ฮู๊เนอเรอ เป่ หม่า อาแซ่เน๊อ เป๊เจ่ฮู๊ เด๊อ อา อินู๊ปา เนอเต๊เห่ หม่าปาโต่ เฮ๊อ. แกแยกะ เด๊อ อา อิซว๊าแลโฮ เต เต๊เห่เนอ, อา อี๊หล่าแลโฮ แจ่ ปา เป โต่, เร๊อ เป หยื่อเอ่ซื๊อ แจ่เกอ ปา เหย่ซี อาเตอิซว๊าอี๊แส่ โต่ เฮ๊อ. เป แซ่ปา เร๊อ ส่อเกลอ เด๊อ เก่แลเซ๊ดุ เร๊อ อา พอ ก๊อกลี๊ อา เต๊เบ่เนอ หม่า ปาโต่เฮ๊อ.
ꤟꤤꤙꤚꤢꤨ 13:9 - ลีเทส่อพ๊าอาเซ เร๊อ เห่ขุทวาลู๊9 นออิลออี๊โหล่ จว๊าซื๊อ แต่ ซี เน๊อ ล๋อ เตอิซว๊าอี๊แส่ เด๊อ อา โค๊คยา เนอเต๊เห่ แต่เหม่ นี๋. ครวาจว๊าเกอ แต่เหม่ นี๋. ซี ซิปล่อ เออเนอ, อา โต อ๊าฉว่าเหร่ชอแถ่ เน๊อ จอแปแหร่ อาบุ๊ยอาเตอเรอ อาคยาแพ๊. เด๊อ ซี หนิดา ครวาเมเกอ เหล่เอ่เหล่โอ อา เตซว๊าเตแส่ เต๊เห่ อาคยา เร๊อ ซี ซิปล่อ อ๊าฉว่าเหร่ชอแถ่ โต่ ฮู๊เนอ หม่าโต่. ซี หนิดา ครวาเมเกอ เตซว๊าเตแส่ อาคยา เออเนอ, อา หนิบุ๊ยหนิเตอเรอ เด๊อ ซีเง เตอเจ๋อ โต่. အခန်းကိုကြည့်ပါ။Eastern Kayah Shadaw Dialect9 ꤔꤢꤪ꤭ꤢꤩꤜꤢ꤬ꤢꤩꤕꤜꤢꤩ ꤡꤝꤢꤞꤢꤦ ꤒ꤫ꤢꤧ꤬ ꤞꤤ꤭ ꤔꤢꤧ ꤜꤢꤪ꤭ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤘꤣ ꤢ꤬ ꤋꤥꤋꤛꤢ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤋꤚꤝꤢ꤭ꤡꤝꤢꤊꤣꤧ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤞꤤ꤭ ꤞꤤꤕꤜꤢꤪ꤬ ꤣꤧ꤭ꤔꤣꤧ꤬, ꤢ꤬ ꤒꤥ꤭ ꤟꤢꤧ꤭ꤚꤢꤩ꤬ꤏꤝꤢ꤬ꤏꤢꤪ꤭ꤓꤢꤧ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤢ꤬ꤋꤛꤢ꤭ ꤖꤢꤧ꤯ ꤘꤣ ꤞꤤ꤭ ꤔ꤫ꤤ꤬ꤘꤢ꤭ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤏꤢꤩ꤬ꤢꤩ꤬ꤏꤢꤩ꤬ꤥ꤭ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤋꤛꤢ꤭ ꤚꤣꤧ꤬ ꤞꤤ꤭ ꤞꤤꤕꤜꤢꤪ꤬ ꤟꤢꤧ꤭ꤏꤝꤢ꤬ꤚꤢꤩ꤬ꤏꤢꤪ꤭ꤓꤢꤧ꤬ ꤒ꤫ꤥ꤬ ꤟꤢꤨꤔꤣꤧ꤬ ꤗ꤫ꤢ꤬ꤒꤥ꤬꤯ ꤞꤤ꤭ ꤔ꤫ꤤ꤬ꤘꤢ꤭ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤋꤛꤢ꤭ ꤣꤧ꤭ꤔꤣꤧ꤬, ꤢ꤬ ꤔ꤫ꤤ꤬ꤙꤝꤤꤔ꤫ꤤ꤬ꤒꤣꤧ꤬ꤚꤣꤧ꤭ ꤘꤣ ꤞꤤ꤭ꤑꤢꤩ꤭ ꤒꤣ꤬ꤡꤣ꤬꤮ ꤒꤥ꤬꤯ အခန်းကိုကြည့်ပါ။ |
ꤟꤤꤙꤚꤢꤨ 13:9
35 ပူးပေါင်းရင်းမြစ်များ
แกแย เด๊อ อา เตเน เร๊อ ม๊อเนอ เต๊เห่เห่เนอ, อู โตเบ่ แด่บูโพ๊ ข่อดื่อ ลู อา เก่ เตเน เฮ๊เรอ, แด่บูโพ๊ ม๊อเนอ เออเนอ เด๊อ เตเมลีเมเตเค แบ่เจ่ อาเงเนอ. แกแย เด๊อ อา เอ่ เตปว๋า เต๊อเจ่อ เต๊เห่เนอ, เอ่ เด๊อ เตเมลีเมเตเค แบ่เจ่ อาเง เนอ, เมเตเฮ๊เรอ อา เฮ๊บุ๊ยเฮ๊เตอเรอ โท จอแปแหร่ เร๊อ อา เอ่ เต อาขว่าอาคยา, อา เมลีเมเตเค จอแปแหร่ เฮ๊อ. ฮู๊เนอเฮ๊อ แกแย เด๊อ อา โด่เอ่เฉ่ เต๊เห่เนอ, อา เฮ๊บุ๊ยเฮ๊เตอเรอ เกอ จอแปแหร่ เร๊อ อา เมลีเมเตเค แถ่เกอ จอแปแหร่ อามุย อาขว่าอาคยา, อา แซ่ลู แพ๊.
แว โคแบ๊ซว๊าโม ซี๋, ล๋อ แกแย เด๊อ อา เฮ๊ เน๊อ เป โอ่ เร๊อ แหย่โยบูโพ๊ แบ่เจ่ เฮ๊อ เต๊เห่เนอ, หยื่อเอ่ บูบย่า แลแค แต่เหม่. แซ่ฮู๊ ซี เก่ ซิเง เร๊อ ซิปล่อเออ เนอหม่า อา แฮ หม่าแหน่ เด๊อ จอแปแหร่ อา โอ่ แอ, หม่า อา แอ หม่าโต่ แอ เนอ เจแม๊ เหร่อ แลแค เหย่ซี นี๋, เมเตเฮ๊เรอ เด๊อ เห่ขุเออเนอ, เพรโพร อาก่าอาแปล โอ่โลแถ่ เอ๊ลู เฮ๊อ.
เบ๊อะซี แบ๊ซว๊าแบ๊โค โอ่ปล๊อโอ่ปลูโร๊ลู เหล่เอ่ เบ๊อะเนอ, แกแย เออเต๊เห่ แฮโนเม โตโพร๊ตาผร่า เกอ เร๊อ ซี. เหย่ซี เออเต๊เห่ เนอหม่า อาแซ่แพ๊ เร๊อ เพรเกซิหมิ เต๊เห่ เด๊อ อา แม๊ดุ แพ๊ตื๊อ อา เหล่เอ่น๊อ โอแด๊ อาเงแพ๊, เร๊อ อา เหล่ซิเตเร เนอ อา โอ่ เกอ แลแค อู เตอเจ๋อ โต่. เหย่ซี เนอหม่า อาแซ่เน๊อ อ๊อโหล่ เต๊เห่ เด๊อ อา โก จว๊าแก เร๊อ อา จือตา เป่ อู โต่ เนอเต๊เห่ แพ๊. เหย่ซี เออเต๊เห่เนอ อาแซ่เน๊อ ส่อเหมาะ เด๊อ อาเส่อาโพ เถ่ เกออู เร๊อ อาโตอาเบ่ โต่ เต๊เห่, เร๊อ อู ท๊อเถ่ เตเทหรุ่ยแก เฮ๊อ เหย่ซี เร๊อ อา เซอแก ลอ เฮ๊อ.
แว โคแบ๊ซว๊าโม ซี๋, เมแลเปล๊กา เด๊อ เป ล๋อ ปลี พย๊าหนิ โหร่ลอ ลู เออ อาหรี่อาแก เออเนอ, แว ซิหยื่อ ราจว๊า เป่ แหน่เจ๊อ ซี หม่าแน๊เรอ กู๊แหน่เออ แว แม๊เถอะ เร๊อ แว เบ่ ราจว๊าโค๊ เต๊เปล่ เป่เกอ ซี เด๊อ อาโร เต๊อเจ่อ. เร๊อ แว ซิหยื่อ เด๊อะอ๊าเด๊อะเหร่ หนิ ซี เร๊อ เตซิครือมีลา เด๊อ จอแปแหร่ เด๊อะตา เจ๊อ ตื๊อหื่อโต เป่เฮ๊อ เร๊อ ล๋อ อาแกแย เด๊อ อา หยื่อเอ่ เกอเร๊อ เออเต๊เห่เนอ, ซี เก่ ช๊าแตแน ฉื่อแร๊ อา นี๋.
แกแย เตเพรเพร เก่ เฮ๊ ซี เร๊อ แบ่เจ่ อาม๊อเนอ แฮโต่ โทเฮ๊อ เฮ๊เนอหม่า เป กุยซิยอ ซี๋, คย๊ายื๊อ ยู งย๊า แลแค แต่เหม่ นี๋, ต๊อหร่อเซ๊ ซิอิเช แลแค แต่เหม่ นี๋. อา เก่ เฮ๊ เป่ เจ๊อ ซี เนอ, จอแปแหร่ นอเฮ๊โพร หนื่ออื่อ แว เก่หม่าโต่เรอ อู แด๊โฉ่ ซิเงโล เป่ แว ฮู๊เนอ อา เฮ๊จ๊อ เบ่เบ่, เก่หม่าโต่เรอ อา เก่ เฮ๊ แลแค เร๊อ ลี แฮโต่ เด๊อ เป โอ่ ต๊าบ่า, อา เก่ เฮ๊จ๊อ ฮู๊เนอ เบ่เบ่ หยื่อเอ่ แลแค แต่เหม่ นี๋.
“เหล่เอ่ หม่า ฮ๊อกู อาเง, ฮ๊อกู หม่า เหล่เอ่ อาเง,” แกแย เต๊เห่เห่ เก่ เฮ๊ ฮู๊เนอ. หม่าแหน่ว๊า, หม่าแน๊เรอ เออเนอเจ่อเนอ จอแปแหร่ เก่ เมปย๊าแก ลอ ปา. เหน่กล่อ เออ. หม่า เหล่นอเอ่ เร๊อ เตปาต๊าเปอเตอ อาเง หม่าโต่. หม่าดื่อ เหล่นอเอ่ เร๊อ แบ่เจ่ อา เตซิหยื่อ นอเม เป เต๊เห่ อาเง แพ๊. เด๊อ แบ่เจ่ เออ อาขว่าอาคยาเร๊อ, ช๋า ช๊าโหน่ปา อา เก่ เม ก๊อถ่อกาคยา คยาแซ๊ เป เหน่กล่อ เออเนอ ปา.
โป่แหว่ ซี๋, ซี เก่ แม๊เถอะ แกแย เตเพรเพร เด๊อ อา เมซื๊อ เต เต๊อเจ่อเจ่อ เฮ๊เนอ, ซี เด๊อ อา โอ่เซอเพร ฮู๊ แหย่โยบูโพ๊ แบ่เจ่ ยูแกล๊ยูโกล หนิ ซี เออ เต๊เห่เนอ, ซี โหล่ จว๊า อิซว๊าอี๊แส่ กาคยา อา. ซี เบ่ อี๊ลอ ซิโดซิงา อา โทเรอ แซ่ฮู๊ ซี เก่ ครวาจว๊าเกอ แต่ เด๊อ อิลออี๊โหล่ อากู แต่เหม่ เนอ, รอหนิ แลแค ซีเหน่ นี๋.
ကြော်ငြာတွေ