ꤟꤤꤙꤚꤢꤨ 4:1 - ลีเทส่อพ๊าอาเซ เร๊อ เห่ขุทวาลู๊

¹ จอแปแหร่ อ๊อแล ตื๊อดื่อปา เป โต่กู๊แหน่ เน๊อ เป เก่ โนหนิ เด๊อ เหล่โอ่โก๊ เตเบ๊ซิพร๊า อาเหล่โอ่ เออเนอปา. แซ่ฮู๊ ซี ปว๋า เตเพร เก่ โนหนิ เกอ เด๊อ เหล่โอ่โก๊ เตเบ๊ซิพร๊า เด๊อ จอแปแหร่ อ๊อแล เออ อาเงเนอ, เป เบ่รอเร๊อ แลแค เปเหน่.

Eastern Kayah Shadaw Dialect

¹ ꤡꤢꤪꤗꤣꤧ꤬ꤚꤢꤧ꤬ ꤢꤪꤜꤢꤧ꤬ ꤒꤣꤧ꤬ꤘꤢꤦ꤬ꤕꤢ꤬ ꤕꤢꤩ꤬ ꤒ꤫ꤥ꤬ꤊꤢꤨꤔ꤫ꤢꤧ꤬ ꤔꤢꤧ ꤕꤢꤩ꤬ ꤊ꤫ꤢꤦ꤬ ꤔꤥ꤭ꤔ꤫ꤤ꤬ ꤘꤣ ꤜ꤫ꤢꤩ꤬ꤥ꤬ꤊꤥ ꤒꤣꤧ꤬ꤙꤢꤩꤞꤤꤖꤚꤢ ꤢ꤬ꤜ꤫ꤢꤩ꤬ꤥ꤬ ꤣꤧ꤭ꤔꤣꤧ꤬ ꤕꤢ꤭꤯ ꤞꤢꤧꤟꤢꤨ ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤔꤥ꤭ꤔ꤫ꤤ꤬ ꤊꤣꤧ꤭ ꤘꤣ ꤜ꤫ꤢꤩ꤬ꤥ꤬ꤊꤥ ꤒꤣꤧ꤬ꤙꤢꤩꤞꤤꤖꤚꤢ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢꤪꤜꤢꤧ꤬ ꤣꤧ꤭ ꤢ꤬ꤑꤢꤩ꤭ꤔꤣꤧ꤬, ꤕꤢꤩ꤬ ꤙꤢꤩ꤬ꤚꤢꤪ꤬ꤚꤣꤧ ꤜꤢ꤭ꤋꤢꤧ꤭ ꤕꤢꤩ꤬ꤔ꤫ꤢꤩ꤬꤯

ꤟꤤꤙꤚꤢꤨ 4:1 ပူးပေါင်းရင်းမြစ်များ

ꤟꤤꤙꤚꤢꤨ 12:15

แซ่ฮู๊ ซี ปว๋า เตเพร เก่ พย๊าหนิ เกอ แลแค จอแปแหร่ อาบุ๊ยอาเตออเรอ เออเนอเร๊อ, รอเร๊อ แลแค ซีเหน่ นี๋. นอทวาแถ่ แต่ แลแค ซีเหน่ ฮู๊ ส่อเหมาะ เด๊อ อู เอ่ อา เร๊อ อา มือเซอแจ่ อู เนอเต๊เห่ เตเพร่ว แต่เหม่ นี๋. แกแย เด๊อ อาแซ่เน๊อ ส่อเหมาะ เด๊อ อา เม มือเซอแจ่ อู เออเต๊เห่เนอ, อา เก่ แด๊แถ่ เด๊อ ซีเกล เร๊อ อา เก่ เมแป่เมเช โหร่เอ๊ อู เน๊อ อา เตมือเซอ เออเนอ ปา.

ꤟꤤꤙꤚꤢꤨ 4:11

เป เพอโพ เด๋อ งย๊าเค เต๊เห่เนอ, อา ย๊อ หนิดา เกอ จอแปแหร่ อาโหง่ โต่ อาขว่าอาคยา, อา โนหนิ เกออู เด๊อ จอแปแหร่ เหล่โอ่โก๊ เตเบ๊ซิพร๊า อาเหล่โอ่ เออเนอ โต่. แซ่ฮู๊ เป เก่ ครวาแม๊บือ เกอ แต่ เปเพอเปโพ เตเพร่ว แต่เหม่, โท๊โต่ แซ่ฮู๊ เป เก่ โนหนิ เกออู เด๊อ เหล่โอ่โก๊ เตเบ๊ซิพร๊า อาเหล่โอ่ เออ อาเงเนอ, เป เตเพร เร๊อ เตเพร เก่ แอ๊จื๊อ แร๊ ตื๊อดื่อ โหร่ลู โป๋.

ꤟꤤꤙꤚꤢꤨ 4:9

ฮู๊เนอเรอ, อาแซ่เน๊อ จอแปแหร่ เมโท อาเตเม เนอโซซว๊า เร๊อ อา โอ่โก๊ เด๊อ ม๊อเนอ โซซว๊าเตอเนอ เนอเตอเนอ เนอเฮ๊อ, จอแปแหร่ อาแกแย เต๊เห่ เก่ กาโน โอ่โก๊ เตเบ๊ซิพร๊า เกอ เร๊อ จอแปแหร่ ปา.

ꤟꤤꤙꤚꤢꤨ 13:7

ซิเหน่แถ่เบ่ เต่อเกอ แลแค แกแย เด๊อ อา ทวา โทเฮ๊อ ซี ทวาดุทวาเต เร๊อ อา แด๊โฉ่โด่แนน๊อ เป่ โทเฮ๊อ ซี เน๊อ จอแปแหร่ อาลาอาโหง่ เนอเต๊เห่ นี๋. เตเนแม๊ แลแค เหย่ซี อาเตโอ่เซอเพร เด๊อ อาแร๊ เนอเต๊เห่, เร๊อ ครวาแม๊บือ เกอ แลแค เหย่ซี อาเตหยื่อ เออเนอ เต๊เห่ นี๋.

ทิโมธี เนอบ่า ต๊าบ่า 2:13

เป เก่ จ๊อ เร๊อ อา โต่ หม่าแน๊เรอ อาจ๋อ ตือดื่อดื่อ ปา เน๊อ เป ปา, เมเตเฮ๊เรอ อา เท๊บี๊ แลหนิ แจ่เร๊อเกอ อาเหน่โต่.” เตเฮ๊เบ่ เออเต๊เห่ หม่า อาจ๊ออาเต แพ๊.

โครินธ์ อาเหร่อเล๊อ ต๊าบ่า 10:12

ฮู๊เนอเรอ เน เก่ เตเน เกอเร๊อ เนเหน่ เร๊อ แว เตหยื่อเตแหน่ ชอ แหน่เจ๊อ เฮ๊อ เก่เฮ๊เรอ, โอ่รอโอ่เร เกอเร๊อ เนเหน่ นี๋, ปาหม่า เน เมซื๊อ เกอ เห่.

ꤚꤥꤗꤢꤩ꤬ 11:20

ซี เฮ๊ เออเนอหมา อา หม่าเฮ๊อ. หม่าแน๊เรอ เด๊อ เหย่ซี หยื่อเอ่ ครี๊ โต่ อาขว่าอาคยา, จอแปแหร่ ย๊อเก่แก ส่อแพ เด๊อ อา หม่า แกแยยิวพู๊ เออเนอ แพ๊. เด๊อ ซี เตหยื่อเตแหน่ อาขว่าอาคยาเร๊อ, จอแปแหร่ บ่อทือ จิจือ ซี เร๊อ ส่อเหมาะ เออเนอ แพ๊. ฮู๊เนอเรอ เตเนดุ เกอเร๊อ แต่ แลแค ซีเหน่ แต่เหม่.

ꤚꤥꤗꤢꤩ꤬ 3:23

เมเตเฮ๊เรอ แกแย ปว๋า เตเพร เม เตซื๊อเตปล๊า. อา ลือ แถ่โต่ ทว๊าเบ๊ จอแปแหร่ แด่ม๊า อา เตอเรอดุเตอเรอทู เออเนอ เตเพร่ว โต่.

ꤟꤤꤙꤚꤢꤨ 12:25

ฮู๊เนอเร๊อ, แซ่ฮู๊ ซี เก่ ทวา แต่ แกแย เด๊อ อา หนิโฮ จอแปแหร่ อาโหง่พราแถ่ เร๊อ อา เท๊ฉื่อแก จอแปแหร่ เนอเต๊เห่ อาเตเมเนอ, รอหนิ แลแค ซีเหน่ นี๋. เบ๊อะอิสราเอลพู๊ เต๊เห่ หนิโฮ เตเด๊อะรอ เหย่ซี เด๊อ เห่ขุเออ เบ๊อะเนอ, เหย่ซี หนิดา แลแค ลูโหง่ โต่. ฮู๊เนอเร๊อ อา เกล๊ แลเปล๊เบ๊ แลแค เน๊อ เตเมจากาคยาโต่ เก่ เมฮู๊เนอเร๊อ เปเก่ เท๊ฉื่อแก เด๊อ ม๊อขุ เออเตเพร เด๊อะรอเปเออ เก่เฮ๊เรอ, เตเนแม๊มอ, ซี เกล๊ แลเปล๊ เบ๊แจ่ ปา เจ๊อแหน่ เน๊อ จอแปแหร่ อา เตจามือกาคยา ตีกี๋ เจ๊อแหน่โต่เฮ๊อ.

ꤟꤤꤙꤚꤢꤨ 3:11

ฮู๊เนอเรอ แว ซิปล่อดุ เหย่ซี เร๊อ แว เฮ๊ตาแก เหย่ซี โหง่ ตือมือ เน๊อ, ‘เทอเก่ เด๊อ แว อ๊อแล เร๊อ แว เก่ เด๊อะเป่ เร๊อ เหย่ซี เหล่โอ่โก๊ เตเบ๊ซิพร๊า เออเนอโตโผ่ เนอ, เหย่ซี โนน๊อ ปาโต่ เฮ๊อ,’ แว อิชอ ตาแก เหย่ซี ฮู๊เนอ.”

มัทธิว 24:48

หม่าแน๊เรอ หลู่ เด๊อ อาแร๊โต่ เออเตเพร เนอ, อา เก่ เตเน เด๊ออาซิปล่อกู เน๊อ, ‘แวแบ่เจ่ กาคยา เหล่แพร น๊อ ล๋ายโต่,’ อาเก่เตเน เร๊อ,

เพรโด่แนพู๊ เต๊เห่ 3:19

แซ่ฮู๊ จอแปแหร่ เก่ ปลวาแก ซีเตซื๊อ เนอเร๊อ, ถู่แหล่แต๊แกละกา แลแค ซี ซิปล่อ เร๊อ กี่กย๊า กาคยา คยาแซ๊ แลแค เด๊อ จอแปแหร่ อา โอ่. ซี เก่ เมฮู๊เนอ เฮ๊เรอ ช๋า ม๊อเนอโตม๊อเนอเบ่ เฮ๊อ ปาเนอ แบ่เจ่ จอแปแหร่ อา เด๊อะอ๊าเด๊อะเหร่ คยา ซี ปา.

โครินธ์ เนอบ่า ต๊าบ่า 6:1

เป หม่า เพรเมโหร่เต เร๊อ จอแปแหร่ เต๊เห่ อาขว่าอาคยา, เป กุย ซิยอ ฉว่า ซี เร๊อ ซี เก่ โอ่เซอเพร ฮู๊ จอแปแหร่ ซิหยื่อ นอโอ่เซอเพร ซีเนอ. ซี หม่า แกแย เด๊อ อา พย๊าหนิ โทเฮ๊อ จอแปแหร่ อาบุ๊ยอาเตอเรอ เต๊เห่ เฮ๊อ อาขว่าอาคยา, ซี เบ่ โอ่เซอเพร แลแค ฮู๊เนอ.

ꤊꤢ꤬ꤜꤢ꤬ꤒꤤ 5:4

เด๊อ ซีเกล เต๊เห่เห่เนอ, อา เตเนซื๊อ แลแค เน๊อ เหย่ซี เก่ ลือครวา เม เตซว๊าเตแส่ เฮ๊เนอหม่า จอแปแหร่ เก่ แด่จ๊อแด่เต ลู ปา, ฮู๊เนอ. ซี เก่ เตเน แลแค ฮู๊เนอ เฮ๊เรอ ซี แบ๊ซว๊าแบ๊โค ปา ซีเหน่ เร๊อ ครี๊ โต่ เฮ๊อ. ซี ท๊อเป ตาพาแกเฮ๊อ ซีเหน่ เร๊อ จอแปแหร่ อาบุ๊ยอาเตอเรอ เออเนอเฮ๊อ.