หม่าแน๊เรอ, ครี๊ เออเนอหมา อาแซ่เน๊อ คูโมเสส เด๊อ อา ทวา เพรแรเต เด๊อ จอแปแหร่ อาหี่ เนอเตเพร หม่าโต่. อา หม่า จอแปแหร่ อาพู๊คู เตเพร. อา หม่า อาจ๊อ เร๊อ อาเตเม เร๊อ อา แม๊ตู่หนิ อาเพ จอแปแหร่ อาหี่พู๊แพพู๊ เต๊เห่. เป เก่ ครวา คือคือฮาฮา แฮเงลา ครี๊ โต่เด๊อ อาตื๊อดื่อ โท๊โต่ เต เด๊อ จอแปแหร่ เก่ เด๊อะ เป เออเนอ, เป เก่ แม๊ชือ แฮเงลา โต่เด๊อ อาตื๊อดื่อ เฮ๊เนอหม่า, เป หม่า จอแปแหร่ อาหี่พู๊แพพู๊ เฮ๊อ.
ꤟꤤꤙꤚꤢꤨ 3:14 - ลีเทส่อพ๊าอาเซ เร๊อ เห่ขุทวาลู๊14 เมเตเฮ๊เรอ, เป เตหยื่อเอ่ จอแปแหร่ เด๊อ กูลู่เค เนอ, เป เก่ ปื่อหม่าแร๊หนิ อา โต่เด๊อ อาตื๊อดื่อ เฮ๊เรอ, เป ทวาเฮ๊อ เพรเมเต่อเต เร๊อ ครี๊ เฮ๊อ. အခန်းကိုကြည့်ပါ။Eastern Kayah Shadaw Dialect14 ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤕꤢꤩ꤬ ꤒꤢꤩ꤬ꤛ꤫ꤢꤦ꤬ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤊꤣꤧ꤬ꤜꤢꤨꤋꤢꤩ꤭ ꤔꤣꤧ꤬, ꤕꤢꤩ꤬ ꤊꤢꤩ꤬ ꤕ꤫ꤢꤦ꤬ꤗꤢ꤬ꤚꤢꤧꤚꤣꤧ ꤢ꤬ ꤒ꤫ꤥ꤬ꤘꤣ ꤢ꤬ꤒꤣꤧ꤬ꤘꤢꤦ꤬ ꤟꤢꤩꤚꤣꤧ꤬, ꤕꤢꤩ꤬ ꤓꤝꤢ꤭ꤟꤣꤧ ꤖꤚꤢꤩ꤬ꤗꤢꤩ꤬ꤒ꤫ꤣ꤬ꤒꤢꤩ꤬ ꤔꤢꤧ ꤋꤚꤤ ꤟꤣꤧ꤯ အခန်းကိုကြည့်ပါ။ |
ꤟꤤꤙꤚꤢꤨ 3:14
17 ပူးပေါင်းရင်းမြစ်များ
เปเพ เด๊อ เห่ขุ เออเต๊เห่ ซิพรวา อิซว๊าอี๊แส่ แร๊กา เป อาหน่าอาเล อาม๊อเนอม๊อเซ ซี เต๊เห่เนอ, อา งยาโต่, เตอ เปลอฮู๊แพ๊ เร๊อ อา แด่ แลแค เน๊อ อา เม เต เออเนอหมา อาแร๊ แพ๊ อา เตเน เร๊อ อา อิซว๊า เป แพ๊. แซ่ฮู๊ เป เก่ บูโพ๊ แซ่เกอ ฮู๊ เปเพ จอแปแหร่ เออเนอเร๊อ, อา ซิพรวา อิซว๊าอี๊แส่ แร๊กา เกอเร๊อ เป เต เด๊อ อา เก่ ทวาบุ๊ยทวาเตอเรอ เกอ เร๊อดื่อ เด๊อ เปเง เออเนอเต๊เห่ แพ๊.
จอแปแหร่ อา เตจ่อเตแย เด๊อ อู ซิเงทว๊า โต่ เออเนอหมา หม่าเฮ๊อ จอแปแหร่ เด๊อะตา เป่เฮ๊อ แกแยยิวพู๊ เตเด๊อะบุ๊ยเด๊อะเตอเรอ เฮ๊อ. เร๊อ เตเด๊อะบุ๊ยเด๊อะเตอเรอ เออเต๊เห่เนอ, ซี แกแยยิวพู๊ หม่าโต่ เต๊เห่ พย๊าหนิ โหร่แซ่เกอเฮ๊อ เร๊อ เหย่ซี เออเนอเฮ๊อ. แกแยยิวพู๊ หม่าโต่ เต๊เห่ เร๊อ แกแยยิวพู๊ เออเต๊เห่เนอ, อา ทวาเฮ๊อ ลู เหน่ เตเพรจือ เฮ๊อ. ล๋อ จอแปแหร่ อ๊อแลแก อาแกแย เต๊เห่เนอ, ซี แกแยยิวพู๊ หม่าโต่ เต๊เห่ เก่ พย๊าหนิ โหร่เกอเฮ๊อ เร๊อ เหย่ซี เฮ๊อ. เด๊อ ซี หยื่อเอ่ เตซิครือมีลา เร๊อ ซี ทวาแถ่เฮ๊อ เต๊อเจ๋อโต เร๊อ เหย่ซู่ครี๊ อาขว่าอาคยา, ซี พย๊าหนิเกอ ลอเฮ๊อ เตเด๊อะบุ๊ยเด๊อะเตอเรอ เนอเต๊เห่ เฮ๊อ.
แกแยยิวพู๊ เออเต๊เห่ เนอหม่า อาแซ่เน๊อ อู จว๊า ย๊อเก่แก โต๊โฉ่แพ เด๊อ อู ช๊อแด๊ ลู เด๊อ เตเร๊กู เออเต๊เห่ อาแพ เร๊อ อู จว๊า ย๊อเก่กา เกอลาติ โต๊โฉ่แพ เด๊อ อา แด๊เร๊อดื่อ อาเหน่ เด๊อ หมิเกล เนอเต๊เห่ อาแพ เร๊อ อู กา บ่อทือ จิจือลู. ซี แกแยยิวพู๊ หม่าโต่ เต๊เห่ เนอหม่า อาแซ่เน๊อ โต๊โฉ่เหมาะ เด๊อ อา แด๊ เด๊อ หมิเกล เออเต๊เห่ เนอเฮ๊อ. กู๊แหน่เออ ซี พย๊าหนิ เกอเฮ๊อ เตบุ๊ยเตเตอเรอ เด๊อ จอแปแหร่ เด๊อะบุ๊ยเด๊อะเตอเรอ แกแยยิวพู๊ เพอโพ เด๊อ เนอเค เต๊เห่ เฮ๊อ. ซี พย๊าหนิ แซ่เน๊อ ส่อแพ เออเต๊เห่ จุ๊ยโอ หนิอ๊าหนิเหร่ เกอ ส่อแจเทอ เด๊อ อา โอ่ เด๊อ อาหรุ่ยกู เร๊อ อา แฮ เออเต๊เห่ เนอเฮ๊อ.
จอแปแหร่ เมทวาแถ่ โต่เฮ๊อ ซี เน๊อ เหย่ซู่ครี๊ เตอเจ๋อ โต เฮ๊อ. อา เมทวา เป่ เฮ๊อ ซี เต๊อะเจ้อ แพ๊ เน๊อ ครี๊ เออเนอ, อา เก่ ทวาแถ่ เฮ๊อ เป เตลีแมลีเพ๊ เฮ๊อ. เด๊อ ครี๊ อาขว่าอาคยาเร๊อ, จอแปแหร่ แด่ เฮ๊อ เป ฮู๊ แกแยจ๊อแกแยเต เต๊เห่เนอ เฮ๊อ. โท๊โต่ เป ทวาแถ่ เฮ๊อ จอแปแหร่ อาแกแย บูโพ๊ เร๊อ ครี๊ ปลวาเถ่ ปาลา เฮ๊อ เป เน๊อ เตซื๊อ เฮ๊อ.
แว หม่า เพรหยื่อเอ่ตู๊หมู่ตอกล๊อ โหมะเผระ กู่กล๊อ เตเพร, โทเรอ แว หม่า เพรข่าเฮ๊โล เป่ ครี๊ อา เตข่าจาข่าจือ อาหรี่อาแก เตเพร. โท๊โต่ ช๋า จอแปแหร่ เด๊อะโล เฮ๊อ อู เร๊อ อา เตเตอเรอดุ เตอเรอทู เบ๊อะเนอปาเนอ, แว เบ่เบ่, แว เก่ โอ่เต่อเกอ เร๊อ อา เตเตอเรอดุ เตอเรอทู เออเนอ ปา. กู๊แหน่เรอ แว กุยซิยอ ซี เพรหยื่อเอ่ตู๊หมู่ตอกล๊อ โหมะพรูโหมะเผระ เด๊อ อา ทวา ทวาดุทวาเต เต๊เห่ เนอ,
หลู่เล๊ เด๊อ อา โอ่ เร๊อ อาแบ่เจ่ เด๊อ อา หยื่อเอ่แหน่ โทเฮ๊อ ครี๊ เต๊เห่เนอ, แวแบ่เจ่ หม่า เพรหยื่อเอ่ เออ แพ๊ เตเน เร๊อ โต เมโตโมเต๊เก่ เกอเร๊อ อาแบ่เจ่ โต่. โท๊โต่, อา เบ่ เมแร๊ เล๊อ เจ๊อ เต เน๊อ เนอ เจ๊อ, เมเตเฮ๊เรอ อาแบ่เจ่ เด๊อ เหย่ซี เม เป่ ลู อา เตเอ่เตแร เออเตเพร เนอหม่า แกแย เด๊อ อา หยื่อเอ่ เหย่ซู่ครี๊ เร๊อ หลู่เล๊เต๊เห่ โม เกอเร๊อ ลู อาขว่าอาคยา, เหย่ซี โตเบ่ เมแร๊ เล๊อเจ๊อ. ซีเบ่ อิซว๊า เหย่ซี เร๊อ นอฉว่า เหย่ซี เด๊อ อา เก่ เบ่ ครวาเม ฮู๊เนอ.
ฮู๊เนอเรอ เตเน ตาเต แลแค. จอแปแหร่ เนอ, ตากยาหม่า อา ซิยอเกอเร๊อ อาแกแย, ตากยา เนอ อา ปื่อ ชอชอ เกอเร๊อ อาแกแย. อา ปื่อชอ เกอเร๊อ อาแกแยยิวพู๊ เด๊อ อา จว๊า ตาพาแก ลู เต๊เห่เนอ หม่าแน๊เรอ อา ซิยอ เกอเร๊อ ซี เด๊อ อา หม่า แกแยยิวพู๊ หม่าโต่ เออเต๊เห่. หม่าแน๊เรอ ซี โต แด่ดุหยื่อแหน่ แฮเง แลแค อา เตซิยอ เกอเร๊อ ซี เออเนอ. เก่หม่าโต่หม่า อา เก่ ปาตือแก เกอ ซี ปา.
ကြော်ငြာတွေ