ꤟꤤꤙꤚꤢꤨ 2:8 - ลีเทส่อพ๊าอาเซ เร๊อ เห่ขุทวาลู๊

⁸ เน นอเป๊อตี๊หรี่หนิ เหย่ซี ล๋อ ปลี,” อา เฮ๊ ฮู๊เนอ. เบ๊อะจอแปแหร่ นอเป๊อเฮ๊อ เตล๋อ ปลี เน๊อ เหย่ซี อาเคปาเนอ, เตเด๊อ อา เป๊อเต่อโต่ เนอ อาโอ่ แก ปา เตอเจ๋อ โต่ เฮ๊อ. หม่าแน๊เรอ กู๊แหน่เค เออเนอ เป แม๊เถอะแต่ลา แกแย เห่ขุพู๊ เป๊อลอแต่ลา เตล๋อ ปลี โต่.

Eastern Kayah Shadaw Dialect

⁸ ꤔꤢꤧ꤬ ꤔꤢꤪ꤭ꤕꤣꤒꤣꤧ꤬ꤚꤤ꤬ꤚꤣꤧ ꤛꤢꤩ꤬ꤞꤤ꤭ ꤜꤢꤪ꤭꤮ ꤕꤜꤤ꤭,” ꤢ꤬ ꤟꤢꤩ ꤟꤢꤨꤔꤣꤧ꤬꤯ ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤕꤣꤟꤣꤧ ꤒꤢꤩ꤬ꤜꤢꤪ꤭꤮ ꤕꤜꤤ꤭ ꤔꤢꤧ ꤛꤢꤩ꤬ꤞꤤ꤭ ꤢ꤬ꤋꤢꤩ꤭ꤕꤢ꤭ꤔꤣꤧ꤬, ꤒꤢꤩ꤬ꤘꤣ ꤢ꤬ ꤕꤣꤒ꤫ꤥ꤬ꤒꤥ꤬ ꤔꤣꤧ꤬ ꤢ꤬ꤥ꤬ ꤊꤢꤧ꤭ ꤕꤢ꤬ ꤒꤣ꤬ꤡꤣ꤬꤮ ꤒꤥ꤬ ꤟꤣꤧ꤯ ꤗꤢ꤬ꤔꤢꤧꤚꤣꤧ꤬ ꤊꤢꤨꤔ꤫ꤢꤧ꤬ꤋꤢꤩ꤭ ꤣꤧ꤭ꤔꤣꤧ꤬ ꤕꤢꤩ꤬ ꤗꤢꤧꤓ꤫ꤣꤧ꤬ꤜꤢ꤭ꤟꤤ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤕꤣꤜꤢꤪ꤭ꤜꤢ꤭ꤟꤤ ꤒꤢꤩ꤬ꤜꤢꤪ꤭꤮ ꤕꤜꤤ꤭ ꤒꤥ꤬꤯

ꤟꤤꤙꤚꤢꤨ 2:8 ပူးပေါင်းရင်းမြစ်များ

ꤛꤥ꤭ꤟꤢ꤬ 13:3

แบ่เจ่ เหย่ซู่ ซิเงดื่อเฮ๊อ เร๊อ อาเพ เด๊อะตา โทลอเฮ๊อ ลู เตโพรเตเตอเรอ ฉว่าชอ เด๊อ เตล๋อ ปลี อาขุ เฮ๊อ. อา ซิเง เร๊อ อา โอ่ เด๊อ จอแปแหร่ โอ่แฮ เร๊อ อา เก่ กาคยา คยาแซ๊ เด๊อ จอแปแหร่ อา โอ่ ปา.

โครินธ์ อาเหร่อเล๊อ ต๊าบ่า 15:27

“จอแปแหร่ เก่ แด่ตา ลอ เตปว๋า เต๊อเจ่อ เด๊อ อากู๊โด่เล ปา,” ลีเทส่อพ๊ากู เฮ๊ฮู๊เนอ. หม่าแน๊เรอ โหง่ เออตือมือเนอ หม่า, อา ซิหยื่อ เฮ๊ เร๊อ จอแปแหร่ โอ่ เด๊อ ครี๊ อา เตอเรอโพร ฉว่าชอ อาเล ฮู๊เนอ หม่าโต่, เมเตเฮ๊เรอ, เพร เด๊อ อา นอเป๊อ เหย่ซู่ครี๊ หม่า จอแปแหร่ แพ๊.

เปโตร อาเหร่อเล๊อ ต๊าบ่า 3:22

เหย่ซู่ครี๊ กา กี๊แถ่เฮ๊อ เด๊อ ม๊อขุ เร๊อ อา กา โอ่แนโอ่ เด๊อ จอแปแหร่ อากู๊ขุ จ๊อทว๊า ตากยา เฮ๊อ. เร๊อ อา เป๊อตี๊หรี่ ลอ เตเน่วพู๊ เต๊เห่ เร๊อ เตเตอเรอฉว่าชอ เต๊เห่, เร๊อ เตโพรเตเตอเรอ เต๊เห่ เฮ๊อ.

เตเด๊อะโลแถ่ 1:18

แว หม่า แกแย เด๊อ อา เซอเพร เตเพร. แว เซอ โทเฮ๊อ หม่าแน๊เรอ กู๊แหน่เออ แว เซอเพร ตูจูเพร แตแลเคร๊. แว โอ่เร๊อ เตอเรอฉว่าชอ เร๊อ เตโพร เร๊อ แว เป๊อะลอ เตเซอ เร๊อ โลเน๊มู๊แหม่รีแจ่ดอ เต๊เห่.

ꤟꤤꤙꤚꤢꤨ 1:13

“โอ่แนโอ่ เด๊อ แว กู๊ขุ จ๊อทว๊า เออตากยา, เร๊อ โอ่แน โต่เด๊อ แว นอเป๊อเฮ๊อ เน เร๊อ เพร เด๊อ อา ซิเถ่ เน เออเต๊เห่ แฮ จ๊อเบแถ่ โต่ เน เด๊อ เน กู๊โด่ แก่ช๊า ปา,” จอแปแหร่ เฮ๊น๊อ อาม๊อขุ เตเน่วพู๊ เต๊เห่ ฮู๊เออเนอ ตือมือ โต่.

เตเด๊อะโลแถ่ 1:5

ซี เก่ พย๊าหนิ เกอโป่ดื่อ เหย่ซู่ครี๊ เด๊อ อา ข่าเฮ๊โล จ๊อจ๊อเตเต เออเตเพร อาบุ๊ยอาเตอเรอ เร๊อ อา เตโส่เตเคร นี๋. แกแยเซอ เร๊อ อา เซอเพร กาคยา อาเกลเนอ, อา หม่า เพร เด๊อ อา เซอเพร เหร่อเล๊อ อู เตเพร เฮ๊อ. อา หม่า เพร เด๊อ อา เป๊อ เห่ขุ อาคุ๊ยจ๊อแผ่ เต๊เห่. อา หม่า อา โมเร๊อ แหน่เจ๊อ เป โท๊โต่ เด๊อ อา เซอ อาขว่าอาคยา, อา เมแลเปล๊กา เป เด๊อ เตซื๊อเตปล๊า อากู.

ꤟꤤꤙꤚꤢꤨ 2:5

เป เฮ๊ เป่ ซี เร๊อ เห่ขุเซ เก่ โอ่แถ่ ช๋า โหน่ปา อาหรี่อาแกเออ เนอหม่า, จอแปแหร่ นว๊าแถ่ เต่อเกอ ม๊อขุ เตเน่วพู๊ เต๊เห่ เด๊อ อา เก่ เบ่ เป๊อตี๊หรี่ เกอ เตอาเง เนอโต่.

ꤛꤥ꤭ꤟꤢ꤬ 3:35

เพ จอแปแหร่ โมเร๊อ อาพู๊คู เร๊อ อา เด๊อะตาลอ ลู เตปว๋า เต๊อเจ่อ เด๊อ อา กู๊ยากู เฮ๊อ.

มัทธิว 28:18

เร๊อ แบ่เจ่ เหย่ซู่ แฮ เด๊อ เหย่ซี โอ่ เร๊อ อา เฮ๊ เหย่ซี เน๊อ, “เตอเรอฉว่าชอ เด๊อ ม๊อขุ เบ่เบ่, เด๊อ เห่ขุเออเนอ เบ่เบ่, อู เด๊อะ ลอเฮ๊อ เน๊อ แว เฮ๊อ.

ꤟꤤꤙꤚꤢꤨ 1:2

หม่าแน๊เรอ ม๊อเนอ เด๊อ คยา ตื๊อดื่อ เออเต๊เห่เนอ, อา เฮ๊เบ่ตา แฮเง เป เร๊อ อา พู๊เพรคู เฮ๊อ. จอแปแหร่ นอแบ๊ตา แฮเง อาพู๊คู เน๊อ เห่ขุ ม๊อขุ เน๊อ เตล๋อ ปลี. เด๊อ คยา ตื๊อดื่อ ปาเนอ, ล๋อ เตเออเต๊เห่ แซ่ฮู๊ อา เก่ ทวา ลอ ลูเต ปา เนอเรอ จอแปแหร่ นว๊าแถ่เฮ๊อ ลู เฮ๊อ.