ꤟꤤꤙꤚꤢꤨ 13:18 - ลีเทส่อพ๊าอาเซ เร๊อ เห่ขุทวาลู๊

¹⁸ กุยจ๊อเบ เป่ โป่ แลแค เด๊อ เปเง. เป ซิเง ตาเต เจ๊อ เน๊อ เด๊อ เป ซิปล่อ ฮ๊อกู เออเนอ โมโม๋ อา โม แพ๊, อา แด่ เตซื๊อ เน๊อ เป เตอเจ๋อ โต่. โทเรอ เป เมเต อิเตเต๋ เบ่เบ่, เป ซิหยื่อ เมโชชื่อแพ๊ เต เด๊อ อาโต เต๊เห่ ปว๋า โตโพ๊ เจ๊อ.

Eastern Kayah Shadaw Dialect

¹⁸ ꤊꤝꤤ꤭ꤡꤢꤪꤙꤢꤩ꤭ ꤕ꤫ꤢꤩ꤬ ꤕ꤫ꤥ꤬ ꤜꤢ꤭ꤋꤢꤧ꤭ ꤘꤣ ꤕꤢꤩ꤬ꤑꤢꤩ꤭꤯ ꤕꤢꤩ꤬ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤡꤣꤧ ꤔꤢꤧ ꤘꤣ ꤕꤢꤩ꤬ ꤞꤤꤕꤜꤢꤪ꤬ꤊꤢꤨ꤭ ꤣꤧ꤭ꤔꤣꤧ꤬ ꤗꤥ꤬ꤗꤥ꤬꤮ ꤢ꤬ ꤗꤥ꤬ ꤖꤢꤧ, ꤢ꤬ ꤘꤢꤧ꤬ ꤒꤢꤩ꤬ꤞꤢꤦ ꤔꤢꤧ ꤕꤢꤩ꤬ ꤒꤣ꤬ꤡꤣ꤬꤮ ꤒꤥ꤬꤯ ꤓꤥ꤭ꤚꤣꤧ꤬ ꤕꤢꤩ꤬ ꤗꤢꤩ꤬ꤒꤢꤩ꤬ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤕꤢꤩ꤬ ꤞꤤꤛ꤫ꤢꤦ꤬ ꤗꤢꤩ꤬ꤏꤥ꤭ꤏꤢꤦꤖꤢꤧ ꤒꤢꤩ꤬ ꤘꤣ ꤢ꤬ꤒꤥ꤭ ꤒꤣꤧ꤬ꤟꤢꤩ꤬ ꤕꤝꤢ꤭꤮ ꤒꤣ꤬ꤖꤥ ꤡꤣꤧ꤯

ꤟꤤꤙꤚꤢꤨ 13:18 ပူးပေါင်းရင်းမြစ်များ

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:25

โป่แหว่ ซี, กุยจ๊อเบ โต่ เป่เกอ แลแค เปเง นี๋.

เธสะโลนิกา เนอบ่า ต๊าบ่า 3:1

เป โป่แหว่ ซี๋, เป ซิหยื่อ เฮ๊โฉ่แก ซี เด๊อ คยา ตื๊อดื่อ เนอ, แซ่ฮู๊ แบ่เจ่ อา เตซิครือมีลา เก่ โลปีชีจว๊า แพรแพร อาเงเนอ, กุยจ๊อเบ เป่ เกอ เด๊อ เปเง นี๋. โท๊โต่ ฮู๊ ซี พย๊าฉื่อ โทเฮ๊อ เตซิครือมีลา เออเนอ เร๊อ เด๊อ เตแด่หยื่อแด่แหน่ อากูเนอ, แซ่ฮู๊ อู เก่ พย๊าฉื่อ แซ่เกอดื่อ ฮู๊ ซี พย๊าฉื่อ เออเนอเนอ, กุยจ๊อเบ เป่ เกอ โป่ แลแค เด๊อ เปเง นี๋.

ทิโมธี อาเหร่อเล๊อ ต๊าบ่า 1:5

เตเฮ๊ตา โหง่เออ อา เหล่เซเร แม๊ชือ หม่า แซ่ฮู๊ อา เก่ ถู่แรแถ่ เตโม อาเง เนอแพ๊. เตโม เออเนอหมา อา แฮเถ่ เด๊อ แกแย ซิปล่อ เนอเต๊เห่ อากู. โทเรอ อา แฮเถ่ เด๊อ แกแย โอ่ เร๊อ เตซิเง เตแร๊ เร๊อ เตมู๊แหม่ เร๊อ อา นว๊าพย๊า เต เด๊อ อาแร๊ เนอเต๊เห่ อากู. โท๊โต่ อา แฮเถ่ เด๊อ แกแย โอ่ เร๊อ เตหยื่อเตแหน่ หม่าแหน่ เนอเต๊เห่ อากู.

โคโลสี 4:3

เด๊อ เนอเคหม่า แกแย เต๊เห่ ซิเง ครี๊ อาหรี่อาแก โต่. จอแปแหร่ ด๊อโอ๊ด๊อบี๊ เร๊อดื่อ ครี๊ อาหรี่อาแกเออ. หม่าแน๊เรอ กู๊แหน่เออ เตด๊อโอ๊ด๊อบี๊ เออเนอ อา โอ่โลแถ่ เฮ๊อ. แซ่ฮู๊ จอแปแหร่ เก่ บ๊อโม หนิเป่ เปแกล๊ เด๊อ เป เก่ แด๊โฉ่โด่แน หนิเป่ อู เร๊อ ครี๊ อาหรี่อาแก เออเนอเร๊อ, กุยจ๊อเบ เป่เกอ แลแค เด๊อ เปเง นี๋. มู๋ หนู่เคหม่า เตด๊อโอ๊ เออเนอ, อา โอ่โลแถ่ แต๋โต่, ตื๊อดื่อเรอ กู๊แหน่เออ อา โอ่โลแถ่ เฮ๊อ. เด๊อ แว โด่แน เป่ อู เน๊อ ครี๊ อาหรี่อาแก อาขว่าอาคยา, อู ด๊อตา แว เด๊อ ทอกู แพ๊.

ꤚꤥꤗꤢꤩ꤬ 15:30

โป่แหว่ ซี๋, เด๊อ เป แบ่เจ่ เหย่ซู่ครี๊ เร๊อ แหย่โยบูโพ๊ แบ่เจ่ อาเตโม อาขว่าอาคยา, แว กุยซิยอ ซี เร๊อ ซี เก่ กุยจ๊อเบ โหร่โต่เกอ เร๊อ แว ปา, เร๊อ ซี เก่ กุยจ๊อเบแถ่ เป่เกอ แว เด๊อ จอแปแหร่ อา โอ่ ปา. เร๊อ ซี เก่ กุยจ๊อเบ ลอซิปล่อเตเมลอ เป่เกอ เด๊อ แวเง ปา นี๋.

เปโตร อาเหร่อเล๊อ ต๊าบ่า 3:21

ซี เจ ซีเหน่ เร๊อ เทอ เออเนอหมา, อา เด๊อะโล แบ๊บือ เฮ๊อ เทอ เด๊อ เพโนอาห์ ทือเค เนอ เนอ, จอแปแหร่ เมแลเปล๊กา เฮ๊อ ซี กู๊แหน่เออ เนอแพ๊. ซี เจ ซีเหน่ เร๊อ เทอ เนอหม่า อา ซู๊ปลีแก เหน่กล่อ กู่เขร่อ เนอ หม่าโต่. หม่าแน๊เรอ, อาเจอูเทอ เออเนอหมา หม่าดื่อ เตอ๊อแล จอแปแหร่ เร๊อ ซี เก่ เม อาเต เด๊อ ซิปล่อ อาโพ๊อาแปละ อากู ฮู๊เนอแพ๊. เหย่ซู่ครี๊ ย๋อ เซอ เร๊อ อา เซอเพร กาคยา อาขว่าอาคยา, ซี เจ ซีเหน่ เร๊อ เทอ เนอหม่า อา เมแลเปล๊กา ซี แพ๊.

เปโตร อาเหร่อเล๊อ ต๊าบ่า 3:16

ซี ซิปล่อ เก่ เฮ๊แลหนิ ซี เร๊อ ซีเตซื๊อ โอ่โต่ เฮ๊เนอ, ตูรู๊ เม แฮเง ลา นี๋. ซี เก่ เมฮู๊เนอ เฮ๊เรอ แกแย เด๊อ อา เฮ๊บูเฮ๊บย่า, อา เฮ๊ มู๊แหม่รีแจ่ ซี เตโอ่แซแร แร๊ เด๊อ ครี๊ อากู เออเต๊เห่เนอ, อา เก่ ซิเตเร เกอเร๊อ คยาดื่อ เร๊อ อา เตเฮ๊เบ่เฮ๊โช อาคยา ปา.

เปโตร อาเหร่อเล๊อ ต๊าบ่า 2:12

เบ๊อะซี โอ่เซอเพร เด๊อ เมวจ่อโรพู๊ เด๊อ อา หยื่อเอ่ เกออู จอแปแหร่ โต่ เออเต๊เห่ อาเกล, เร๊อ อา แด่ เตซื๊อ ซี เร๊อ ซี หม่า แกแย เด๊อ อา เม เตมู๊แหม่รีแจ่ เบ๊อะเนอ, โอ่เซอเพร แซแร แร๊ แลแค ซีเหน่ นี๋. เหย่ซี เก่ แม๊เถอะ ซี เตแรแร๊ เต๊เห่ ปา เร๊อ ช๋า จอแปแหร่ แฮแล อาม๊อเนอ ปา เตอเนอเนอ, อา เก่ แด่ดุแด่หยื่อ ลู ปา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:12

แซ่ฮู๊ แกแย เด๊อ อา หยื่อเอ่แหน่ เกอแต่ลา จอแปแหร่ โต่ เต๊เห่ เก่ แม๊เถอะ ซี เตโอ่เซอเพร เร๊อ เหย่ซี เก่ แด่หยื่อ ซี, โท๊โต่ เต เด๊อ ซี โหล่เอ่โหล่โอ เต๊เห่เนอ, แซ่ฮู๊ ซี เก่ ซิเลแถ่หนิ แต่ อูโร แต่เหม่เนอ, เม แลแค ฮู๊ เป เฮ๊ ซี เนอ นี๋.

เพรโด่แนพู๊ เต๊เห่ 24:16

แซ่ฮู๊ แว ซิปล่อ อา เตเตเนเออ อา เก่ โพ๊แปละ เด๊อ จอแปแหร่ เน๊อ แกแยเห่ขุพู๊ อา เป๊เส่เง เนอ, แว แอ๊จื๊อ เมเต อาแร๊ ตื๊อดื่อ ปว๋า โตโพ๊ เจ๊อ.

เพรโด่แนพู๊ เต๊เห่ 23:1

คูเปาโล แม๊จว๊าโต แกแยยิวพู๊ เด๊อ อา ทวาดุทวาเต เออเต๊เห่ เร๊อ อา เฮ๊ เหย่ซี เน๊อ, “แว โป่แหว่ ซี๋, เด๊อ แว ซิปล่อกูเนอ อา เด๊อะโล แว เร๊อ แว เตโอ่เซอเพร เด๊อ จอแปแหร่ อา เป๊เส่เงเออ, โต่กู๊แหน่เนอ, อาโพ๊อาแปละ เล๊อบา ลอปลี แพ๊.”

ฟีลิปปี 4:8

โป่แหว่ซี๋, หนิดา แลแค แว เตเฮ๊เบ่ เด๊อคยา ตื๊อดื่อเล๊อ เออเต๊เห่ นี๋. เด๊อ ซี ซิปล่อกู เนอ ซี โต เตเน แคร๋ ฮู๊เตเฮ๊เนอ, ซี โต เตเน ตื๊อแพ๊ เตเด๊อ อาหม่าอาจ๊อ เต๊เห่, เตเด๊อ อู แด่หยื่อแด่แหน่ อา เต๊เห่, เตเด๊อ อาโตอาเบ่ เต๊เห่, เตเด๊อ อา โพ๊แปละโพ๊ เต๊เห่, เตเด๊อ อู ซิหยื่อโมเร๊อ เต๊เห่, เตแด่ซิปล่อสู่เทอ เด๊อ อาตว่าอาแร๊ เต๊เห่, เตเด๊อ อาแร๊ แหน่เจ๊อ เต๊เห่, เตเด๊อ อู โตเบ่ ถู่เซ๊แถ่ เต๊เห่ เนอแพ๊ นี๋.

โครินธ์ เนอบ่า ต๊าบ่า 1:12

หม่าเมเตเรอ เป เฮ๊เบ่แถ่โล บื่อ เปโหง่ เฮ๊เรอ, เด๊อ เป ซิปล่อกูเออ เป ซิเง ตาเต เร๊อ เป เมซื๊อเมปล๊า, เป เฮ๊ซื๊อน๊อ อู เตเพร่ว โต่, โท๊โต่ เป แด่ จ๊อจื้อแพ๊ เป ซิปล่อสู่เทอ เด๊อ ซีขุ แพ๊. เป เมฮู๊เออ เนอหม่า หม่า เด๊อ จอแปแหร่ อาบุ๊ยอาเตอเรอ อา เตโพร อาขว่าอาคยา แพ๊, หม่าเด๊อ แกแย เห่ขุพู๊ อา เตลีแมลีเพ๊ อาขว่าอาคยา เนอ หม่าโต่.

ꤚꤥꤗꤢꤩ꤬ 13:13

เออโตโพ๊เรอ, เป โอ่เซอเพร แซแร เอ่โอ เกออู ฮู๊ แกแย เด๊อ อา โอ่เซอ เพร เด๊อ เหมาะเชเกล เนอเต๊เห่ โป๋. เม ตอปลอแลยอ ป่วย เบ่เบ่, เอ่มือโอแพร๊ เบ่เบ่, สุ่ยหย่าเทอ อา เตซิหยื่อ มู๊แหม่ เต๊เห่ เบ่เบ่, เตเตเน ปาต๊าเปอเตอ เต๊เห่ เบ่เบ่, เตเตกย๊าตางา ลู เต๊เห่ เบ่เบ่, เตเตเน ซิเคว๊ ลู เต๊เห่ เบ่เบ่, เป เมปาโต่ เฮ๊อ โป๋.

ꤚꤥꤗꤢꤩ꤬ 12:17

แกแย เด๊อ อา เมจาเมจือ เน เนอ, เมจา เมจือฉื่อ แต่ เหย่ซี แต่เหม่ นี๋. เตเม เด๊อ อู ปว๋า เตเพร เตเน เร๊อ อาแร๊ เต๊เห่เนอ, แอ๊จื๊อ แม๊ปูเม แลแค เตเม ฮู๊เนอ เต๊เห่ นี๋.