหย่ซู่ จว๊าโนเหร่อ เป่เฮ๊อ เปเหล่โอ่ เด๊อ เง เฮ๊อ. อา ทวา เป่เฮ๊อ เป เพรหลู่แต กู่กล๊อดุเล๊อ เด๊อ อา โอ่ ข่างยา ตูจูเพร เออเนอเฮ๊อ. อา เออเนอ อา แซ่เฮ๊อ เร๊อ เพรหลู่แตเต เมลคีเซเดค เด๊อ เหร่อเนอเค เตเพรเฮ๊อ.

เอเฟซัส 4:10

แกแย เด๊อ อา แฮแล โทเฮ๊อ เด๊อ เห่ขุ เออเตเพรเนอ, เตเพรเพร่ว แพ๊ ลู เร๊อ อา กา กี๊แถ่ เด๊อ เหล่โอ่แถ่โล เล๊อ เร๊อ ม๊อขุ เต๊เห่ เนอเตเพร เฮ๊อ. เด๊อ ม๊อขุ เบ่เบ่, เด๊อ ม๊อเล เบ่เบ่, เด๊อ เห่ขุ เหล่โอ่ เบ๊อะโต๊โผ่ เบ่เบ่, แซ่ฮู๊ อา เก่ โอ่ลอ เหล่โอ่ ปว๋า โต๊โผ่เนอ เรอ, อา กา กี๊แถ่ เด๊อ ม๊อขุ แพ๊.

ꤚꤥꤗꤢꤩ꤬ 8:34

ฮู๊เนอเรอ, หม่าอูเป เตเร เมจากาคยา เหย่ซี เป? เตเพร่ว หม่า อู เมจากาคยา แจ่หนิ เหย่ซี โต่. เมเตเฮ๊เนอ, เหย่ซู่ครี๊ หม่า เพร เด๊อ อา เซอ เด๊อ เป เตซื๊อ อาเง เตเพร, โท๊โต่ จอแปแหร่ เมเซอเพร กาคยา ลู เด๊อ เตเซอ เตเพร. เร๊อ จอแปแหร่ เด๊อ ลู เหล่โอ่ เด๊อ อากู๊ขุ จ๊อทว๊า ตากยา. แซ่ฮู๊ จอแปแหร่ เก่ เมจว่า เป เนอ, เหย่ซู่ โน กุยซิยอ เป่ เฮ๊อ เป เง เฮ๊อ.

ꤟꤤꤙꤚꤢꤨ 3:14

เมเตเฮ๊เรอ, เป เตหยื่อเอ่ จอแปแหร่ เด๊อ กูลู่เค เนอ, เป เก่ ปื่อหม่าแร๊หนิ อา โต่เด๊อ อาตื๊อดื่อ เฮ๊เรอ, เป ทวาเฮ๊อ เพรเมเต่อเต เร๊อ ครี๊ เฮ๊อ.

ꤟꤤꤙꤚꤢꤨ 2:17

ฮู๊เนอ อาขว่าอาคยา แซ่ฮู๊ แบ่เจ่ เหย่ซู่ เก่ ทวาดื่อ เพร เด๊อ อา เม จอแปแหร่ อา เตเอ่เตแร ฮู๊ เพรหลู่แต กู่กล๊อดุเล๊อ เด๊อ อาจ๊อ เร๊อ อาโหง่ เร๊อ อา ซิยอแจ่ อู เตเพร. โท๊โต่ แซ่ฮู๊ อา เก่ ข่าเซอเป่ เด๊อ แกแย เต๊เห่ อา เตเมซื๊อ เต๊เห่ เก่ ปลวาแก อาเงเนอ, อา แฮแล พย๊า แกแยเห่ขุพู๊ อาเหล่โกล แซ่เน๊อ อาโป่อาแหม่ เออเนอเต๊เห่ เฮ๊อ.

ꤟꤤꤙꤚꤢꤨ 10:12

หม่าแน๊เรอ ครี๊ หลู่แถ่ เป่ เป เตซื๊อ อาเง เออเต๊เห่เนอ, อา หลู่แถ่ โตโพ๊แพ๊ เร๊อ อา โท ปลื๊อลา ตูจูเพร เฮ๊อ. เร๊อ อา กา โอ่แนโอ่ เฮ๊อ เด๊อ จอแปแหร่ อากู๊ขุ จ๊อทว๊า ตากยา เฮ๊อ.

ꤟꤤꤙꤚꤢꤨ 8:1

กู๊แหน่เออ, เต เด๊อ อา โหล่ดุเล๊อ อู เต๊อเจ่อ เด๊อ แว ซิหยื่อ นอซิเงโปล ซี เนอหม่า หม่าเฮ๊อ เป เพรหลู่แต กู่กล๊อดุเล๊อ เออเตเพร เฮ๊อ. อา หม่า เหย่ซู่ เฮ๊อ. กู๊แหน่เออ อา โอ่แนโอ่ เด๊อ ม๊อขุ เร๊อ อา โอ่แนโอ่ เด๊อ จอแปแหร่ เด๊อะ อาลีอาเตเค, อาโพรอาเตอเรอ เออเตเพร เหล่โอ่แนโอ่ อาจ๊อทว๊า เนอตากยา เฮ๊อ.

เพรโด่แนพู๊ เต๊เห่ 1:11

เร๊อ อา เฮ๊ เหย่ซี เน๊อ, “แกแยกาลิลีพู๊ ซี๋ ซี จว๊า ก๊อถ่อโอ่ แม๊แถ่ แลแค เด๊อ ม๊อเล เบ๊อะเออ เมเต? เหย่ซู่ เด๊อ ซี แม๊เถอะ อู เอ๊กา กาแถ่แก อา เด๊อ ม๊อขุ เออเตเพรเนอ, อา เก่ ตากาแล แซ่ คยาแซ๊ ฮู๊ ซี แม๊เถอะ อา กากี๊แถ่ กู๊แหน่เออเนอ ปา.”

ꤟꤤꤙꤚꤢꤨ 1:8

หม่าแน๊เรอ, เบ๊อะอา เฮ๊ลาติ อาพู๊คู อาหรี่อาแก เบ๊อะเนอ, “เก๋อ จอแปแหร่ เนเทอเนเก่ เนอ, อา เก่ โอ่งยาดื่อ ตูจูเพร แตแลเคร๊ ป๋า. เน เก่ เป๊อตี๊หรี่ เร๊อดื่อ เน แกแย เต๊เห่ เร๊อ เตจ๊อเตเต ป๋า.

เพรโด่แนพู๊ เต๊เห่ 3:21

ฮู๊ จอแปแหร่ เด๊อ ซิเงหนื่ออื่อ โทดื่อเฮ๊อ เน๊อ เพรโพร บูโพ๊ มู๋ หนู่เค เต๊เห่ เน๊อ เหย่ซู่ เออเนอ อา โตเบ่ โอ่ เด๊อ ม๊อขุ โต่เด๊อ แบ่เจ่ จอแปแหร่ เมเซ กาคยา ลอเฮ๊อ เตปว๋า เต๊อเจ่อ เบ๊อะเนอ ปา.

ꤜꤢꤨꤊꤢ꤬ 24:51

เบ๊อะอา เด๊อะบุ๊ยเด๊อะเตอเรอ ปาแพ๊ เหย่ซี เบ๊อะเนอ, อู จอกากี๊แถ่ ตาพาแก ลู เด๊อ ม๊อขุ เร๊อ อา แด่โอ่แก แก อา โคเจ่ เต๊เห่.

ꤗꤢ꤬ꤊꤢꤨ 16:19

แบ่เจ่ เหย่ซู่ เฮ๊เบ่โท เร๊อ อา โคเจ่ เต๊เห่ เร๊อ จอแปแหร่ เอ๊กา กาแถ่แก ลู เด๊อ ม๊อขุ เร๊อ อา แถ่โอ่แนโอ่ เด๊อ จอแปแหร่ อากู๊ขุ จ๊อทว๊า ตากยา.

ꤟꤤꤙꤚꤢꤨ 2:1

เด๊อ เป ซิเงเฮ๊อ เร๊อ จอแปแหร่ อาพู๊คู หม่า อาดุอาแย ฮู๊เนอ อาขว่าอาคยา, แซ่ฮู๊ เป เก่ จว๊าโค๊แก เตหมะเตจ๊อ เด๊อ เป หนิโฮ โทเฮ๊อ เออเนอ แต่เหม่ อาเงเนอ, เป เบ่ แด่หยื่อเล๊อ อา.

ꤗꤢ꤬ꤊꤢꤨ 1:1

เออ หม่า เตซิครือมีลา อา แกช๊า เด๊อ อา แด๊โฉ่โล จอแปแหร่ อาพู๊คู เหย่ซู่ครี๊ อาหรี่อาแก.

มัทธิว 4:3

เบ๊อะเนออาเค โลเน๊มูแหม่ กู่กล๊อ แฮ เด๊อ ลูโอ่ เร๊อ อา เฮ๊ ลู เน๊อ, “เน เก่ หม่า จอแปแหร่ อาพู๊ เตเพร เฮ๊เรอ, นอตาหล่อ เออเต๊เห่ เร๊อ นอทวาแถ่ อา เร๊อ ค๊อมู เนอ.”

โครินธ์ เนอบ่า ต๊าบ่า 9:13

ซี เตเมจว่า เออเนอ อา ข่าเด๊อะโล เน๊อ ซี หยื่อเอ่ หม่าแหน่ แบ่เจ่ เหย่ซู่ เฮ๊อ. เด๊อ ซี ย๋อ หยื่อเอ่ ครวาเมเกอ ฮู๊ ครี๊ อา เตซิครือมีลา เฮ๊เนอ อาขว่าอาคยา, อู เก่ ถู่เซ๊แถ่ เอ๊แหน่เจ๊อ จอแปแหร่ ปา. เมเตเฮ๊เรอ เด๊อ ซี ซิปล่อฉว่า เมจว่า เป่ เหย่ซี เร๊อ อู ปว๋า เตเพร อาขว่าอาคยา, แกแย เก่ ถู่เซ๊แถ่ โร๊ลา จอแปแหร่ ฮู๊เนอ ปา.

โครินธ์ เนอบ่า ต๊าบ่า 12:2

เด๊อ อาเหร่อเค เช๊อลุยหน่า เบ๊อะเนอ, อู เอ๊กา กี๊แถ่ แกแยเพ เด๊อ อา หยื่อเอ่ ครี๊ เตเพร เด๊อ ม๊อขุ โซโต่ โต๊โต่ โต๊โผ่. (อาเหน่กล่อ โอ่ป่าแถ่เต่อ เกอ แอ? หม่า อา โอ่ป่าแถ่เต่อ โต่ แอ เนอ, แว ซิเง โต่. ซิเง แพ๊ตื๊อ จอแปแหร่ เตเพร แพ๊.)

ꤟꤤꤙꤚꤢꤨ 3:1

ฮู๊เนอ อาขว่าอาคยา, โป่แหว่ ครี๊พู๊ เด๊อ จอแปแหร่ เอ๊ ซี เออเต๊เห๋ เตเน แม๊มอ แลแค เหย่ซู่ เด๊อ จอแปแหร่ นอแฮ ทวา ลู เน๊อ เพรเฮ๊โฉ่โด่แหน่ จอแปแหร่ อาลาอาโหง่ เน๊อ เพรหลู่แต กู่กล๊อดุเล๊อ เออเตเพรเนอ.

ꤟꤤꤙꤚꤢꤨ 6:6

เหย่ซี เก่ แม๊เถอะแฮ เบ่น๊อ โทเฮ๊อ เตเออเต๊เห่ เร๊อ อา เก่ ตีรี๊ จว๊าโค๊แก เร๊อ จอแปแหร่ เฮ๊เนอ, ถู่แหล่เต๊เปล่ กาคยา แจ่ ปา อาซิปล่อ แตแค๋ โต่. เออเนอหมา อา แซ่เฮ๊อ เน๊อ เหย่ซี มือเซอแถ่ คยาแซ๊ จอแปแหร่ อาพู๊คู เด๊อ อี๊ถื่อดีเต่ลู เร๊อ อา เม ซิเตเรแก แบ่เจ่ เหย่ซู่ เด๊อ อู ตูปลูเต๊เผ่ อาเป๊เส่เง เฮ๊อ.

ꤟꤤꤙꤚꤢꤨ 7:3

เมลคีเซเดค อาเพ เบ่เบ่, อาโหมะ เบ่เบ่, อาเพอโพ กลุยแล เต๊เห่ เบ่เบ่, อู ราม๊าราแด โอ่แก เกอ อา เตอเจ๋อ โต่. อา เตโอ่เป๊เจ่แล เน๊อ อาเตเซอ อาหรี่อาแก เต๊เห่เนอ เบ่เบ่, อู ราม๊าราแด โอ่แก เกอ ลู โต่โต่. อา หม่า อาแซ่เน๊อ จอแปแหร่ อาพู๊คู เตเพร. อา ทวา เพรหลู่แตเต ตูจูเพร.

ꤟꤤꤙꤚꤢꤨ 10:29

ฮู๊เนอเรอ ซี เตเน แม๊มอ แกแย เด๊อ อา เฮ๊ โตโมเต๊เก่ จอแปแหร่ อาพู๊คู เออเต๊เห่, เร๊อ อา วีแก ลู เต๊เห่เนอ, จอแปแหร่ เก่ เมจากาคยา จาเล๊อแหน่ เหย่ซี ปา. โทเรอ ครี๊ ข่าเซอ อาซิปล่อ เร๊อ อา เด๊อะทวาแถ่ เฮ๊อ จอแปแหร่ อา เตอ๊อแล อาเซ เออเนอเฮ๊อ เร๊อ ครี๊ ซู๊ปลีแก เฮ๊อ เป เน๊อ อาสุ่ย เฮ๊อ. ฮู๊เนอเรอ แกแย เด๊อ อา แด่ งูดุงูชอ เกอ ครี๊ อาสุ่ย โต่ เต๊เห่เนอ, จอแปแหร่ เก่ เมจากาคยา จาเล๊อ เหย่ซี ปา. โท๊โต่ แกแย เออเต๊เห่เนอ อา เฮ๊ มู๊แหม่รีแจ่ แหย่โยบูโพ๊ แบ่เจ่ เด๊อ อา เด๊อะ เหย่ซี เตบุ๊ยเตเตอเรอ เออเตเพร อาขว่าอาคยา, จอแปแหร่ เก่ เมจากาคยา เล๊อ เจ๊อ เหย่ซี เร๊อ แกแย เด๊อ อา เมซื๊อ คูโมเสส อา เตซว๊าเตแส่ เนอเต๊เห่ ปา.

เปโตร อาเหร่อเล๊อ ต๊าบ่า 3:22

เหย่ซู่ครี๊ กา กี๊แถ่เฮ๊อ เด๊อ ม๊อขุ เร๊อ อา กา โอ่แนโอ่ เด๊อ จอแปแหร่ อากู๊ขุ จ๊อทว๊า ตากยา เฮ๊อ. เร๊อ อา เป๊อตี๊หรี่ ลอ เตเน่วพู๊ เต๊เห่ เร๊อ เตเตอเรอฉว่าชอ เต๊เห่, เร๊อ เตโพรเตเตอเรอ เต๊เห่ เฮ๊อ.