ꤟꤤꤙꤚꤢꤨ 13:22 - ลีเทส่อพ๊าอาเซ เร๊อ เห่ขุทวาลู๊

²² แว โคแบ๊ซว๊า ซี, ลี เด๊อ แว รา เด๊อะอ๊าเด๊อะเหร่ ซี เออเนอ อา ทูลาน๊อโต่. โทเรอ แว กุยซิยอ ซี เด๊อ ซี เก่ แด่ทูซิปล่อ เร๊อ หนิดา แว เตเด๊อะอ๊าเด๊อะเหร่ ซี เออเนอ นี๋.

Eastern Kayah Shadaw Dialect

²² ꤠꤢꤧ꤭ ꤋꤥ꤭ꤙꤢꤧꤞꤝꤢ ꤞꤤ꤭, ꤜꤤ꤬ ꤘꤣ ꤠꤢꤧ꤭ ꤚꤢ꤭ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤞꤤ꤭ ꤣꤧ꤭ꤔꤣꤧ꤬ ꤢ꤬ ꤓꤢꤨ꤭ꤜꤥ꤬ ꤔꤢꤧꤒꤥ꤬꤯ ꤓꤥ꤭ꤚꤣꤧ꤬ ꤠꤢꤧ꤭ ꤊꤝꤤ꤭ꤞꤤꤛꤢꤪ꤬ ꤞꤤ꤭ ꤘꤣ ꤞꤤ꤭ ꤊ꤫ꤢꤦ꤬ ꤋꤢꤧꤞꤤꤕꤜꤢꤪ꤬ꤓꤢꤨ꤭ ꤚꤣꤧ꤬ ꤔ꤫ꤤ꤬ꤘꤢ꤭ ꤠꤢꤧ꤭ ꤒꤢꤩ꤬ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤞꤤ꤭ ꤣꤧ꤭ꤔꤣꤧ꤬ ꤔꤤ꤮꤯

ꤟꤤꤙꤚꤢꤨ 13:22 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 5:12

แว ราโผ่ เป่ แพ๊ ซี ลีเออ แพ๊. แว เด๊อะอ๊าเด๊อะเหร่ ซี, โทเรอ แว จ่าเพรอ แวซิปล่อ เร๊อ เตเออหม่า จอแปแหร่ อาบุ๊ยอาเตอเรอ หม่าแหน่ เจ๊อ. โอ่หม่าโอ่กลอ แลแค เด๊อ เตเออเนอ อากู นี๋. คูสิลาส เด๊อะ แว แด่ อา ฮู๊ แว โป่แหว่ เด๊อ อาจ๊อ เร๊อ อาโหง่เออ เตเพรเนอ, อา ราจว่า เป่เกอ แว ลีเออต๊าบ่า.

ꤟꤤꤙꤚꤢꤨ 3:1

ฮู๊เนอ อาขว่าอาคยา, โป่แหว่ ครี๊พู๊ เด๊อ จอแปแหร่ เอ๊ ซี เออเต๊เห๋ เตเน แม๊มอ แลแค เหย่ซู่ เด๊อ จอแปแหร่ นอแฮ ทวา ลู เน๊อ เพรเฮ๊โฉ่โด่แหน่ จอแปแหร่ อาลาอาโหง่ เน๊อ เพรหลู่แต กู่กล๊อดุเล๊อ เออเตเพรเนอ.

ꤊꤢ꤬ꤜꤢ꤬ꤒꤤ 6:11

กู๊แหน่เออ, แม๊ แลแค มอ! ลีปล่อดุ เออเต๊เห่ เนอหม่า แว รา เร๊อดื่อ เร๊อ แวเหน่ แพ๊.

โครินธ์ เนอบ่า ต๊าบ่า 6:1

เป หม่า เพรเมโหร่เต เร๊อ จอแปแหร่ เต๊เห่ อาขว่าอาคยา, เป กุย ซิยอ ฉว่า ซี เร๊อ ซี เก่ โอ่เซอเพร ฮู๊ จอแปแหร่ ซิหยื่อ นอโอ่เซอเพร ซีเนอ. ซี หม่า แกแย เด๊อ อา พย๊าหนิ โทเฮ๊อ จอแปแหร่ อาบุ๊ยอาเตอเรอ เต๊เห่ เฮ๊อ อาขว่าอาคยา, ซี เบ่ โอ่เซอเพร แลแค ฮู๊เนอ.

โครินธ์ เนอบ่า ต๊าบ่า 5:20

ฮู๊เนอเรอ, กู๊แหน่เออ เป ทวา เป่ เพรเฮ๊เบ่เต เด๊อ ครี๊ อาเหล่โอ่. จอแปแหร่ อาเหน่แบ่เจ่ เร๊อดื่อ นอกุยซิยอ แฮเง เป เร๊อ ซี เด๊อ ซี เก่ หนิดา เป เตเฮ๊โฉ่โด่แน ซี เออ. เป กุยซิยอ ซี เด๊อ ครี๊ อามุยกู เร๊อ ครี๊ เก่ เมทวาแถ่ คยา ซี เร๊อ จอแปแหร่ อา โคแบ๊ซว๊า เต๊เห่.

ꤟꤤꤙꤚꤢꤨ 4:11

เป เพอโพ เด๋อ งย๊าเค เต๊เห่เนอ, อา ย๊อ หนิดา เกอ จอแปแหร่ อาโหง่ โต่ อาขว่าอาคยา, อา โนหนิ เกออู เด๊อ จอแปแหร่ เหล่โอ่โก๊ เตเบ๊ซิพร๊า อาเหล่โอ่ เออเนอ โต่. แซ่ฮู๊ เป เก่ ครวาแม๊บือ เกอ แต่ เปเพอเปโพ เตเพร่ว แต่เหม่, โท๊โต่ แซ่ฮู๊ เป เก่ โนหนิ เกออู เด๊อ เหล่โอ่โก๊ เตเบ๊ซิพร๊า อาเหล่โอ่ เออ อาเงเนอ, เป เตเพร เร๊อ เตเพร เก่ แอ๊จื๊อ แร๊ ตื๊อดื่อ โหร่ลู โป๋.

ꤟꤤꤙꤚꤢꤨ 4:1

จอแปแหร่ อ๊อแล ตื๊อดื่อปา เป โต่กู๊แหน่ เน๊อ เป เก่ โนหนิ เด๊อ เหล่โอ่โก๊ เตเบ๊ซิพร๊า อาเหล่โอ่ เออเนอปา. แซ่ฮู๊ ซี ปว๋า เตเพร เก่ โนหนิ เกอ เด๊อ เหล่โอ่โก๊ เตเบ๊ซิพร๊า เด๊อ จอแปแหร่ อ๊อแล เออ อาเงเนอ, เป เบ่รอเร๊อ แลแค เปเหน่.

ꤟꤤꤙꤚꤢꤨ 2:1

เด๊อ เป ซิเงเฮ๊อ เร๊อ จอแปแหร่ อาพู๊คู หม่า อาดุอาแย ฮู๊เนอ อาขว่าอาคยา, แซ่ฮู๊ เป เก่ จว๊าโค๊แก เตหมะเตจ๊อ เด๊อ เป หนิโฮ โทเฮ๊อ เออเนอ แต่เหม่ อาเงเนอ, เป เบ่ แด่หยื่อเล๊อ อา.

โครินธ์ เนอบ่า ต๊าบ่า 10:1

เต๊เห่เห่เนอ อา เฮ๊ แลแค แว เน๊อ เบ๊อะแว เฮ๊เบ่ฉื่อ เร๊อ ซี เบ๊อะเนอ, แว โต๊โหร่ แพ๊ หม่าแน๊เรอ เบ๊อะแว รา เร๊อ ลี เบ๊อะเนอ, แว เฮ๊เบ่ฉว่าเฮ๊เบ่ชอ แหน่เจ๊อ, อา เฮ๊ แลแค แว ฮู๊เนอ. หม่าแน๊เรอ แว เหน่แบ่แจ่ เร๊อดื่อ แว กุยซิยอ ตื๊อดื่อ เจ๊อ ซี เร๊อ เตซิโดซิงา, เตแด่ทูซิปล่อ ฮู๊ ครี๊ เด๊อะโล เป่ โทเฮ๊อ เป เออเนอ เต๊เห่ เจ๊อ.

เพรโด่แนพู๊ เต๊เห่ 13:15

เบ๊อะอู แด๊แถ่โทเฮ๊อ คูโมเสส อาลี เตซว๊าเตแส่ เร๊อ ลี เด๊อ เพรโพร ราหนื่ออื่อ เนอเต๊เห่ เบ๊อะเนอ, เตจ๊อเบโฮ กู่กล๊อ เต๊เห่ นอจว๊าแด๊เฮอ แกแย เตเพร เร๊อ เหย่ซี เร๊อ อา เฮ๊ เหย่ซี เน๊อ, “โป่แหว่ ซี๋, ซี เหล่เด๊อะอ๊าเด๊อะเหร่ แกแย เบ๊หมู่ เออเต๊เห่ เก่ โอ่ ตือมือมือ เฮ๊เรอ, เป ซิ๊หยื่อ นอเด๊อะอ๊าเด๊อเหร่ ซี.”

เอเฟซัส 3:3

จอแปแหร่ เด๊อะโล เป่ แว เร๊อ เตอาจ่ออาแย เด๊อ อู ซิเงทว๊า โต่ เออเนอ, แว ราโล ซิเงจว๊า เป่ โทเฮ๊อ ซี เด๊อ ลีเออต๊าบ่า อากูเนอ ตอกอตี๊กิ เฮ๊อ.

ꤟꤤꤙꤚꤢꤨ 12:5

จอแปแหร่ เด๊อะอ๊าเด๊อะเหร่ ซี ฮู๊ อาพู๊ เน๊อ อาเหน่ เนอหม่า ซี โชตาปา เฮ๊อ แอ? อา เฮ๊ ซี เน๊อ, “เก๋อ แวพู๊ ซี๋, เบ๊อะแบ่เจ่ ซิพรวา อิซว๊าอี๊แส่ แร๊กา ซี เบ๊อะเนอ, แด่หยื่อ อา เตซิพรวา อิซว๊าแร๊ ซี เออเนอ นี๋. เบ๊อะอา ซิพรวา ซี เบ๊อะเนอ, ซิปล่อปย๊า แต่ แลแค แต่เหม่ นี๋.

ꤟꤤꤙꤚꤢꤨ 13:19

เร๊อ ซี กุยจ๊อเบ เบ๊อะเนอ, แว กุยซิยอ ตื๊อดื่อ เจ๊อ แหน่เจ๊อ ซี เน๊อ แซ่ฮู๊ จอแปแหร่ เก่ ซูกาคยา เล๊คยาแซ๊ แว เด๊อ ซีโอ่ เนอเรอ, กุย จ๊อเบฉว่าฉว่า เป่ โป่ แลแค เด๊อ แวเง นี๋.