ꤟꤤꤙꤚꤢꤨ 13:1 - ลีเทส่อพ๊าอาเซ เร๊อ เห่ขุทวาลู๊

¹ โมแฮเง เกอเร๊อ แลแค ลู เตเพร เร๊อ เตเพร ฮู๊ ครี๊พู๊ โตเบ่ โม เกอเร๊อ ลู เตเพร เร๊อ เตเพร เนอ นี๋.

Eastern Kayah Shadaw Dialect

¹ ꤗꤥ꤬ꤟꤢꤧ꤭ꤑꤢꤩ꤭ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤟꤢꤨ ꤋꤚꤤꤖꤢꤨ ꤒꤥ꤭ꤙꤢꤩ꤬ ꤗꤥ꤬ ꤚꤣꤧꤘꤢꤦ꤬ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤣꤧ꤬ ꤔꤤ꤮꤯

ꤟꤤꤙꤚꤢꤨ 13:1 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:20

แกแย เตเพรเพร เก่ เฮ๊ เน๊อ, “แว โม จอแปแหร่,” หม่าแน๊เรอ อา เก่ ซิเถ่ ปาแพ๊ อาโป่แหว่ ครี๊พู๊ เฮ๊เนอหม่า, อา หม่า แกแย แลโฮ แพ๊, เมเตเฮ๊เรอ อา แม๊เถอะน๊อ เจ๊อ อาโป่แหว่ ครี๊พู๊ เร๊อ อาเป๊เส่ เร๊อดื่อ เจ๊อ หม่าแน๊เรอ อา เก่ โมเร๊อ โต่ เฮ๊เนอหม่า, จอแปแหร่ เด๊อ อา แม๊เถอะน๊อ โตโพ๋ โต่, เออเตเพรเนอ, “แว โม จอแปแหร่,” อา จว๊า เฮ๊แจ่ ฮู๊เต?

เปโตร อาเหร่อเล๊อ ต๊าบ่า 3:8

แว ซิหยื่อ เฮ๊ โป่ ซี เด๊อคยาเล๊อ เนอ, ซี ปว๋า เตเพร โตเบ่ โอ่ลู เร๊อ เหล่เตเน เต๊อเจ่อโต, เตแด่ซิปล่อสู่เทอ เตอเจ๋อโต นี๋. โม เกอเร๊อ เกอลู เตเพร เร๊อ เตเพร ฮู๊ โป่แหว่ เนอ นี๋. ซิยอ เกอเร๊อ ลู เตเพร เร๊อ เตเพร เร๊อ แด่หยว่า แลแค ซี ซิปล่อ เตเพร เร๊อ เตเพร นี๋.

เปโตร อาเหร่อเล๊อ ต๊าบ่า 1:22

กู๊แหน่เรอ เด๊อ ซี จูเอ่ เฮ๊อ จอแปแหร่ อา เตอิซว๊า อา เตหมะเตจ๊อ เต๊เห่ อาขว่าอาคยา, ซี เมโพ๊เมปลี เฮ๊อ ซี ซิปล่อ เร๊อ ซี ทวา เฮ๊อ แกแย เด๊อ อา โมหนิ หม่าแหน่ เจ๊อเฮ๊อ โป่แหว่ ครี๊พู๊ เออเต๊เห่ เฮ๊อ. เมฮู๊เนอเรอ โมลอ แคลูเน๊อ ซิปล่อซีเม เตเพร เร๊อ เตเพร นี๋.

เปโตร เนอบ่า ต๊าบ่า 1:7

เด๊อ เตโอ่เซอเพร โตเบ่ เร๊อ จอแปแหร่ อาขุเนอ, แด่ปล๊อ เอ๊แถ่โป่ เตโมเร๊อ โป่แหว่, เด๊อ เตโมเร๊อ โป่แหว่ อาขุเนอ, แด่ปล๊อ เอ๊แถ่โป่ เตโมเตเกล นี๋.

เปโตร อาเหร่อเล๊อ ต๊าบ่า 2:17

แด่หยื่อแด่แหน่ แลแค อู ปว๋า เตเพร นี๋. โมเร๊อ แลแค ซี โป่แหว่ ครี๊พู๊ เต๊เห่ นี๋. ซิอิเช แลแค จอแปแหร่ เร๊อ แด่หยื่อแหน่ ลู นี๋. แด่ดุหยื่อแหน่ แลแค คุ๊ยดุ นี๋.

ꤟꤤꤙꤚꤢꤨ 10:24

เป เตโม เกอเร๊อ ลู เตเพร เร๊อ เตเพร เออ, แซ่ฮู๊ อา เก่ โอ่ เอ๊แถ่ เร๊อ โอ่ เอ๊แถ่ เนอ, แซ่ฮู๊ เป เก่ เมเต เด๊อ อาแร๊ เต๊เห่ อาเงเนอ, เป เก่ เตเน เป่เกอ อู เด๊อ เป เก่ เด๊อะอ๊า เด๊อะเหร่ เกอเร๊อ ลู เตเพร เร๊อ เตเพร ฮู๊เต อาหรี่อาแก เออเต๊เห่เนอ แพ๊ โป๋.

เธสะโลนิกา เนอบ่า ต๊าบ่า 1:3

โป่แหว่ ครี๊พู๊ ซี๋, เป ซิเงแถ่เบ่ ซี เบ๊อะเกเต๋ เบ่เบ่ เนอ, เป เบ่ เฮ๊บุ๊ยเฮ๊เตอเรอ เจ๊อ จอแปแหร่ เด๊อ ซีเง ปว๋า โตโพ๊ เจ๊อ, เมเตเฮ๊เรอ ซี เตหยื่อเตแหน่ เร๊อ ซี เตโมเร๊อ ลู เตเพร เร๊อ เตเพร เนอ, อา ดุแถ่ เร๊อ ดุแถ่ อาขว่าอาคยา, เป โตเบ่ เฮ๊บุ๊ยเฮ๊เตอเรอ แหน่ เฮ๊อ.

เปโตร อาเหร่อเล๊อ ต๊าบ่า 4:8

เด๊อ เตล๋อ ปลี อาเกลเนอ, เตโม หม่าแหน่ ลู เตเพร เร๊อ เตเพร เนอหม่า อา โหล่ดุเล๊อ อู เฮ๊อ, เมเตเฮ๊เรอ เตโมเนอ อา ปลวาแก เอ๊แหน่เจ๊อ เตซื๊อ.

ꤊꤢ꤬ꤜꤢ꤬ꤒꤤ 5:22

หม่าแน๊เรอ แหย่โยบูโพ๊ แบ่เจ่ เนอหม่า อา เด๊อะ โอ่แถ่ เตโม, เตซิครือซิลอ, อาเพรอาดือ, เตแด่ทูซิปล่อ, เตซิยอกล่าเบ่, เตตว่าเตแร๊, เตจูลาพย๊าโหง่,

ꤊꤢ꤬ꤜꤢ꤬ꤒꤤ 5:13

แว โป่แหว่ ซี๋, แซ่ฮู๊ ซี เก่ พย๊าหนิ เตปาลา อาเงเนอเรอ, จอแปแหร่ เอ๊เฮ๊อ ซี เฮ๊อ. หม่าแน๊เรอ เด๊อ ซี พย๊าหนิ เตปาลา เออ อาขว่าอาคยาเร๊อ, นอเป๊อ แต่ ซีเหน่ เร๊อ ซี สุ่ยเทอพ๊าหย่า อา เตซิหยื่อซิลอ เนอเต๊เห่ แต่เหม่ นี๋. หม่าแน๊เรอ, ซี โต โม เกอเร๊อ ลู เตเพร เร๊อ เตเพร, ซี โต เมจว่าเกอ เกอเร๊อ ลู เตเพร เร๊อ เตเพร.

เตเด๊อะโลแถ่ 2:4

“หม่าแน๊เรอ แว เหล่แด่เตซื๊อ เด๊อ เนโอ่ เนอ อาโอ่ เต๊อเจ่อ, อาโอ่ ฮู๊เตเฮ๊เร๊อ เน โม แว กู๊แหน่เออเนอ อา แซ่ ปา เร๊อ เน โม แว เด๊อ อาเหร่อเค เนอโต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:23

จอแปแหร่ เฮ๊แก อาโหง่ เร๊อ อา เฮ๊ เนอ, เป เบ่ หยื่อเอ่ อาพู๊คู เหย่ซู่ครี๊ อามุย เร๊อ เป เก่ โม เกอเร๊อ แคลู เตเพร เร๊อ เตเพร ฮู๊ อา เฮ๊แก โทเฮ๊อ อาโหง่ เร๊อ เป เออเนอ.

ꤊꤢ꤬ꤜꤢ꤬ꤒꤤ 5:6

เมเตเฮ๊เรอ เบ๊อะซี ทวาแถ่เฮ๊อ เตเตอเจ๋อโต เร๊อ เหย่ซู่ครี๊ เบ๊อะเนอ, เตดื๊อตีลี๊พ๊า เบ่เบ่, เตดื๊อตีลี๊พ๊า โต่ เบ่เบ่, อา ทวาบุ๊ยทวาเตอเรอ เน๊อ เตอเจ๋อ โต่. เต เด๊อ อา ทวาบุ๊ยทวาเตอเรอ เล๊ออูโค เนอหม่า, เตหยื่อเตแหน่ เด๊อ อา เด๊อะโล เตโม จอแปแหร่ เร๊อ อูโร เออเนอ แพ๊.

ꤛꤥ꤭ꤟꤢ꤬ 15:17

แว โหง่เฮ๊แก เออเนอหมา หม่าเฮ๊อ โม เกอเร๊อ ลู เตเพร เร๊อ เตเพร เออเนอเฮ๊อ.”

เอเฟซัส 5:2

ซี โต โอ่เซอเพร แลแค ฮู๊เต เฮ๊เนอหม่า, โมหนิเร๊อ แลแค อูโร ปว๋า เตอเนอ แซ่เน๊อ ครี๊ โม หนิเกอเร๊อ เป เร๊อ อา ข่าเซอ อาซิปล่อ เด๊อ เปเง เนอ นี๋. โท๊โต่ ครี๊ หลู่แถ่ อา ซิปล่อเซอเพร เด๊อ จอแปแหร่ อา เป๊เส่เง แซ่เน๊อ เตโนมื๊อโนชือ เด๊อ อาโต จอแปแหร่ อาซิปล่อ เออเนอ เฮ๊อ.

เอเฟซัส 4:3

แหย่โยบูโพ๊แบ่เจ่ เมปล๊อเมจือ เฮ๊อ ซี เฮ๊อ. แซ่ฮู๊ ซี เก่ โอ่ปล๊อโอ่จือ ตื๊อดื่อ เต่อลู อาเงเนอ, แอ๊จื๊อ โอ่เซอเพร แลแค เด๊อ อาเพรอาดือ อากู นี๋.

เพรโด่แนพู๊ เต๊เห่ 4:32

เพร เด๊อ อา หยื่อเอ่แหน่หยื่อรี เต๊เห่เนอ เหย่ซี โอ่ลู เร๊อ ซิปล่อ เตเม๋ จือ, เตเตเน เต๊อเจ๋อลู. เหย่ซี ตาหมื่อตาเต เต๊เห่เนอ เหย่ซี แด่กว๊า เกอเร๊อ แลแค เร๊อ อาเต เตเพร่ว โต่. เตเด๊อ อา โอ่ เร๊อ เหย่ซี เต๊เห่เนอ เหย่ซี เอ่โหร่พย๊าโหร่ แคลู.

เพรโด่แนพู๊ เต๊เห่ 2:1

เบ๊อะม๊อเนอ เด๊อ อู เฮ๊ เร๊อ เพ็นเทคอสต์ แฮโต่เฮ๊อ เบ๊อะเนออาเค, เหย่ซี ล๋อ ปลี แฮ โอ่ปล๊อโอ่ปลู โหร่ลอ ลู เด๊อ เหล่โอ่ โต๊โผ่โต.