แซ่ฮู๊ เป เก่ ทวาแถ่ จอแปแหร่ อา เพรบูโพ๊พู๊ เร๊อดื่อ เต๊เห่ อาเงเนอเรอ, อา เมแลเปล๊กา เฮ๊อ เป เฮ๊อ, เร๊อ อา เอ๊ เฮ๊อ เป เฮ๊อ, เด๊อ เป เมโทเฮ๊อ เตเอ่เตแร เนอเต๊เห่ อาขว่าอาคยาเร๊อ, อา เอ๊ เป เนอ หม่าโต่. เออ หม่า หม่าดื่อ อา เตเตเนหนื่ออื่อ เน๊อ อาบุ๊ยเตอเรอ เร๊อดื่อ แพ๊. เบ๊อะอา แบ๊แล แต่ล๋าย เห่ขุ โต่เนอ, อา เด๊อะแล เป เตบุ๊ยเตเตอเรอ เออเนอ เด๊อ เหย่ซู่ครี๊ อากู เออเนอเฮ๊อ.
ꤟꤤꤙꤚꤢꤨ 3:1 - ลีเทส่อพ๊าอาเซ เร๊อ เห่ขุทวาลู๊1 ฮู๊เนอ อาขว่าอาคยา, โป่แหว่ ครี๊พู๊ เด๊อ จอแปแหร่ เอ๊ ซี เออเต๊เห๋ เตเน แม๊มอ แลแค เหย่ซู่ เด๊อ จอแปแหร่ นอแฮ ทวา ลู เน๊อ เพรเฮ๊โฉ่โด่แหน่ จอแปแหร่ อาลาอาโหง่ เน๊อ เพรหลู่แต กู่กล๊อดุเล๊อ เออเตเพรเนอ. အခန်းကိုကြည့်ပါ။Eastern Kayah Shadaw Dialect1 ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢꤩ ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤒꤣꤧ꤬ꤔꤢꤩ꤬ ꤗꤢꤧꤗꤣꤧ꤭ ꤜꤢ꤭ꤋꤢꤧ꤭ ꤛꤢꤩ꤬ꤏꤛꤢꤨ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤟꤢꤧ꤭ ꤓꤝꤢ꤭ ꤜꤢꤨ꤭ ꤔꤢꤧ ꤖꤚꤢꤩ꤬ꤟꤢꤩꤏꤥ꤬ꤘꤥ꤬ꤔꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤔꤢꤧ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤘꤢꤨ꤬ꤜꤣ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬꤯ အခန်းကိုကြည့်ပါ။ |
ꤟꤤꤙꤚꤢꤨ 3:1
63 ပူးပေါင်းရင်းမြစ်များ
เด๊อ เหย่ซู่ครี๊ เม เป่ โทเฮ๊อ เด๊อ แวเง อาขว่าอาคยา, จอแปแหร่ เอ๊โน เฮ๊อ แว เด๊อ ม๊อขุ เร๊อ แว แอ๊จื๊อแอ๊เหร่ แฮเง โต่เด๊อ แว เก่ พย๊าหนิ เตเมหนิคว๊าเก่ เด๊อ ม๊อขุ เออเนอ ปา. แว แซ่เฮ๊อเร๊อ แกแย แกล่ดี๊เจ เตเพร เด๊อ อา เก่ พย๊าหนิ เกออู เตเมหนิคว๊าเก่ เร๊อ อา แกล่ แฮเง โต่เด๊อ อาตื๊อดื่อ เนอเตเพร เฮ๊อ.
หม่าแน๊เรอ ซี หม่าเมวเจอะ เต๊อเจ่อ เด๊อ จอแปแหร่ นว๊าแถ่ อา, เพรหลู่แตเต เด๊อ อาแซ่เน๊อ คุ๊ย เต๊เห่, เมวเจอะ เด๊อ อา บูโพ๊, โท๊โต่ จอแปแหร่ อาแกแย เร๊อดื่อ เจ๊อ เต๊เห่ เฮ๊อ. แซ่ฮู๊ ซี เก่ แด๊โฉ่โล จอแปแหร่ อา เตเมแร๊ โค๊ดื่อ เต๊เห่ อาเงเนอ, จอแปแหร่ นว๊าแถ่ ซี เฮ๊อ. จอแปแหร่ เอ๊เถ่แก ซี เด๊อ เตคี๊ อาเล เร๊อ อา ซูโน ซี เด๊อ อา เตลีเตเค โม อากู เฮ๊อ.
ฮู๊เนอ อาขว่าอาคยา แซ่ฮู๊ แบ่เจ่ เหย่ซู่ เก่ ทวาดื่อ เพร เด๊อ อา เม จอแปแหร่ อา เตเอ่เตแร ฮู๊ เพรหลู่แต กู่กล๊อดุเล๊อ เด๊อ อาจ๊อ เร๊อ อาโหง่ เร๊อ อา ซิยอแจ่ อู เตเพร. โท๊โต่ แซ่ฮู๊ อา เก่ ข่าเซอเป่ เด๊อ แกแย เต๊เห่ อา เตเมซื๊อ เต๊เห่ เก่ ปลวาแก อาเงเนอ, อา แฮแล พย๊า แกแยเห่ขุพู๊ อาเหล่โกล แซ่เน๊อ อาโป่อาแหม่ เออเนอเต๊เห่ เฮ๊อ.
หลู่เล๊ เด๊อ อา โอ่ เร๊อ อาแบ่เจ่ เด๊อ อา หยื่อเอ่แหน่ โทเฮ๊อ ครี๊ เต๊เห่เนอ, แวแบ่เจ่ หม่า เพรหยื่อเอ่ เออ แพ๊ เตเน เร๊อ โต เมโตโมเต๊เก่ เกอเร๊อ อาแบ่เจ่ โต่. โท๊โต่, อา เบ่ เมแร๊ เล๊อ เจ๊อ เต เน๊อ เนอ เจ๊อ, เมเตเฮ๊เรอ อาแบ่เจ่ เด๊อ เหย่ซี เม เป่ ลู อา เตเอ่เตแร เออเตเพร เนอหม่า แกแย เด๊อ อา หยื่อเอ่ เหย่ซู่ครี๊ เร๊อ หลู่เล๊เต๊เห่ โม เกอเร๊อ ลู อาขว่าอาคยา, เหย่ซี โตเบ่ เมแร๊ เล๊อเจ๊อ. ซีเบ่ อิซว๊า เหย่ซี เร๊อ นอฉว่า เหย่ซี เด๊อ อา เก่ เบ่ ครวาเม ฮู๊เนอ.
ฮู๊เนอเร๊อ แซ่ฮู๊ จอแปแหร่ เก่ เมจว่า ซี เร๊อ ซี เก่ โอ่เซอเพร โตเบ่เกอ เร๊อ อาเอ๊ ซี อาเงเนอ, เป กุยจ๊อเบ เป่ เด๊อ ซิเง ปว๋า โตโพ๊เจ๊อ. เป กุยจ๊อเบ เป่ โป่ เด๊อ ซิเง เร๊อ จอแปแหร่ เก่ เมเล๊อบา เป่ ซี ล๋อ ซี เตเมแร๊ เด๊อ ซี ซิหยื่อเม เนอเต๊เห่, เร๊อ เตเม เด๊อ ซี เม เร๊อ เตหยื่อ เนอเต๊เห่. เร๊อ จอแปแหร่ เก่ เม เป่ดื่อ ซี เร๊อ อา เตโพรเตเตอเรอ ปา.
หม่าแน๊เรอ กู๊แหน่เออ, ครี๊ อาเหน่แบ่เจ่ เร๊อดื่อ แฮ ข่าเซอ อาเหน่ อาขว่าอาคยา, จอแปแหร่ เมโครเกล กาคยา คยาแซ๊ เฮ๊อ ซี เร๊อ อาเหน่กล่อ เร๊อดื่อ เจ๊อ เฮ๊อ. เด๊อ จอแปแหร่ อา เป๊เส่เง ปาเนอ, แซ่ฮู๊ ซี เก่ บูโพ๊ เร๊อ ซี เก่ ลว๊าแก เร๊อ เตซื๊อ, โท๊โต่ อู เก่ แด่แจ่ ปา แต่ เตซื๊อ เด๊อ ซีโอ่ เตเพร่ว แต่เหม่ เนอ, จอแปแหร่ เมโครเกล กาคยา คยาแซ๊เฮ๊อ ซี ฮู๊เนอ เฮ๊อ.
เป ราจว๊า เป่ ลีเออ เด๊อ จอแปแหร่ เพรหยื่อเอ่เต ตู๊หมู่ตอกล๊อ โอ่ เด๊อ วีโครินธ์ อากู เต๊เห่ อา โอ่, เน๊อ ล๋อ แกแย เด๊อ อา จ๊อเบแถ่ แบ่เจ่ เหย่ซู่ครี๊ เร๊อ อา โอ่ แลแค เด๊อ เหล่โอ่ ปว๋า โต๊โผ่ เนอเต๊เห่ อาโอ่. เหย่ซู่ เออเนอ, เป แบ่เจ่ หม่า อาหม่าหม่า, เหย่ซี แบ่เจ่ หม่า อาหม่าหม่า. เด๊อ เหย่ซู่ครี๊ อาขว่าอาคยา จอแปแหร่ เมบูโพ๊เฮ๊อ ซี เร๊อ อา เอ๊เฮ๊อ ซี เด๊อ ซี เก่ โอ่เซอเพร บูโพ๊ เอ๊แถ่ โป่ อาเง เฮ๊อ.
เหย่ซี ซิปล่อฉว่า เมลู แหน่เจ๊อ. เก่ เฮ๊หม่าแหน่ เนอ, เหย่ซี โหล่เมจว่า แหน่ แกแยยิวพู๊ เด๊อ อา หยื่อเอ่ กาเกอ เออเนอเต๊เห่ เฮ๊อ. อาแซ่เน๊อ เหย่ซี ฉู่ โอ่เอ๊ เฮ๊อ แกแยยิวพู๊ เออเต๊เห่ เฮ๊อ. เมเตเฮ๊เรอ แกแยยิวพู๊ เออเต๊เห่เนอ อา เด๊อะเอ่ แฮเง เป่เกอโต่ดื่อ เฮ๊อ แกแยยิวพู๊ หม่าโต่ เต๊เห่ เตบุ๊ยเตเตอเรอ เด๊อ แหย่โย ตากยา เต๊เห่ เฮ๊อ ฮู๊เนอเรอ แกแยยิวพู๊ หม่าโต่ เต๊เห่ ฉู่โอ่ แกแยยิวพู๊ เต๊เห่ เน๊อ อา เก่ เบ่ เบเอ่ กาคยา เป่ คยาแซ๊ เหย่ซี เร๊อ เตบุ๊ยเตเตอเรอ หม่าเฮ๊อ รือเท เร๊อ ตาหมื่อตาเต เออเต๊เห่ เฮ๊อ.
แกแยยิวพู๊ เออเต๊เห่ เนอหม่า อาแซ่เน๊อ อู จว๊า ย๊อเก่แก โต๊โฉ่แพ เด๊อ อู ช๊อแด๊ ลู เด๊อ เตเร๊กู เออเต๊เห่ อาแพ เร๊อ อู จว๊า ย๊อเก่กา เกอลาติ โต๊โฉ่แพ เด๊อ อา แด๊เร๊อดื่อ อาเหน่ เด๊อ หมิเกล เนอเต๊เห่ อาแพ เร๊อ อู กา บ่อทือ จิจือลู. ซี แกแยยิวพู๊ หม่าโต่ เต๊เห่ เนอหม่า อาแซ่เน๊อ โต๊โฉ่เหมาะ เด๊อ อา แด๊ เด๊อ หมิเกล เออเต๊เห่ เนอเฮ๊อ. กู๊แหน่เออ ซี พย๊าหนิ เกอเฮ๊อ เตบุ๊ยเตเตอเรอ เด๊อ จอแปแหร่ เด๊อะบุ๊ยเด๊อะเตอเรอ แกแยยิวพู๊ เพอโพ เด๊อ เนอเค เต๊เห่ เฮ๊อ. ซี พย๊าหนิ แซ่เน๊อ ส่อแพ เออเต๊เห่ จุ๊ยโอ หนิอ๊าหนิเหร่ เกอ ส่อแจเทอ เด๊อ อา โอ่ เด๊อ อาหรุ่ยกู เร๊อ อา แฮ เออเต๊เห่ เนอเฮ๊อ.
เหย่ซี เก่ ช๊า ซิหมิพู๊ เนอโตโด ปา, หม่าแน๊เรอ ซิหมิพู๊ เออโตโด เก่ ช๊าเป่แก เหย่ซี ปา, เมเตเฮ๊เรอ ซิหมิพู๊ เออเนอหม่า หม่า แบ่เจ่ เต๊เห่ อา แบ่เจ่, จ๊อแผ่ เต๊เห่ อาจ๊อแผ่, เร๊อ แกแย เด๊อ อา โอ่เกอ เร๊อ อา เนอเต๊เห่ หม่า หม่าเฮ๊อ แกแย เด๊อ จอแปแหร่ เอ๊ แหน่ เหย่ซี, โท๊โต่ จอแปแหร่ นว๊าแถ่ แหน่ เหย่ซี, โทเรอ เหย่ซี หม่า แกแย เด๊อ อาจ๊อ เร๊อ อาโหง่ เต๊เห่.
จอแปแหร่ หม่า เตบุ๊ยเตเตอเรอ ล๋อ ปลี อา แบ่เจ่ เร๊อ อา เอ๊ ซี เด๊อ อา เก่ เด๊อะเกอ ซี อาเตเตอเรอดุ เตอเรอทู ตูจูเพร เด๊อ เหย่ซู่ครี๊ อากู เออเนอ ปา. เบ๊อะซี ข่าเบ่ เตจาเตจือ แตแปล๊เตอเปลอฮู๊ เออ เก่ ตาลว๊า โทเฮ๊อ ปาเนอ, จอแปแหร่ อาเหน่แบ่เจ่ เร๊อดื่อ อา เก่ เมหม่าเมกลอ แตแน แร๊คยา ซี ปา, โทเรอ อา เก่ เด๊อะฉว่าเด๊อะชอแถ่ ซีอ๊าซีเหร่ ปา.
แว หม่า เพรหยื่อเอ่ตู๊หมู่ตอกล๊อ โหมะเผระ กู่กล๊อ เตเพร, โทเรอ แว หม่า เพรข่าเฮ๊โล เป่ ครี๊ อา เตข่าจาข่าจือ อาหรี่อาแก เตเพร. โท๊โต่ ช๋า จอแปแหร่ เด๊อะโล เฮ๊อ อู เร๊อ อา เตเตอเรอดุ เตอเรอทู เบ๊อะเนอปาเนอ, แว เบ่เบ่, แว เก่ โอ่เต่อเกอ เร๊อ อา เตเตอเรอดุ เตอเรอทู เออเนอ ปา. กู๊แหน่เรอ แว กุยซิยอ ซี เพรหยื่อเอ่ตู๊หมู่ตอกล๊อ โหมะพรูโหมะเผระ เด๊อ อา ทวา ทวาดุทวาเต เต๊เห่ เนอ,
หม่าแน๊เรอ กู๊แหน่เออ ครี๊ แฮ ทวาเฮ๊อ ฮู๊ เพรหลู่แต กู่กล๊อ เด๊อ อาดุเล๊อ อู เตเพร เนอเฮ๊อ. อา พย๊าแฮหนิ เป่ เป เตตว่าเตแร๊ เด๊อ อา โอ่ เร๊อ เป กู๊แหน่เออ เต๊เห่ เฮ๊อ. อา จว๊าโน โทเฮ๊อ เด๊อ เหล่สื่อดุ เด๊อ อาดุเล๊อ, อา เล๊อบา เน๊อ แกแย เมเนอ เตเม อากูเฮ๊อ. เหล่สื่อดุ เออเนอ, แกแย ช๊อ เน๊อ อากู๊ขุ เตเพร่ว หม่าโต่, อู แบ๊แล ลู หม่าโต่โต่, อา โอ่ เด๊อ เห่ขุ เออเนอ หม่าโต่โต่.
จอแปแหร่ อา เตจ่อเตแย เด๊อ อู ซิเงทว๊า โต่ เออเนอหมา หม่าเฮ๊อ จอแปแหร่ เด๊อะตา เป่เฮ๊อ แกแยยิวพู๊ เตเด๊อะบุ๊ยเด๊อะเตอเรอ เฮ๊อ. เร๊อ เตเด๊อะบุ๊ยเด๊อะเตอเรอ เออเต๊เห่เนอ, ซี แกแยยิวพู๊ หม่าโต่ เต๊เห่ พย๊าหนิ โหร่แซ่เกอเฮ๊อ เร๊อ เหย่ซี เออเนอเฮ๊อ. แกแยยิวพู๊ หม่าโต่ เต๊เห่ เร๊อ แกแยยิวพู๊ เออเต๊เห่เนอ, อา ทวาเฮ๊อ ลู เหน่ เตเพรจือ เฮ๊อ. ล๋อ จอแปแหร่ อ๊อแลแก อาแกแย เต๊เห่เนอ, ซี แกแยยิวพู๊ หม่าโต่ เต๊เห่ เก่ พย๊าหนิ โหร่เกอเฮ๊อ เร๊อ เหย่ซี เฮ๊อ. เด๊อ ซี หยื่อเอ่ เตซิครือมีลา เร๊อ ซี ทวาแถ่เฮ๊อ เต๊อเจ๋อโต เร๊อ เหย่ซู่ครี๊ อาขว่าอาคยา, ซี พย๊าหนิเกอ ลอเฮ๊อ เตเด๊อะบุ๊ยเด๊อะเตอเรอ เนอเต๊เห่ เฮ๊อ.
ซี เตเมจว่า เออเนอ อา ข่าเด๊อะโล เน๊อ ซี หยื่อเอ่ หม่าแหน่ แบ่เจ่ เหย่ซู่ เฮ๊อ. เด๊อ ซี ย๋อ หยื่อเอ่ ครวาเมเกอ ฮู๊ ครี๊ อา เตซิครือมีลา เฮ๊เนอ อาขว่าอาคยา, อู เก่ ถู่เซ๊แถ่ เอ๊แหน่เจ๊อ จอแปแหร่ ปา. เมเตเฮ๊เรอ เด๊อ ซี ซิปล่อฉว่า เมจว่า เป่ เหย่ซี เร๊อ อู ปว๋า เตเพร อาขว่าอาคยา, แกแย เก่ ถู่เซ๊แถ่ โร๊ลา จอแปแหร่ ฮู๊เนอ ปา.
เพรหลู่แตเต เต๊เห่เนอ, อา เตซื๊อเตปล๊า โอ่ แพ๊ แลแค หม่าแน๊เรอ เตซว๊าเตแส่ ย๋อ โอ่ อาขว่าอาคยา, อู เบ่ แด่แถ่ เหย่ซี แพ๊. หม่าแน๊เรอ เบ๊อะจอแปแหร่ เด๊อะตาโท เฮ๊อ เตซว๊าเตแส่ เออ เด๊อคยา อางยาลาเฮ๊อ เนอ, อา อ๊อแล ข่อคยาโป่ ตือมือ เร๊อ อา แบโน เต่อหนิ อาโหง่ เบ๊อะเนอ. อา แบตา เฮ๊อ อาโหง่ เน๊อ อา แด่แถ่ เฮ๊อ อา พู๊เพรคู เด๊อ อาเตซื๊อ โอ่โต่, อา เล๊อบา เออเตเพร เน๊อ อา เก่ ทวาแถ่ เพรหลู่แต กู่กล๊อดุเล๊อ ตูจูเพร เฮ๊อ.
เด๊อ เตหรี่เตแก เออ อาขว่าอาคยา, เตเด๊อะบุ๊ยเด๊อะเตอเรอ ตูจูเพร เด๊อ จอแปแหร่ อ๊อแลแก เป่ โทเฮ๊อ แกแย เด๊อ อา เอ๊ ลู เต๊เห่ เก่ หนิเบ่ปา อาเงเนอ, ครี๊ พย๊าแฮหนิ เป่ เฮ๊อ จอแปแหร่ อาแกแย เต๊เห่ เตอ๊อแล อาเซ. เออเต๊อเจ่อ เด๊อ จอแปแหร่ อา โอ่ เฮ๊อ. แซ่ฮู๊ ครี๊ เก่ อี๊ถ่ากา เร๊อ ปลวาเถ่ ปาลา จว๊าแก แกแย โอ่ เด๊อ เตอ๊อแล อาเลอ อาเล เนอเต๊เห่ อาเงเนอ, อา เบ่ ข่าเซอแก อาซิปล่อ. เด๊อ อา ข่าเซอ อาซิปล่อ อาขว่าอาคยา, เหย่ซี พย๊าหนิ เบ๊เกอเฮ๊อ อู่เจเต๊เหย่, อา เตเด๊อะบุ๊ยเด๊อะเตอเรอ ตูจูเพร เด๊อ จอแปแหร่ อ๊อแล โทเฮ๊อ เออเต๊เห่เนอ เฮ๊อ.
ကြော်ငြာတွေ