ꤟꤤꤙꤚꤢꤨ 2:17 - ลีเทส่อพ๊าอาเซ เร๊อ เห่ขุทวาลู๊

¹⁷ ฮู๊เนอ อาขว่าอาคยา แซ่ฮู๊ แบ่เจ่ เหย่ซู่ เก่ ทวาดื่อ เพร เด๊อ อา เม จอแปแหร่ อา เตเอ่เตแร ฮู๊ เพรหลู่แต กู่กล๊อดุเล๊อ เด๊อ อาจ๊อ เร๊อ อาโหง่ เร๊อ อา ซิยอแจ่ อู เตเพร. โท๊โต่ แซ่ฮู๊ อา เก่ ข่าเซอเป่ เด๊อ แกแย เต๊เห่ อา เตเมซื๊อ เต๊เห่ เก่ ปลวาแก อาเงเนอ, อา แฮแล พย๊า แกแยเห่ขุพู๊ อาเหล่โกล แซ่เน๊อ อาโป่อาแหม่ เออเนอเต๊เห่ เฮ๊อ.

Eastern Kayah Shadaw Dialect

¹⁷ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤞꤢꤧꤟꤢꤨ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤊ꤫ꤢꤦ꤬ ꤓꤝꤢ꤭ꤘꤢꤦ꤬ ꤖꤚꤢꤩ꤬ ꤘꤣ ꤢ꤬ ꤗꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤟꤢꤨ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤘꤢꤨ꤬ꤜꤣ ꤘꤣ ꤢ꤬ꤡꤢꤪ ꤔꤢꤧ ꤢ꤬ꤍ꤫ꤥ꤬ ꤚꤣꤧ꤬ ꤢ꤬ ꤞꤤꤛꤢꤪ꤬ꤡ꤫ꤢꤧ꤬ ꤢꤨ꤭ ꤒꤣ꤬ꤖꤚꤢꤩ꤬, ꤓꤥ꤭ꤒꤥ꤬ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤋꤢꤧꤞꤣꤧ꤭ꤕ꤫ꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤗꤢꤩ꤬ꤞꤢꤦ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤕꤜꤝꤢ꤭ꤊꤢꤧ꤭ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤟꤢꤧ꤭ꤜꤢꤧ꤬ ꤖꤛꤢ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤜ꤫ꤢꤩ꤬ꤊꤜꤥ꤭ ꤞꤢꤧꤔꤢꤧ ꤢ꤬ꤕ꤫ꤥ꤬ꤢ꤬ꤗ꤫ꤢꤧ꤬ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

ꤟꤤꤙꤚꤢꤨ 2:17 ပူးပေါင်းရင်းမြစ်များ

ꤟꤤꤙꤚꤢꤨ 4:14

ฮู๊เนอเรอ, เป ปื่อหม่าปื่อกลอ แร๊ แลแค เป เตหยื่อเตแหน่ เด๊อ เป อ๊อแล โทเร๊อเฮ๊อ เออเนอ โป๋, เมเตเฮ๊เรอ, เป โอ่ เกอเร๊อ เน๊อ เป เพรหลู่แต กู่กล๊อดุเล๊อ เออเตเพร, เร๊อ อา จว๊าโน เป่เฮ๊อ เด๊อ เปเง เด๊อ ม๊อขุ เฮ๊อ. อา หม่า จอแปแหร่ อา พู๊เพรคู เหย่ซู่ เออเนอเฮ๊อ.

ꤟꤤꤙꤚꤢꤨ 2:14

พู๊เหมาะพู๊คู อา เอ๊ ลู เออเต๊เห่เนอ, อา เน๊อ อาเหน่กล่อ สุ่ยเทอ เด๊อ อา เซอแจ่เออ อาขว่าอาคยา, แบ่เจ่ เหย่ซู่ แฮแล พย๊าหนิ เกอดื่อ แกแย เห่ขุพู๊ อาเหน่กล่อ เด๊อ อา แซ่เกอ ดื่อ เน๊อ เหย่ซีเนอ. อา ทวาแถ่ แซ่เน๊อ แกแยเห่ขุพู๊ อาขว่าอาคยา, อา เซอ แจ่. แซ่ฮู๊ เหย่ซู่ เก่ เมปย๊าแก โลเน๊มู๊แหม่รีแจ่ กู่กล๊อ เด๊อ อู เอ๊ เร๊อ ซาตาน เด๊อ อา โอ่ เร๊อ อา เตโพรเตเตอเรอ ฉว่าชอ เด๊อ อา เก่ เป๊อตี๊หรี่หนิ เตเซอ เออโตโด อาเงเนอ, อา ข่าเซอแก อาซิปล่อ.

ꤟꤤꤙꤚꤢꤨ 7:26

ฮู๊เนอเรอ, เหย่ซู่ หม่า เพรหลู่แต กู่กล๊อดุเล๊อ เตเพร เด๊อ อา เมเล๊อบา เป่ ลอ ล๋อ เป เตโหล่ เต๊เห่. อา หม่า อา บูโพ๊, อาเตซื๊อ โอ่โต่, อาซิปล่อ อาโพ๊อาแปละ. จอแปแหร่ แด่โอ่ข่อ ตาพา โค๊ดื่อ ลู เร๊อ เพรเมเตซื๊อ เต๊เห่, เร๊อ อา เด๊อะโอ่เฮ๊อ ลู เด๊อ เหล่โอ่ แถ่โลเล๊ออู โต๊โผ่ เฮ๊อ.

ꤚꤥꤗꤢꤩ꤬ 5:10

เด๊อ อาเหร่อเค เนอหม่า, เป ทวา แกแย เด๊อ อา ซิเถ่ จอแปแหร่ เต๊เห่. เด๊อ อาพู๊คู ข่าเซอ อาซิปล่อ เด๊อ เปเง อาขว่าอาคยา, อา เม โครเกล กาคยา คยาแซ๊ เฮ๊อ เป เฮ๊อ. กู๊แหน่เออ เป ทวาเฮ๊อ อาโค แบ๊ซว๊า เฮ๊อ. เป ซิเง ตาเต เจ๊อเฮ๊อ. เร๊อ เป เหล่แลเปล๊เบ๊ แพ๊ เร๊อ อาพู๊คู อา เตโอ่เซอเพร อาคยา แพ๊.

ꤟꤤꤙꤚꤢꤨ 2:11

เหย่ซู่ เม อาโพ๊อาแปละ กา แกแยเห่ขุพู๊ เต๊เห่ อา เตเมซื๊อ เต๊เห่. แกแยเห่ขุพู๊ เด๊อ เหย่ซู่ เม โพ๊แปละกา เหย่ซีเตซื๊อ เนอเต๊เห่ เน๊อ เหย่ซู่ เออเนอหมา, อาเพ จือลู เตเพรเพร่ว แพ๊ อาขว่าอาคยา, เหย่ซู่ เอ๊ เหย่ซี เน๊อ โป่แหว่ เนอ อา ซิเตเร โต่.

ꤟꤤꤙꤚꤢꤨ 3:5

คูโมเสส เออเนอ อาจ๊อ เร๊อ อาเตเม เด๊อ จอแปแหร่ อา หี่พู๊แพพู๊ เต๊เห่ อาเง ฮู๊ เพรแรเต เตเพร เนอเฮ๊อ. เร๊อ อาเตเม เต๊เห่เนอ, อา เด๊อะโล แบ๊บือ หนื่ออื่อ เหร่อ เตหมะเตจ๊อ เต๊เห่ เด๊อ จอแปแหร่ เก่ เด๊อะโล อู ช๋า เนอปา เต๊เห่ อาเง ปา.

โคโลสี 1:21

เด๊อ เหร่อเคเนอ เบ๊อะซี หยื่อเอ่ แต่ล๋าย เหย่ซู่ครี๊ โต่ เบ๊อะเนออาเค, ซี หม่า แกแย เด๊อ อา จว๊า โค๊แก เร๊อ จอแปแหร่. ซี เหล่เตเน เต๊เห่เนอ อา ลูโค๊ เร๊อ จอแปแหร่, โท๊โต่ ซี เมเต เต๊เห่เนอ อา มู๊แหม่รีแจ่.

ꤟꤤꤙꤚꤢꤨ 7:28

เพรหลู่แตเต เต๊เห่เนอ, อา เตซื๊อเตปล๊า โอ่ แพ๊ แลแค หม่าแน๊เรอ เตซว๊าเตแส่ ย๋อ โอ่ อาขว่าอาคยา, อู เบ่ แด่แถ่ เหย่ซี แพ๊. หม่าแน๊เรอ เบ๊อะจอแปแหร่ เด๊อะตาโท เฮ๊อ เตซว๊าเตแส่ เออ เด๊อคยา อางยาลาเฮ๊อ เนอ, อา อ๊อแล ข่อคยาโป่ ตือมือ เร๊อ อา แบโน เต่อหนิ อาโหง่ เบ๊อะเนอ. อา แบตา เฮ๊อ อาโหง่ เน๊อ อา แด่แถ่ เฮ๊อ อา พู๊เพรคู เด๊อ อาเตซื๊อ โอ่โต่, อา เล๊อบา เออเตเพร เน๊อ อา เก่ ทวาแถ่ เพรหลู่แต กู่กล๊อดุเล๊อ ตูจูเพร เฮ๊อ.

เอเฟซัส 2:16

อา ข่าเซอ อาซิปล่อ เด๊อ อี๊ถื่อดีเต่ลู อาขว่าอาคยา, แกแย เออเนอหมู่เนอ อา เมจิจือ กาคยา คยาแซ๊ลู ตู๊หมู่จือ เฮ๊อ, เร๊อ อา เมโครเมเกล กาคยา คยาแซ๊ เหย่ซี เร๊อ จอแปแหร่ เฮ๊อ. ฮู๊เนอเรอ เหย่ซี เตเพร เร๊อ เตเพร ซิเถ่ซิฮา ปา ลู โต่ เฮ๊อ.

ꤚꤥꤗꤢꤩ꤬ 15:17

ฮู๊เนอเรอ, เด๊อ แว ทวาแถ่ เต๊อเจ๋อ โตเฮ๊อ เร๊อ เหย่ซู่ครี๊ เฮ๊อ อาขว่าอาคยา, แว เตเนดุ เกอเร๊อ แหน่เจ๊อ เตเม เด๊อ แว เม เป่ จอแปแหร่ เออเนอ เจ๊อ.

ꤟꤤꤙꤚꤢꤨ 3:2

ฮู๊ คูโมเสส จ๊อ เน๊อ อาเตเม เด๊อ จอแปแหร่ อา หี่พู๊แพพู๊ เต๊เห่ อาเงเนอ, แบ่เจ่ เหย่ซู่ เออ, อาจ๊อ เร๊อ จอแปแหร่ เด๊อ อา แด่แถ่ ลู เร๊อ อา นอเม ลู เร๊อ อาเตเม เออเนอ เตเพร.

ꤟꤤꤙꤚꤢꤨ 2:16

เป ซิเงโปลปลื๊อ เจ๊อ เฮ๊อ เร๊อ แบ่เจ่ เหย่ซู่ เมจว่าเกอ ม๊อขุ เตเน่วพู๊ เต๊เห่ โต่. อา เมจว่า เต๊เปล่ เป่ เด๊อ เพอับราฮัม อากลุยอาแล เต๊เห่.

ꤟꤤꤙꤚꤢꤨ 3:1

ฮู๊เนอ อาขว่าอาคยา, โป่แหว่ ครี๊พู๊ เด๊อ จอแปแหร่ เอ๊ ซี เออเต๊เห๋ เตเน แม๊มอ แลแค เหย่ซู่ เด๊อ จอแปแหร่ นอแฮ ทวา ลู เน๊อ เพรเฮ๊โฉ่โด่แหน่ จอแปแหร่ อาลาอาโหง่ เน๊อ เพรหลู่แต กู่กล๊อดุเล๊อ เออเตเพรเนอ.

ꤟꤤꤙꤚꤢꤨ 4:15

เป เพรหลู่แต กู่กล๊อดุเล๊อ เออเตเพรเนอ, อา ซิเง เป เตอ๊าเจ่เหร่เจ่ เต๊เห่ เร๊อ อา ซิยอ เกอเร๊อ เป. เมเตเฮ๊เรอ อา แม๊เถอะ ป่อชิเต่อเบ่ น๊อเฮ๊อ เน๊อ เตอิลออี๊โหล่ ปว๋า เต๊อเจ่อ ฮู๊ เป แม๊เถอะ ป่อชิเต่อเบ่ เออเนอ หม่าแน๊เรอ อา เมซื๊อเกอ เต โต่.

ꤟꤤꤙꤚꤢꤨ 5:1

เพรหลู่แต กู่กล๊อดุเล๊อ ปว๋า เพรเพร๋ เนอ, อู นว๊าแถ่ อา เด๊อ แกแยเห่ขุพู๊ เต๊เห่ อาเกล แพ๊ เร๊อ อู แด่แถ่ อา เด๊อ อา เก่ เม เป่ จอแปแหร่ อาเตเม เด๊อ แกแย ล๋อ ปลี อาเหล่โอ่. อา เก่หลู่เก่แตแถ่ เป่ อู เตเต๊เห่, โท๊โต่ แซ่ฮู๊ แกแย เต๊เห่ เตซื๊อ เก่ ปลวาแก อาเงเนอ, อา เก่ หลู่แถ่ เป่ อู เตมีเตดอ เต๊เห่ เด๊อ จอแปแหร่ อา โอ่ ปา.

ꤟꤤꤙꤚꤢꤨ 5:2

เหย่ซี ย๋อ ทวาแพ๊ แกแยเห่ขุพู๊ อาขว่าอาคยา, อา เมซื๊อเมปล๊า แลแค แพ๊. ฮู๊เนอเรอ แกแย เด๊อ อา ซิเง ตาเต เกอ อู เตหมะเตจ๊อ โต่ เร๊อ อา เมซื๊อเมปล๊า เต เต๊เห่ อาเงเนอ, เหย่ซี เตเน ซิยอแจ่ เป่เกออู โต่.

ꤟꤤꤙꤚꤢꤨ 5:5

ฮู๊เนอเฮ๊อ, แซ่ฮู๊ ครี๊ เก่ ทวา เพรหลู่แต กู่กล๊อดุเล๊อ เออเนอ, อา แด่แถ่ เกอเร๊อดื่อ อาเหน่ หม่าโต่, อา เมลีเมเตเค เกอเร๊อดื่อ อาเหน่ หม่าโต่, จอแปแหร่ แด่แถ่ ลู แพ๊. เร๊อ จอแปแหร่ เฮ๊ ลู เน๊อ, “เน หม่า แวพู๊คู, เออเตอเนอเรอ, แว ทวา เฮ๊อ เนเพ เฮ๊อ,” อา เฮ๊ ลู ฮู๊เนอ.

ꤟꤤꤙꤚꤢꤨ 5:10

เร๊อ จอแปแหร่ แด่แถ่ ลู เร๊อ เพรหลู่แต กู่กล๊อดุเล๊อ เด๊อ อาแซ่เน๊อ เพรหลู่แตเต เมลคีเซเดค เมเต เด๊อ เหร่อเนอเค เตเพร เนอเฮ๊อ.

ꤟꤤꤙꤚꤢꤨ 6:20

เหย่ซู่ จว๊าโนเหร่อ เป่เฮ๊อ เปเหล่โอ่ เด๊อ เง เฮ๊อ. อา ทวา เป่เฮ๊อ เป เพรหลู่แต กู่กล๊อดุเล๊อ เด๊อ อา โอ่ ข่างยา ตูจูเพร เออเนอเฮ๊อ. อา เออเนอ อา แซ่เฮ๊อ เร๊อ เพรหลู่แตเต เมลคีเซเดค เด๊อ เหร่อเนอเค เตเพรเฮ๊อ.

ꤟꤤꤙꤚꤢꤨ 8:1

กู๊แหน่เออ, เต เด๊อ อา โหล่ดุเล๊อ อู เต๊อเจ่อ เด๊อ แว ซิหยื่อ นอซิเงโปล ซี เนอหม่า หม่าเฮ๊อ เป เพรหลู่แต กู่กล๊อดุเล๊อ เออเตเพร เฮ๊อ. อา หม่า เหย่ซู่ เฮ๊อ. กู๊แหน่เออ อา โอ่แนโอ่ เด๊อ ม๊อขุ เร๊อ อา โอ่แนโอ่ เด๊อ จอแปแหร่ เด๊อะ อาลีอาเตเค, อาโพรอาเตอเรอ เออเตเพร เหล่โอ่แนโอ่ อาจ๊อทว๊า เนอตากยา เฮ๊อ.

ꤟꤤꤙꤚꤢꤨ 8:3

เพรหลู่แต กู่กล๊อดุเล๊อ ปว๋า เตเพร เนอ, อู แด่แถ่ อา เร๊อ อา เบ่ หลู่แตเต โทเรอ อา เบ่ หลู่แตแถ่ เร๊อ เตมีเตดอ เต๊เห่ เด๊อ จอแปแหร่ อา โอ่. ฮู๊เนอเรอ, เป เพรหลู่แตเต เด๊อ อาดุเล๊อ เออเตเพรเนอ, อา เบ่ หลู่แตแถ่ เกอ เต เต๊อเจ่อเจ่อ.

ꤟꤤꤙꤚꤢꤨ 9:11

หม่าแน๊เรอ กู๊แหน่เออ ครี๊ แฮ ทวาเฮ๊อ ฮู๊ เพรหลู่แต กู่กล๊อ เด๊อ อาดุเล๊อ อู เตเพร เนอเฮ๊อ. อา พย๊าแฮหนิ เป่ เป เตตว่าเตแร๊ เด๊อ อา โอ่ เร๊อ เป กู๊แหน่เออ เต๊เห่ เฮ๊อ. อา จว๊าโน โทเฮ๊อ เด๊อ เหล่สื่อดุ เด๊อ อาดุเล๊อ, อา เล๊อบา เน๊อ แกแย เมเนอ เตเม อากูเฮ๊อ. เหล่สื่อดุ เออเนอ, แกแย ช๊อ เน๊อ อากู๊ขุ เตเพร่ว หม่าโต่, อู แบ๊แล ลู หม่าโต่โต่, อา โอ่ เด๊อ เห่ขุ เออเนอ หม่าโต่โต่.

ꤟꤤꤙꤚꤢꤨ 10:21

เพรหลู่แต กู่กล๊อ เด๊อ อาดุเล๊ออู เร๊อ อา แม๊ตู่หนิ จอแปแหร่ อาหี่ เออเตเพรเนอ, เป พย๊าหนิเฮ๊อ อา เฮ๊อ.