ꤟꤤꤙꤚꤢꤨ 3:15 - ลีเทส่อพ๊าอาเซ เร๊อ เห่ขุทวาลู๊

¹⁵ ตื๊อเรอ ลีเทส่อพ๊ากู เฮ๊ เน๊อ, “ซี เก่ หนิโฮ จอแปแหร่ อาโหง่พราแถ่ เออเตอเนอ เฮ๊เนอ กู่กล๊อเพรอ แต่ แลแค ฮู๊ ซีเพอซีโพ กู่กล๊อเพรอ เร๊อ เท๊ฉื่อ จอแปแหร่ เร๊อ หนิดา ลูโหง่ โต่ เนอเต๊เห่ เมเนอ แต่เหม่ นี๋,” อา เฮ๊ ฮู๊เนอ.

Eastern Kayah Shadaw Dialect

¹⁵ ꤒꤢꤦꤚꤣꤧ꤬ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩ ꤔꤢꤧ, “ꤞꤤ꤭ ꤊꤢꤩ꤬ ꤔ꤫ꤤ꤬ꤟꤥ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤍ꤫ꤥ꤬ꤖꤚꤢ꤬ꤓꤢꤧ꤬ ꤣꤧ꤭ꤒꤣ꤬ꤔꤣꤧ꤭ ꤟꤢꤩꤔꤣꤧ꤬ ꤊꤢꤨ꤬ꤊꤜꤢꤪꤖꤚꤣꤧ꤭ ꤒ꤫ꤢꤧ꤬ ꤜꤢ꤭ꤋꤢꤧ꤭ ꤟꤢꤨ ꤞꤤ꤭ꤖꤣꤧ꤭ꤞꤤ꤭ꤖꤥ꤭ ꤊꤢꤨ꤬ꤊꤜꤢꤪꤖꤚꤣꤧ꤭ ꤚꤣꤧ꤬ ꤓꤢꤩꤏꤢꤦ꤬ ꤡꤢꤪꤗꤣꤧ꤬ꤚꤢꤧ꤬ ꤚꤣꤧ꤬ ꤔ꤫ꤤ꤬ꤘꤢ꤭ ꤜꤢꤨ꤭ꤍ꤫ꤥ꤬ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢꤩ꤬ꤔꤣꤧ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮,” ꤢ꤬ ꤟꤢꤩ ꤟꤢꤨꤔꤣꤧ꤬꤯

ꤟꤤꤙꤚꤢꤨ 3:15 ပူးပေါင်းရင်းမြစ်များ

ꤟꤤꤙꤚꤢꤨ 10:38

แว แกแยจ๊อแกแยเต ซี เต๊เห่เนอ, เด๊อ อา หยื่อเอ่แหน่ แว อาขว่าอาคยา, อา เก่ เซอเพร แลแค ปา. หม่าแน๊เรอ แกแย เด๊อ อา จว๊า ตาพาโค๊แก เร๊อ แว เต๊เห่เนอ, อาโต แว ซิปล่อ โต่,” ลีเทส่อพ๊ากู เฮ๊ ฮู๊เนอ.

ꤟꤤꤙꤚꤢꤨ 10:29

ฮู๊เนอเรอ ซี เตเน แม๊มอ แกแย เด๊อ อา เฮ๊ โตโมเต๊เก่ จอแปแหร่ อาพู๊คู เออเต๊เห่, เร๊อ อา วีแก ลู เต๊เห่เนอ, จอแปแหร่ เก่ เมจากาคยา จาเล๊อแหน่ เหย่ซี ปา. โทเรอ ครี๊ ข่าเซอ อาซิปล่อ เร๊อ อา เด๊อะทวาแถ่ เฮ๊อ จอแปแหร่ อา เตอ๊อแล อาเซ เออเนอเฮ๊อ เร๊อ ครี๊ ซู๊ปลีแก เฮ๊อ เป เน๊อ อาสุ่ย เฮ๊อ. ฮู๊เนอเรอ แกแย เด๊อ อา แด่ งูดุงูชอ เกอ ครี๊ อาสุ่ย โต่ เต๊เห่เนอ, จอแปแหร่ เก่ เมจากาคยา จาเล๊อ เหย่ซี ปา. โท๊โต่ แกแย เออเต๊เห่เนอ อา เฮ๊ มู๊แหม่รีแจ่ แหย่โยบูโพ๊ แบ่เจ่ เด๊อ อา เด๊อะ เหย่ซี เตบุ๊ยเตเตอเรอ เออเตเพร อาขว่าอาคยา, จอแปแหร่ เก่ เมจากาคยา เล๊อ เจ๊อ เหย่ซี เร๊อ แกแย เด๊อ อา เมซื๊อ คูโมเสส อา เตซว๊าเตแส่ เนอเต๊เห่ ปา.

ꤟꤤꤙꤚꤢꤨ 4:7

ฮู๊เนอเรอ ม๊อเนอ โต เด๊อ อู เก่ โน เด๊อ จอแปแหร่ เหล่โอ่โก๊ เตเบ๊ซิพร๊า เออเนอ, อา แด่ โอ่ข่อดื่อ ม๊อเนอ เด๊อ อาโร เตอเนอ. อา แด่ โอ่ข่อปา ม๊อเนอ เด๊อ อาโร เตอเนอ. เนอหม่า เออเตอเนอ เฮ๊อ. เด๊อคยา หน่างยาเลงยาเฮ๊อ เนอ, จอแปแหร่ เฮ๊โฉ่โล แฮเง เป่ อาโหง่เออ ตือมือ เร๊อ คูดาวิด ฮู๊ แว ราโอ่ โทเฮ๊อ เนอ เร๊อ อา เฮ๊ เนอ, “เออเตอเนอ ซี เก่ หนิโฮ จอแปแหร่ อาโหง่พราแถ่ เฮ๊เรอ กู่กล๊อเพรอ แลแค แต่เหม่ นี๋” อา เฮ๊ ฮู๊เนอ.