เหย่ซี อิโร ลีอิโร อาเซ โต๊โต่ เนอ, “เน ต่าดื่อเฮ๊อ เร๊อ เน เก่ พย๊า ลีตูลูเออ เร๊อ อ๊าโมแก เตเมม๊าเมแด เออเต๊เห่. เมเตเฮ๊เรอ อู เมเซอ โทเฮ๊อ เน อาขว่าอาคยา, แซ่ฮู๊ แกแย เต๊เห่ เก่ ทวาแถ่ จอแปแหร่ อาเต เนอ เน อี๊ถ่ากาเฮ๊อ เหย่ซี เร๊อ เนสุ่ย เร๊อ แกแยเห่ขุพู๊ เต๊เห่เห่ เด๊อ อา โอ่ เด๊อ แกแย ปว๊าโต๊โหมะ, โหง่ ปว๊าโต๊โหง่, เมวเจอะ ปว๊า เต๊อเจ่อ เร๊อ เก่ ปว๊าเต๊เก่ อาเกล เต๊เห่เนอ, เน อี๊ถ่ากา เป่ โทเฮ๊อ เร๊อ จอแปแหร่.
ꤟꤤꤙꤚꤢꤨ 2:9 - ลีเทส่อพ๊าอาเซ เร๊อ เห่ขุทวาลู๊9 หม่าแน๊เรอ, เตหรี่เตแก เด๊อ เป ซิเง หม่าแหน่ เนอหม่า หม่าเฮ๊อ เหย่ซู่ เออเนอเฮ๊อ. เบ๊อะอา แฮแล เด๊อ เห่ขุเออ เบ๊อะเนอ, อา พย๊าหนิ เตเตอเรอฉว่าชอ เด๊อ อาอ๊าเจ๊เล๊อ เน๊อ ม๊อขุ เตเน่วพู๊ เต๊เห่ เตอเปลอฮู๊, เมเตเฮ๊เรอ, เด๊อ จอแปแหร่ อาบุ๊ยอาเตอเรอ อาขว่าอาคยา, เหย่ซู่ เบ่ ข่าเซอ เป่ เด๊อ เป ล๋อ ปลี อาเง. เด๊อ เหย่ซู่ ข่าเซอ อาขว่าอาคยา, กู๊แหน่เออ เป ซิเง เน๊อ จอแปแหร่ นอ เมลีเมเตเค, แด่ดุแด่ทู อู เร๊อ เหย่ซู่ เฮ๊อ. အခန်းကိုကြည့်ပါ။Eastern Kayah Shadaw Dialect9 ꤗꤢ꤬ꤔꤢꤧꤚꤣꤧ꤬, ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤘꤣ ꤕꤢꤩ꤬ ꤞꤤꤑꤢꤩ꤭ ꤗ꤫ꤢ꤬ꤔꤤꤔꤢꤧ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤛꤢꤩ꤬ꤏꤛꤢꤨ ꤣꤧ꤭ꤔꤣꤧ꤬ꤟꤣꤧ꤯ ꤙꤣꤧ ꤢ꤬ ꤟꤢꤧ꤭ꤜꤢꤧ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤘꤣ ꤢ꤬ꤡ꤫ꤢꤩ꤬ꤜꤣ ꤔꤢꤧ ꤗꤢꤪꤋꤢꤨ꤬ ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤒꤣꤧ꤬ꤕꤜꤣ꤬ꤟꤢꤨ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤛꤢꤩ꤬ꤏꤛꤢꤨ ꤙꤢꤩ꤬ ꤋꤢꤧꤞꤣꤧ꤭ ꤕ꤫ꤢꤩ꤬ ꤘꤣ ꤕꤢꤩ꤬ ꤜꤢꤪ꤭꤮ ꤕꤜꤤ꤭ ꤢ꤬ꤑꤢꤩ꤭꤯ ꤘꤣ ꤛꤢꤩ꤬ꤏꤛꤢꤨ ꤋꤢꤧꤞꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤊꤢꤨꤔ꤫ꤢꤧ꤬ꤣꤧ꤭ ꤕꤢꤩ꤬ ꤞꤤꤑꤢꤩ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ ꤗꤢꤩ꤬ꤜꤤ꤭ꤗꤢꤩ꤬ꤒꤣꤧ꤬ꤋꤢꤩ꤭, ꤘꤢꤧ꤬ꤘꤢꤨ꤬ꤘꤢꤧ꤬ꤓꤢꤨ꤭ ꤢꤨ꤭ ꤔꤢꤧ ꤛꤢꤩ꤬ꤏꤛꤢꤨ ꤟꤣꤧ꤯ အခန်းကိုကြည့်ပါ။ |
ꤟꤤꤙꤚꤢꤨ 2:9
39 ပူးပေါင်းရင်းမြစ်များ
ฮู๊เนอเรอ แกแย เตเพร หม่าเฮ๊อ เพอาดัม เออ เมซื๊อเต เต๊อเจ่อ อาขว่าอาคยา, จอแปแหร่ เมจากาคยา เฮ๊อ แกแย ปว๋า เตเพร เฮ๊อ. ฮู๊เนอเฮ๊อ, แกแย เตเพร เด๊อ อา หม่าเฮ๊อ เหย่ซู่ครี๊ เออ อา เมเฮ๊อ เตจ๊อเตเต เต๊อเจ่อ อาขว่าอาคยา, จอแปแหร่ แด่จ๊อแด่เต ลอเฮ๊อ แกแย ปว๋า เตเพร เฮ๊อ. เร๊อ เหย่ซี เก่ พย๊าหนิ แลแค ซิปล่อเซอเพร ตูจูเพร ปา.
เป เด๊อ อา เซอเพร เออเต๊เห่เนอ, แซ่ฮู๊ เป เก่ ครวา โอ่เซอเพร แฮเง ปา แต่ ฮู๊ เป ซิปล่อ อา เตซิหยื่อซิลอ เนอเต๊เห่ แต่เหม่, แซ่ฮู๊ เป เก่ ครวา โอ่เซอเพร แฮเง เกอ ฮู๊ เพร เด๊อ อา ข่าเซอ โทเป่เฮ๊อ เด๊อ เปเง เร๊อ อา ก๊อถ่อเซอเพร กาคยา โทเฮ๊อ เออเตเพร อาเงเนอ, แบ่เจ่ ข่าเซอ เป่ เฮ๊อ เด๊อ เป ปว๋า เตเพร อาเง เฮ๊อ.
ครี๊เนอ อาเตซื๊อ โอ่ เต๊อเจ๋อ โต่. หม่าแน๊เรอ, แซ่ฮู๊ อา เก่ ปล๊าลีแก เป่ เป เตซื๊อ อาโหน่อาฉู่ เต๊เห่ อาเงเนอ, จอแปแหร่ นอข่าเซอ ลู เด๊อ เป เตซื๊อ อาเง. เด๊อ ครี๊ เม เป่ เฮ๊อ เป ฮู๊เนอ อาขว่าอาคยา, เป เก่ ทวาแถ่ เฮ๊อ เตเต๊อเจ๋อ แพ๊เน๊อ ครี๊ เฮ๊อ เร๊อ, จอแปแหร่ เก่ แด่จ๊อแด่เต เฮ๊อ เป เด๊อ อาเป๊เส่เง ปา.
เพอับราฮับ, เพอิสอัด เร๊อ เพยาโคบ เต๊เห่ อา จอแปแหร่ เน๊อ เป โหมะเพเพอโพ เด๋อ หนู่เค เต๊เห่ อา จอแปแหร่ เด๊อะโล แถ่เฮ๊อ อา เตลีเตเค เนอ อาหลู่เล๊ เหย่ซู่ เออเนอ เฮ๊อ. หม่าแน๊เรอ ซี เด๊อะตาแก อา เด๊อ แกแย ทวาดุทวาเต เต๊เห่ อา กู๊ยากู เร๊อ เบ๊อะคุ๊ยปีลาต เจแม๊ โทเฮ๊อ เด๊อ อา เก่ ปลวาเถ่แก ลู เบ๊อะเนอ, ซี จูเกอ ลู โต่. เด๊อ คุ๊ย เออเตเพร อา เป๊เส่เงเนอ, ซี เคร๊ฉื่อ ตาปา เจ๊อ อู เจ๊อ.
เด๊อ หม่าอิเต อาขว่าอาคยา เฮ๊เรอ, แซ่ฮู๊ เป เก่ โอ่โก๊แก เด๊อ เป เม เตซื๊อ เออ อาเงเนอ, เป หนิดา ครวาเมเกอ เจ๊อ เตซว๊าเตแส่ เออ อาคยา เจ๊อ เนอ, อา เตอเรอฉว่าชอ เด๊อ อา เก่ เมจว่า เป่ เปเนอ อาโอ่โต่, เมเตเฮ๊เรอ อาอ๊าอาเหร่ เด๊อ อา เก่ เมเป่แก พ๊าหย่า อา เตซิหยื่อซิลอ เออเนอ อาโอ่โต่. ฮู๊เนอเรอ จอแปแหร่ เม เร๊อ อาเหน่, อา นอแฮแล อา พู๊เพรคู เร๊อ อา แฮแล กลว่าอาเหน่ ฮู๊ เห่ขุพู๊ แซ่เน๊อ เป เด๊อ อา เม เตซื๊อ เออเต๊เห่. หม่าแน๊เรอ เตซื๊อ อาเหล่โกล เมโป๊เนอ เออ เป๊อแจ่ ลู โต่. อา แฮ ข่าเป่ เป เตซื๊อเตปล๊า, เร๊อ อา เมปย๊าแก เฮ๊อ เตซื๊อ อา เตเป๊อตี๊หรี่ เป เออเต๊เห่ เฮ๊อ.
คูเอโนค เออเนอ เบ่เบ่, เด๊อ อาเตหยื่อ อาขว่าอาคยา, อา ป่อซิเต่อเบ่น๊อ เกออู เน๊อ เตเซอ โต่. จอแปแหร่ เอ๊กา แก๊แถ่ เซอเพร ลู เด๊อ ม๊อขุ. จอแปแหร่ เอ๊กา โอ่เหม่แก ลู อาขว่าอาคยา, อู แม๊เถอะแจ่ ปา ลู โต่. เมเตเฮ๊เรอ เบ๊อะจอแปแหร่ เอ๊กา กาแถ่ แต่ล๋าย คูเอโนค โต่ เบ๊อะเนอ, อา หม่า แกแย เด๊อ อา เมโต จอแปแหร่ อาซิปล่อ เตเพร, ลีเทส่อพ๊ากู เฮ๊ฮู๊เนอ.
อาแซ่เน๊อ แกแย แกล่ เต๊เห่ แม๊จ๊อจ๊อ แฮโต ตื๊อแพ๊ เตเมเป่ม๊าโบ เออเนอเฮ๊อ, ฮู๊เนอเรอ เป เก่ แม๊จ๊อจ๊อ แฮ แพ๊ตื๊อ เหย่ซู่ โป๋. เมเตเฮ๊เร๊อ อา หม่า เป เตหยื่อเตแหน่ อา แก่ช๊าแก่แร เตเพร. โท๊โต่, อา หม่า เพร เด๊อ อา เมเล๊อเมบา เป่ เฮ๊อ เป เตหยื่อเตแหน่ เตเพร. อา ข่าเซอ โทปาหม่า, อา ซิเง หนื่ออื่อ โทเฮ๊อ เน๊อ อา เก่ พย๊าหนิ เตซิหยื่อซิลอ ปา อาขว่าอาคยา, อา โตเบ่ ข่าเซอ เจ๊อ เด๊อ อี๊ถื่อดีเต่ลู เจ๊อ หม่าแน๊เรอ อา ซิเตเร เตอเจ๋อ โต่. กู๊แหน่เรอ อา โอ่แนโอ่ เฮ๊อ เด๊อ จอแปแหร่ อา เหล่โอ่แน แถ่โล เด๊อ จ๊อทว๊า เนอตากยา เฮ๊อ.
ကြော်ငြာတွေ